ଗିଫ୍ଟ କାର୍ଡ ସ୍କାମ: କେତେବେଳେ ନିଜର ସୂଚନା ଶେୟାର କରିବା ଉଚିତ ତାହା ଜାଣିରଖନ୍ତୁ

ଯଦି ଆପଣଙ୍କୁ ପେମେଣ୍ଟ କରିବାକୁ ପଡ଼େ, ତେବେ ଆପଣ ଏହା କିପରି କରିବେ? ସାଧାରଣତଃ ସର୍ବୋତ୍ତମ ପଦ୍ଧତି ହେଉଛି UPI କିମ୍ବା ବ୍ୟାଙ୍କ ଟ୍ରାନ୍ସଫର ମାଧ୍ୟମରେ ପେମେଣ୍ଟ କରିବା। ଯଦି ଆପଣଙ୍କୁ ଗିଫ୍ଟ କାର୍ଡ ମାଧ୍ୟମରେ ପେମେଣ୍ଟ କରିବାକୁ ଫୋନ କଲ ଆସେ, ତେବେ ଆପଣ କ’ଣ  କରିବେ?

ସଂକ୍ଷିପ୍ତ ବିବରଣୀ: 

ଗିଫ୍ଟ କାର୍ଡ କିମ୍ବା ବିଶେଷକରି ଇ-ଗିଫ୍ଟ କାର୍ଡ ଏବେ ଏକ ଲୋକପ୍ରିୟ ଉପହାର ବିକଳ୍ପ ପାଲଟିଛି ଯାହା ଜନ୍ମଦିନ, ବିବାହ ଏବଂ ଅନ୍ୟାନ୍ୟ ଶେଷ ମୁହୂର୍ତ୍ତର ଉପହାର ପାଇଁ ସବୁଠାରୁ ପସନ୍ଦଯୋଗ୍ୟ ବିକଳ୍ପ ହୋଇଯାଇଛି। ଯେହେତୁ ଗିଫ୍ଟ କାର୍ଡଗୁଡ଼ିକରେ କୌଣସି ନାମ ଲେଖାଯାଏ ନାହିଁ, ସେଗୁଡ଼ିକୁ ଖୋଜି ପାଇହେବ ନାହିଁ ଏବଂ ଏହା ସ୍ଥାୟୀ ଭାବରେ କୌଣସି ଗୋଟିଏ ବ୍ୟକ୍ତିଙ୍କ ସହିତ ଲିଙ୍କ ହୋଇନଥାଏ, ତେଣୁ ଠକମାନେ ଏହା ମାଧ୍ୟମରେ ଲୋକମାନଙ୍କୁ ନିଜ ଜାଲରେ ଫସାଇବା ପାଇଁ ବ୍ୟବହାର କରନ୍ତି। ଏହାର ସୁଯୋଗ ନେଇ ସେମାନେ ନିରୀହ ଲୋକଙ୍କ ଟଙ୍କା ଠକି ନିଅନ୍ତି।

ଆଜିକାଲି ଗିଫ୍ଟ କାର୍ଡ ସ୍କାମ ବଢ଼ିବାରେ ଲାଗିଛି, ତେଣୁ ଏହା କିପରି କାମ କରେ ତାହା ବୁଝିବା ଗୁରୁତ୍ୱପୂର୍ଣ୍ଣ ଯାହା ଦ୍ୱାରା ଆପଣ ଆପଣଙ୍କର ଟଙ୍କା ଏବଂ ଆପଣଙ୍କର ବ୍ୟକ୍ତିଗତ ସୂଚନାକୁ ସୁରକ୍ଷିତ ରଖିପାରିବେ।

ଆସନ୍ତୁ ଗିଫ୍ଟ କାର୍ଡ ସ୍କାମ ବିଷୟରେ ଜାଣିବା – ସେଗୁଡ଼ିକ କ’ଣ, ସେଗୁଡ଼ିକ କିପରି କାମ କରେ ଏବଂ ସେଗୁଡ଼ିକଠାରୁ କିପରି ସୁରକ୍ଷିତ ରହିବେ।

ଗିଫ୍ଟ କାର୍ଡ ସ୍କାମ କ’ଣ ଅଟେ?

ଗିଫ୍ଟ କାର୍ଡ ସ୍କାମରେ, ଜଣେ ଠକ ଜଣେ ସମ୍ଭାବ୍ୟ ପୀଡ଼ିତଙ୍କ ସହିତ ଯୋଗାଯୋଗ କରେ ଏବଂ ସେମାନଙ୍କୁ ଏକ ଗିଫ୍ଟ କାର୍ଡ କିଣିବାକୁ ବାଧ୍ୟ କରେ। ଏହାକୁ କିଣିବା ପରେ, ଠକମାନେ ଠକେଇ ଏବଂ ମିଥ୍ୟା ବାହାନା ମାଧ୍ୟମରେ ଏହାର ବ୍ୟବହାର କରି  ଗିଫ୍ଟ କାର୍ଡ ସହିତ ଜଡ଼ିତ ଗିଫ୍ଟ କାର୍ଡ ନମ୍ବର, କୋଡ, ପିନ ଇତ୍ୟାଦି ହାସଲ କରନ୍ତି। ଠକମାନେ ଆବଶ୍ୟକୀୟ ସୂଚନା ପାଇବା ପରେ, ସେମାନେ ତୁରନ୍ତ ରିଡିମ କରିନିଅନ୍ତି, ଯାହା ଫଳରେ ପୀଡ଼ିତମାନଙ୍କ ପାଖରେ ଟଙ୍କା ଫେରି ପାଇବାର କୌଣସି ସୁଯୋଗ ରହି ନଥାଏ।

ଗିଫ୍ଟ କାର୍ଡ ସ୍କାମ କିପରି କାମ କରେ?

ଗିଫ୍ଟ କାର୍ଡ ସ୍କାମରେ ସାଧାରଣତଃ ଏକ ପ୍ୟାଟର୍ନ ଅନୁସରଣ କରାଯାଏ, ଠକମାନେ କିପରି କାମ କରନ୍ତି ଏଠାରେ ଦିଆଯାଇଛି।

1. ଠକ ନିଜକୁ ଜଣେ ବିଶ୍ୱସ୍ତ ବ୍ୟକ୍ତି ଭାବରେ ଛଳନା କରେ

ସ୍କାମ ଏକ ଫୋନ କଲ, ଇମେଲ, ମେସେଜ, କିମ୍ବା ସୋସିଆଲ ମିଡିଆରେ ଏକ ଡିଏମ ସହିତ ଆରମ୍ଭ ହୋଇଥାଏ। ଠକ ବ୍ୟକ୍ତି ନିଜକୁ ନିମ୍ନଲିଖିତ ଭାବରେ ଛଳନା କରିଥାନ୍ତି:

• ଆପଣଙ୍କ ମ୍ୟାନେଜର କିମ୍ବା ସହକର୍ମୀ
• ବିପଦରେ ପଡ଼ିଥିବା ଜଣେ ପରିବାରର ସଦସ୍ୟ 
• ସରକାରୀ ଏଜେନ୍ସି
• ଜଣେ ଟେକ ସପୋର୍ଟ ଏଜେଣ୍ଟ
• ଜଣେ ନିଯୁକ୍ତିଦାତା ହିସାବରେ ଯିଏ ଆପଣଙ୍କୁ ଚାକିରି ପ୍ରଦାନ କରୁଛନ୍ତି

2. ସେମାନେ ଜରୁରୀକାଳୀନ ପରିସ୍ଥିତି ସୃଷ୍ଟି କରନ୍ତି

ଠକମାନେ ଆପଣଙ୍କୁ ଶୀଘ୍ର ପଦକ୍ଷେପ ନେବାକୁ ବାଧ୍ୟ କରିବା ପାଇଁ ଆତଙ୍କିତ କିମ୍ବା ଚାପ ପକାଇବା କୌଶଳ ବ୍ୟବହାର କରନ୍ତି। ସାଧାରଣ ଠକେଇ ଘଟଣାଗୁଡ଼ିକରେ ଅନ୍ତର୍ଭୁକ୍ତ:

• “ମୁଁ ମିଟିଂରେ ଅଛି ଏବଂ ଏହି ଗିଫ୍ଟ କାର୍ଡଗୁଡ଼ିକର ତୁରନ୍ତ ଆବଶ୍ୟକତା ଅଛି।”
• “ଯଦି ଆପଣ ଏବେ ଏହା ନକରନ୍ତି, ତେବେ ଆପଣଙ୍କ ଆକାଉଣ୍ଟକୁ ସସପେଣ୍ଡ କରିଦିଆଯିବ।”
• “ଏହା ଏକ ଆଇନଗତ ସମସ୍ୟା ଏବଂ ଆପଣଙ୍କୁ ଗିଫ୍ଟ କାର୍ଡ ବ୍ୟବହାର କରି ପେମେଣ୍ଟ କରିବାକୁ ପଡ଼ିବ।”
• “ଆପଣଙ୍କର ଅନବୋର୍ଡିଂ/ଜବ କିଟ ସମ୍ପୂର୍ଣ୍ଣ କରିବା ପାଇଁ ଆମକୁ ଏହା ଆବଶ୍ୟକ।”

3. ସେମାନେ ଆପଣଙ୍କୁ ଗିଫ୍ଟ କାର୍ଡ କିଣିବାକୁ କହିଥାନ୍ତି

ଆପଣଙ୍କୁ ଏହି ଗିଫ୍ଟ କାର୍ଡଗୁଡ଼ିକ ମଧ୍ୟରୁ ଗୋଟିଏ କିଣିବାକୁ କୁହାଯାଏ (ଯଥା PhonePeEGC, QWIKCILVERGC, Amazon, Apple, Google Play) ଏବଂ କିଛି କ୍ଷେତ୍ରରେ, ଅଧିକ ମୂଲ୍ୟର ଏକାଧିକ କାର୍ଡ କିଣିବାକୁ ମଧ୍ୟ କୁହାଯାଏ।

4. ସେମାନେ ଗିଫ୍ଟ କାର୍ଡର ବିବରଣୀ ମାଗିଥାନ୍ତି

ଆପଣ କାର୍ଡ କିଣିବା ପରେ, ସେମାନେ ଆପଣଙ୍କୁ ପଚାରିବେ:

• 16 ଅଙ୍କ ବିଶିଷ୍ଟ ଗିଫ୍ଟ କାର୍ଡ ନମ୍ବର
• ଗିଫ୍ଟ କାର୍ଡ ପିନ
• କାର୍ଡର ବିବରଣୀ କିମ୍ବା ରସିଦ

5. ସେମାନେ ତୁରନ୍ତ ଗିଫ୍ଟ କାର୍ଡ ବ୍ୟବହାର କରିନିଅନ୍ତି

ଠକମାନେ ବ୍ୟକ୍ତିଗତ ବ୍ୟବହାର ପାଇଁ ତୁରନ୍ତ କାର୍ଡର ମୂଲ୍ୟ ବ୍ୟବହାର କରନ୍ତି କିମ୍ବା ଅନଲାଇନରେ ରିହାତିରେ କାର୍ଡ ବିକ୍ରି କରନ୍ତି। ଏପରି କରିବା ପରେ, ସେମାନେ କୌଣସି ପ୍ରମାଣ ନ ରଖି ଅଦୃଶ୍ୟ ହୋଇଯାଆନ୍ତି।

ସାଧାରଣ ସତର୍କ ସଙ୍କେତ:

• ଏକ ଗିଫ୍ଟ କାର୍ଡ ମାଧ୍ୟମରେ ସନ୍ଦେହଜନକ ପେମେଣ୍ଟ ପାଇଁ ଅନୁରୋଧ କରାଯାଇଥିଲେ
• ମେସେଜଟି ଜରୁରୀ, ଭାବୁକ କିମ୍ବା ଗୋପନୀୟ ମନେହୁଏ
• ଆପଣଙ୍କୁ ଗୋପନୀୟ ରଖିବାକୁ କୁହାଯାଇଥାଏ
• ଯୋଗାଯୋଗ ବ୍ୟକ୍ତିଗତ ଇମେଲ କିମ୍ବା ଚାଟ ମାଧ୍ୟମରେ କରାଯାଇଥାଏ, ଅଫିସିଆଲ ଚ୍ୟାନେଲରେ କରାଯାଇନଥାଏ
• ବ୍ୟାକରଣ, ବନାନ କିମ୍ବା ସ୍ୱର ଭୁଲ ମନେ ହେଉଥାଏ

ନିଜକୁ କିପରି ସୁରକ୍ଷିତ ରଖିବେ?

• ଆପଣ ଜାଣି ନଥିବା କିମ୍ବା ବିଶ୍ୱାସ କରୁନଥିବା ବ୍ୟକ୍ତିଙ୍କ ସହ କେବେବି ଗିଫ୍ଟ କାର୍ଡ କୋଡ ସେୟାର କରନ୍ତୁ ନାହିଁ
• ଗିଫ୍ଟ କାର୍ଡର ଅନୁରୋଧଗୁଡ଼ିକୁ ଯାଞ୍ଚ କରନ୍ତୁ, ବିଶେଷକରି ଯଦି ସେଗୁଡ଼ିକ ଅସ୍ୱାଭାବିକ ମନେହୁଏ
• ସହକର୍ମୀ କିମ୍ବା ପରିବାରରୁ ହଠାତ୍ ଆସିଥିବା କିମ୍ବା ଅସ୍ୱାଭାବିକ ଅନୁରୋଧଗୁଡ଼ିକୁ ଯାଞ୍ଚ କରିବାକୁ ଭୁଲନ୍ତୁ ନାହିଁ
• କେବଳ ଅଫିସିଆଲ ସୋର୍ସରୁ ଏବଂ ବ୍ୟକ୍ତିଗତ ବ୍ୟବହାର ପାଇଁ ଗିଫ୍ଟ କାର୍ଡ କିଣନ୍ତୁ।
• ସାଙ୍ଗ, ପରିବାର ଏବଂ ସହକର୍ମୀଙ୍କୁ ସଚେତନ କରାନ୍ତୁ – ଠକମାନେ ପ୍ରାୟତଃ ବୟସ୍କ କିମ୍ବା କମ ଟେକ୍ନୋଲୋଜି ଜାଣିଥିବା ଲୋକଙ୍କୁ ଟାର୍ଗେଟ କରନ୍ତି

 ଆପଣ  ଯଦି ଗିଫ୍ଟ କାର୍ଡ ସ୍କାମର ଶିକାର ହୁଅନ୍ତି, ତେବେ କିପରି ରିପୋର୍ଟ କରିବେ

ଯଦି ଆପଣ PhonePe ମାଧ୍ୟମରେ ଜଣେ ଠକଙ୍କ ଦ୍ୱାରା ଠକାମିର ଶିକାର ହୋଇଛନ୍ତି, ତେବେ ଆପଣ ତୁରନ୍ତ ନିମ୍ନଲିଖିତ ଉପାୟରେ ଏହି ସମସ୍ୟା ସମ୍ପର୍କରେ ଅଭିଯୋଗ କରିପାରିବେ:

1. PhonePe ଆପ:  “ସହାୟତା” ବିଭାଗକୁ ଯାଆନ୍ତୁ ଏବଂ “ଟ୍ରାଞ୍ଜାକସନରେ ଏକ ସମସ୍ୟା ହୋଇଛି” ବିକଳ୍ପ ଅଧୀନରେ ଏହି ସମସ୍ୟାର ଅଭିଯୋଗ କରନ୍ତୁ।
2. PhonePeର କଷ୍ଟମର କେୟାର ନମ୍ବର: PhonePeର କଷ୍ଟମର କେୟାର ନମ୍ବର 80–68727374 / 022–68727374ରେ କଲ କରି ଆପଣ ସମସ୍ୟା ବିଷୟରେ ଅଭିଯୋଗ କରିପାରିବେ ଯାହା ପରେ  କଷ୍ଟମର କେୟାର ଏକ ଟିକେଟ ତିଆରି କରିବେ ଏବଂ ଆପଣଙ୍କ ସମସ୍ୟାର ସମାଧାନ ପାଇଁ ଆପଣଙ୍କୁ ସାହାଯ୍ୟ କରିବେ।
3. ୱେବଫର୍ମ ଦାଖଲ: PhonePeର ୱେବଫର୍ମ https://support.phonepe.com/ ବ୍ୟବହାର କରି ଆପଣ ଏକ ଟିକେଟ ମଧ୍ୟ ତିଆରି କରିପାରିବେ। 
4. ସୋସାଲ ମିଡିଆ: PhonePeର ସୋସାଲ ମିଡିଆ ହ୍ୟାଣ୍ଡେଲଗୁଡ଼ିକ ବ୍ୟବହାର କରି ଆପଣ ଠକେଇ ଘଟଣାର ରିପୋର୍ଟ କରିପାରିବେ।
   1. Twitter — https://twitter.com/PhonePeSupport
   2. Facebook — https://www.facebook.com/OfficialPhonePe

5. ଅଭିଯୋଗ: ପୂର୍ବରୁ ଥିବା ଏକ ଅଭିଯୋଗ ସମ୍ପର୍କରେ ଏକ ଆପତ୍ତି ଜଣାଇବା ପାଇଁ ଆପଣ https://grievance.phonepe.com/ ରେ ଲଗଇନ କରି ପୂର୍ବରୁ ତିଆରି ହୋଇଥିବା ଟିକେଟ ଆଇଡି ସେୟାର କରିପାରିବେ।
6. ସାଇବର ସେଲ: ଶେଷରେ, ଆପଣ ନିକଟସ୍ଥ ସାଇବର କ୍ରାଇମ ସେଲରେ ଠକେଇ ଅଭିଯୋଗର ରିପୋର୍ଟ କରିପାରିବେ କିମ୍ବା ଅନଲାଇନରେ https://www.cybercrime.gov.in/ ମାଧ୍ୟମରେ ଅଭିଯୋଗର ପଞ୍ଜିକରଣ କରିପାରିବେ କିମ୍ବା 1930 ନମ୍ବରରେ ସାଇବର କ୍ରାଇମ ସେଲ ହେଲ୍ପଲାଇନକୁ ଯୋଗାଯୋଗ କରିପାରିବେ।

ଗୁରୁତ୍ୱପୂର୍ଣ୍ଣ ରିମାଇଣ୍ଡର — PhonePe କେବେବି ଆପଣଙ୍କ ଗୋପନୀୟ କିମ୍ବା ବ୍ୟକ୍ତିଗତ ବିବରଣୀ ମାଗେ ନାହିଁ। PhonePeରୁ ଆସିଛି ବୋଲି ଦାବି କରୁଥିବା ଅଥଚ phonepe.com ଡୋମେନରୁ ଆସିନଥିବା ସମସ୍ତ ପ୍ରକାରର ମେଲଗୁଡି଼କୁ ଅଣଦେଖା କରନ୍ତୁ। ଯଦି ଆପଣ ଠକେଇର ସନ୍ଦେହ କରୁଛନ୍ତି, ତେବେ ଦୟାକରି ତୁରନ୍ତ ଅଧିକାରୀଙ୍କ ସହିତ ଯୋଗାଯୋଗ କରନ୍ତୁ।