காப்பீட்டு மோசடிகளைப் புரிந்துகொள்வது: பாதுகாப்பாக இருப்பது எப்படி?

நீங்கள் கடைசியாக ஒரு இன்ஷூரன்ஸ் எப்போது வாங்கினீர்கள் அல்லது புதுப்பித்தீர்கள் என நினைவுகூர்ந்து பாருங்கள்—அது ஹெல்த், லைஃப், கார் அல்லது பைக் இன்ஷூரன்ஸ் ஆக இருக்கலாம். எதிர்பாராத நிதி இழப்புகள் ஏற்பட்டால் பாதுகாப்பை உறுதி செய்வதே இதன் நோக்கமாகும். ஆனால், உங்கள் கஷ்டப்பட்டுச் சம்பாதித்த பணத்தைத் திருட நினைக்கும் மோசடி யாளருக்கு இந்த பாதுகாப்பு வலை ஒரு வழியாக மாறினால் என்ன ஆகும்?

காப்பீட்டு மோசடி என்பது காப்பீட்டு வழங்குநர்களை மட்டுமல்ல, பாலிசிதாரர்களையும் பாதிக்கும் ஒரு வளர்ந்து வரும் கவலையாகும்! காப்பீட்டு நிறுவனங்கள் தவறான காப்பீட்டு கிளெயிம்கள் மற்றும் காப்பீட்டு மோசடிகளைத் தடுக்க நெறிமுறைகளைக் கொண்டிருந்தாலும், நீங்கள் கவனமாக இல்லாவிட்டால் உங்களைப் போன்ற பாலிசிதாரர்கள் குறிப்பிடத்தக்க நிதி இழப்புகளைச் சந்திக்க நேரிடும் என்பதை நீங்கள் புரிந்துகொள்வது முக்கியம்.

இந்த வலைப்பதிவு மிகவும் பொதுவான காப்பீட்டு மோசடி வகைகள், அவற்றின் விளைவுகள் மற்றும் அவற்றிலிருந்து உங்களைப் பாதுகாத்துக் கொள்ள நீங்கள் எடுக்கக்கூடிய நடவடிக்கைகள் ஆகியவற்றை விளக்குகிறது.

காப்பீட்டு மோசடி என்றால் என்ன?

காப்பீட்டு மோசடி என்பது, குறைந்த பிரீமியம் அல்லது குறிப்பிட்ட காலச் சலுகைகள் என்ற போர்வையில், மோசடி செய்பவர்கள் பொய் அல்லது தவறான தகவல்களைப் பயன்படுத்தி, மக்களிடமிருந்து சட்டவிரோதமாக நிதியைத் திருட முயற்சிப்பது ஆகும். பெரும்பாலும் இந்தச் சலுகைகள் போலியானவை.

காப்பீட்டு மோசடிக்கான எடுத்துக்காட்டுகள்

சூழ்நிலை 1. போலியான ஆஃபர்கள்: மோசடி செய்பவர்கள் மக்களைத் தொடர்பு கொண்டு நம்பமுடியாத அளவிற்கு குறைந்த பிரீமியங்கள் அல்லது சிறப்பு சலுகைகளை வழங்குவதாகக் அவர்களை கவர்ந்திழுத்து, தனிப்பட்ட அல்லது வங்கித் தகவல்களைப் பகிர்ந்து கொள்ள அவர்களை ஏமாற்றுகிறார்கள்.

ரம்யாவுக்கு ஒரு போன் வருகிறது. “இப்போது இன்ஷூரன்ஸை புதுப்பிக்கவில்லை என்றால், உங்கள் கார் இன்ஷூரன்ஸ் பாலிசி ரத்து செய்யப்படும்” என்று அவர்கள் கூறுகிறார்கள். அதுமட்டுமின்றி, “இப்போது பணம் செலுத்தினால், உங்களுக்கு தள்ளுபடி கிடைக்கும், இந்த சலுகை இன்னும் ஒரு மணி நேரத்தில் முடிவடையும்” என்று ஒரு கடைசி நிமிடத் தள்ளுபடியையும் வழங்குகிறார்கள். அழுத்தத்தில், ரம்யா தனது பாலிசியை ரினீவல் செய்ய தனது கிரெடிட் கார்டு விவரங்களைப் பகிர்ந்துகொள்கிறார். பின்னர், அவரது கணக்கிலிருந்து ஒரு பெரிய தொகை திருடப்படுகிறது.

சூழ்நிலை 2. போலியான இன்ஷூரன்ஸ் இணையதளங்கள்: சைபர் கிரிமினல்கள் , உண்மையான இன்ஷூரன்ஸ் போர்ட்டல்களைப் போலவே தோற்றமளிக்கும் இணையதளங்களை உருவாக்கி, மக்களின் தகவல்கள், வங்கி விவரங்கள் அல்லது பணத்தைத் திருட அவற்றைப் பயன்படுத்துகிறார்கள்.

பிரவலுக்குத் தனக்கும் தன் குடும்பத்துக்கும் கவர் செய்யும் ஒரு ஹெல்த் இன்ஷூரன்ஸ் பாலிசி தேவைப்படுகிறது. அவர் ஆன்லைனில் “சிறந்த ஹெல்த் இன்ஷூரன்ஸ்” என்று தேடுகிறார். ஒரு பிரபலமான இன்ஷூரன்ஸ் நிறுவனத்தின் இணையதளம் போலத் தோற்றமளிக்கும் தளத்தில் நுழைகிறார். ஆனால் நிறுவனத்தின் லோகோ காலாவதியானது மற்றும் பெயர் தவறாக இருப்பதை அவர் கவனிக்கவில்லை. அந்த விவரங்களைக் கவனிக்காமல், அவர் தனது தனிப்பட்ட விவரங்கள், வங்கித் தகவல்கள் ஆகியவற்றை உள்ளிட்டு, பாலிசிக்காக ஆன்லைனில் பணம் செலுத்துகிறார். பின்னர், இன்ஷூரன்ஸ் நிறுவனத்தைத் தொடர்பு கொள்ள முயன்றபோது, அந்த இணையதளம் போலியானது என்றும், அவரது பணமும் தனிப்பட்ட தரவுகளும் திருடப்பட்டுவிட்டன என்றும் கண்டுபிடிக்கிறார்.

சூழ்நிலை 3. ஃபிஷிங் மின்னஞ்சல்கள்: மோசடி செய்பவர்கள் ஏமாற்றும் செய்திகளை அனுப்பி, முக்கியமான தகவல்களைத் திருட அல்லது தீங்கிழைக்கும் இணைப்புகள் மூலம் மால்வேரை நிறுவ முயற்சிக்கும் ஒரு பொதுவான மோசடி முறைதான் ஃபிஷிங் மின்னஞ்சல்கள்.

உதாரணம்: சுஷாந்த்துக்கு, தனது இன்ஷூரன்ஸ் நிறுவனத்திடம் இருந்து வருவது போலத் தோற்றமளிக்கும் ஒரு மின்னஞ்சல் வருகிறது. அதில், அவர் தனது அக்கவுன்ட் விவரங்களை உடனடியாகச் சரிபார்க்காவிட்டால், பாலிசி ரத்து செய்யப்படும் என்று கூறப்பட்டிருக்கிறது. அந்த மின்னஞ்சலை நம்பி, அவசரத்திற்கு அடிபணிந்து, அவர் அந்த இணைப்பை கிளிக் செய்து, தனது உள்நுழைவு விவரங்களை உள்ளிடுகிறார். பின்னர், அங்கீகரிக்கப்படாத பரிவர்த்தனைகளை தனது வங்கிக் கணக்கில் காண்கிறார். ஏனெனில், அந்த போலி இணையதளம் முக்கியமான திருடுவதற்காகவே வடிவமைக்கப்பட்டிருந்தது.

சூழ்நிலை 4. UPI & டிஜிட்டல் பேமெண்ட் மோசடிகள்: உண்மையான இன்ஷூரன்ஸ் பேமெண்ட் லிங்குகள் என்று பொய் சொல்லி, மோசடி செய்பவர்கள் தங்கள் தனிப்பட்ட UPI லிங்க்குகள் அல்லது QR குறியீடுகளைப் பகிர்வர். இன்ஷூரன்ஸ் பேமண்ட்கள் அல்லது தள்ளுபடிகள் என்ற போர்வையில், மக்களை தங்கள் தனிப்பட்ட அக்கவுன்ட்டுகளுக்குப் பணத்தை மாற்றும்படி ஏமாற்றி, அங்கீகரிக்கப்படாத பணப் பரிமாற்றங்களுக்கு வழிவகுக்கிறார்கள்.

சுசேதாவுக்கு, இன்ஷூரன்ஸ் ஏஜென்ட் என்று கூறி ஒருவரிடமிருந்து அழைப்பு வருகிறது. அவர் பாலிசி ரினீவலில் குறிப்பிட்ட காலத் தள்ளுபடியை வழங்குகிறார். அந்த மோசடி செய்பவர், குறுகிய கால தள்ளுபடி என சொல்லி பேமண்ட்டை உடனடியாக முடிக்க, ஒரு UPI லிங்க்கை அனுப்புகிறார். அது உண்மை என்று நம்பிய சுசேதா, இணைப்பை கிளிக் செய்து தனது UPI PIN-ஐ உள்ளிடுகிறார். அவரது வங்கிக் கணக்கில் இருந்து பணம் டெபிட் செய்யப்பட்டதைக் காண்கிறார், ஆனால் அந்தப் பரிவர்த்தனை குறித்து இன்ஷூரன்ஸ் நிறுவனத்திடம் எந்தப் பதிவும் இல்லை.

இன்ஷூரன்ஸ் மோசடியின் பொதுவான எச்சரிக்கை அறிகுறிகள்

• நம்ப முடியாத ஆஃபர்கள், அதாவது மிகக் குறைந்த பிரீமியங்கள் அல்லது பெரிய பலன்கள்.
• “குறிப்பிட்ட கால ஆஃபர்” அல்லது பாலிசி ரத்தாகும் என்ற அச்சுறுத்தல் போன்ற அதிக அழுத்தத் தந்திரங்கள்
• UPI அல்லது தனிப்பட்ட அக்கவுன்ட்கள் போன்ற அதிகாரப்பூர்வமற்ற வழிகளில் பேமெண்ட் செய்யக் கோருதல்.
• சரியான பாதுகாப்பு இல்லாத இணையதளங்கள் (உதாரணமாக, HTTPS இல்லாதது) அல்லது தொடர்பு விவரங்கள் இல்லாத இணையதளங்கள்.
• OTP-கள், UPI PIN-கள் அல்லது அக்கவுன்ட் விவரங்கள் போன்ற முக்கியமான தரவுகளைக் கோருதல்.
• தனிப்பட்ட அல்லது நிதித் தகவல்களைக் கேட்டு வரும் வேண்டாத அழைப்புகள், மின்னஞ்சல்கள் அல்லது செய்திகள்.

மோசடியிலிருந்து உங்களைப் பாதுகாத்துக் கொள்வது எப்படி?

1. இன்ஷூரன்ஸ் நிறுவனங்களை ஆராய்தல்: இன்ஷூரன்ஸ் நிறுவனத்தின் வரலாறு, நிதி நிலை, உரிமங்கள் மற்றும் வாடிக்கையாளர் விமர்சனங்களைச் சரிபார்க்கவும்.
2. ரொக்கப் பணப் பரிவர்த்தனைகளைத் தவிர்த்தல்: பதிவு செய்யப்பட்ட பரிவர்த்தனைகளை உறுதிசெய்ய, ஆன்லைன் போர்ட்டல் பேமண்ட்கள் அல்லது கார்டு பேமண்ட்கள் போன்ற பாதுகாப்பான பேமண்ட் முறைகளைப் பயன்படுத்தவும்.
3. முக்கியமான தகவல்களைப் பாதுகாத்தல்: நம்பகமான ஆதாரங்கள் மற்றும் பாதுகாப்பான வழிகள் மூலம் மட்டுமே தனிப்பட்ட தரவுகளைப் பகிரவும்.
4. பாலிசி விவரங்களைப் படித்தல்: பாலிசியின் சட்டப்பூர்வத் தன்மையை உறுதிசெய்ய, பாலிசி ஆவணத்தின் விதிமுறைகளை கவனமாகப் படிக்கவும்.

இன்ஷூரன்ஸ் மோசடியால் பாதிக்கப்பட்டால் என்ன செய்வது?

நீங்கள் மோசடியைச் சந்தேகித்தால் அல்லது ஏமாற்றப்பட்டால், உடனடியாகச் செயல்படவும்:

1. சிக்கலைப் புகாரளிக்கவும்:
   • PhonePe ஆப்: உதவி பகுதிக்குச் சென்று புகாரை எழுப்பவும்.
   • வாடிக்கையாளர் சேவை: PhonePe-ஐ 80–68727374 அல்லது 022–68727374 என்ற எண்ணில் அழைக்கவும்.
2. சமூக ஊடகம்: அதிகாரப்பூர்வ PhonePe அக்கவுன்ட்களில் சம்பவங்களைப் புகாரளிக்கவும்:
   • Twitter: PhonePe Support
   • Facebook: PhonePe Facebook
3. குறைதீர்க்கும் போர்ட்டல்: உங்கள் டிக்கெட் ஐடி உடன் PhonePe-யின் குறை தீர்க்கும் போர்ட்டலைப் பயன்படுத்தவும்: குறைதீர்க்கும் போர்ட்டல்
4. அதிகாரிகளிடம் புகாரளிக்கவும்:
   • சைபர் கிரைம் பிரிவு: சைபர் கிரைம் போர்ட்டலில் புகார் அளிக்கவும் அல்லது 1930 என்ற எண்ணை அழைக்கவும்.
   • IRDAI: பின்வரும் இணைப்பு மூலம் மோசடி குறித்து இந்திய காப்பீட்டு ஒழுங்குமுறை மற்றும் மேம்பாட்டு ஆணையத்திடம் புகாரளிக்கவும் IRDAI தொடர்புகொள்க.

முக்கிய நினைவூட்டல் — PhonePe ஒருபோதும் இரகசியமான அல்லது தனிப்பட்ட விவரங்களைக் கேட்காது. Phonepe.com டொமைனிலிருந்து வராத மின்னஞ்சல்களைப் புறக்கணிக்கவும். நீங்கள் மோசடியைச் சந்தேகித்தால், உடனடியாக அதிகாரிகளைத் தொடர்புகொள்ளவும்.