Back
Trust & Safety
గిఫ్ట్ కార్డ్ స్కామ్: మీ సమాచారాన్ని ఎప్పుడు షేర్ చేయాలో తెలుసుకోండి
పేమెంట్ చేయాల్సి వచ్చినప్పుడు, దానికోసం మీరు ఏం చేస్తారు? Upi ద్వారా పే చేయడమో లేదా బ్యాంక్ బదిలీ చేయడమో సాధారణ చర్య కాగలదు. అయితే, మీరు పేమెంట్ చేయాలి, అది కూడా గిఫ్ట్ కార్డ్ పేమెంట్ పద్ధతి ద్వారానే చేయాలి అంటే ఏం చేస్తారు?
సంక్షిప్త వివరణ:
గిఫ్ట్ కార్డ్‌లు, ప్రత్యేకించి ఇ-గిఫ్ట్ కార్డ్‌లు ఇప్పుడు పుట్టినరోజు వేడుకలు, పెళ్లిళ్లు, ఇతర చివరి నిమిషం కానుకలకు ప్రధాన ఎంపికగా ఇప్పుడు బాగా జనాదరణ పొందాయి. గిఫ్ట్ కార్డ్‌లు రహస్యమైనవి, గుర్తించడానికి వీలుకానివి, ఒక వ్యక్తికి శాశ్వతంగా లింక్ చేయనివిగా ఉన్నందున, దురదృష్టవశాత్తు అమాయకులను మోసగించి, వారి డబ్బును దోచుకునేందుకు ఇవి ఒక దారిని చూపుతాయి.
గిఫ్ట్ కార్డ్‌ల ప్రమేయంతో కూడిన గిఫ్ట్ కార్డ్‌లు రోజురోజుకు పెరుగుతున్నాయి. కాబట్టి మీ డబ్బును, మీ వ్యక్తిగత సమాచారాన్ని కాపాడుకునేందుకు వీలుగా ఇది ఎలా పని చేస్తుందోననే విషయాన్ని అర్థం చేసుకోవడం కీలకం కాగలదు.
ఈ కథనంలో గిఫ్ట్ కార్డ్ మోసాలు అంటే ఏమిటి, అవి ఎలా పని చేస్తాయి, సురక్షితంగా ఉండడం ఎలా అనే అంశాలను తెలుసుకుందాము.
గిఫ్ట్ కార్డ్ స్కామ్ అంటే ఏమిటి?
గిఫ్ట్ కార్డ్ స్కామ్ విషయంలో, గిఫ్ట్ కార్డ్ కొనేరీతిలో ఒక ఆమాయక బాధితుడిని ఒక మోసగాడు మాయ చేస్తాడు. కొన్న తర్వాత, స్కామర్లు గిఫ్ట్ కార్డ్‌‌తో ముడిపడిన గిఫ్ట్ కార్డ్ నంబర్, కోడ్, పిన్‌లు తదితరాలను పొందడం కోసం మోసపూరిత మార్గాలను ఉపయోగిస్తారు. అవసరమైన సమాచారం అందుకున్న తర్వాత, వారు వెంటనే ఆ కార్డ్‌లో పేర్కొన్న సొమ్మును రిడీం చేసుకుంటారు. తద్వారా తమ డబ్బును రికవరీ చేసుకునే అవకాశం లేకుండా చేస్తారు.
గిఫ్ట్ కార్డ్ స్కామ్ ఎలా పని చేస్తుంది?
గిఫ్ట్ కార్డ్ స్కామ్‌లు సాధారణంగా ఒక పద్ధతిని అనుసరిస్తాయి. మోసగాళ్లు సాధారణంగా ఒక ప్యాటర్న్‌ను అనుసరిస్తారు. వారు ఎలా ఆడుకుంటారనే విషయం ఇక్కడ దశల వారీగా వివరించబడింది.
1. మోసగాళ్లు మీకు నమ్మకస్తులుగా కనిపిస్తారు
ఒక ఫోన్ కాల్, ఇమెయిల్, మెసేజ్ లేదా చివరకు సోషల్ మీడియాలో DMతో ఇది మొదలు కావచ్చు. మోసగాళ్లు:
- మీ మేనేజర్ లేదా సహచరుడు కావచ్చు.
- విసిగిపోయిన కుటుంబ సభ్యులు కావచ్చు.
- ప్రభుత్వ ఏజెన్సీ కావచ్చు.
- టెక్నికల్ సపోర్ట్ ఏజెంట్ కావచ్చు.
- మీకు ఉద్యోగం ఆఫర్ చేసే రిక్రూటర్ కావచ్చు.
2. త్వరగా అయ్యేలా హడావుడి సృష్టిస్తారు
మోసగాళ్లు మీరు త్వరగా చర్య చేపట్టేలా భయపెట్టే లేదా ఒత్తిడికి గురి చేసే యుక్తులను ఉపయోగిస్తారు. సాధారణ మోస పూరిత వ్యాఖ్యలు ఇలా ఉంటాయి:
- “నేను ఒక మీటింగ్‌లో ఉన్నాను. నాకు ఈ గిఫ్ట్ కార్డ్‌లు అర్జంట్‌గా కావాలి”
- “మీరు ఇప్పుడే స్పందించకుంటే మీ అకౌంట్ సస్పెండ్ చేయబడుతాయి”
- “ఒక చట్టపరమైన సమస్య ఏర్పడింది. గిఫ్ట్ కార్డ్‌లు ఉపయోగించి, పే చేయాలి.”
- “మీ ఆన్‌బోర్డింగ్/జాబ్ కిట్ పూర్తి చేసేందుకు మాకు ఇది కావాలి.”
3. గిఫ్ట్ కార్డ్‌లను కొనాలని మిమ్మల్ని కోరుతారు
కొన్ని నిర్ధిష్ఠ గిఫ్ట్ కార్డ్‌లు (PhonePeEGC, QWIKCILVERGC, Amazon, Apple, Google Playలాంటివి) కొనాలని మీకు సూచిస్తారు. మరి కొన్ని సందర్భాల్లో ఎక్కువ విలువ కలిగిన కార్డ్‌లను కొనమని సూచిస్తారు.
4. గిఫ్ట్ కార్డ్ వివరాలను కోరుతారు
మీరు కార్డ్‌లను కొన్న తర్వాత, వారు కింది వాటిని కోరుతారు:
- 16-అంకెల గిఫ్ట్ కార్డ్ నంబర్
- గిఫ్ట్ కార్డ్ పిన్
- కార్డ్ లేదా రశీదు వివరాలు
5. వారు గిఫ్ట్ కార్డ్‌లను వెంటనే ఉపయోగిస్తారు
మోసగాళ్లు వీటి విలువను తక్షణమే వ్యక్తిగత వినియోగం కోసం రిడీం చేసుకుంటారు లేదా డిస్కౌంట్‌లో ఆన్‌లైన్‌లో రీసేల్ చేస్తారు. అది పూర్తయిన తర్వాత వారి జాడ కనిపించదు.
సాధారణ ప్రమాద హెచ్చరికలు:
- గిఫ్ట్ కార్డ్ ద్వారా చేసిన అనుమానాస్పద పేమెంట్ అభ్యర్థన
- సందేశం మనల్ని త్వరపెట్టేదిగా, భావోద్వేగానికి గురి చేసేదిగా లేదా రహస్యమైనదిగా ఉంటుంది.
- రహస్యంగా ఉంచాలని మిమ్మల్ని కోరతారు.
- అధికారిక మార్గాల్లో కాకుండా వ్యక్తిగత ఇమెయిల్ లేదా చాట్ ద్వారా కమ్యూనికేషన్.
- వ్యాకరణ, అక్షర లేదా స్వరంలో లోపాలు కనిపిస్తాయి.
మిమ్మల్ని మీరు రక్షించుకోవడం ఎలా?
- మీకు పరిచయంలేని లేదా నమ్మకం లేని ఎవరితోనూ గిఫ్ట్ కార్డ్ కోడ్లను ఎన్నడూ పంచుకోవద్దు.
- గిఫ్ట్ కార్డ్‌లను, ప్రత్యేకించి అవి సాధారణమైనవి కాకుంటే అభ్యర్థనలను వెరిఫై చేయండి.
- సహచరులు లేదా కుటుంబం నుండి అర్జంట్ లేదా అసాధారణమైనదిగా అనుమానం కలిగించే అభ్యర్థనలు
- అధికారిక వనరుల నుండి వ్యక్తిగత వినియోగం కోసం మాత్రమే గిఫ్ట్ కార్డ్‌లను కొనండి
- స్నేహితులు, కుటుంబ సభ్యులు, సహచరులకు అవగాహన కల్పించండి. -మోసగాళ్లు చాలావరకు టెక్నికల్ నాలెడ్జ్ లేని వ్యక్తులనే లక్ష్యంగా చేసుకుంటారు.
గిఫ్ట్ కార్డ్ స్కామ్‌లో మీరు చిక్కుకుంటే దానిపై ఫిర్యాదు చేయడం ఎలా
PhonePe ద్వారా ఎవరైనా మిమ్మల్ని మోసగిస్తే, మీరు వెంటనే ఆ సమస్యను కింది మార్గాల ద్వారా లేవనెత్తవచ్చు:
- PhonePe యాప్: సహాయ విభాగానికి వెళ్లి, “లావాదేవీతో సమస్య ఉంది” ఆప్షన్ కింద సమస్యను లేవనెత్తండి.
- PhonePe కస్టమర్ కేర్ నంబర్: సమస్యను లేబువనెత్తడం కోసం PhonePe కస్టమర్ కేర్ విభాగాన్ని మీరు 80–68727374 / 022–68727374కు కాల్ చేసి, సంప్రదిస్తే, మీ సమస్య విషయంలో కస్టమర్ కేర్ ఏజెంట్ టికెట్ లేవనెత్తి, సహాయం చేస్తారు.
- వెబ్‌ఫారం సమర్పణ: మీరు Phonepe వెబ్‌ఫారంతో టికెట్ లేవనెత్తవచ్చు. : https://support.phonepe.com/
- సోషల్ మీడియా: PhonePe సోషల్ మీడియా హ్యాండిల్స్‌ ద్వారా మీరు మోసపూరిత సంఘటనలపై ఫిర్యాదు చేయవచ్చు.
- Twitter — https://twitter.com/PhonePeSupport
- Facebook — https://www.facebook.com/OfficialPhonePe
- సమస్య పరిహారం: ప్రస్తుతం చేసిన ఫిర్యాదు పరిష్కారం కోసం ఫిర్యాదు చేసేందుకు మీరు దీనికి లాగిన్ కాగలరు: https://grievance.phonepe.com/ and share the ticket ID previously raised.
- సైబర్ సెల్: చివరగా, సమీప సైబర్ క్రైమ్ సెల్‌లో మోసపూరిత ఫిర్యాదులను దాఖలు చేయవచ్చు లేదా https://www.cybercrime.gov.in/లో ఆన్‌లైన్‌లో ఫిర్యాదు చేయవచ్చు లేదా సైబర్ క్రైమ్ హెల్ప్‌లైన్‌ను 1930లో సంప్రదించవచ్చు.
ముఖ్య రిమైండర్ — PhonePe ఎన్నడూ రహస్య లేదా వ్యక్తిగత వివరాలను కోరదు. phonepe.com డొమైన్ నుండి రాకుంటే PhonePeనుండి వచ్చినట్టు పేర్కొనే అన్ని మెయిళ్ళను తిరస్కరించండి. మోసం జరిగినట్టు మీకు ఏ కోశాన అయినా అనుమానం కలిగితే, దయచేసి అధికారులను వెంటనే సంప్రదించండి.
