Back
Trust & Safety
ఇన్సూరెన్స్ మోసాలను అర్ధం చేసుకోండి: సురక్షితంగా ఎలా ఉండాలో తెలుసుకోండి !
మీరు చివరిసారిగా ఆరోగ్య, జీవిత, కారు లేదా బైక్ ఇన్సూరెన్స్ పాలసీని కొనుగోలు చేసినప్పుడు లేదా రెన్యూవల్ చేసినప్పుడు ఆలోచించండి. ఆ కొనుగోలు వెనుక ఉద్దేశం ఊహించని ఆర్థిక నష్టం సంభవించినప్పుడు ఒక భద్రతా వలయాన్ని ఏర్పరచుకోవడమే. అయితే, మీ కష్టార్జితాన్ని లూటీ చేయాలని చూసే మోసగాడికి ఈ భద్రతా వలయమే ఒక మార్గంగా మారితే?
ఇన్సూరెన్స్ మోసం అనేది ఇన్సూరెన్స్ సంస్థలను మాత్రమే కాకుండా పాలసీదారులను కూడా ప్రభావితం చేసే పెరుగుతున్న ఆందోళన! తప్పుడు ఇన్సూరెన్స్ క్లెయిమ్‌లు అలానే ఇన్సూరెన్స్ మోసాన్ని నిరోధించడానికి ఇన్సూరెన్స్ కంపెనీలకు ప్రొటోకాల్స్ ఉన్నట్లే, మీరు జాగ్రత్తగా లేకపోతే మీలాంటి పాలసీదారులు గణనీయమైన ఆర్థిక నష్టాలను చవిచూసే అవకాశం ఉన్న ఈ అంశం యొక్క మరొక కోణాన్ని అర్థం చేసుకోవడం చాలా ముఖ్యం.
ఈ బ్లాగ్ అత్యంత సాధారణ ఇన్సూరెన్స్ మోసాల రకాలు, వాటి పర్యవసానాలు అలానే వాటి నుండి మిమ్మల్ని మీరు కాపాడుకోవడానికి తీసుకోవాల్సిన ఆచరణాత్మక చర్యలను వివరిస్తుంది.
ఇన్సూరెన్స్ మోసం అంటే ఏమిటి?
ఇన్సూరెన్స్ మోసం అంటే మోసగాళ్ళు తక్కువ ప్రీమియంలు లేదా పరిమిత-సమయం డిస్కౌంట్ల ముసుగులో (ఇవి చాలా తరచుగా నకిలీవి) – బాధితుడి నుండి చట్టవిరుద్ధంగా నిధులను స్వాహా చేసే ఉద్దేశ్యంతో మోసం లేదా తప్పుడు ప్రాతినిధ్యం వహించడం.
ఇన్సూరెన్స్ మోసాలలో ఎదురయ్యే సందర్భాలు
సందర్భం 1. నకిలీ ఆఫర్‌లు: మోసగాళ్లు బాధితులను సంప్రదించి, అవాస్తవంగా తక్కువ ప్రీమియంలు లేదా ప్రత్యేకమైన డీల్స్‌తో ప్రలోభపెట్టి, వారి వ్యక్తిగత లేదా బ్యాంకింగ్ సమాచారాన్ని పంచుకునేలా మోసం చేస్తారు.
రమ్యకు తన కారు ఇన్సూరెన్స్ పాలసీని వెంటనే రెన్యూవల్ చేయకపోతే అది రద్దు అవుతుందని చెప్తూ ఒక కాల్ వచ్చింది. ఆమెకు ఆ గంటలోనే గడువు ముగిసే ఒక చివరి నిమిషం డిస్కౌంట్‌ను కూడా ఆఫర్ చేశారు. ఒత్తిడికి లోనై, ఆమె తన పాలసీని రెన్యూవల్ చేయడానికి క్రెడిట్ కార్డ్ వివరాలను పంచుకుంది. తీరా చూస్తే, పెద్ద మొత్తంలో అమౌంట్ మోసపూరితంగా విత్‌డ్రా అయినట్లు ఆమెకు తర్వాత తెలిసింది.
సందర్భం 2. నకిలీ ఇన్సూరెన్స్ వెబ్‌సైట్‌లు: సైబర్ నేరగాళ్లు అసలు ఇన్సూరెన్స్ పోర్టల్‌లా కనిపించే వెబ్‌సైట్‌లను సృష్టించి, వ్యక్తిగత సమాచారం, బ్యాంకింగ్ వివరాలు లేదా ఉనికిలో లేని పాలసీల కోసం పేమెంట్లను దొంగిలించడానికి ప్రయత్నిస్తారు.
ప్రవల్‌కు తనకు అలానే తన కుటుంబానికి కవర్ చేసే ఆరోగ్య ఇన్సూరెన్స్ పాలసీ అవసరం ఉంది. అతను ఆన్‌లైన్‌లో “ఉత్తమ ఆరోగ్య ఇన్సూరెన్స్” అని వెతకగా, బాగా తెలిసిన ఇన్సూరెన్స్ కంపెనీదిగా అనిపించే ఒక వెబ్‌సైట్‌కు చేరుకున్నాడు. అతను గమనించని విషయం ఏమిటంటే, ఆ వెబ్‌సైట్‌లో పాత లోగో అలానే ఇన్సూరెన్స్ కంపెనీ పేరు తప్పుగా రాసి ఉన్న పేరు. వివరాలను పట్టించుకోకుండా, అతను తన వ్యక్తిగత వివరాలు, బ్యాంకింగ్ సమాచారాన్ని నమోదు చేసి, పాలసీ కోసం ఆన్‌లైన్ పేమెంట్ చేశాడు. తర్వాత, ఇన్సూరెన్స్ కంపెనీని సంప్రదించడానికి ప్రయత్నించినప్పుడు, ఆ వెబ్‌సైట్ నకిలీదని, సైబర్ నేరగాళ్లు తన డబ్బు అలానే వ్యక్తిగత డేటాను దొంగిలించారని అతనికి తెలిసింది.
సందర్భం 3. ఫిషింగ్ ఇమెయిల్స్: ఫిషింగ్ ఇమెయిల్స్ ఒక సాధారణ మోసపూరిత పద్ధతి. ఇందులో స్కామర్‌లు మోసపూరిత సందేశాలను పంపుతారు అలానే సున్నితమైన సమాచారాన్ని దొంగిలించడానికి లేదా హానికరమైన లింక్‌లు లేదా అటాచ్‌మెంట్స్ ద్వారా మాల్‌వేర్‌ను ఇన్‌స్టాల్ చేయడానికి ప్రయత్నిస్తారు.
సుశాంత్‌కు తన ఇన్సూరెన్స్ కంపెనీ నుండి వచ్చినట్లుగా కనిపించే ఒక ఇమెయిల్ వచ్చింది. అందులో తన అకౌంట్ వివరాలను వెంటనే వెరిఫై చేయకపోతే తన పాలసీ రద్దు అవుతుందని ఉంది. ఆ ఇమెయిల్‌లో ఇన్సూరర్ యొక్క అధికారిక పోర్టల్ లాగా కనిపించే వెబ్‌సైట్‌కు లింక్ ఉంది. ఇమెయిల్‌ను నమ్మి, సృష్టించబడిన అత్యవసర పరిస్థితికి లోనై, అతను ఆ లింక్‌ను క్లిక్ చేసి, తన లాగిన్ వివరాలను నమోదు చేశాడు. తర్వాత, ఆ నకిలీ వెబ్‌సైట్ తన సున్నితమైన సమాచారాన్ని దొంగిలించడానికి రూపొందిందని అలానే తన బ్యాంక్ అకౌంట్‌లో అనధికారిక లావాదేవీలు జరిగినట్లు అతనికి తెలిసింది.
సందర్భం 4. UPI & డిజిటల్ పేమెంట్ స్కామ్‌లు: ఈ స్కామ్‌లలో మోసగాళ్లు వారి వ్యక్తిగత UPI లింక్‌లు లేదా QR కోడ్లను, చట్టబద్ధమైన ఇన్సూరెన్స్ పేమెంట్ లింక్‌లుగా పేర్కొంటూ పంచుకుంటారు. ఇన్సూరెన్స్ పేమెంట్లు లేదా డిస్కౌంట్ల పేరుతో బాధితులను తమ వ్యక్తిగత అకౌంట్‌లకు డబ్బు బదిలీ చేసేలా మోసం చేసి, అనధికారిక డబ్బు బదిలీలకు దారితీస్తారు.
సుచేతకు తన పాలసీ రెన్యూవల్‌పై పరిమిత-సమయం డిస్కౌంట్ ఆఫర్ చేస్తున్నట్లు చెప్పుకుంటూ ఒక ఇన్సూరెన్స్ ఏజెంట్ అని చెప్పుకునే వ్యక్తి నుండి కాల్ వచ్చింది. మోసగాడు ఆమెకు ఒక UPI లింక్‌ను పంపి, డిస్కౌంట్‌ను పొందడానికి పేమెంట్ పూర్తి చేయమని అడిగాడు. అది నిజమైనదిగా నమ్మి, సుచేత ఆ లింక్‌ను క్లిక్ చేసి తన UPI పిన్ను నమోదు చేసింది. తీరా చూస్తే, ఆమె బ్యాంక్ అకౌంట్ నుండి డబ్బు డెబిట్ అయింది, కానీ ఇన్సూరెన్స్ కంపెనీ వద్ద ఆ లావాదేవీకి సంబంధించిన రికార్డు ఏదీ లేదు.
ఇన్సూరెన్స్ మోసానికి సంబంధించిన సాధారణ హెచ్చరికలు
- చాలా తక్కువ ప్రీమియంలు లేదా భారీ ప్రయోజనాలు వంటి అవాస్తవ ఆఫర్‌లు.
- “పరిమిత-సమయం ఆఫర్‌లు” లేదా పాలసీ రద్దు అవుతుందనే బెదిరింపులు వంటి అధిక ఒత్తిడికి గురిచేసే పద్ధతులు.
- UPI లేదా వ్యక్తిగత అకౌంట్‌లు వంటి అనధికారిక పద్ధతుల ద్వారా పేమెంట్ చేయమని అభ్యర్థనలు.
- సరైన సెక్యూరిటీ లేని వెబ్‌సైట్‌లు (ఉదాహరణకు, HTTPS లేకపోవడం) లేదా సంప్రదింపు వివరాలు లేకపోవడం.
- OTPలు, UPI పిన్లు లేదా అకౌంట్ వివరాలు వంటి సున్నితమైన డేటా కోసం అభ్యర్థనలు.
- వ్యక్తిగత లేదా ఆర్థిక సమాచారం అడుగుతూ వచ్చే అవాంఛిత కాల్‌లు, ఇమెయిల్‌లు లేదా సందేశాలు.
ఇన్సూరెన్స్ మోసం నుండి మిమ్మల్ని మీరు ఎలా రక్షించుకోవాలి
- ఇన్సూరెన్స్ కంపెనీ గురించి పరిశోధించండి: ఇన్సూరెన్స్ కంపెనీ చరిత్ర, ఆర్థిక స్థితి, లైసెన్సులు అలానే కస్టమర్ రివ్యూలను వెరిఫై చేయండి.
- నగదు పేమెంట్లను నివారించండి: డాక్యుమెంట్ చేయబడిన లావాదేవీలను నిర్ధారించడానికి ఆన్‌లైన్ పోర్టల్ పేమెంట్లు లేదా కార్డ్ పేమెంట్లు వంటి సురక్షితమైన పేమెంట్ పద్ధతులను ఉపయోగించండి.
- సున్నితమైన సమాచారాన్ని రక్షించండి: వ్యక్తిగత డేటాను విశ్వసనీయ వనరులు అలానే సురక్షిత ఛానెల్‌లతో మాత్రమే పంచుకోండి.
- పాలసీ వివరాలను చదవండి: పాలసీ చట్టబద్ధతను నిర్ధారించుకోవడానికి పాలసీ డాక్యుమెంట్‌లోని నిబంధనలను జాగ్రత్తగా సమీక్షించండి.
ఇన్సూరెన్స్ మోసానికి మీరు బాధితులైతే ఏమి చేయాలి
మీరు మోసం జరిగిందని అనుమానించినా లేదా మోసపోయినట్లు అనుమానించినా, త్వరగా చర్య తీసుకోండి:
- సమస్యను రిపోర్ట్ చేయండి:
- PhonePe యాప్: సహాయం విభాగానికి వెళ్లి కంప్లైంట్ ఇవ్వండి.
- కస్టమర్ కేర్: PhonePeకు 80–68727374 లేదా 022–68727374 నంబర్లకు కాల్ చేయండి.
- సోషల్ మీడియా: అధికారిక PhonePe అకౌంట్‌లలో సంఘటనలను రిపోర్ట్ చేయండి:
- Twitter: PhonePe Support
- Facebook: PhonePe Facebook
- ఫిర్యాదుల పరిష్కారం: మీ టికెట్ ఐడితో PhonePe యొక్క గ్రీవెన్స్ పోర్టల్‌ను ఉపయోగించండి
- అధికారులకు రిపోర్ట్ చేయండి:
- సైబర్ క్రైమ్ సెల్: సైబర్ క్రైమ్ పోర్టల్లో కంప్లైంట్ ఫైల్ చేయండి లేదా 1930కు కాల్ చేయండి.
- IRDAI: ఇన్సూరెన్స్ రెగ్యులేటరీ అండ్ డెవలప్‌మెంట్ అథారిటీ ఆఫ్ ఇండియాకు IRDAI మమ్మల్ని సంప్రదించండి ద్వారా మోసాన్ని రిపోర్ట్ చేయండి.
ముఖ్య గమనిక — PhonePe ఎప్పుడూ గోప్యమైన లేదా వ్యక్తిగత వివరాలను అడగదు. phonepe.com డొమైన్ నుండి రాని, PhonePe నుండి వచ్చినట్లుగా చెప్పుకునే అన్ని మెయిల్‌లను పట్టించుకోకండి. మీరు మోసాన్ని అనుమానించినట్లయితే, దయచేసి వెంటనే అధికారులను సంప్రదించండి.
