লিকুইড ফাণ্ডেৰে আপোনাৰ ৰিটাৰ্ণৰ স্ক’ৰবোৰ্ডৰ বৃদ্ধি বজায় ৰাখক

ক্ৰিকেটত, যেতিয়া বেটছমেন এজন দুৰ্দ্দান্ত বলাৰৰ সন্মুখীন হয়, উইকেট হেৰুওৱাৰ আশংকাৰ বাবে 4 আৰু 6-ৰ দৰে ডাঙৰ শ্বট মাৰিবলৈ অসুবিধা হয়। কিন্তু এনে পৰিস্থিতিত, এজন অভিজ্ঞ বেটছমেনে স্ক’ৰবোৰ্ডৰ বৃদ্ধি বজায় ৰাখিবলৈ যিমান সম্ভৱ সিমান ছিংগলছ ল’বলৈ চেষ্টা কৰে আৰু নিশ্চিত কৰে যাতে শেষৰ ফালে ৰাণ কৰাৰ চাপ বৃদ্ধি নহয়।

স্মাৰ্ট আৰু এথলেটিক বেটছমেনসকলেও উইকেটৰ মাজত ৰাণ যিমান পাৰি বেছিকৈ কৰি ছিংগলছক ডাবলছলৈ ৰূপান্তৰ কৰাৰ প্ৰতিটো সুযোগৰ সৰ্বাধিক সদ্ব্যৱহাৰ কৰাটো নিশ্চিত কৰে। ইয়াৰ উদ্দেশ্য হৈছে সেই কঠিন বেটিং পৰিস্থিতিত অধিক ৰিস্ক নোলোৱাকৈ যিমান পাৰে স্ক’ৰ কৰা, কিয়নো শেষত ই প্ৰতিদ্বন্দী দলৰ বাবে এটা ডাঙৰ লক্ষ্য নিৰ্ধাৰণ কৰাত বা আনটো দলে আপোনাৰ বাবে নিৰ্ধাৰণ কৰা লক্ষ্যটো অনুসৰণ কৰাত সহায় কৰে।

আপোনাৰ চেভিংৰ লক্ষ্য অনুসৰণ কৰা

এতিয়া ইয়াক আপুনি আপোনাৰ বিত্ত আৰু বিনিয়োগ পৰিচালনা কৰাৰ পদ্ধতিৰ সৈতে তুলনা কৰক। এজন বেটছমেনে যিদৰে এটা নিৰ্দিষ্ট লক্ষ্যৰ স্ক’ৰ নিৰ্ধাৰণ বা অনুসৰণ কৰিব লাগে, এজন ব্যক্তি হিচাপে আপোনাৰ জীৱনত কিছুমান বিত্তীয় লক্ষ্য থাকিব — সেয়া মুদ্ৰাস্ফীতিতকৈ অধিক লাভ অৰ্জন কৰা হওঁক বা আপোনাৰ জীৱনৰ লক্ষ্য প্ৰাপ্ত কৰা যেনে গাড়ী কিনা, ঘৰ কিনা বা এক নিৰ্দিষ্ট তাৰিখৰ ভিতৰত এক নিৰ্দিষ্ট পৰিমাণৰ টকা জমা কৰা। কিন্তু আপুনি আপোনাৰ জীৱনৰ লক্ষ্যৰ ওচৰ চাপিব পৰাকৈ আপুনি আপোনাৰ ওচৰত থকা টকাখিনিৰ পৰা যিমান বেছি সম্ভৱ ৰিটাৰ্ণ অৰ্জন কৰিবলৈ সকলো প্ৰচেষ্টা কৰিছেনে?

সাধাৰণতে, আপুনি আপোনাৰ ওচৰত থকা টকাৰ পৰা অতি উচ্চ ৰিটাৰ্ণ অৰ্জন কৰাৰ লক্ষ্য ৰাখিব নোৱাৰে কিয়নো অধিক ৰিটাৰ্ণৰ লক্ষ্যত অধিক ৰিস্ক ল’ব লাগে বা আপুনি আপোনাৰ টকা দীঘলীয়া সময়ৰ বাবে লক কৰিব লগা হয়। তাৰোপৰি, আপোনাৰ ওচৰত হয়তো কিছু টকা থাকিব পাৰে যিখিনি আপুনি যিকোনো সময়তে উলিয়াব পৰাকৈ থ’বলৈ বিচাৰে।

লিকুইড ফাণ্ডেৰে সঠিক বিনিয়োগ

বিনিয়োগকাৰীসকলে সাধাৰণতে এনে টকা ক’ত ৰাখে? সচৰাচৰ উত্তৰটো হ’ল বেংক চেভিংছ একাউণ্টত। এতিয়া, কঠিন পৰিস্থিতিতো স্ক’ৰবোৰ্ডৰ বৃদ্ধি বজায় ৰাখিবলৈ চেষ্টা কৰা এজন অভিজ্ঞ ক্ৰিকেট বেটছমেনৰ দৰে আপুনিও এজন বিনিয়োগকাৰী হিচাপে চেভিংছ একাউণ্টত মাত্ৰ 2–3% আয় কৰাৰ পৰিৱৰ্তে, অধিক ৰিস্ক নোলোৱাকৈ আৰু দীঘলীয়া সময়ৰ বাবে টকা লক নকৰাকৈ আৰু লগতে অধিক ৰিটাৰ্ণ পাবলৈ আপোনাৰ টকাখিনি ক’ত বিনিয়োগ কৰিব?

আপোনাৰ উত্তৰটো হ’ব লিকুইড ফাণ্ড

সকলো মিউচুৱেল ফাণ্ডৰ ভিতৰত লিকুইড ফাণ্ড সুৰক্ষিত, কিয়নো তেওঁলোকে বেংক, চৰকাৰ আৰু ডাঙৰ প্ৰতিষ্ঠিত নিগমৰ দ্বাৰা জাৰী কৰা ফিক্সড ইনকম চিকিউৰিটিত বিনিয়োগ কৰে। তেওঁলোকে শ্বেয়াৰ বজাৰত বিনিয়োগ নকৰে।

লিকুইড ফাণ্ডে বেংক চেভিংছ একাউণ্টতকৈ বহুত বেছি ৰিটাৰ্ণ দিয়ে। তলত চেভিংছ একাউণ্টৰ দ্বাৰা আগবঢ়োৱা সূতৰ হাৰ আৰু লিকুইড ফাণ্ডৰ দ্বাৰা আগবঢ়োৱা গড় ৰিটাৰ্ণৰ বাৰ্ষিক তুলনা কৰা হৈছে।

লিকুইড ফাণ্ডত কোনো লক-ইন পিৰিয়ড নাই আৰু ইয়াত তাৎক্ষণিক টকা উলিওৱাৰ সুবিধা আছে আপুনি উলিওৱা টকাখিনি তৎক্ষণাৎ আপোনাৰ একাউণ্টত জমা হয় (আপোনাৰ বিনিয়োগ মূল্যৰ সৰ্বাধিক ₹50,000 বা 90% সাপেক্ষে, যিটো কম হয়) আৰু বাকী থকা টকাখিনি 2টা কৰ্মদিনৰ ভিতৰত একাউন্টত জমা হয়।

আপুনি আপোনাৰ লিকুইড ফাণ্ড একাউণ্টত কোনো নিম্নতম বেলেন্স ৰখাৰ প্ৰয়োজন নাই। লিকুইড ফাণ্ডে এক উচ্চ স্তৰৰ স্বচ্ছতা প্ৰদান কৰে যাৰ অৰ্থ হৈছে আপুনি প্ৰতিদিনে আপোনাৰ বিনিয়োগৰ মূল্য চাই থাকিব পাৰে আৰু আটাইতকৈ ডাঙৰ কথাটো হ’ল আপুনি ₹100-ৰ দৰে কম পৰিমাণৰ টকাৰ পৰা আৰম্ভ কৰিব পাৰে।

সেয়েহে এজন ভাল ক্ৰিকেট বেটছমেনৰ দৰে, যি অত্যাধিক ৰিস্ক নোলোৱাকৈ তেওঁৰ স্ক’ৰবোৰ্ড বৃদ্ধি বজায় ৰাখে, একেদৰে আপুনিও আপোনাৰ ৰিটাৰ্ণৰ স্ক’ৰবোৰ্ডো লিকুইড ফাণ্ডেৰে অধিক ৰিস্ক নোলোৱাকৈ বা আপোনাৰ টকা লক নকৰাকৈ বৃদ্ধি বজায় ৰাখক। মনত ৰাখিব, আপুনি আপোনাৰ টকাৰ ওপৰত আয় কৰা প্ৰতিটো অতিৰিক্ত শতাংশ পইন্টে আপোনাৰ জীৱনৰ লক্ষ্যত অৰিহণা যোগাব।

মিউচুৱেল ফাণ্ডসমূহ বজাৰৰ ৰিস্কৰ ওপৰত নিৰ্ধাৰিত৷ অনুগ্ৰহ কৰি বিনিয়োগ কৰাৰ আগতে আঁচনি-সম্পৰ্কীয় সকলো নথিপত্ৰ মনোযোগেৰে পঢ়ক।