ನಿಮ್ಮ ಆದಾಯದ ಸ್ಕೋರ್‌ ಬೋರ್ಡ್‌ ಅನ್ನು ಲಿಕ್ವಿಡ್‌ ಫಂಡ್‌ಗಳೊಂದಿಗೆ ನಿರ್ವಹಿಸಿ

ಕ್ರಿಕೆಟ್‌ನಲ್ಲಿ, ಒಬ್ಬ ಬ್ಯಾಟ್ಸ್‌ಮನ್ ಕಠಿಣ ಬೌಲರ್‌ನನ್ನು ಎದುರಿಸಿದಾಗ, ವಿಕೆಟ್ ಕಳೆದುಕೊಳ್ಳುವ ಭಯದಿಂದ ಬೌಂಡರಿ ಮತ್ತು ಸಿಕ್ಸರ್‌ಗಳಂತಹ ದೊಡ್ಡ ಹೊಡೆತಗಳನ್ನು ಹೊಡೆಯುವುದು ಕಷ್ಟವಾಗುತ್ತದೆ. ಅಂತಹ ಸಂದರ್ಭಗಳಲ್ಲಿ, ಉತ್ತಮ ಬ್ಯಾಟ್ಸ್‌ಮನ್ ಸಿಂಗಲ್ಸ್ ತೆಗೆದುಕೊಂಡು ಸ್ಕೋರ್‌ಬೋರ್ಡ್ ಅನ್ನು ಮುನ್ನಡೆಸುತ್ತಾನೆ. ಇದು ಕೊನೆಗೆ ಒತ್ತಡವಾಗದಂತೆ ತಡೆಯಲು ಸಹಾಯ ಮಾಡುತ್ತದೆ.

ಬುದ್ಧಿವಂತ ಬ್ಯಾಟ್ಸ್‌ಮನ್‌ಗಳು ವಿಕೆಟ್‌ಗಳ ನಡುವಿನ ಓಟವನ್ನು ಸುಧಾರಿಸುವ ಮೂಲಕ ಸಿಂಗಲ್ಸ್ ಅನ್ನು ದ್ವಿಗುಣಗೊಳಿಸುವ ಪ್ರತಿಯೊಂದು ಅವಕಾಶವನ್ನು ಹೆಚ್ಚು ಬಳಸಿಕೊಳ್ಳುತ್ತಾರೆ. ಈ ಕಠಿಣ ಬ್ಯಾಟಿಂಗ್ ಸನ್ನಿವೇಶಗಳಲ್ಲಿ ಹೆಚ್ಚು ರಿಸ್ಕ್‌ ತೆಗೆದುಕೊಳ್ಳದೆ ಎಷ್ಟು ಸಾಧ್ಯವೋ ಅಷ್ಟು ಸ್ಕೋರ್ ಮಾಡುವುದು ಒಟ್ಟಾರೆ ಗುರಿಯಾಗಿದೆ, ಏಕೆಂದರೆ ಕೊನೆಯಲ್ಲಿ ಇವೆಲ್ಲವೂ ಎದುರಾಳಿ ತಂಡಕ್ಕೆ ದೊಡ್ಡ ಗುರಿಯನ್ನು ನೀಡುತ್ತದೆ ಅಥವಾ ಇತರ ತಂಡವು ನಿಮಗಾಗಿ ನಿಗದಿಪಡಿಸಿದ ಗುರಿಯನ್ನು ಅನುಸರಿಸಲು ಸಹಾಯ ಮಾಡುತ್ತದೆ.

ನಿಮ್ಮ ಉಳಿತಾಯದ ಗುರಿಯನ್ನು ಬೆನ್ನಟ್ಟಿ

ಈಗ ಇದನ್ನು ನಿಮ್ಮ ಹಣ ಮತ್ತು ಹೂಡಿಕೆಗಳನ್ನು ನೀವು ನಿರ್ವಹಿಸುವ ವಿಧಾನದೊಂದಿಗೆ ಹೋಲಿಕೆ ಮಾಡಿ. ನೀವು ಜೀವನದಲ್ಲಿ ಸಾಧಿಸಲು ಬಯಸುವ ಗುರಿಗಳಿಗಾಗಿ ನಿರ್ದಿಷ್ಟ ಸ್ಕೋರ್ ಗುರಿಯನ್ನು ಹೊಂದಿಸಲು ಅಥವಾ ಬೆನ್ನಟ್ಟಲು ಬ್ಯಾಟ್ಸ್‌ಮನ್‌ನಂತೆಯೇ ನೀವು ಅದೇ ವಿಧಾನವನ್ನು ಅನುಸರಿಸಬೇಕು. ಇದು ಹಣದುಬ್ಬರಕ್ಕಿಂತ ಹೆಚ್ಚಿನದನ್ನು ಗಳಿಸುವುದಕ್ಕೆ ಅಥವಾ ಕಾರನ್ನು ಖರೀದಿಸುವುದು, ಮನೆ ಖರೀದಿಸುವುದು ಅಥವಾ ಒಂದು ನಿರ್ದಿಷ್ಟ ದಿನಾಂಕದೊಳಗೆ ಒಂದು ನಿರ್ದಿಷ್ಟ ಮೊತ್ತವನ್ನು ಸಂಗ್ರಹಿಸುವುದು ಮುಂತಾದ ಯಾವುದೇ ಗುರಿಗಳಿರಬಹುದು. ಆದರೆ ನಿಮ್ಮ ಜೀವನದ ಗುರಿಗಳನ್ನು ಸಾಧಿಸಲು ನಿಮ್ಮಲ್ಲಿರುವ ಹಣದಿಂದ ಉತ್ತಮ ಆದಾಯಕ್ಕೆ ನೀವು ಎಲ್ಲ ಪ್ರಯತ್ನಗಳನ್ನು ಮಾಡುತ್ತಿದ್ದೀರಾ?

ನಿಮ್ಮಲ್ಲಿರುವ ಎಲ್ಲ ಹಣದ ಮೇಲೆ ಹೆಚ್ಚಿನ ಆದಾಯವನ್ನು ಗಳಿಸುವ ಗುರಿಯನ್ನು ನೀವು ಹೊಂದಲು ಸಾಧ್ಯವಿಲ್ಲ. ಏಕೆಂದರೆ ಹೆಚ್ಚಿನ ಆದಾಯದ ಗುರಿಯು ಹೆಚ್ಚಿನ ರಿಸ್ಕ್‌ ತೆಗೆದುಕೊಳ್ಳುವುದನ್ನು ಒಳಗೊಂಡಿರಬಹುದು ಅಥವಾ ನಿಮ್ಮ ಹಣವನ್ನು ದೀರ್ಘಾವಧಿಯವರೆಗೆ ಲಾಕ್ ಮಾಡುವ ಅಗತ್ಯವಿರುತ್ತದೆ. ಮತ್ತು ನೀವು ಯಾವಾಗ ಬೇಕಾದರೂ ತೆಗೆಯಲು ಬಯಸುವ ಸ್ವಲ್ಪ ಹಣವನ್ನು ನೀವು ಹೊಂದಿರಬಹುದು.

ಲಿಕ್ವಿಡ್‌ ಫಂಡ್‌ಗಳೊಂದಿಗೆ ಹೂಡಿಕೆ ಮಾಡಿ

ಹಾಗಾದರೆ ಹೂಡಿಕೆದಾರರು ಸಾಮಾನ್ಯವಾಗಿ ಅಂತಹ ಹಣವನ್ನು ಎಲ್ಲಿ ಇಡುತ್ತಾರೆ? ಸಾಮಾನ್ಯವಾಗಿ ಬರುವ ಉತ್ತರವೆಂದರೆ ಬ್ಯಾಂಕ್ ಉಳಿತಾಯ ಖಾತೆ. ಈಗ, ಕಠಿಣ ಪರಿಸ್ಥಿತಿಗಳಲ್ಲಿಯೂ ಸಹ ಸ್ಕೋರ್‌ಬೋರ್ಡ್ ಉಳಿಸಿಕೊಳ್ಳಲು ಪ್ರಯತ್ನಿಸುವ ಒಬ್ಬ ನುರಿತ ಕ್ರಿಕೆಟ್ ಬ್ಯಾಟ್ಸ್‌ಮನ್‌ನಂತೆ, ಹೂಡಿಕೆದಾರರಾಗಿ ನೀವು ಉಳಿತಾಯ ಖಾತೆಯಲ್ಲಿ ಕೇವಲ 2–3% ಗಳಿಸುವ ಬದಲು, ದೀರ್ಘಾವಧಿಯವರೆಗೆ ನಿಮ್ಮ ಹಣವನ್ನು ರಿಸ್ಕ್‌ ಅಥವಾ ಲಾಕ್ ಮಾಡಿದರೆ, ಅಂತಹ ಹಣದಿಂದ ಸ್ವಲ್ಪ ಹೆಚ್ಚಿನ ಲಾಭವನ್ನು ಗಳಿಸಬಹುದೇ??

ನಿಮ್ಮ ಉತ್ತರವೆಂದರೆ ಲಿಕ್ವಿಡ್‌ ಫಂಡ್‌ಗಳು.

ಬ್ಯಾಂಕುಗಳು, ಸರ್ಕಾರ ಮತ್ತು ದೊಡ್ಡ ಹೆಸರಾಂತ ನಿಗಮಗಳು ನೀಡುವ ಸ್ಥಿರ ಆದಾಯ ಭದ್ರತೆಗಳಲ್ಲಿ ಹೂಡಿಕೆ ಮಾಡುವುದರಿಂದ ಎಲ್ಲಾ ಮ್ಯೂಚುವಲ್ ಫಂಡ್‌ಗಳಲ್ಲಿ ಲಿಕ್ವಿಡ್‌ ಫಂಡ್‌ಗಳು ಹೆಚ್ಚು ಸುರಕ್ಷಿತವಾಗಿವೆ. ಮತ್ತು ಲಿಕ್ವಿಡ್‌ ಫಂಡುಗಳನ್ನು ಷೇರು ಮಾರುಕಟ್ಟೆಯಲ್ಲಿ ಹೂಡಿಕೆ ಮಾಡುವುದಿಲ್ಲ.

ಲಿಕ್ವಿಡ್‌ ಫಂಡುಗಳು ಬ್ಯಾಂಕ್ ಉಳಿತಾಯ ಖಾತೆಗಿಂತ ಹೆಚ್ಚಿನ ಆದಾಯವನ್ನು ನೀಡುತ್ತವೆ. ಉಳಿತಾಯ ಖಾತೆಗಳು ನೀಡುವ ಬಡ್ಡಿದರಗಳು ಮತ್ತು ಲಿಕ್ವಿಡ್‌ ಫಂಡ್‌ಗಳು ನೀಡುವ ಸರಾಸರಿ ಆದಾಯದ ವಾರ್ಷಿಕ ಹೋಲಿಕೆ ಇಲ್ಲಿದೆ.

ಲಿಕ್ವಿಡ್ ಫಂಡ್‌ಗಳಿಗೆ ಯಾವುದೇ ಲಾಕ್-ಇನ್ ಇಲ್ಲ ಮತ್ತು ಬೇಕಾದಾಗ ವಿಥ್‌ ಡ್ರಾ ಮಾಡುವ ಸೌಲಭ್ಯವನ್ನು ನೀಡುತ್ತದೆ, ಅದರಲ್ಲಿ ವಿಥ್‌ ಡ್ರಾ ಮೊತ್ತವನ್ನು ತಕ್ಷಣವೇ ನಿಮ್ಮ ಖಾತೆಗೆ ಜಮಾ ಮಾಡಲಾಗುತ್ತದೆ (ಗರಿಷ್ಠ ರೂ .50,000 ಅಥವಾ ನಿಮ್ಮ ಹೂಡಿಕೆ ಮೌಲ್ಯದ 90% ಗೆ ಒಳಪಟ್ಟಿರುತ್ತದೆ, ಯಾವುದು ಕಡಿಮೆ ಇದೆಯೋ ಅದು) ಮತ್ತು ಉಳಿದ ಮೊತ್ತವನ್ನು 2 ವ್ಯವಹಾರದ ದಿನಗಳಲ್ಲಿ ಕ್ರೆಡಿಟ್ ಮಾಡಲಾಗುತ್ತದೆ..

ನಿಮ್ಮ ಲಿಕ್ವಿಡ್ ಫಂಡ್ ಖಾತೆಯಲ್ಲಿ ಯಾವುದೇ ಕನಿಷ್ಠ ಬಾಕಿ ಉಳಿಸಿಕೊಳ್ಳುವ ಅಗತ್ಯವಿಲ್ಲ. ಲಿಕ್ವಿಡ್ ಫಂಡ್‌ಗಳು ಉನ್ನತ ಮಟ್ಟದ ಪಾರದರ್ಶಕತೆಯನ್ನು ನೀಡುತ್ತವೆ ಅಂದರೆ ನಿಮ್ಮ ಹೂಡಿಕೆಯ ಮೌಲ್ಯವನ್ನು ನೀವು ಪ್ರತಿದಿನ ಟ್ರ್ಯಾಕ್ ಮಾಡಬಹುದು ಮತ್ತು ಉತ್ತಮ ಭಾಗವೆಂದರೆ ನೀವು ರೂ .100 ರಷ್ಟನ್ನು ಕೂಡಾ ಹೂಡಿಕೆ ಮಾಡಬಹುದು.

ಆದ್ದರಿಂದ ಹೆಚ್ಚಿನ ಕ್ರಿಕೆಟ್ ಬ್ಯಾಟ್ಸ್‌ಮನ್‌ನಂತೆ ಹೆಚ್ಚು ರಿಸ್ಕ್‌ ತೆಗೆದುಕೊಳ್ಳದೆ ತನ್ನ ಸ್ಕೋರ್‌ಬೋರ್ಡ್ ಅನ್ನು ಮುನ್ನಡೆಸುವಂತೆ, ನಿಮ್ಮ ರಿಟರ್ನ್ಸ್ ಸ್ಕೋರ್‌ಬೋರ್ಡ್ ಅನ್ನು ಹೆಚ್ಚಿನ ರಿಸ್ಕ್‌ ಅಥವಾ ನಿಮ್ಮ ಹಣವನ್ನು ಲಾಕ್ ಮಾಡದೆ ಲಿಕ್ವಿಡ್‌ ಫಂಡ್‌ ಗಳೊಂದಿಗೆ ಇರಿಸಿ. ನೆನಪಿಡಿ, ನಿಮ್ಮ ಹಣದಿಂದ ನೀವು ಗಳಿಸುವ ಪ್ರತಿಯೊಂದು ಹೆಚ್ಚುವರಿ ಶೇಕಡಾವಾರು ಅಂಶಗಳು ನಿಮ್ಮ ಜೀವನ ಗುರಿಗಳಿಗೆ ಕೊಡುಗೆ ನೀಡುತ್ತವೆ.

ಮ್ಯುಚ್ಯುವಲ್‌ ಫಂಡ್‌ ಗಳು ಮಾರುಕಟ್ಟೆಯ ಅಪಾಯಕ್ಕೆ ಒಳಪಟ್ಟಿರುತ್ತದೆ. ಆದ್ದರಿಂದ ಯಾವುದೇ ಯೋಜನೆಯಲ್ಲಿ ಹೂಡಿಕೆ ಮಾಡುವ ಮೊದಲು ಅದಕ್ಕೆ ಸಂಬಂಧಿಸಿದ ದಾಖಲೆಗಳನ್ನು ಗಮನವಿಟ್ಟು ಓದಿ.