ভুৱা এপসমূহৰ পৰা সাৱধান!

আজিৰ সংযোগী পৃথীৱীত আমাৰ মোবাইল ফোনটো হ’ল সকলো ব্যক্তিগত আৰু মূল্যবান তথ্য নিৰাপদে ষ্টোৰ কৰি ৰখাৰ সকলোতকৈ পচন্দৰ ডিভাইচ। যদিও, হেকাৰ আৰু প্রতাৰকে আমাৰ ব্যক্তিগত ডিভাইচসমূহৰ সুৰক্ষা লঙ্ঘনৰ নতুন উপায় উলিয়াবৰ বাবে অহৰহ প্ৰয়াস কৰি আহিছে ৷

চাইবাৰ আক্রমণ আৰু তাৰ বাবে ল’বলগীয়া সাৱধানতা সম্পর্কে অধিক জানক।

সাম্প্রতিক কিছু চাইবাৰ-ভাবুকি আপডেট অনুযায়ী, হেকাৰে আপোনাৰ মোবাইল ফোনৰ সম্পূৰ্ণ নিয়ন্ত্রণ নিজৰ হাতলৈ নিবৰ বাবে আৰু সংবেদনশীল তথ্যৰ অসৎ ব্যৱহাৰ কৰাৰ উদ্দেশ্যে ভুৱা এপ হিচাপে Virus/Trojan ব্যৱহাৰ কৰে ৷

এই Virus/Trojan বৈধ ফটো এডিটিং, টেক্স এডিটিং, পেইমেন্ট, বেংকিং আৰু গেমিং এপৰ ছদ্মৱেশত আহে ৷

এবাৰ ইনষ্টল কৰাৰ পাছত, হেকাৰে এই সংক্ৰমিত এপসমূহ ব্যৱহাৰ কৰি আপোনাৰ অজ্ঞাতে আপোনাৰ ফোনত নানা কাৰ্য্যকলাপ কৰিবলৈ আৰম্ভ কৰে ৷ তেওঁলোকে ইন্টাৰনেটৰ এক্সেছ পায়, চিষ্টেম এলার্ট সলনি কৰিব পাৰে, অতিৰিক্ত পেকেজ ইনষ্টল কৰিব পাৰে, ৰিবুট কৰিবৰ বাবে স্বয়ংক্রিয় উপায় অৱলম্বন কৰিব পাৰে ৷ কেৱল সেয়ে নহয়, তেওঁলোকে আপোনাৰ যোগাযোগ বিৱৰণ, মিডিয়া ফাইল চাব পাৰে, আপোনাৰ ছবি নিব পাৰে, আপোনাৰ বৰ্তমান অৱস্থান চিনাক্ত কৰিব পাৰে, ল’ক স্ক্ৰীনৰ গোপন কোড, এপৰ পিন আৰু OTP বিৱৰণ সহ SMS ও পঢ়িব পাৰে ৷

আপোনাৰ ডিভাইচ আৰু তথ্য সুৰক্ষিত ৰাখিবৰ বাবে তলত দিয়া টিপছসমূহ মনত ৰাখক!

1. বিশ্বস্ত সূত্রৰ বাহিৰে অন্য কোনো এপ ইনষ্টল নাইবা ডাউনলোড নকৰিব। Google Play Store আৰু App Store ৰ দৰে বিশ্বস্ত সূত্রৰ পৰা ডাউনলোড কৰা এপ ইনষ্টল কৰক।
2. এপৰ অনুমোদনসমূহ মনোযোগেৰে পঢ়ক আৰু এপ উদ্দেশ্যে দিয়া প্রাসঙ্গিক বিৱৰণ থকা অনুমোদনহে স্বীকাৰ কৰক ৷
3. আপোনাৰ ফোন চেটিংছত গৈ “অবিশ্বস্ত সূত্র” ৰ পৰা এপ ইনষ্টল কৰাৰ বিকল্পটো নিষ্ক্রিয় কৰিবলৈ নাপাহৰিব ৷
4. পাব্লিক Wi-Fi নেটৱর্ক এৰি চলক আৰু প্রয়োজন নাথাকিলে আপোনাৰ Wi-Fi কানেকচনটো বন্ধ কৰি ৰাখক ৷ সংক্রমিত এপ্লিকেচন সৰবৰাহৰ বাবে ৰাজহুৱা স্থানত প্ৰতাৰণাকাৰী Wi-Fi এক্সেছ পইন্ট থাকিব পাৰে।
5. সুপৰিচিত প্ৰ’ভাইদাৰৰ পৰা ছিকিউৰিটি চফ্টৱেৰ ইনষ্টল কৰক আৰু সেইসমূহ নিয়মিতভাৱে আপডেট কৰক ৷
6. আপুনি যদি কোনো এপ ডাউনলোড কৰিবলগা হয়, তেন্তে এপটো ডাউনলোড কৰিবৰ বাবে নিৰাপদ হোৱাটো নিশ্চিত হ’বলৈ ৰিভিউসসমূহ ভালদৰে চাই লওক ৷
7. অজ্ঞাত সূত্রৰ পৰা ইমেইলত অহা কোনো জিপ ফাইল এটাচমেন্ট ডাউনলোড নকৰিব নাইবা টেক্সট মেচেজত কোনো লিংক থাকিলে তাত ক্লিক নকৰিব ৷
8. আপোনাৰ ব্রাউজাৰত ফাইল ডাউনলোড কৰাৰ চেষ্টা কৰা ৱেব পেজসমূহ অনতিপলমে বন্ধ কৰক ৷

Author

PhonePe Regional

PhonePe Regional is your go-to for localized blog wisdom, ensuring every blog speaks your language and meets your needs. Dive into the world of digital finance with us!