போலியான செயலிகளில் இருந்து பாதுகாப்பாக இருங்கள்!

ஸ்மார்ட்போன்கள் மற்றும் டிஜிட்டல் வசதியின்  இன்றைய காலகட்டத்தில், மொபைல் அப்ளிகேஷன்கள் தகவல் தொடர்பு, பொழுதுபோக்கு மற்றும் வேலைக்கான அத்தியாவசிய ஆதாரங்களாக மாறிவிட்டன. இருப்பினும், பிரபலமான, நம்பகமான செயலிகளைப் போல் போலி செயலிகள் உருவாக்கப்படுவதால் இந்த வசதி நன்மைகளுடன், அபாயங்களையும் உள்ளடக்கியுள்ளது. முறையான செயலிகளாகத் தோன்றும் வகையில் மிகவும் புத்திசாலித்தனமாக உருவாக்கப்படும் இந்தத் தீங்கிழைக்கும் செயலிகள், தரவுத் திருட்டு, நிதி இழப்பு மற்றும் தனியுரிமை ஆக்கிரமிப்பு போன்ற கடுமையான அபாயங்களை பயனர்களுக்கு ஏற்படுத்துகின்றன.

இந்த வலைப்பதிவு மோசடி ஆப்-கள், அவற்றின் அபாயங்கள் மற்றும் அத்தகைய ஆப்-களின் வலையில் விழுவதைத் தவிர்ப்பதற்கான வழிகள் பற்றி விளக்குகிறது.

போலி செயலிகளை கண்டறிதல்

உண்மையான ஆப்-களின் வடிவமைப்பு மற்றும் செயல்பாட்டைப் பிரதிபலிக்கும் வகையில் போலி ஆப்-கள் உருவாக்கப்படுகின்றன, அவை உண்மையான ஆப்-களிலிருந்து வேறுபடுத்துவது கடினம். நம்பகமான ஆப் ஸ்டோர்களில் அவர்களின் இருப்பு நம்பகத்தன்மையை உருவாக்குகிறது.

சைபர் கிரிமினல்கள் பயனர்களை ஏமாற்றுவதற்காக போலியான ஆப்-ஐ பயன்படுத்துகின்றனர், இது டேட்டா திருட்டு, நிதி மோசடி மற்றும் தனியுரிமை ஆக்கிரமிப்பு போன்ற தீங்கு விளைவிக்கும் விளைவுகளுக்கு வழிவகுக்கும்.

போலி ஆப் மூலம் மோசடிகள் நடக்கக்கூடிய சில வழிகள் இங்கே உள்ளன:

1. ஃபிஷிங்

ஒரு போலி செயலி பதிவிறக்கம் செய்யப்பட்டால், மால்வேர்களின் உதவியுடன் உங்கள் சாதனத்தை பாதிக்க நீங்கள் உள்ளிட்ட உள்நுழைவு சான்றுகளைப் பயன்படுத்தலாம். இந்த உள்நுழைவு சான்றுகள் பிற மோசடி நோக்கங்களுக்காகவும் பயன்படுத்தப்படலாம்.

2. உரிமைகளில் ஊடுருவல் 

உங்கள் சாதனத்தில் உள்ள உரிமைகளில் ஊடுருவ உதவ, முறையான ஆப் போல தோற்றமளிக்கும் போலியான ஆப்-ஐ மோசடி செய்பவர்கள் உருவாக்கலாம். இது முக்கிய பாதுகாப்பு நடவடிக்கைகளில் குறுக்கிட வழிவகுத்து பயனர்களுக்கு பெரும் பாதிப்பை ஏற்படுத்தும்.

3. ரான்சம்வேர்

சில போலி ஆப்ஸ்கள் பதிவிறக்கம் செய்யப்படும் போது, ரான்சம்வேர் வைரஸ் உங்கள் சாதனத்தில் ஊடுருவி தரவை என்க்ரிப்ட் செய்து அணுக முடியாதபடி செய்கிறது. உங்கள் தரவை அணுகுவதற்கு மோசடி செய்பவர்கள் உங்களிடம் பணம் கேட்பார்கள்.

போலி செயலிகளை எவ்வாறு கண்டறிவது

பின்வரும் வழிமுறைகளைப் பின்பற்றுவதன் மூலம் போலியான செயலிகளிலிருந்து நீங்கள் பாதுகாப்பாக இருக்க முடியும்:

• செயலியைச் சரிபார்க்கவும்: முதலில் டெவலப்பர் பெயரை உறுதிப்படுத்தவும். போலி செயலிகளின் பெயர்கள் பொதுவாக ஒரே மாதிரியாக இருக்கும் ஆனால் உண்மையானவற்றிலிருந்து வேறுபடுத்த உதவும் ஒரு குறைபாட்டைக் கொண்டிருக்கும். சிறிய எழுத்துப் பிழைகள் அல்லது லோகோ மாற்றங்களைச் சரிபார்க்கவும். நீங்கள் சரியான செயலியைப் பதிவிறக்கம் செய்துள்ளீர்கள் என்பதை உறுதிப்படுத்த, அதிகாரப்பூர்வ இணையதளத்துடன் அவற்றை ஒப்பிடலாம்.
• ரேட்டிங்ஸ் மற்றும் ரிவீவ்களைச் சரிபார்க்கவும்: உண்மையான ஆப்-கள் பொதுவாக அதிக எண்ணிக்கையிலான ரேட்டிங்ஸ் மற்றும் ரிவீவ்களைக் கொண்டிருக்கும். ஒரு ஆப்-ல் மிகக் குறைவான ரேட்டிங்ஸ் அல்லது வழக்கத்திற்கு மாறாக அதிக எண்ணிக்கையில் ஒரே மாதிரியான நேர்மறையான ரிவீவ்கள் இருந்தால், இது ஒரு போலியான செயலி என்பதற்கான எச்சரிக்கையாக இருக்கலாம்.
• அனுமதிகளை பகுப்பாய்வு செய்யுங்கள்: அடிப்படை கேம் அல்லது யுட்டிலிட்டி ஆப்-க்கு  தேவையில்லாதபோதும் தங்கள் தொடர்புகள், கேமரா அல்லது மைக்ரோஃபோனை அணுக அனுமதி கேட்டால், அது தீங்கிழைக்கும் சாத்தியக்கூறுக்கான அறிகுறியாகும்.
• ஸ்கிரீன்ஷாட்கள் மற்றும் விளக்கத்தைச் சரிபார்க்கவும்: தவறான இலக்கணம், எழுத்துப் பிழைகள் மற்றும் ஆப் விளக்கம் அல்லது ஸ்கிரீன்ஷாட்களில் உள்ள குறைந்த தரப் படங்கள் ஆகியவை மூலமும் போலி ஆப்-ஐ அடையாளம் காண முடியும்.
• அதிகாரப்பூர்வ ஆதாரங்கள்: முடிந்தவரை அதிகாரப்பூர்வ இணையதளங்கள் அல்லது நம்பகமான ஆப் ஸ்டோர்களில் இருந்து ஆப்-களைப் பதிவிறக்கவும்.

உங்களைப் பாதுகாத்துக் கொள்வதற்கான வழிகள்

மோசடியான செயலிகளிலிருந்து உங்கள் சாதனம் மற்றும் தனிப்பட்ட தரவைப் பாதுகாக்க, இந்தச் செயல்களைச் செய்யவும்:

• உங்கள் சாஃப்ட்வேரை அப்டேட்டாக வைத்திருங்கள்: உங்கள் சாதனத்தில் ஆப்ரேட்டிங் சிஸ்டம் மற்றும் செயலிகள் புதுப்பிக்கப்பட்டுள்ளதை உறுதிசெய்யவும். இந்தப் அப்டேட்களில், போலி ஆப்-கள் உங்கள் தகவலைத் திருடுவதைத் தடுக்க, உங்கள் மொபைலின் பாதுகாப்பை வலுப்படுத்தும் சிறப்புப் பாதுகாப்பு இணைப்புகள் அடிக்கடி சேர்க்கப்படுகின்றன.
• பாதுகாப்பு மென்பொருளை அமைக்கவும்: போலி ஆப் போன்ற தீங்கிழைக்கும் மென்பொருளைக் கண்டறிந்து அகற்ற, நம்பகமான ஆன்ட்டி வைரஸ் மற்றும் ஆன்ட்டி மால்வேர் மென்பொருளைப் பயன்படுத்தவும்.
• இரு-காரணி அங்கீகாரத்தை (2FA) இயக்கவும்: அனைத்து கணக்குகளுக்கும் 2FA ஐ இயக்கவும். இதைச் செய்வதன் மூலம் நீங்கள் பாதுகாப்பை அதிகரிக்கலாம் மற்றும் ஹேக்கர்கள் உங்கள் தரவை அணுகுவதை கடினமாக்கலாம்.

• லிங்க்  மற்றும் இணைப்புகளில் கவனமாக இருங்கள்: தெரியாத இணைப்புகளைக் கிளிக் செய்யாதீர்கள் அல்லது அறிமுகமில்லாத மூலங்களிலிருந்து இணைப்புகளைத் திறக்காதீர்கள்.
• கோரிக்கைகளைச் சரிபார்க்கவும்: முக்கியமான தகவலை வழங்குவதற்கு முன் எப்போதும் தகவலைச் சரிபார்க்கவும்.
• வலுவான, தனித்துவமான பாஸ்வோர்டுகளைப் பயன்படுத்தவும்: வெவ்வேறு கணக்குகளுக்கு வெவ்வேறு பாஸ்வோர்டுகளைப் பயன்படுத்தவும், அவற்றைத் தொடர்ந்து மாற்றவும்.

நீங்கள் ஒரு போலி செயலியை பதிவிறக்கம் செய்தால் என்ன செய்ய வேண்டும்

ஒரு மோசடி செயலியைப் பதிவிறக்கியிருக்கலாம் என நீங்கள் நினைத்தால், உடனடியாக பின்வருவற்றைச் செய்யவும்:

1. உடனடியாக அச்செயலியை  அன்இன்ஸ்டால் செய்யவும்
2. உங்கள் கணக்கு ஏதேனும் ஆபத்தில் இருப்பதாக நீங்கள் நினைத்தால், உங்கள் பாஸ்வோர்டை மாற்றவும்
3. உங்கள் வங்கி மற்றும் ஆன்லைன் கணக்குகளில் ஏதேனும் சந்தேகத்திற்கிடமான செயல்பாடு இருந்தால் அவற்றைக் கண்காணிக்கவும்
4. செக்யூரிட்டி சாஃப்ட்வேரை பயன்படுத்தி செக்யூரிட்டி ஸ்கேனை இயக்கவும்
5. செயலியை ரிப்போர்ட் செய்யவும்

சுருக்கமாக, போலியான செயலிகள் உங்கள் தரவுக்கு கடுமையான அச்சுறுத்தலை ஏற்படுத்துகின்றன. விழிப்புடனும் எச்சரிக்கையுடனும் இருப்பதன் மூலம் இதுபோன்ற தீங்கிழைக்கும் செயலிகளிலிருந்து உங்களைப் பாதுகாத்துக் கொள்ளலாம். உங்கள் தனியுரிமை மற்றும் மன அமைதியைப் பாதுகாக்க, புதிய செயலிகளைப் பதிவிறக்கும் போது எப்போதும் எச்சரிக்கையாக இருந்து உங்கள் டிஜிட்டல் பாதுகாப்பிற்கு முன்னுரிமை கொடுங்கள்.

நீங்கள் போலி ஆப்ஸ் மோசடிக்கு ஆளானால் என்ன செய்ய வேண்டும்

PhonePe இல் ஒரு போலி ஆப் மோசடி மூலம் நீங்கள் ஏமாற்றப்பட்டால், பின்வரும் வழிகளில் நீங்கள் உடனடியாக சிக்கலை எழுப்பலாம்:

1. PhonePe ஆப்: உதவிப் பகுதிக்குச் சென்று, “பரிவர்த்தனையில் சிக்கல் உள்ளது” விருப்பத்தின் கீழ் சிக்கலை எழுப்பவும்.
2. PhonePe வாடிக்கையாளர் சேவை எண்: நீங்கள் PhonePe வாடிக்கையாளர் சேவையை 80–68727374 / 022–68727374 என்ற எண்ணில் தொடர்புகொண்டு ஒரு சிக்கலைத் தெரிவிக்கலாம், அதற்குபின் வாடிக்கையாளர் சேவை முகவர் டிக்கெட்டை எழுப்பி உங்கள் பிரச்சனைக்கு உதவுவார்.
3. வெப்ஃபார்ம் சமர்ப்பிப்பு: PhonePe இன் வெப்ஃபார்ம், https://support.phonepe.com/ ஐப் பயன்படுத்தி டிக்கெட்டையும் எழுப்பலாம்.
4. சோஷியல் மீடியா: PhonePeஇன் சோஷியல் மீடியா ஹேண்டில்கள் மூலம் நீங்கள் மோசடி சம்பவங்களைப் புகாரளிக்கலாம்
   Twitter — https://twitter.com/PhonePeSupport
   Facebook — https://www.facebook.com/OfficialPhonePe
5. குறைதீர்ப்பு: ஏற்கனவே உள்ள புகாரின் மீதான குறையைப் புகாரளிக்க, நீங்கள் https://grievance.phonepe.com/ இல் உள்நுழைந்து, முன்பு எழுப்பப்பட்ட டிக்கெட் ஐடியைப் பகிரலாம்.
6. சைபர் செல்: கடைசியாக, மோசடி புகார்களை அருகில் உள்ள சைபர் கிரைம் பிரிவில் புகாரளிக்கலாம் அல்லது https://www.cybercrime.gov.in/ என்ற இணையதளத்தில் புகாரைப் பதிவு செய்யலாம் அல்லது 1930 என்ற எண்ணில் சைபர் கிரைம் உதவி மையத்தைத் தொடர்புகொள்ளலாம்.

முக்கியமான நினைவூட்டல் – PhonePe ஒருபோதும் ரகசிய அல்லது தனிப்பட்ட விவரங்களைக் கேட்காது. phonepe.com டொமைனிலிருந்து அல்லாமல் PhonePe இலிருந்து வந்ததாகக் கூறும் அனைத்து மின்னஞ்சல்களையும் புறக்கணிக்கவும். மோசடி சந்தேகம் இருந்தால், உடனடியாக அதிகாரிகளை தொடர்பு கொள்ளவும்.