నకిలీ యాప్‌లతో తస్మాత్ జాగ్రత్త!

స్మార్ట్‌ఫోన్లు, డిజిటల్ సౌకర్యాలు అందుబాటులోకి వచ్చిన నేటిశకంలో, కమ్యూనికేషన్, వినోదం, ఉత్పాదకత కోసం మొబైల్ అప్లికేషన్లు అత్యావశ్యకమైన వనరులుగా మారాయి. అయినప్పటికీ, ఈ సౌలభ్యం జనాదరణ పొందిన, విశ్వసనీయమైన యాప్‌లను అనుకరించే నకిలీ యాప్‌ల సృష్టి ద్వారా ప్రమాదంతో కూడుకున్నది: . ఈ హానికరమైన యాప్‌లు వినియోగదారులకు డేటా చౌర్యం, ఆర్థిక నష్టం, గోప్యతలోకి చొరబాటు లాంటి తీవ్రమైన ప్రమాదాలను కలిగించడమే కాక చట్టబద్ధమైన యాప్‌ల వలె తమను తాము మాయ చేసేలా తెలివిగా రూపొందించబడ్డాయి.

మోసపూరిత అప్లికేషన్‌ల ప్రపంచాన్ని, వాటి ప్రమాదాలను, అటువంటి యాప్‌ల బారిన పడకుండా ఉండే మార్గాలను ఈ బ్లాగ్ వెలికితీస్తుంది.

నకిలీ యాప్‌లను అర్థం చేసుకోవడం

నకిలీ యాప్‌ల డిజైన్, పనితీరు కూడా నమ్మకమైన యాప్‌ల తరహాలో ఉండేలా రూపొందించబడినందున అసలు ఏది, నకిలీ ఏదని కనిపెట్టడం కష్టసాధ్యమవుతుంది. నమ్మకమైన యాప్ స్టోర్లలో అవి తరచూ కనిపిస్తున్నందున వాటికి కూడా విశ్వసనీయత లభిస్తోంది. 

నకిలీ యాప్‌లను డౌన్‌లోడ్ చేసుకునేలా యూజర్లను మోసగించేందుకు వీటిని సైబర్ క్రిమినల్స్ ఉపయోగిస్తున్నారు. ఇవి డేటా చౌర్యం, ఆర్థిక మోసం, గోప్యతలోకి చొరబాటు లాంటి అనేక రకాలైన ప్రమాదకరమైన ప్రభావాలను కలుగజేయవచ్చు. 

నకిలీ యాప్‌ల ద్వారా మోసాలు చోటు చేసుకునే కొన్ని సాధారణ పద్ధతులు కింద ఇవ్వబడ్డాయి:

1. ఫిషింగ్

ఒక నకిలీ యాప్‌ను డౌన్‌లోడ్ చేసినప్పుడు, అది మాల్‌వేర్ సహాయంతో మీ పరికరంలోకి చొచ్చుకు వెళ్లడానికి మీరు ఎంటర్ చేసిన లాగిన్ క్రెడెన్షియల్స్‌ను ఉపయోగించవచ్చు. ఈ క్రెడెన్షియల్స్‌ను ఇతర తప్పుడు ప్రయోజనాలకోసం కూడా వాడుకోవచ్చు.

2. గోప్యతా హక్కుల ఉల్లంఘన

మీ పరికరంలోని హక్కులను తప్పుదారి పట్టించడంలో సహాయపడేలా మోసగాళ్లు చట్టబద్ధమైన యాప్ గా భావించేలా ఒక నకిలీ  యాప్‌ను రూపొందించవచ్చు. ఇది కీలకమైన భద్రతా చర్యలలో జోక్యం చేసుకోవడానికి దారి తీస్తుంది. ఇది యూజర్లకు ప్రధాన హానిగా పరిణమించగలదు.

3. రాన్సమ్‌వేర్

కొన్ని నకిలీ యాప్‌లను డౌన్‌లోడ్ చేసినప్పుడు, డేటాను గుప్తీకరించి, చదవడానికి వీలు కానిదిగా చేసే రాన్సమ్‌వేర్ మీ పరికరంలోకి చొచ్చుకుపోతుంది. మీ డేటాకు యాక్సెస్ పొందడం కోసం మోసగాళ్లు మీ నుండి డబ్బును డిమాండ్ చేస్తారు.

నకిలీ యాప్‌లను గుర్తించడం ఎలా

కింది చర్యలను అనుసరించడం ద్వారా మీరు నకిలీ యాప్‌లకు దూరంగా ఉండవచ్చు:

• యాప్‌ను వెరిఫై చేయండి: మొదటగా, డెవలపర్ పేరును నిర్ధారించుకోండి. యాప్‌ల పేర్లు సాధారణంగా ఒకే రకంగా ఉంటాయి. కానీ నిజమైన వాటి నుండి వాటిని వేరు చేసి చూపించడంలో సహాయపడే విధంగా ఒక చిన్న లోపం ఉంటుంది. లోగోలో చిన్న టైపోలు లేదా మార్పులు ఉన్నాయా అని చెక్ చేయండి. మీరు సరైన దానినే డౌన్‌లోడ్ చేసుకున్నారా అని సరి చూసుకునేందుకు వీటిని మీరు అధికారిక వెబ్‌సైట్‌తో చెక్ చేసుకోవాలి.
• రేటింగ్స్, రివ్యూలను పరిశీలించండి: నిలదొక్కుకున్న యాప్‌లు పెద్ద సంఖ్యలో రేటింగ్స్, రివ్యూలను కలిగి ఉంటాయి. తక్కువ సంఖ్యలో రివ్యూలు కలిగి ఉన్నా, ఏదైనా యాప్‌కు ఒకే రకంగా ఉన్నట్టు కనిపించే పాజిటివ్ రివ్యూలు ఎక్కువ సంఖ్యలో ఉన్నా, అది నకిలీ యాప్ కావచ్చు అనే హెచ్చరిక సంకేతంగా భావించవచ్చు. 
• అనుమతులను విశ్లేషించండి: అవసరం లేకున్నా ప్రాథమిక గేమ్ లేదా యుటిలిటీ  యాప్‌లు తమకు కాంటాక్ట్‌లు, కెమెరా లేదా మైక్రోఫోన్‌లను అందుకునేందుకు అనుమతిని కోరితే, ఆ యాప్ సరైనది కాదనడానికి సంకేతంగా భావించవచ్చు. 
• స్క్రీన్‌షాట్లు, వివరణను పరిశీలించండి: యాప్ వివరణ లేదా స్క్రీన్‌షాట్లలో వ్యాకరణ దోషాలు, స్పెలింగ్ దోషాలు, నాణ్యత లేని ఇమేజ్‌లు లాంటి వాటితో కూడా నకిలీ యాప్‌ను గుర్తించవచ్చు. 
• అధికారిక ఆధారాలు: వీలైనంతవరకు, అధికారిక వెబ్‌సైట్లు లేదా నమ్మకమైన యాప్ స్టోర్ల నుండి యాప్‌లను డౌన్‌లోడ్ చేసుకోండి.

మిమ్మల్ని సురక్షితంగా ఉంచుకునే మార్గాలు

మోసపూరిత యాప్‌ల నుండి మీ పరికరాన్ని సురక్షితంగా ఉంచుకోవడంతో పాటు డేటాను ప్రైవేటీకరణ చేసుకునేందుకు కింది చర్యలను తీసుకోండి:

• మీ సాఫ్ట్‌వేర్‌ను అప్‌డేట్ చేస్తూ ఉండండి: మీ పరికరంలోని ఆపరేటింగ్ సిస్టం, యాప్‌లు అప్‌డేట్ అయి ఉండేలా చూసుకోండి. మోసపూరిత యాప్‌లు యూజర్లను దోచుకోవడం కోసం చేసే ప్రయత్నంలో భాగంగా చేసే దురుద్ధేశ లోపాల నుండి రక్షించేందుకు సెక్యూరిటీ ప్యాచ్‌లలో తరచూ అప్‌డేట్లలో చేర్చబడుతాయి.
• సెక్యూరిటీ సాఫ్ట్‌వేర్‌ను సెటప్ చేయండి: నకిలీ యాప్‌లు లాంటి హానికరమైన సాఫ్ట్‌వేర్‌ను గుర్తించి, వదిలించుకోవడం కోసం, నమ్మకమైన యాంటీ-వైరస్, హాని నియంత్రిత సాఫ్ట్‌వేర్‌ను ఉపయోగించండి.
• టూ-ఫ్యాక్టర్ ఆథంటికేషన్ (2FA): అన్ని అకౌంట్ల కోసం 2FAను ఆన్ చేయండి. ఇలా చేయడం ద్వారా, మీరు సెక్యూరిటీని పెంచి, మీ డేటాను యాక్సెస్ చేయడాన్ని హ్యాకర్లకు కష్టతరంగా చేయవచ్చు.

• లింక్‌లు, అటాచ్‌మెంట్లతో జాగ్రత్త వహించండి: మీకు తెలియని లింక్‌లపై క్లిక్ చేయడం లేదా బాగా పరిచయం లేని మూలాల నుండి వచ్చే అటాచ్‌మెంట్లను తెరవడం చేయకండి.
• అభ్యర్థనలను వెరిఫై చేయండి: సున్నితమైన సమాచారం అందించేముందు ఎల్లవేళలా సమాచారాన్ని వెరిఫై చేసుకోండి.
• శక్తివంతమైన, ప్రత్యేకమైన పాస్‌వర్డ్‌లను ఉపయోగించండి: వేర్వేరు అకౌంట్లకు వేర్వేరు పాస్‌వర్డ్‌లను ఉపయోగించండి. వాటిని క్రమం తప్పకుండా మార్చండి.

నకిలీ యాప్‌ను డౌన్‌లోడ్ చేసి ఉంటే ఏం చేయాలి

మీరు ఒక మోసపూరిత యాప్‌ను డౌన్‌లోడ్ చేసి ఉండొచ్చని భావిస్తే, వెంటనే చర్య తీసుకోండి:

1. యాప్‌ను వెంటనే అన్‌ఇన్‌స్టాల్ చేయండి.
2. మీ అకౌంట్లలో ఏదైనా బయటపడిందని మీరు భావిస్తే, మీ వేర్వేరు పాస్‌వర్డ్‌లను మార్చండి
3. మీ బ్యాంక్ లేదా ఆన్‌లైన్ అకౌంట్లలో ఏదైనా అనుమానాస్పద కార్యకలాపం జరుగుతుందా అని తెలుసుకునేలా వాటిపై ఓ కన్నేసి ఉంచండి.
4. ఒక సురక్షితమైన సాఫ్ట్‌వేర్‌ను ఉపయోగించి సెక్యూరిటీ స్కాన్‌ను రన్ చేయండి.
5. యాప్‌పై ఫిర్యాదు చేయండి.

క్లుప్తంగా చెప్పాలంటే, నకిలీ యాప్‌లు మీ డేటాకు తీవ్ర హాని కలిగిస్తాయి. అవగాహన కలిగి, అప్రమత్తంగా ఉండడం ద్వారా ఇలాంటి హానికరమైన యాప్‌లనుండి మిమ్మల్ని మీరు రక్షించుకోవచ్చు. మీ గోప్యతను రక్షించుకుని, మనశ్శాంతితో ఉండడం కోసం, కొత్త యాప్‌లను డౌన్‌లోడ్ చేసినప్పుడల్లా జాగ్రత్తగా ఉంటూ, మీ డిజిటల్ భద్రతకు అత్యంత ప్రాధాన్యమివ్వండి.

మీరు నకిలీ యాప్ స్కామ్ బాధితులైతే ఏం చేయాలి

PhonePeలో మీరు ఒక నకిలీ యాప్ స్కామ్‌ బాధితులైతే, మీరు కింది మార్గాల ద్వారా వెంటనే సమస్యను లేవనెత్తవచ్చు:

1. PhonePe యాప్: సహాయ విభాగానికి వెళ్లి, “లావాదేవీతో సమస్య ఉంది” ఆప్షన్ కింద సమస్యను లేవనెత్తండి
2. PhonePe కస్టమర్ కేర్ నంబర్: మీరు సమస్యను లేవనెత్తడం కోసం PhonePe కస్టమర్ కేర్ విభాగాన్ని 80–68727374 / 022–68727374లో సంప్రదించవచ్చు. ఆ తర్వాత కస్టమర్ కేర్ ఏజెంట్ టికెట్టు లేవనెత్తి, మీ సమస్య విషయంలో సహాయం చేస్తారు.
3. వెబ్ ఫారం సమర్పణ: PhonePe వెబ్ ఫారం ఉపయోగించి మీరు టికెట్ లేవనెత్తవచ్చు, https://support.phonepe.com/
4. సోషల్ మీడియా: PhonePe సోషల్ మీడియా హ్యాండిళ్ల ద్వారా మోసపూరిత సంఘటనలపై ఫిర్యాదు చేయవచ్చు.

ట్విటర్ — https://twitter.com/PhonePeSupport

ఫేస్‌బుక్ — https://www.facebook.com/OfficialPhonePe

5. గ్రీవెన్స్: ప్రస్తుతమున్న మీ సమస్య గురించి ఫిర్యాదు చేయడానికి, మీరు https://grievance.phonepe.com/కు లాగిన్ అయి, గతంలో లేవనెత్తిన టికెట్ ఐడిని షేర్ చేయండి
6. సైబర్ సెల్: చివరగా, మీరు మీకు సమీపంలోని సైబర్ సెల్ వద్ద మోసానికి సంబంధించిన ఫిర్యాదులను నివేదించవచ్చు. లేదా  https://www.cybercrime.gov.in/లో ఆన్‌లైన్ ద్వారా ఫిర్యాదును రిజిస్టర్ చేయవచ్చు లేదా సైబర్ క్రైమ్ సెల్ హెల్ప్‌లైన్‌ను 1930లో సంప్రదించవచ్చు.

ముఖ్య గమనిక — PhonePe రహస్య లేదా వ్యక్తిగత వివరాలను ఎన్నడూ కోరదు. phonepe.com డొమైన్ నుండి రాకుంటే PhonePeనుండి వచ్చినట్టు చెబుతున్న అన్ని మెయిళ్లను విస్మరించండి. మోసం ఉన్నట్టు అనుమానిస్తే, దయచేసి అధికారులను వెంటనే సంప్రదించండి.