অটোপেৰ নিয়ম আৰু চৰ্তাৱলী

এই নথিখন তথ্য প্ৰযুক্তি আইন, 2000 (সময় অনুসৰি সংশোধিত ৰূপত), ইয়াৰ অধীনৰ প্ৰযোজ্য নিয়মসমূহ আৰু তথ্য প্ৰযুক্তি আইন, 2000-ৰ দ্বাৰা সংশোধিত বিভিন্ন বিধিবদ্ধ আইনত থকা ইলেক্ট্ৰনিক ৰেকৰ্ড সম্পৰ্কীয় সংশোধিত ব্যৱস্থাসমূহৰ অধীনত এক ইলেক্ট্ৰনিক ৰেকৰ্ড। এই নথিখন PhonePe-ৰ সাধাৰণ চৰ্তাৱলী আৰু নিয়মাৱলী (“Terms”)-ৰ সৈতে সংগতি ৰাখি পঢ়িব লাগিব, যাৰ ভিতৰত কোনো সীমাবদ্ধতা নোহোৱাকৈ PhonePe-ৰ গোপনীয়তা নীতি (“Privacy Policy”); PhonePe UPI-ৰ ব্যৱহাৰৰ চৰ্তাৱলী (“UPI ToU”) আৰু PhonePe প্লেটফৰ্মত উপলব্ধ কৰা অন্যান্য নীতি/চৰ্তাৱলী আৰু নিয়মাৱলী অন্তৰ্ভুক্ত থাকে, যিবোৰ সময়ে সময়ে সংশোধন কৰিব পৰা যায়। ইয়াত ব্যৱহাৰ কৰা কিন্তু অন্যথা সংজ্ঞায়িত নকৰা সকলো ডাঙৰ আখৰৰ শব্দৰ অৰ্থ সাধাৰণ চৰ্তাৱলী অথবা UPI ToU-ত উল্লেখ কৰা অনুসৰি হ’ব। 

PhonePe এপৰ জৰিয়তে এই কাৰ্যকাৰীতা লাভ কৰাৰ বাবে অথবা ব্যৱহাৰ কৰাৰ আগতে অনুগ্ৰহ কৰি এই চৰ্তাৱলী আৰু নিয়মাৱলী – অটোপে (“অটোপে চৰ্তাৱলী”) মনোযোগেৰে পঢ়ক। এই অটোপে চৰ্তাৱলীয়ে এই অটোপে চৰ্তাৱলীৰ অধীনত তালিকাভুক্ত কৰা সুবিধাসমূহ ব্যৱহাৰ কৰি কৰা লেনদেনসমূহ নিয়ন্ত্ৰণ কৰে। এই অটোপে চৰ্তাৱলী আপোনাৰ আৰু PhonePe লিমিটেড (পূৰ্বতে ‘PhonePe প্ৰাইভেট লিমিটেড’ নামেৰে জনাজাত) (“PhonePe/আমি/আমাৰ”)-ৰ মাজত এক বাধ্যতামূলক আইনী চুক্তি, যাৰ পঞ্জীকৃত কাৰ্যালয় অফিচ-2, 5ম মহলা, ৱিং A, ব্লক A, ছালৰপুৰীয়া ছফ্টজ’ন, বেলান্দুৰ গাঁও, ভাৰ্থুৰ হোব্লি, আউটাৰ ৰিং ৰোড, বাংগালোৰ চাউথ, বাংগালোৰ, কৰ্ণাটক, ভাৰত, 560103-ত অৱস্থিত। আপুনি সন্মত হৈছে আৰু স্বীকাৰ কৰে যে আপুনি তলত উল্লেখ কৰা অটোপে চৰ্তাৱলী পঢ়িছে। যদি আপুনি এই অটোপে চৰ্তাৱলীৰ সৈতে একমত নহয় অথবা এই অটোপে চৰ্তাৱলী মানি চলিবলৈ ইচ্ছুক নহয়, তেন্তে আপুনি এই কাৰ্যকাৰীতা লাভ/ব্যৱহাৰ নকৰিবলৈ বাছি ল’ব পাৰে। আমি PhonePe-ৰ ৱেবছাইট আৰু/অথবা PhonePe এপত এটা উন্নীত সংস্কৰণ প্ৰকাশ কৰি যিকোনো সময়তে এই অটোপে চৰ্তাৱলী সংশোধন কৰিব পাৰোঁ। এই অটোপে চৰ্তাৱলীৰ উন্নীত সংস্কৰণটো প্ৰকাশ কৰাৰ লগে লগে কাৰ্যকৰী হ’ব। যিকোনো আপডে’ট/সালসলনিৰ বাবে এই অটোপে চৰ্তাৱলী সময়ে সময়ে পৰ্যালোচনা কৰাটো আপোনাৰ দায়িত্ব। “আপুনি”, “আপোনাৰ”, “আপুনি নিজে”, “অন্তিম ব্যৱহাৰকাৰী”, “গ্ৰাহক”, “ব্যৱহাৰকাৰী” বুলিলে সেই ব্যক্তিগৰাকীক বুজাব যিয়ে ধন প্ৰেৰণ আৰু লাভ কৰিবলৈ PhonePe এপৰ জৰিয়তে PhonePe UPI ব্যৱহাৰ কৰে।

এই অটোপে চৰ্তাৱলীয়ে PhonePe-এ প্ৰদান কৰা এটা কাৰ্যক্ষমতা পৰিচালনা কৰে, য’ত ব্যৱহাৰকাৰীয়ে PhonePe এপত যোগ্য মাৰ্চেণ্টৰ বাবে স্বয়ংক্ৰিয় পৰিশোধ (তলত সংজ্ঞায়িত কৰা অনুসৰি) সংস্থাপন কৰিব পাৰে। ইয়াৰ বাবে PhonePe ব্যৱহাৰকাৰীয়ে নিৰ্ধাৰণ কৰা অথবা বাছি লোৱা নিয়মীয়া সঘনতা অনুসৰি, এই অটোপে চৰ্তাৱলীৰ লগত সংগতি ৰাখি PhonePe ব্যৱহাৰকাৰীৰ হৈ পৰিশোধ কৰিবলৈ PhonePe-ক পূৰ্ব-কৰ্তৃত্ব প্ৰদান কৰিব লাগিব।

1. সংজ্ঞাসমূহ
   1. “কাৰ্যসমূহ” মানে এই অটোপে চৰ্তাৱলীৰ ধাৰা 4-ৰ অধীনত সংজ্ঞায়িত কৰা কাৰ্যসমূহক বুজাব, যিবোৰ এটা মেণ্ডেটৰ বৈধতাৰ সময়ত আৰু ইয়াৰ সম্পৰ্কত এগৰাকী ব্যৱহাৰকাৰীৰ দ্বাৰা গ্ৰহণ / অনুৰোধ কৰিব পৰা যায়।
   2. “অটো টপ-আপ মেণ্ডেট” মানে PhonePe এপৰ জৰিয়তে সক্ষম কৰা কিছুমান সঁজুলি/সুবিধাসমূহ টপ-আপ কৰাৰ বাবে এটা মেণ্ডেট (তলত সংজ্ঞায়িত কৰা অনুসৰি) বুজাব, যাৰ ভিতৰত UPI Lite সুবিধা অথবা PhonePe ৱালেট অন্তৰ্ভুক্ত কিন্তু ইয়াতেই সীমাবদ্ধ নহয়, এনে সঁজুলি/সুবিধাসমূহৰ স্বয়ংক্ৰিয় টপ-আপৰ বাবে। এনে স্বয়ংক্ৰিয় টপ-আপ সৰ্বোচ্চ অনুমোদিত টপ-আপ সীমা (RBI, NPCI আৰু/অথবা অন্যান্য নিয়ন্ত্ৰণকাৰী কৰ্তৃপক্ষৰ দ্বাৰা নিৰ্ধাৰিত) পৰ্যন্ত সক্ৰিয় হ’ব, কেৱল তেতিয়াহে যেতিয়া উক্ত সঁজুলি/সুবিধাসমূহৰ বেলেঞ্চ সৰ্বনিম্ন বেলেঞ্চৰ সীমাত পাবগৈ।
   3. “স্বয়ংক্ৰিয় পৰিশোধ” অথবা “অটোপে” মানে PhonePe-ৰ দ্বাৰা সক্ষম কৰা এনে পৰিশোধক বুজাব যিবোৰ NPCI-ৰ দ্বাৰা UPI তন্ত্ৰৰ ভিতৰত সমৰ্থিত, যাৰ দ্বাৰা ব্যৱহাৰকাৰীয়ে এটা মেণ্ডেটৰ অধীনত তেওঁলোকে বাছি লোৱা এটা নিৰ্দিষ্ট নিয়মীয়া সঘনতাৰ ভিত্তিত পৰিশোধ সংস্থাপন কৰিব পাৰে। মেণ্ডেট পঞ্জীয়ন কৰাৰ সময়ত ব্যৱহাৰকাৰীয়ে অনুমোদন কৰা সময়সূচী অনুসৰি এই ধন পৰিশোধ এককালীন অথবা বাৰে বাৰে হ’ব পৰা হ’ব পাৰে।
   4. “যোগ্য মাৰ্চেণ্টসমূহ” মানে এই অটোপে চৰ্তাৱলী অনুসৰি ব্যৱহাৰকাৰীসকলৰ পৰা স্বয়ংক্ৰিয় ধন পৰিশোধ গ্ৰহণ কৰিবলৈ PhonePe-ৰ সৈতে সক্ৰিয় হৈ থকা মাৰ্চেণ্ট, সেৱা প্ৰদানকাৰী অথবা বিলাৰসকলৰ সেইসমূহ যোগ্য শ্ৰেণীক বুজাব।
   5. “মেণ্ডেট” মানে এই অটোপে চৰ্তাৱলী অনুসৰি যোগ্য মাৰ্চেণ্টসকলক স্বয়ংক্ৰিয়ভাৱে ধন পৰিশোধ কৰিবলৈ PhonePe এপৰ জৰিয়তে এগৰাকী ব্যৱহাৰকাৰীয়ে প্ৰদান কৰা এক স্থায়ী নিৰ্দেশনা অথবা অনুমোদনক বুজাব।
   6. “মেণ্ডেট কাৰ্যকৰীকৰণ” মানে এটা নিৰ্দিষ্ট অটোপে ধন পৰিশোধ কৰাৰ বাবে, PhonePe-ই সক্ৰিয় কৰা আপোনাৰ নিৰ্বাচিত পৰিশোধ পদ্ধতি অনুসৰি, আপোনাৰ জাৰীকৰ্তাই মেণ্ডেট সম্পৰ্কীয় অনুমোদিত ধনৰাশি সফলতাৰে কৰ্তন কৰাটোক বুজাব।
   7. “মেণ্ডেট সীমা” মানে এটা মেণ্ডেট সম্পৰ্কীয় তেনে সীমাক বুজাব যিটো (i) স্বয়ংক্ৰিয় ধন পৰিশোধৰ এক পূৰ্ব-নিৰ্ধাৰিত মূল্য হ’ব পাৰে অথবা (ii) স্বয়ংক্ৰিয় ধন পৰিশোধৰ এক পৰিৱৰ্তনশীল মূল্য হ’ব পাৰে; যিটো RBI / NPCI-ৰ দ্বাৰা নিৰ্ধাৰিত সৰ্বাধিক / সামগ্ৰিক গ্ৰহণযোগ্য সীমাৰ (সময় অনুসৰি উন্নীত অথবা সংশোধিত ৰূপত) অধীন হ’ব।
   8. “মেণ্ডেট পঞ্জীয়ন” মানে এটা মেণ্ডেটৰ সম্পৰ্কত এগৰাকী ব্যৱহাৰকাৰীয়ে প্ৰদান কৰিবলগীয়া এনে বিৱৰণ / ইনপুটসমূহক বুজাব যাৰ ভিতৰত অন্তৰ্ভুক্ত থাকিব: (i) এটা মেণ্ডেটৰ সম্পৰ্কত মাপকাঠীসমূহ, (ii) এটা মেণ্ডেটৰ আৰম্ভণিৰ তাৰিখ আৰু সমাপ্তিৰ তাৰিখ, (iii) মেণ্ডেটৰ সীমা, (iv) মেণ্ডেটৰ নিয়মীয়া সঘনতা।
2. মেণ্ডেট ছেটআপ কৰা
   এটা মেণ্ডেট কেৱল আপোনাৰ দ্বাৰা PhonePe এপৰ জৰিয়তে এটা সফল বৈধতা/প্ৰমাণীকৰণৰ পাছতহে ছেটআপ কৰা হ’ব। মেণ্ডেট এটা ছেটআপ কৰিবলৈ, আপুনি এটা নিৰ্দিষ্ট স্বয়ংক্ৰিয় পৰিশোধৰ সন্দৰ্ভত মেণ্ডেট পঞ্জীয়ন কৰাৰ সৈতে জড়িত সবিশেষ তথ্য শ্বেয়াৰ কৰিব লাগিব।
   তদুপৰি, মেণ্ডেট ছেটআপ কৰাৰ বাবে আগবাঢ়িবলৈ আপুনি এই কাৰ্যকাৰীতাৰ অধীনত PhonePe-ৰ দ্বাৰা সক্ষম কৰা এনে পৰিশোধ একাউণ্ট বাছি ল’ব পাৰে। সফল মেণ্ডেট পঞ্জীয়ন কৰাৰ পাছত, মেণ্ডেট পঞ্জীয়ন কৰাৰ সময়ত আপুনি গ্ৰহণ কৰা মেণ্ডেটৰ নিয়মীয়া সঘনতা অনুসৰি এটা মেণ্ডেট কাৰ্যকৰীকৰণ কৰা হ’ব আৰু এনে কৰ্তৃত্বপ্ৰাপ্ত ধন আপোনাৰ সংযোগ হৈ থকা পৰিশোধ একাউণ্টৰ পৰা কৰ্তন কৰা হ’ব আৰু উক্ত স্বয়ংক্ৰিয় পৰিশোধৰ সম্পৰ্কত থকা যোগ্য মাৰ্চেণ্টগৰাকীলৈ স্থানান্তৰ কৰা হ’ব। এবাৰ এটা মেণ্ডেট সফলতাৰে পঞ্জীয়ন হৈ যোৱাৰ পাছত, ব্যৱহাৰকাৰীক সেই পৰিশোধ একাউণ্টৰ বিৰুদ্ধে সক্ৰিয় মেণ্ডেট পঞ্জীয়ন হৈ থকালৈকে ভাৰ্চুৱেল পৰিশোধ ঠিকনাৰ সৈতে জড়িত পৰিশোধ একাউণ্টটো সংযোগ বিচ্ছিন্ন কৰিবলৈ অনুমতি দিয়া নহ’ব।   
   PhonePe-এ ইয়াৰ দ্বাৰা এটা মেণ্ডেট অথবা মেণ্ডেট কাৰ্যকৰীকৰণ প্ৰত্যাখ্যান, ব্যৰ্থতা অথবা অমীমাংসিত স্থিতিৰ সম্পৰ্কত যিকোনো দায়বদ্ধতা অস্বীকাৰ কৰে, আৰু এই সন্দৰ্ভত আপোনাৰ বেংক অথবা কাৰ্ড প্ৰদানকাৰীয়ে কৰা এনে বৈধতা / প্ৰমাণীকৰণৰ সম্পৰ্কত কোনো ভূমিকা অথবা দায়বদ্ধতা নাথাকিব।  
3. মেণ্ডেট কাৰ্যকৰীকৰণ
   আপোনাৰ মেণ্ডেট(সমূহ) কেৱল তেতিয়াহে প্ৰক্ৰিয়াকৰণ কৰা হ’ব যদিহে আপুনি মেণ্ডেট সংস্থাপনৰ সময়ত আপোনাৰ দ্বাৰা বাছি লোৱা পৰিশোধ একাউণ্টত পৰ্যাপ্ত ধন অথবা সীমা বজাই ৰাখে। যদি আপুনি তেনে কৰাত ব্যৰ্থ হয়, তেন্তে আপোনাৰ মেণ্ডেট কাৰ্যকৰীকৰণ অসফল হ’ব। 
   আপোনাৰ স্বয়ংক্ৰিয় পৰিশোধৰ সম্পৰ্কত আপোনাৰ সংযোগ হৈ থকা পৰিশোধ একাউণ্টৰ পৰা প্ৰকৃত ধন কৰ্তন কৰাৰ আগতে আপোনাক জনোৱা হ’ব, আৰু আপোনাৰ পঞ্জীকৃত ম’বাইল নম্বৰত এটা সফল মেণ্ডেট কাৰ্যকৰীকৰণৰ পাছত, যোগ্য মাৰ্চেণ্ট আৰু বেংক অথবা কাৰ্ড প্ৰদানকাৰীয়ে প্ৰযোজ্য আইনৰ অধীনত নিয়ন্ত্ৰণকাৰী সংস্থাসমূহে নিৰ্ধাৰণ কৰা ধৰণে (সময়লৈ হোৱা সংশোধন অনুসৰি) মেণ্ডেট / মেণ্ডেট কাৰ্যকৰীকৰণ সম্পৰ্কীয় অন্যান্য সবিশেষ তথ্যৰ সৈতে জাননী প্ৰদান কৰিব।
4. মেণ্ডেট এটাৰ সৈতে সম্পৰ্কিত কাৰ্যসমূহ:
   আপুনি এটা মেণ্ডেটৰ বৈধতাৰ সময়ত PhonePe এপৰ জৰিয়তে আপোনাৰ মেণ্ডেট (অটো টপ-আপ মেণ্ডেটসহ) পৰিচালনা কৰাৰ সম্পৰ্কত তলত দিয়া কাৰ্যসমূহ কৰিব পাৰে। অনুগ্ৰহ কৰি মন কৰিব যে ইয়াত উল্লেখ কৰা কাৰ্যসমূহ কেৱল তেতিয়াহে উপলব্ধ হ’ব য’ত যোগ্য মাৰ্চেণ্ট(সমূহ)ৰ দ্বাৰা অনুমতি দিয়া হয় আৰু ই তেওঁলোকৰ নিৰ্দিষ্ট চৰ্তাৱলী আৰু প্ৰযোজ্য আইনৰ সাপেক্ষে হ’ব। (i) মেণ্ডেট পঞ্জীয়ন কৰাৰ সময়ত আপোনাৰ দ্বাৰা নিৰ্ধাৰিত মেণ্ডেটৰ সীমা সংশোধন কৰা, যদিহে মেণ্ডেট সীমা সংশোধন কৰাৰ এনে অনুৰোধ সদায় যোগ্য মাৰ্চেণ্টৰ পৰা আহে; (ii) মেণ্ডেটটো স্থগিত কৰা আৰু/অথবা পুনৰ সক্ৰিয় কৰা, (iii) এটা স্বয়ংক্ৰিয় পৰিশোধৰ সম্পৰ্কত আপোনাৰ বেংক অথবা কাৰ্ড প্ৰদানকাৰীয়ে ধন উলিওৱাৰ প্ৰক্ৰিয়া কৰাৰ আগতে এটা মেণ্ডেট প্ৰত্যাহাৰ/বাতিল কৰা (iv) প্ৰযোজ্য আইন অনুসৰি মেণ্ডেটটো আন এটা তৃতীয় পক্ষৰ এপ্লিকেশ্বন প্ৰদানকাৰী বাবে স্থানান্তৰ কৰা। অনুগ্ৰহ কৰি মন কৰিব যে ওপৰত উল্লেখ কৰা কাৰ্য্যসমূহ প্ৰযোজ্য আইন অনুসৰি কিছুমান নিৰ্দিষ্ট প্ৰকাৰৰ মেণ্ডেটৰ ক্ষেত্ৰত প্ৰযোজ্য নহয়,
   আপুনি সন্মত হৈছে যে এটা মেণ্ডেটৰ সম্পৰ্কত আপোনাৰ কাৰ্যসমূহ, আপোনাৰ বেংক অথবা কাৰ্ড প্ৰদানকাৰীৰ দ্বাৰা অতিৰিক্ত বৈধতা অথবা কৰ্তৃত্বৰ সাপেক্ষে হ’ব পাৰে। আপুনি অধিক সন্মত হৈছে যে আপোনাৰ কাৰ্যসমূহ এই অটোপে চৰ্তাৱলী আৰু প্ৰযোজ্য আইনসমূহৰ সৈতে সংগতি ৰাখি হ’ব আৰু যদি RBI / NPCI অথবা আপোনাৰ বেংক অথবা কাৰ্ড প্ৰদানকাৰীয়ে (যদি ক্ষেত্ৰত প্ৰযোজ্য হয়) নিৰ্ধাৰণ কৰে, তেন্তে আপুনি কাৰ্যসমূহৰ সৈতে জড়িত এনে সময়সীমা মানি চলিব। 
5. এককালীন মেণ্ডেট আৰু পুনৰাবৃত্তিমূলক মেণ্ডেটসমূহ:
   • এককালীন মেণ্ডেটসমূহ:
     • এই কাৰ্যকাৰীতাৰ জৰিয়তে, আপুনি এই অটোপে চৰ্তাৱলীৰ ধাৰা 2 অনুসৰি এটা মেণ্ডেট সংস্থাপন কৰি আপোনাৰ পৰিশোধ একাউণ্টৰ ভৱিষ্যতৰ ধন কৰ্তনৰ বাবে পূৰ্ব-কৰ্তৃত্ব দিব পাৰে। অনুগ্ৰহ কৰি মন কৰিব যে এককালীন মেণ্ডেটসমূহ মূলতঃ বিভিন্ন লেনদেনৰ বাবে ব্যৱহাৰ কৰা হয়, যাৰ ভিতৰত IPO আবেদন অন্তৰ্ভুক্ত কিন্তু ইয়াতেই সীমাবদ্ধ নহয়। মেণ্ডেটটো আপোনাৰ সন্মতি সাপেক্ষে এগৰাকী যোগ্য মাৰ্চেণ্টৰ দ্বাৰা সৃষ্টি কৰা হ’ব আৰু ই কেৱল এককালীন কাৰ্যকৰীকৰণৰ বাবে হ’ব আৰু মেণ্ডেট পঞ্জীয়নৰ সৈতে লগে লগে আপোনাৰ পৰিশোধ একাউণ্টত সমতুল্য পৰিমাণৰ ধন আৱদ্ধ কৰা হ’ব।
     • প্ৰযোজ্য আইনৰ অধীনত স্পষ্টভাৱে বাৰণ কৰা নাথাকিলে আপুনি ম্যাদ উকলি যোৱা তাৰিখ আৰু ধন উলিওৱা তাৰিখৰ আগতে যিকোনো সময়তে এটা মেণ্ডেটৰ পৰিমাণ আৰু ম্যাদ উকলি যোৱা তাৰিখ সংশোধন কৰিব পাৰে।
     • আপুনি ম্যাদ উকলি যোৱা তাৰিখৰ আগতে যিকোনো সময়তে মেণ্ডেটটো বাতিল কৰিব পাৰে। আৱদ্ধ কৰা ধন লগে লগে মুকলি কৰা হ’ব আৰু উক্ত মেণ্ডেটটো বাতিল কৰা হ’ব।
     • প্ৰযোজ্য আইনী নিয়ম অথবা আইনসমূহৰ অধীনত নিৰ্ধাৰিত সৰ্বোচ্চ সময়সীমাৰ বাবেহে মেণ্ডেটসমূহ বৈধ হ’ব পাৰে।
   • পুনৰাবৃত্তিমূলক মেণ্ডেটসমূহ:
     • পুনৰাবৃত্তিমূলক মেণ্ডেটত, আপুনি এটা বাছনি কৰা বৈধতাৰ সময়সীমা আৰু এটা নিৰ্দিষ্ট নিয়মৰ বাবে এককালীন কৰ্তৃত্বৰ জৰিয়তে মেণ্ডেট তালিকাভুক্ত কৰাৰ ক্ষমতা পাব। ই আপোনাৰ পৰিশোধ একাউণ্টৰ পৰা পুনৰাবৃত্তিমূলকভাৱে ধন কৰ্তন কৰাৰ অনুমতি দিব। মেণ্ডেটটো কেৱল আপোনাৰ সন্মতি সাপেক্ষেহে পঞ্জীয়ন কৰা হ’ব।
     • মেণ্ডেট সংশোধনৰ বাবে এটা অনুৰোধ আপোনাৰ অথবা যোগ্য মাৰ্চেণ্টৰ দ্বাৰা প্ৰেৰণ কৰিব পৰা যায়। অনুগ্ৰহ কৰি মন কৰিব যে কিছুমান নিৰ্দিষ্ট প্ৰকাৰৰ মেণ্ডেট কেৱল তেতিয়াহে সংশোধন কৰিব পৰা যায় যদিহে মেণ্ডেট সংশোধন কৰাৰ এনে অনুৰোধ যোগ্য মাৰ্চেণ্টৰ পৰা আহিছে। সংশোধন অনুমোদন কৰাৰ চূড়ান্ত কৰ্তৃত্ব আপোনাৰ হাতত থাকে।
     • আপুনি এটা নিৰ্দিষ্ট সময়ৰ বাবে মেণ্ডেটটো স্থগিত কৰিব পাৰে যাৰ ভিতৰত মেণ্ডেটটো নিষ্ক্ৰিয় হৈ থাকিব। স্থগিত হৈ থকা মেণ্ডেট এটাত যোগ্য মাৰ্চেণ্ট এগৰাকীয়ে আৰম্ভ কৰা যিকোনো লেনদেন স্বয়ংক্ৰিয়ভাৱে প্ৰত্যাখ্যান কৰা হ’ব। একেদৰে, মেণ্ডেটৰ বৈধতাৰ সময়সীমাৰ ভিতৰত এটা কাৰ্যকৰী তাৰিখৰ পৰা স্থগিত হৈ থকা মেণ্ডেট এটা পুনৰ সক্ৰিয় কৰাৰ বিকল্পও আপোনাৰ ওচৰত আছে। অনুগ্ৰহ কৰি মন কৰিব কি কিছুমান নিৰ্দিষ্ট প্ৰকাৰৰ মেণ্ডেট কেৱল তেতিয়াহে স্থগিত কৰিব পৰা যায় যদিহে মেণ্ডেট স্থগিত কৰাৰ এনে অনুৰোধ যোগ্য মাৰ্চেণ্টৰ পৰা আহিছে।
     • মেণ্ডেটটো বাতিল অৰ্থাৎ আপোনাৰ লগতে যোগ্য মাৰ্চেণ্টৰ দ্বাৰাও বাতিল কৰিব পৰা যায়। অনুগ্ৰহ কৰি মন কৰিব যে কিছুমান নিৰ্দিষ্ট প্ৰকাৰৰ মেণ্ডেট কেৱল তেতিয়াহে বাতিল কৰিব পৰা যায় যদিহে মেণ্ডেট বাতিল কৰাৰ এনে অনুৰোধ যোগ্য মাৰ্চেণ্টৰ পৰা আহিছে।
     • যদি মেণ্ডেট পঞ্জীয়নৰ সৈতে লগে লগে মেণ্ডেট কাৰ্যকৰী কৰা হয়, তেন্তে তাৎক্ষণিক কাৰ্যকৰীকৰণৰ বাবে কোনো সুকীয়া কৰ্তৃত্বৰ প্ৰয়োজন নহ’ব। যদি মেণ্ডেটৰ প্ৰথম কাৰ্যকৰীকৰণ ব্যৰ্থ হয় (তিনিবাৰ পুনৰ চেষ্টা ধৰি), তেন্তে সমগ্ৰ মেণ্ডেটটো বাতিল কৰা হ’ব। যদি মেণ্ডেটৰ প্ৰথম কাৰ্যকৰীকৰণ মেণ্ডেট পঞ্জীয়ন কৰা পাঁচ মিনিটৰ পাছত আৰম্ভ হয়, তেন্তে ব্যৱহাৰকাৰীয়ে UPI পিনসহ প্ৰয়োজনীয় তথ্যৰ সৈতে কাৰ্যকৰীকৰণ কৰ্তৃত্ব দিব লাগিব।
     • NPCI-ৰ নিৰ্দেশনা অনুসৰি, যিকোনো কাৰণবশতঃ মেণ্ডেক্ট কাৰ্যকৰী কৰাৰ প্ৰক্ৰিয়া বিফল হ’লে তিনিবাৰ পুনৰ চেষ্টা কৰাৰ অনুমতি দিয়া হ’ব। তৃতীয়বাৰৰ কাৰণে কৰা পুনৰ চেষ্টাও বিফল হ’লে, সেই বিশেষ তাৰিখটোত লেনদেনটো প্ৰক্ৰিয়াকৰণ কৰাৰ বাবে সংশ্লিষ্ট মেণ্ডেট কাৰ্যকৰীকৰণ প্ৰক্ৰিয়াটো বিফল বুলি গণ্য কৰা হ’ব; অৱশ্যে, ভৱিষ্যতৰ মেণ্ডেট কাৰ্যকৰীকৰণসমূহৰ বাবে মেণ্ডেক্টটো বৈধ আৰু সক্ৰিয় হৈ থাকিব।
     • মেণ্ডেটৰ বাবে সৰ্বোচ্চ পৰিমাণৰ সীমা মাৰ্চেণ্ট শাখাৰ ভিত্তিত NPCI/RBI-ৰ দ্বাৰা নিৰ্দিষ্ট কৰা অনুসৰি হয়। এই সীমাসমূহ আৰু শাখাসমূহ NPCI/RBI-ৰ দ্বাৰা সময়ে সময়ে সংশোধন কৰিব পৰা যায়।
6. UPI ৰিজাৰ্ভ পে’
   UPI ৰিজাৰ্ভ পে’ এটা সুবিধা হিচাপে ব্যৱহাৰকাৰীক তেওঁৰ পৰিশোধ একাউণ্টৰ ভৱিষ্যতৰ ধন কৰ্তনৰ বাবে পূৰ্ব-কৰ্তৃত্ব দিবলৈ সক্ষম কৰে। মেণ্ডেট পঞ্জীয়নৰ লগে লগে আপোনাৰ পৰিশোধ একাউণ্টত সমতুল্য পৰিমাণৰ ধন আৱদ্ধ কৰা হ’ব। সৃষ্টি কৰা মেণ্ডেটটো মেণ্ডেট পঞ্জীয়ন কৰাৰ সময়ত আৱদ্ধ কৰা পৰিমাণৰ সমতুল্য একাধিক স্বয়ংক্ৰিয় পৰিশোধৰ বাবে ব্যৱহাৰ কৰা হ’ব।
   আপুনি অথবা আপোনাৰ হৈ এগৰাকী যোগ্য মাৰ্চেণ্টে ওপৰত উল্লেখ কৰা 2 নম্বৰ দফা অনুসৰি আপোনাৰ বাবে এটা মেণ্ডেট সৃষ্টি কৰিব পাৰে। কোনো ক্ষেত্ৰত, যদি আপোনাৰ পৰিশোধ একাউণ্টত প্ৰয়োজনীয় ধন/বেলেঞ্চ নাথাকে, তেন্তে মেণ্ডেটটো সৃষ্টি কৰা নহ’ব।
   আপুনি বুজি পাইছে যে প্ৰযোজ্য আইনসমূহৰ সৈতে সংগতি ৰাখি যোগ্য মাৰ্চেণ্টে নিৰ্ধাৰণ কৰা বিশেষ চৰ্তাৱলীৰ অধীনত অনুমতি থাকিলে, মেণ্ডেটটো ম্যাদ উকলি যোৱাৰ পূৰ্বে আপুনি যিকোনো সময়তে প্ৰত্যাহাৰ কৰিব পাৰিব। অনুগ্ৰহ কৰি মন কৰিব যে যিবোৰ মেণ্ডেটত ব্যৱহাৰ কৰা পে’মেণ্ট একাউণ্টটো ক্ৰেডিট লাইন অথবা ক্ৰেডিট কাৰ্ডৰ দৰে এটা ক্ৰেডিট ইনষ্ট্ৰুমেণ্ট হয়, প্ৰযোজ্য আইন অনুসৰি এবাৰ কৰ্তৃত্ব প্ৰদান কৰাৰ পাছত মেণ্ডেটটো স্থিৰ হৈ থাকিব আৰু ব্যৱহাৰকাৰীয়ে ইয়াক মেনুৱেলী প্ৰত্যাহাৰ অথবা ডিলিট কৰিব নোৱাৰিব।
   মেণ্ডেটসমূহ সৰ্বোচ্চ 90 দিনৰ বাবে বৈধ হ’ব পাৰে অথবা সময়ে সময়ে এনেদৰে নিৰ্ধাৰিত আন কোনো সময়সীমাৰ বাবে বৈধ হ’ব পাৰে।
   আপুনি বুজি পাইছে যে যোগ্য মাৰ্চেণ্টৰ দ্বাৰা ম্যাদ উকলি যোৱা তাৰিখৰ আগতে যিকোনো সময়তে মেণ্ডেটসমূহ বাতিল কৰিব পৰা যায়। আৱদ্ধ কৰা ধন লগে লগে মুকলি কৰা হ’ব, আৰু উক্ত মেণ্ডেটটো বাতিল কৰা হ’ব। মেণ্ডেট কাৰ্যকৰীকৰণ কেৱল আৰম্ভণিৰ তাৰিখ আৰু সমাপ্তিৰ তাৰিখৰ ভিতৰতহে হ’ব।
   মেণ্ডেটৰ বাবে সৰ্বোচ্চ পৰিমাণৰ সীমা মাৰ্চেণ্ট শাখাৰ ভিত্তিত NPCI/RBI-ৰ দ্বাৰা নিৰ্দিষ্ট কৰা অনুসৰি হয়। এই সীমাসমূহ আৰু শাখাসমূহ NPCI/RBI-ৰ দ্বাৰা সময়ে সময়ে সংশোধন কৰিব পৰা যায়।
7. অটো-টপ আপ মেণ্ডেট:  
   যদি আপুনি PhonePe এপৰ জৰিয়তে সক্ষম কৰা UPI Lite অথবা PhonePe ৱালেট বাছি লৈছে, তেন্তে এই অটোপে চৰ্তাৱলীৰ সৈতে সংগতি ৰাখি UPI Lite অথবা PhonePe ৱালেটৰ বাবে অটো টপ-আপৰ বাবে প্ৰযোজ্য মেণ্ডেট সীমা অনুসৰি এটা অটো-টপ-আপ মেণ্ডেট সংস্থাপন কৰাৰ বিকল্প আপোনাৰ ওচৰত থাকিব। উদাহৰণস্বৰূপ: এগৰাকী ব্যৱহাৰকাৰীয়ে ইয়াৰ UPI Lite-ত স্বয়ংক্ৰিয়ভাৱে INR 300 যোগ কৰিবলৈ এটা অটো-টপ-আপ মেণ্ডেট নিৰ্ধাৰণ কৰিব পাৰে যদিহে UPI Lite-ৰ বেলেঞ্চ INR 200-তকৈ কম হয়। সেই অনুসৰি, প্ৰতিবাৰেই বেলেঞ্চ INR 200-তকৈ তললৈ গ’লে এনে PhonePe ব্যৱহাৰকাৰীৰ পৰিশোধ একাউণ্টৰ পৰা INR 300 কৰ্তন কৰা হ’ব। একেদৰে, এগৰাকী ব্যৱহাৰকাৰীয়ে ইয়াৰ PhonePe ৱালেটত স্বয়ংক্ৰিয়ভাৱে INR 300 যোগ কৰিবলৈ এটা অটো-টপ-আপ মেণ্ডেট নিৰ্ধাৰণ কৰিব পাৰে যদিহে PhonePe ৱালেটৰ বেলেঞ্চ INR 200-তকৈ কম হয়। সেই অনুসৰি, প্ৰতিবাৰেই বেলেঞ্চ INR 200-তকৈ তললৈ গ’লে এনে PhonePe ব্যৱহাৰকাৰীৰ পৰিশোধ একাউণ্টৰ পৰা INR 300 কৰ্তন কৰা হ’ব।  
8. মেণ্ডেট স্থানান্তৰ প্ৰক্ৰিয়া: 
   মেণ্ডেট স্থানান্তৰ প্ৰক্ৰিয়াই আপোনাক আপোনাৰ বিদ্যমান সক্ৰিয় মেণ্ডেটসমূহ এটা তৃতীয় পক্ষৰ এপ্লিকেশ্বন প্ৰদানকাৰী (উৎস এপ)-ৰ পৰা আন এটা তৃতীয় পক্ষৰ এপ্লিকেচন প্ৰদানকাৰী (গন্তব্য এপ)-লৈ মেণ্ডেটটো বাতিল নকৰাকৈ আৰু পুনৰ সৃষ্টি নকৰাকৈ স্থানান্তৰ কৰাৰ অনুমতি দিয়ে। ই বিভিন্ন সেৱাৰ নিয়মীয়া মাচুল, বিল, ঋণ পৰিশোধ অথবা বিনিয়োগৰ বাবে পুনৰাবৃত্তিমূলক পৰিশোধৰ ধাৰাবাহিকতা নিশ্চিত কৰে।
   • অন্য এটা তৃতীয় পক্ষৰ এপ্লিকেশ্বন প্ৰদানকাৰীৰ পৰা PhonePe এপলৈ মেণ্ডেট স্থানান্তৰ কৰা (পৰ্টিং-ইন):
     অন্য এটা তৃতীয় পক্ষৰ এপ্লিকেশ্বন প্ৰদানকাৰীৰ পৰা PhonePe এপলৈ এটা মেণ্ডেট স্থানান্তৰ কৰাৰ বাবে আপুনি তলত উল্লেখ কৰা পদক্ষেপসমূহ অনুসৰণ কৰিব লাগিব: –
     • PhonePe এপৰ প্ৰাসংগিক শাখাৰ অধীনত, আপুনি সমগ্ৰ UPI পৰিস্থিতিন্ত্ৰত  আপোনাৰ ম’বাইল নম্বৰ আৰু পৰিশোধ একাউণ্টৰ সৈতে সংযোগ হৈ থকা আপোনাৰ আটাইবোৰ সক্ৰিয় মেণ্ডেট চোৱাৰ এটা বিকল্প পাব। 
     • NPCI আৰু বেংক অথবা কাৰ্ড প্ৰদানকাৰীৰ পৰা এটা সফল সঁহাৰি পোৱাৰ পাছত, আমি অনন্য মেণ্ডেট প্ৰসংগ নম্বৰ (UMRN), যোগ্য মাৰ্চেণ্টৰ নাম, সঘনতা (মাহেকীয়া/ত্ৰৈমাসিক/উপস্থাপন কৰা অনুসৰি), আৰু সৰ্বোচ্চ পৰিমাণৰ তালিকা প্ৰদৰ্শন কৰিম। প্ৰদৰ্শিত তালিকাৰ পৰা, আপুনি অন্য এটা তৃতীয় পক্ষৰ এপ্লিকেশ্বন প্ৰদানকাৰীৰ পৰা PhonePe এপলৈ স্থানান্তৰ কৰিব বিচৰা নিৰ্দিষ্ট মেণ্ডেট বাছি ল’ব পাৰে। 
     • আপুনি স্থানান্তৰৰ বাবে মেণ্ডেট বাছি লোৱাৰ পাছত, আমি অন্য হৈ থকা তৃতীয় পক্ষৰ এপ্লিকেশ্বন প্ৰদানকাৰীত আপোনাৰ সংযোগ হৈ থকা পৰিশোধ একাউণ্টটো মেণ্ডেটৰ প্ৰয়োজনীয়তাৰ সৈতে খাপ খায় নে নহয় সেয়া পৰীক্ষা কৰিম। 
     • NPCI সুৰক্ষা নিৰ্দেশনা অনুসৰি, PhonePe এপত মেণ্ডেট পঞ্জীয়ন কৰ্তৃত্ব দিবলৈ আপুনি আপোনাৰ UPI পিন দিব লাগিব। সফল পিন দিয়াৰ পাছত, UPI পৰিস্থিতিন্ত্ৰত UMRN আপডেট কৰা হ’ব আৰু আমি সফল মেণ্ডেট পঞ্জীয়নৰ এটা ডিজিটেল নিশ্চিতকৰণ জাৰী কৰিম। ভৱিষ্যতৰ মেণ্ডেট কাৰ্যকৰীকৰণৰ বাবে এই সালসলনিৰ বিষয়ে যোগ্য মাৰ্চেণ্টক অৱগত কৰা হ’ব।
   • পৰ্টিং-আউট (PhonePe App ৰ পৰা অন্য TPAP লৈ):
     যদি আপুনি PhonePe এপৰ দ্বাৰা পৰিচালিত এটা সক্ৰিয় মেণ্ডেক্ট আন এটা TPAP (গন্তব্যস্থানৰ এপ্)লৈ স্থানান্তৰ কৰিব বিচাৰে, তেন্তে স্থানান্তৰৰ অনুৰোধটো গন্তব্যস্থানৰ এপ্‌টোত আৰম্ভ কৰিব লাগিব। আমি NPCI-ৰ পৰা সেই মেণ্ডেটটো স্থানান্ত কৰাৰ কৰাৰ সন্দৰ্ভত এটা জাননী/অনুৰোধ লাভ কৰিম। সফল প্ৰমাণীকৰণ আৰু গন্তব্যস্থানৰ এপ্‌টোত আপোনাৰ সত্যপনৰ পাছত, আমি সেই নিৰ্দিষ্ট UMRN-টোৰ বাবে পৰিচালনাকাৰী TPAP হিচাপে আমাৰ দাবী এৰি দিম। এবাৰ স্থানান্তৰ হৈ যোৱাৰ পাছত, আমি সেই নিৰ্দিষ্ট মেণ্ডেটটোৰ বাবে কোনো জাননী, সালসলনি অথবা কাৰ্যকৰীকৰণ সেৱা প্ৰদান নকৰোঁ। এবাৰ স্থানান্তৰ হোৱাৰ পাছত, আপুনি সেই মেণ্ডেটোৰ সৈতে জড়িত যিকোনো প্ৰশ্ন অথবা সোধা-পোছাৰ বাবে গন্তব্যস্থানৰ TPAP-ৰ সৈতে যোগাযোগ কৰিব লাগিব। 
9. মাচুল(সমূহ)
   PhonePe-এ ইয়াৰ ব্যৱহাৰকাৰীসকলৰ পৰা অটোপে সুবিধাৰ বাবে কোনো মাচুল নলয়; অৱশ্যে, প্ৰযোজ্য আইনসমূহৰ অধীনত, আমি সময়ে সময়ে মাচুলৰ নীতি পৰিৱৰ্তন কৰাৰ অধিকাৰ সংৰক্ষিত ৰাখোঁ। আমি যিকোনো নতুন সেৱাৰ বাবে মাচুল (প্ৰযোজ্য কৰসহ) প্ৰৱৰ্তন কৰিব পাৰোঁ অথবা বৰ্তমানৰ সেৱাসমূহৰ বাবে মাচুল সংশোধন/প্ৰৱৰ্তন কৰিব পাৰোঁ। মাচুলৰ এই পৰিৱৰ্তনসমূহ আপোনাক PhonePe App/ ৱেবছাইট/ PhonePe প্লেটফৰ্মৰ জৰিয়তে প্ৰদৰ্শন কৰা হ’ব আৰু এনে পৰিৱৰ্তনসমূহ প্ৰকাশ কৰাৰ লগে লগেই স্বয়ংক্ৰিয়ভাৱে কাৰ্যকৰী হ’ব।
10. ব্যৱহাৰকাৰীৰ দায়িত্ব আৰু বাধ্যবাধকতাসমূহ
    আপুনি তলত দিয়া কথাবোৰত সন্মত হৈছে আৰু স্বীকাৰ কৰে:
    1. PhonePe কেৱল স্বয়ংক্ৰিয় পৰিশোধৰ বাবে আপোনাৰ বেংক অথবা কাৰ্ড প্ৰদানকাৰীয়ে ট্ৰিগৰ কৰা মেণ্ডেটৰ বাবে পৰিশোধৰ এক মাধ্যমহে আৰু পৰিশোধ লেনদেনৰ কোনো পক্ষ নহয়।
    2. সকলো মেণ্ডেট কাৰ্যকৰীকৰণ আপোনাৰ দ্বাৰা বৈধ কৰা মেণ্ডেট আৰু PhonePe এপৰ জৰিয়তে মেণ্ডেট পঞ্জীয়নৰ বাবে আপুনি শ্বেয়াৰ কৰা সবিশেষ তথ্যৰ ভিত্তিত PhonePe এপৰ জৰিয়তে হ’ব। আপোনাৰ পৰিশোধ একাউণ্টৰ পৰা কৰ্তন কৰা ধনৰ যিকোনো ধৰণৰ পৰীক্ষণ আৰু/অথবা কোনো এটা নিৰ্দিষ্ট স্বয়ংক্ৰিয় পৰিশোধৰ বাবে দুবাৰকৈ হোৱা পৰিশোধৰ বাবে PhonePe দায়ী নহ’ব। PhonePe এপৰ জৰিয়তে এই কাৰ্যকাৰীতাৰ অধীনত প্ৰতিটো মেণ্ডেটৰ বাবে প্ৰদান কৰা/কৰ্তৃত্বপ্ৰাপ্ত সবিশেষ তথ্য পৰীক্ষা কৰাটো আপোনাৰ দায়িত্ব হ’ব।
    3. আপুনি সন্মত হৈছে আৰু স্বীকাৰ কৰে যে আপোনাৰ মেণ্ডেটৰ সৈতে সংযোগ হৈ থকা ম’বাইল নম্বৰটো বজাই ৰখা আৰু আপডে’ট কৰাৰ বাবে আপুনি নিজে দায়বদ্ধ। আপুনি আপোনাৰ ম’বাইল নম্বৰ সলনি কৰিলে, নিষ্ক্ৰিয় কৰিলে অথবা এৰি দিলে, যোগ্য মাৰ্চেণ্টসকলৰ সৈতে আপুনি স্থাপন কৰা যিকোনো পূৰ্ব-কৰ্তৃত্বপ্ৰাপ্ত মেণ্ডেট প্ৰক্ৰিয়াকৰণ আৰু আপোনাৰ সংযোগ হৈ থকা বিত্তীয় একাউণ্টৰ পৰা ধন কৰ্তন কৰা অব্যাহত থাকিব পাৰে। যদি আপোনাৰ পূৰ্বৰ ম’বাইল নম্বৰটো টেলিকম প্ৰ’ভাইডৰে ম’বাইল নম্বৰ পৰিৱৰ্তন তালিকা (MNRL)ৰ অধীনত পুনৰ ব্যৱহাৰ কৰে আৰু PhonePe এপত এগৰাকী নতুন ব্যৱহাৰকাৰীৰ দ্বাৰা পঞ্জীয়ন কৰা হয়, তেন্তে সেই ব্যৱহাৰকাৰীগৰাকীৰ আপোনাৰ কোনো পুৰণি তথ্য, ব্যক্তিগত তথ্য অথবা সক্ৰিয় মেণ্ডেটৰ এক্সেছ নাথাকিব। যদি আপুনি আৰু এটা ম’বাইল নম্বৰ ব্যৱহাৰ নকৰে আৰু ইয়াৰ সৈতে জড়িত যিকোনো সক্ৰিয় মেণ্ডেট বন্ধ কৰিব বিচাৰে, তেন্তে মেণ্ডেটসমূহ বাতিল অথবা সংশোধন কৰিবলৈ পোনপটীয়াকৈ প্ৰাসংগিক যোগ্য মাৰ্চেণ্টসকলৰ সৈতে যোগাযোগ কৰাটো আপোনাৰ একমাত্ৰ দায়িত্ব। আপুনি আপোনাৰ ম’বাইল নম্বৰ এৰি দিয়াৰ পাছত, সক্ৰিয় মেণ্ডেটৰ অধীনত প্ৰক্ৰিয়াকৰণ হোৱা কোনো ধৰণৰ ধন কৰ্তনৰ বাবে PhonePe দায়বদ্ধ নহ’ব।
    4. যোগ্য মাৰ্চেণ্টৰ পৰা এটা স্বয়ংক্ৰিয় পৰিশোধৰ সম্পৰ্কত আপোনাৰ দ্বাৰা লোৱা সামগ্ৰী, সেৱাৰ সম্পৰ্কত কোনো সমস্যা, উদ্বেগ অথবা বিবাদৰ বাবে PhonePe-এ কোনো দায়িত্ব নলয়। এই সন্দৰ্ভত সামগ্ৰী / সেৱাৰ পৰা উদ্ভৱ হোৱা আপোনাৰ সমস্যাৰ সম্পৰ্কত আপুনি পোনপটীয়াকৈ যোগ্য মাৰ্চেণ্টসকলৰ সৈতে যোগাযোগ কৰিব পাৰে।
    5. এটা সফল মেণ্ডেট কাৰ্যকৰীকৰণৰ বাবে আপোনাৰ পৰিশোধ একাউণ্টত পৰ্যাপ্ত বেলেঞ্চ বজাই ৰাখিবলৈ আপুনি সন্মত হৈছে আৰু স্বীকাৰ কৰে। আপোনাৰ পৰিশোধ একাউণ্টত পৰ্যাপ্ত ধন উপলব্ধ নোহোৱাৰ বাবে মেণ্ডেট কাৰ্যকৰীকৰণত কোনো ব্যৰ্থতা অথবা প্ৰত্যাখ্যানৰ সম্পৰ্কত কোনো দায়বদ্ধতাৰ বাবে PhonePe দায়ী নহ’ব। 
    6. এই কাৰ্যকাৰীতাৰ অধীনত PhonePe এপৰ জৰিয়তে সক্ষম কৰা আপোনাৰ কাৰ্যসমূহ, মেণ্ডেটসমূহ, মেণ্ডেট কাৰ্যকৰীকৰণসমূহ নিয়মীয়াকৈ পৰ্যালোচনা কৰাটো আপোনাৰ দায়িত্ব হ’ব। স্বয়ংক্ৰিয় পৰিশোধৰ সম্পৰ্কত আপোনাৰ বেংক অথবা কাৰ্ড প্ৰদানকাৰী / যোগ্য মাৰ্চেণ্টে আৰোপ কৰা কোনো অননুমোদিত চাৰ্জ, জৰিমনা, পলমকৈ দিয়া মাচুলৰ বাবে অথবা এটা স্বয়ংক্ৰিয় পৰিশোধৰ সম্পৰ্কত আপোনাৰ দ্বাৰা নিৰ্ধাৰিত মেণ্ডেট পঞ্জীয়ন / মেণ্ডেট সীমাৰ সম্পৰ্কত কোনো অমিলৰ বাবে PhonePe দায়ী নহ’ব।
    7. এই সুবিধাটোৰ অধীনত সক্ৰিয় কৰা স্বয়ংক্ৰিয় পৰিশোধৰ বাবে প্ৰাসংগিক নিৰ্দেশনাৱলী / প্ৰযোজ্য আইনসমূহৰ অধীনত RBI / NPCI-এ নিৰ্ধাৰণ কৰা মেণ্ডেটৰ সীমা মানি চলা আৰু তাৰ অনুপালন নিশ্চিত কৰিবলৈ আপুনি সন্মত হৈছে। 
11. ক্ষতিপূৰণ আৰু দায়বদ্ধতা
    1. কোনো পৰিস্থিতিতে PhonePe কোনো পৰোক্ষ, পৰিণামস্বৰূপ, আনুষংগিক, বিশেষ অথবা শাস্তিমূলক ক্ষতি অথবা দায়বদ্ধতাৰ (বিধিবদ্ধসহ) বাবে দায়ী নহ’ব, যাৰ কাৰণ লাভ অথবা ৰাজহৰ ক্ষতি, ব্যৱসায়িক ব্যাঘাত, ব্যৱসায়িক সুযোগৰ ক্ষতি, ডাটাৰ ক্ষতি অথবা অন্যান্য অৰ্থনৈতিক স্বাৰ্থৰ ক্ষতিৰ বাবে হোৱা ক্ষতি অন্তৰ্ভুক্ত কিন্তু ইয়াতেই সীমাবদ্ধ নহয়, লাগিলে সেয়া চুক্তিতেই হওক, অৱহেলাতেই হওক, অপকাৰ অথবা অন্য কোনো প্ৰকাৰেই হওক, যিটো এই অটো পে চৰ্তাৱলীৰ অধীনত তালিকাভুক্ত কৰা বৈশিষ্ট্যসমূহ ব্যৱহাৰ কৰা অথবা ব্যৱহাৰ কৰিব নোৱাৰাৰ ফলত উদ্ভৱ হৈছে। সামগ্ৰিক দায়বদ্ধতা, যদি থাকে, কোনো পৰিস্থিতিতে কাৰ্যৰ কাৰণ সৃষ্টি কৰা বৈধ লেনদেনৰ পৰিমাণ অথবা এশ টকা (100 টকা), যিটোৱেই কম হয়, তাতকৈ অধিক নহ’ব।
    2. এই অটোপে চৰ্তাৱলীৰ অধীনত উল্লেখ কৰা সুবিধাসমূহৰ আপোনাৰ ব্যৱহাৰ, এই অটোপে চৰ্তাৱলী, UPI ToU, গোপনীয়তা নীতি, নিয়ম আৰু অন্যান্য নীতি/চৰ্তাৱলী উলংঘা কৰা, আৰু/অথবা আপোনাৰ দ্বাৰা কোনো প্ৰযোজ্য আইন অথবা কোনো তৃতীয় পক্ষৰ অধিকাৰ (বৌদ্ধিক সম্পত্তিৰ অধিকাৰ উলংঘাসহ) ভংগ কৰাৰ বাবে বা ইয়াৰ ফলত উদ্ভৱ হোৱা যিকোনো তৃতীয় পক্ষৰ দাবী, আপত্তি, যুক্তিসংগত অধিবক্তাৰ মাচুলসহ আইনী পদক্ষেপ, আৰু/অথবা আৰোপিত জৰিমনাৰ পৰা আপুনি PhonePe, PhonePe প্ৰতিষ্ঠানসমূহ (PhonePeৰ সত্তাসমূহ), ইয়াৰ মালিক কৰ্তৃপক্ষ, অনুজ্ঞাপত্ৰধাৰী (যথাযোগ্যভাৱে) আৰু তেওঁলোকৰ সংশ্লিষ্ট বিষয়া, সঞ্চালক, প্ৰতিনিধি আৰু কৰ্মচাৰীসকলক ক্ষতিপূৰণ দিব লাগিব আৰু সুৰক্ষিত ৰাখিব লাগিব।
12. সাধাৰণ
    1. এই অটোপে চৰ্তাৱলী ভাৰতৰ আইন দ্বাৰা পৰিচালিত হ’ব, ইয়াৰ আইনৰ সংঘাত নীতিৰ প্ৰতি লক্ষ্য নাৰাখি। আপোনাৰ আৰু PhonePe-ৰ মাজত এই অটোপে চৰ্তাৱলীৰ সম্পৰ্কত সম্পূৰ্ণ অথবা আংশিকভাৱে উদ্ভৱ হোৱা যিকোনো দাবী অথবা বিবাদৰ নিষ্পত্তি একচেটিয়াভাৱে বেংগালুৰুত অৱস্থিত এক সক্ষম ক্ষেত্ৰাধিকাৰ থকা আদালতৰ দ্বাৰা কৰা হ’ব।
    2. এই অটোপে চৰ্তাৱলীৰ অধীনত উপলব্ধ কৰা এই কাৰ্যকাৰিতাৰ সঠিকতা আৰু বিশ্বাসযোগ্যতাৰ সন্দৰ্ভত PhonePe-এ প্ৰকাশ্য অথবা অন্তৰ্নিহিত সকলো ধৰণৰ ৱাৰেণ্টী অস্বীকাৰ কৰে। অটোপেৰ সুবিধা, ৰিজাৰ্ভ পেৰ সুবিধা, PhonePe UPI, PhonePe প্লেটফৰ্মৰ গুণগত মান আৰু উপলব্ধতাৰ সন্দৰ্ভত PhonePe-এ কোনো প্ৰকাশ্য অথবা অন্তৰ্নিহিত ৱাৰেণ্টী অথবা প্ৰতিনিধিত্ব নকৰে; ইয়াৰ ভিতৰত বাণিজ্যিক যোগ্যতা, কোনো বিশেষ উদ্দেশ্যৰ বাবে উপযুক্ততা অথবা তৃতীয় পক্ষৰ বৌদ্ধিক সম্পত্তিৰ অধিকাৰ উলংঘা নকৰাৰ ৱাৰেণ্টীও অন্তৰ্ভুক্ত, কিন্তু ইয়াতেই সীমাবদ্ধ নহয়। এই সেৱাসমূহ “যেনে আছে তেনেদৰে”, “যেনেদৰে উপলব্ধ” আৰু সকলো ত্ৰুটিসহ প্ৰদান কৰা হৈছে। PhonePe কেৱল লেনদেনসমূহৰ এগৰাকী সহায়কাৰীহে, এই লেনদেনসমূহৰ কোনো পক্ষ নহয়। আমি নিৰ্ধাৰিত প্ৰক্ৰিয়া অনুসৰি লেনদেনসমূহ কাৰ্যকৰী আৰু প্ৰক্ৰিয়াকৰণ কৰিবলৈ চেষ্টা কৰোঁ, অৱশ্যে লেনদেনৰ বিফলতা, PhonePe UPI অথবা PhonePe প্লেটফৰ্মৰ অনুপলব্ধতা, কোনো সঁহাৰিহীনতা, পলম হোৱা, প্ৰণালীৰ বিফলতা আৰু/অথবা লেনদেনৰ বৈধতাৰ পৰা উদ্ভৱ হোৱা সমস্যাসমূহকে ধৰি এই অটোপে চৰ্তাৱলী আৰু PhonePe UPI-ৰ সৈতে সম্পৰ্কিত সকলো দায়বদ্ধতা PhonePe-এ অস্বীকাৰ কৰে; PhonePe UPI, PhonePe প্লেটফৰ্ম, PhonePe সেৱা, লেনদেন আদিৰ যিকোনো সুবিধাৰ কোনো ধৰণৰ ত্ৰুটি, বিফলতা, ব্যাঘাত অথবা উপলব্ধ নোহোৱাৰ বাবেও PhonePe দায়বদ্ধ নহ’ব। যিকোনো লেনদেনৰ পৰা উদ্ভৱ হোৱা সমস্যাৰ বাবে অনুগ্ৰহ কৰি আপোনাৰ জাৰীকৰ্তাৰ সৈতে যোগাযোগ কৰক। সকলো লেনদেন সম্পূৰ্ণৰূপে প্ৰাপক আৰু প্ৰদান কৰোঁতাৰ মাজৰ বিষয়, য’ত PhonePe-ৰ কোনো ধৰণৰ দায়বদ্ধতা নাথাকিব।
    3. আমাৰ ওচৰত থকা আপোনাৰ লেনদেনৰ ৰেকৰ্ড আৰু অন্যান্য লগসমূহ লেনদেনৰ প্ৰমাণ আৰু আপোনাৰ অটোপে আৰু UPI/ PhonePe UPI-ৰ ব্যৱহাৰৰ প্ৰমাণ হিচাপে চূড়ান্ত আৰু বাধ্যতামূলক হ’ব।
    4. The PhonePe UPI-ৰ ব্যৱহাৰৰ চৰ্তাৱলী; সাধাৰণ চৰ্তাৱলী আৰু নিয়মাৱলী আৰু PhonePe গোপনীয়তা নীতি এই অটোপে চৰ্তাৱলীত প্ৰসংগ ক্ৰমে অন্তৰ্ভুক্ত কৰা বুলি গণ্য কৰা হ’ব। এই অটোপে চৰ্তাৱলী আৰু PhonePe UPI-ৰ ব্যৱহাৰৰ চৰ্তাৱলী; সাধাৰণ চৰ্তাৱলী আৰু নিয়মাৱলী আৰু PhonePe গোপনীয়তা নীতিৰ মাজত কোনো সংঘাত হ’লে, এই অটোপে চৰ্তাৱলীৰ জৰিয়তে সক্ষম কৰা এই কাৰ্যকাৰীতাৰ ক্ষেত্ৰত এই অটোপে চৰ্তাৱলী বাহাল থাকিব।