ಈ ಕ್ರೆಡಿಟ್ ಕಾರ್ಡ್ ವಿತರಣಾ ನಿಯಮಗಳು ಮತ್ತು ಷರತ್ತುಗಳು (“TOUಗಳು“) PhonePe ಲಿಮಿಟೆಡ್ (ಹಿಂದೆ ‘PhonePe ಪ್ರೈವೇಟ್ ಲಿಮಿಟೆಡ್’ ಎಂದು ಕರೆಯಲಾಗುತ್ತಿತ್ತು) ಮತ್ತು/ಅಥವಾ ಅದರ ಅಂಗಸಂಸ್ಥೆಗಳು (ಇನ್ನು ಮುಂದೆ ಒಟ್ಟಾರೆಯಾಗಿ “PhonePe ಪ್ಲಾಟ್ಫಾರ್ಮ್” ಎಂದು ಕರೆಯಲಾಗುತ್ತದೆ) ಒಡೆತನದ / ನಿರ್ವಹಿಸುವ ವೆಬ್‌ಸೈಟ್(ಗಳು), ಮೊಬೈಲ್ ಅಪ್ಲಿಕೇಶನ್ ಮತ್ತು/ಅಥವಾ ಇತರ ಆನ್‌ಲೈನ್ ಪ್ಲಾಟ್‌ಫಾರ್ಮ್‌ಗಳ ಆ್ಯಕ್ಸೆಸ್‌ ಮತ್ತು ಬಳಕೆಗೆ ಅನ್ವಯಿಸುವ ನಿಯಮಗಳು ಮತ್ತು ಷರತ್ತುಗಳನ್ನು ನಿಗದಿಪಡಿಸುತ್ತದೆ. 1956 ರ ಕಂಪನಿ ಕಾಯ್ದೆಯ ನಿಬಂಧನೆಗಳ ಅಡಿಯಲ್ಲಿ ಸಂಯೋಜಿಸಲ್ಪಟ್ಟ ಕಂಪನಿಯಾದ PhonePe ಲಿಮಿಟೆಡ್ (ಹಿಂದೆ ‘PhonePe ಪ್ರೈವೇಟ್ ಲಿಮಿಟೆಡ್’ ಎಂದು ಕರೆಯಲಾಗುತ್ತಿತ್ತು), ಇನ್ನು ಮುಂದೆ “ಕಂಪನಿ” / “PhonePe” ಎಂದು ಕರೆಯಲ್ಪಡುತ್ತದೆ.
ಈ TOU ಗಳು ಮಾಹಿತಿ ತಂತ್ರಜ್ಞಾನ ಕಾಯ್ದೆ, 2000 ರ ಪ್ರಕಾರ ಎಲೆಕ್ಟ್ರಾನಿಕ್ ದಾಖಲೆಯಾಗಿದ್ದು, ಕಂಪ್ಯೂಟರ್ ವ್ಯವಸ್ಥೆಯಿಂದ ಉತ್ಪಾದಿಸಲ್ಪಡುತ್ತವೆ ಮತ್ತು ಯಾವುದೇ ಭೌತಿಕ ಅಥವಾ ಡಿಜಿಟಲ್ ಸಹಿಗಳ ಅಗತ್ಯವಿರುವುದಿಲ್ಲ.
ಸೇವೆಗಳನ್ನು ಪಡೆಯಲು PhonePe ಪ್ಲಾಟ್ಫಾರ್ಮ್ ಅನ್ನು ಆ್ಯಕ್ಸೆಸ್‌ ಮಾಡುವ ಮೂಲಕ (ಕೆಳಗೆ ವ್ಯಾಖ್ಯಾನಿಸಿದಂತೆ) ಅಥವಾ ಸೇವೆಗಳನ್ನು ಪಡೆಯಲು PhonePe ಪ್ಲಾಟ್‌ಫಾರ್ಮ್‌ನಲ್ಲಿ ನಿಮ್ಮ ಮಾಹಿತಿಯನ್ನು ನೋಂದಾಯಿಸುವ ಮೂಲಕ, ನೀವು (ಇನ್ನು ಮುಂದೆ “ನೀವು” ಅಥವಾ “ನಿಮ್ಮ” ಎಂದು ಉಲ್ಲೇಖಿಸಲಾಗುತ್ತದೆ) PhonePe ಸಾಮಾನ್ಯ ನಿಯಮಗಳು ಮತ್ತು ಷರತ್ತುಗಳು, PhonePe ಗೌಪ್ಯತಾ ನೀತಿ ಮತ್ತು PhonePe ಕುಂದುಕೊರತೆ ನೀತಿಗೆ ಬದ್ಧರಾಗಿರಲು ಒಪ್ಪುತ್ತೀರಿ. ಜೊತೆಗೆ ಈ TOU ಗಳಿಗೆ ಬದ್ಧರಾಗಿರಲು ಸಮ್ಮತಿಸುತ್ತೀರಿ. ಇವುಗಳಲ್ಲಿ ಪ್ರತಿಯೊಂದನ್ನು ಈ TOU ಗಳಲ್ಲಿ ಸೇರಿಸಲಾಗಿದೆ ಎಂದು ಪರಿಗಣಿಸಲಾಗುತ್ತದೆ ಮತ್ತು ಈ TOU ಗಳ ಅವಿಭಾಜ್ಯ ಅಂಗವೆಂದು ಪರಿಗಣಿಸಲಾಗುತ್ತದೆ (ಒಟ್ಟಾರೆಯಾಗಿ “ಒಪ್ಪಂದ” ಎಂದು ಉಲ್ಲೇಖಿಸಲಾಗುತ್ತದೆ).
ಇತ್ತೀಚಿನ TOU ಗಳಿಗಾಗಿ ಕಾಲಕಾಲಕ್ಕೆ ಈ ಪುಟವನ್ನು ಪರಿಶೀಲಿಸುತ್ತಿರಿ. ನಾವು ಯಾವುದೇ ಸಮಯದಲ್ಲಿ ಪೂರ್ವ ಸೂಚನೆ ನೀಡದೆ, ನಮ್ಮ ಸ್ವಂತ ವಿವೇಚನೆಯಿಂದ TOU ಗಳನ್ನು ಬದಲಾಯಿಸುವ ಅಥವಾ ಬೇರೆ ರೀತಿಯಲ್ಲಿ ಮಾರ್ಪಡಿಸುವ ಹಕ್ಕನ್ನು ಕಾಯ್ದಿರಿಸಿದ್ದೇವೆ. PhonePe ಪ್ಲಾಟ್‌ಫಾರ್ಮ್‌ಗೆ ನಿಮ್ಮ ಆ್ಯಕ್ಸೆಸ್‌ ಅಥವಾ ಬಳಕೆಯು ಕಾಲಕಾಲಕ್ಕೆ ತಿದ್ದುಪಡಿ ಮಾಡಲಾದ TOU ಗಳಿಗೆ ನಿಮ್ಮ ಒಪ್ಪಿರುತ್ತೀರಿ ಎಂಬುದನ್ನು ಸೂಚಿಸುತ್ತದೆ.
ದಯವಿಟ್ಟು ಈ ನಿಯಮಗಳನ್ನು ಎಚ್ಚರಿಕೆಯಿಂದ ಓದಿ. ಇಲ್ಲಿರುವ ನಿಯಮಗಳಿಗೆ ನಿಮ್ಮ ಒಪ್ಪಿಗೆಯು ಇಲ್ಲಿ ವ್ಯಾಖ್ಯಾನಿಸಲಾದ ಉದ್ದೇಶಕ್ಕಾಗಿ ನಿಮ್ಮ ಮತ್ತು ಕಂಪನಿಯ ನಡುವಿನ ಒಪ್ಪಂದವನ್ನು ರೂಪಿಸುತ್ತದೆ.
- ಸೇವೆಗಳ ವಿವರಣೆ ಮತ್ತು ಸ್ವೀಕಾರ
- ವಿವಿಧ ಬ್ಯಾಂಕುಗಳು/ಬ್ಯಾಂಕೇತರ ಹಣಕಾಸು ಕಂಪನಿಗಳು (“ಹಣಕಾಸು ಸಂಸ್ಥೆಗಳು”) ನೀಡುವ ಕ್ರೆಡಿಟ್ ಕಾರ್ಡ್‌ಗಳಿಗೆ ಕ್ರೆಡಿಟ್ ಕಾರ್ಡ್ ವಿತರಣಾ ಸೇವೆಗಳು (“ಸೇವೆಗಳು”) ಸೇರಿದಂತೆ ಆದರೆ ಅವುಗಳಿಗೆ ಸೀಮಿತವಾಗಿರದೆ ಕೆಲವು ಹಣಕಾಸು ಉತ್ಪನ್ನಗಳು/ಸೇವೆಗಳಿಗೆ ಆ್ಯಕ್ಸೆಸ್‌ ಅನ್ನು PhonePe ಈ ಮೂಲಕ ಸುಗಮಗೊಳಿಸುತ್ತದೆ.
- ಸೇವೆಗಳನ್ನು ವಾಣಿಜ್ಯಿಕವಾಗಿ ಸಮಂಜಸವಾದ ಪ್ರಯತ್ನದ ಆಧಾರದ ಮೇಲೆ ಒದಗಿಸಲಾಗುತ್ತದೆ, ಮತ್ತು ಸೇವೆಗಳನ್ನು ಪಡೆಯುವಲ್ಲಿ ನಿಮ್ಮ ಭಾಗವಹಿಸುವಿಕೆಯು ಸಂಪೂರ್ಣವಾಗಿ ನಿಮ್ಮ ಸ್ವಂತ ವಿವೇಚನೆಗೆ ಬಿಟ್ಟದ್ದು ಎಂದು ನೀವು ಒಪ್ಪುತ್ತೀರಿ.
- ಕ್ರೆಡಿಟ್ ಕಾರ್ಡ್ ಅರ್ಜಿ ಸಲ್ಲಿಸುವ ಸಮಯದಲ್ಲಿ ನೀವು ಒದಗಿಸಿದ ಯಾವುದೇ ಮಾಹಿತಿ/ಡಾಕ್ಯುಮೆಂಟ್‌/ವಿವರಗಳನ್ನು ನಿಮ್ಮ ಅರ್ಜಿಯನ್ನು ಪ್ರಕ್ರಿಯೆಗೊಳಿಸಲು ಹಣಕಾಸು ಸಂಸ್ಥೆಗಳೊಂದಿಗೆ ಹಂಚಿಕೊಳ್ಳುವುದಕ್ಕಾಗಿ ನೀವು ಈ ಮೂಲಕ PhonePe ಗೆ ನಿಮ್ಮ ಸಮ್ಮತಿಯನ್ನು ನೀಡುತ್ತೀರಿ.
- ನಿಮ್ಮ KYC ಮತ್ತು/ಅಥವಾ ಇತರ ಸೂಕ್ತ ಕ್ರಮಗಳನ್ನು ಕೈಗೊಳ್ಳುವ ಸಂಪೂರ್ಣ ಜವಾಬ್ದಾರಿ ಹಣಕಾಸು ಸಂಸ್ಥೆಯದ್ದಾಗಿರುತ್ತದೆ ಮತ್ತು ನಿಮ್ಮ ಕ್ರೆಡಿಟ್ ಕಾರ್ಡ್ ಅರ್ಜಿಯನ್ನು ಪ್ರಕ್ರಿಯೆಗೊಳಿಸಲು ಹೆಚ್ಚುವರಿ ಮಾಹಿತಿ/ಡಾಕ್ಯುಮೆಂಟ್‌ಗಳು/ವಿವರಗಳನ್ನು ಅವರೊಂದಿಗೆ ಹಂಚಿಕೊಳ್ಳಬೇಕಾಗಬಹುದು. ನಾವು ಅಂತಹ ಡೇಟಾ/ಮಾಹಿತಿಯನ್ನು ಸಂಗ್ರಹಿಸಿ ಹಣಕಾಸು ಸಂಸ್ಥೆಗಳಿಗೆ ಸಲ್ಲಿಸಲು ಅನುಕೂಲ ಮಾಡಿಕೊಡಬಹುದು.
- ನಿಮ್ಮ ಅರ್ಜಿಯನ್ನು ಮೌಲ್ಯಮಾಪನ ಮಾಡುವುದು, ಅನುಮೋದಿಸುವುದು ಮತ್ತು/ಅಥವಾ ತಿರಸ್ಕರಿಸುವುದು ಹಣಕಾಸು ಸಂಸ್ಥೆಯ ಸಂಪೂರ್ಣ ಜವಾಬ್ದಾರಿಯಾಗಿರುತ್ತದೆ.
- ಕ್ರೆಡಿಟ್ ಕಾರ್ಡ್‌ಗಳ ವಿತರಣೆಯಲ್ಲಿ PhonePe ಭಾಗಿಯಾಗಿರುವುದಿಲ್ಲ ಮತ್ತು ಅದಕ್ಕೆ ಜವಾಬ್ದಾರವಾಗಿರುವುದಿಲ್ಲ ಮತ್ತು/ಅಥವಾ ಯಾವುದೇ ಕ್ರೆಡಿಟ್ ಕಾರ್ಡ್ ನೀಡಿದ ನಂತರ ಯಾವುದೇ ಬೆಂಬಲವನ್ನು ಒದಗಿಸುವುದಿಲ್ಲ.
- ಕ್ರೆಡಿಟ್ ಕಾರ್ಡ್ ವಿತರಣೆ ಅಥವಾ ನಿರ್ವಹಣೆಗೆ ಸಂಬಂಧಿಸಿದ ಯಾವುದೇ ಫೀಗಳು ಅಥವಾ ಶುಲ್ಕಗಳನ್ನು ನಿಮ್ಮ ಮತ್ತು ಹಣಕಾಸು ಸಂಸ್ಥೆಯ ನಡುವೆ ಒಪ್ಪಿಕೊಂಡ ನಿಯಮಗಳ ಪ್ರಕಾರ ಅಂತಹ ಕ್ರೆಡಿಟ್ ಕಾರ್ಡ್ ನೀಡುವ ಹಣಕಾಸು ಸಂಸ್ಥೆಯು ನೇರವಾಗಿ ವಿಧಿಸುತ್ತದೆ.
- ನಿಮಗೆ Rupay ಕ್ರೆಡಿಟ್ ಕಾರ್ಡ್ ಅನ್ನು ನೀಡಿದ್ದರೆ, ಇಲ್ಲಿ ಉಲ್ಲೇಖಿಸಲಾದ ನಿಯಮಗಳು ಮತ್ತು ಷರತ್ತುಗಳ ಪ್ರಕಾರ ನೀವು ಅಂತಹ Rupay ಕ್ರೆಡಿಟ್ ಕಾರ್ಡ್ ಅನ್ನು ನಿಮ್ಮ UPI ಖಾತೆಗೆ ಲಿಂಕ್ ಮಾಡಬಹುದು.
- ಜಂಟಿ ಮಾರ್ಕೆಟಿಂಗ್ ಉದ್ದೇಶಗಳಿಗಾಗಿ/ವಿವಿಧ ಸೇವೆಗಳನ್ನು/ರಿಪೋರ್ಟ್‌ ಜನರೇಷನ್‌ಗಳನ್ನು ನೀಡಲು ಮತ್ತು/ಅಥವಾ ನೀವು ಪಡೆಯುವ ಸೇವೆಗಳಿಗೆ ಸಂಬಂಧಿಸಿದಂತೆ ಅಥವಾ ಬೇರೆ ರೀತಿಯಲ್ಲಿ ನಿಮಗೆ ವಿವಿಧ ಮೌಲ್ಯವರ್ಧಿತ ಸೇವೆಗಳನ್ನು ಒದಗಿಸಲು ಅಗತ್ಯವಿರುವಷ್ಟು, ನಿಮ್ಮ ಮಾಹಿತಿಯನ್ನು ಅದರ ಸಮೂಹ ಸಂಸ್ಥೆಗಳು, ಹಣಕಾಸು ಸಂಸ್ಥೆಗಳು ಮತ್ತು ಇತರ ಥರ್ಡ್‌ ಪಾರ್ಟಿಗಳೊಂದಿಗೆ ಹಂಚಿಕೊಳ್ಳಲು ನೀವು ಕಂಪನಿಗೆ ಸಮ್ಮತಿಸುತ್ತೀರಿ ಮತ್ತು ಅಧಿಕಾರ ನೀಡುತ್ತೀರಿ.
- ಅನ್ವಯವಾಗುವ ಕಾನೂನಿನಿಂದ ಅನುಮತಿಸಲಾದ ಮಟ್ಟಿಗೆ, ಸೇವೆಗಳ ಅಪ್‌ಡೇಟ್‌ಗಳು, ಮಾಹಿತಿ/ಪ್ರಚಾರದ ಇಮೇಲ್‌ಗಳು ಮತ್ತು/ಅಥವಾ ಉತ್ಪನ್ನ ಪ್ರಕಟಣೆಗಳಿಗೆ ಸಂಬಂಧಿಸಿದಂತೆ PhonePe ಅಥವಾ ಅದರ ಥರ್ಡ್‌ ಪಾರ್ಟಿ ಮಾರಾಟಗಾರರು/ವ್ಯಾಪಾರ ಪಾಲುದಾರರು/ಮಾರ್ಕೆಟಿಂಗ್ ಅಂಗಸಂಸ್ಥೆಗಳು ಅಥವಾ ಹಣಕಾಸು ಸಂಸ್ಥೆಗಳಿಂದ ಇಮೇಲ್‌ಗಳು, ದೂರವಾಣಿ ಮತ್ತು/ಅಥವಾ SMS ಮೂಲಕ ಸಂವಹನಗಳನ್ನು ಸ್ವೀಕರಿಸಲು ನೀವು ಒಪ್ಪುತ್ತೀರಿ.
- ಅನ್ವಯವಾಗುವ ಕಾನೂನಿನಿಂದ ಅನುಮತಿಸಲಾದ ಮಟ್ಟಿಗೆ, ನೀವು ಒದಗಿಸಿದ ಮೊಬೈಲ್ ಸಂಖ್ಯೆಯು ಅನ್ವಯವಾಗುವ ಕಾನೂನಿನ ಅಡಿಯಲ್ಲಿ ಡು ನಾಟ್‌ ಡಿಸ್ಟರ್ಬ್‌ (“DND”) / ರಾಷ್ಟ್ರೀಯ ಗ್ರಾಹಕ ಆದ್ಯತೆ ನೋಂದಣಿ (“NCPR”) ಪಟ್ಟಿಯ ಅಡಿಯಲ್ಲಿ ನೋಂದಾಯಿಸಲ್ಪಟ್ಟಿದ್ದರೂ, ಭಾರತೀಯ ದೂರಸಂಪರ್ಕ ನಿಯಂತ್ರಣ ಪ್ರಾಧಿಕಾರ (“TRAI”) ಮಾಡಿದ ನಿಯಮಗಳು ಮತ್ತು ನಿಬಂಧನೆಗಳನ್ನು ಒಳಗೊಂಡಂತೆ ಆ ಸಂಖ್ಯೆಯಲ್ಲಿ ಎಲ್ಲ ಸಂವಹನಗಳನ್ನು ಸ್ವೀಕರಿಸಲು ನೀವು ಒಪ್ಪುತ್ತೀರಿ ಮತ್ತು ಸಮ್ಮತಿಸುತ್ತೀರಿ. ಈ ಉದ್ದೇಶಕ್ಕಾಗಿ, ನೀವು ಕಂಪನಿಗೆ ನಿಮ್ಮ ಮಾಹಿತಿಯನ್ನು ಅದರ ಸಮೂಹ ಸಂಸ್ಥೆಗಳು, ಕಂಪನಿಯ ಥರ್ಡ್‌ ಪಾರ್ಟಿ ಸೇವಾ ಪೂರೈಕೆದಾರರು ಅಥವಾ ಯಾವುದೇ ಅಧಿಕೃತ ಏಜೆಂಟ್‌ಗಳೊಂದಿಗೆ ಹಂಚಿಕೊಳ್ಳಲು/ಬಹಿರಂಗಪಡಿಸಲು ಅಧಿಕಾರ ನೀಡುತ್ತೀರಿ.
- ಎಲ್ಲ ಸಂವಹನಗಳನ್ನು ಸರಿಯಾಗಿ ಕಳುಹಿಸಲಾಗಿದೆಯೆ ಎಂದು ಖಚಿತಪಡಿಸಿಕೊಳ್ಳಲು PhonePe ಸೂಕ್ತ ಕ್ರಮಗಳನ್ನು ತೆಗೆದುಕೊಳ್ಳುತ್ತದೆಯಾದರೂ, ಸಂಪರ್ಕ ಮಾಹಿತಿಯ ಮೇಲಿನ ಯಾವುದೇ ನಿರ್ಬಂಧಗಳು, DND ಪಟ್ಟಿಯಲ್ಲಿ ನೋಂದಾಯಿಸಲಾದ ಫೋನ್ ಸಂಖ್ಯೆ, ಇಮೇಲ್ ಡೇಟಾ ಸಂಗ್ರಹಣೆಯಲ್ಲಿನ ಕೊರತೆ, ಟೆಲಿಕಾಂ ಸೇವಾ ಪೂರೈಕೆದಾರರೊಂದಿಗಿನ ದೋಷಗಳು ಇತ್ಯಾದಿಗಳಿಂದಾಗಿ ಸಂವಹನಗಳನ್ನು ಕಳುಹಿಸುವಲ್ಲಿ ವೈಫಲ್ಯಗಳು ಉಂಟಾಗಬಹುದು. ಮೇಲಿನವುಗಳನ್ನು ಪರಿಗಣಿಸಿ, ಯಾವುದೇ ಸಂವಹನಗಳನ್ನು ಸ್ವೀಕರಿಸದಿದ್ದರೆ PhonePe ಅದಕ್ಕೆ ಜವಾಬ್ದಾರವಾಗಿರುವುದಿಲ್ಲ ಅಥವಾ ಹೊಣೆಗಾರಿಕೆಯನ್ನು ಹೊಂದಿರುವುದಿಲ್ಲ.
- PhonePe ಎಲ್ಲ ಸಂವಹನಗಳನ್ನು ವಿಶ್ವಾಸಾರ್ಹವಾಗಿ ಮಾಡುತ್ತದೆಯಾದರೂ, PhonePe ಯಾವುದೇ ಸಂವಹನದ ನಿಖರತೆ, ಸಮರ್ಪಕತೆ, ಲಭ್ಯತೆ, ಕಾನೂನುಬದ್ಧತೆ, ಸಿಂಧುತ್ವ, ವಿಶ್ವಾಸಾರ್ಹತೆ ಅಥವಾ ಸಂಪೂರ್ಣತೆಯ ಬಗ್ಗೆ ಯಾವುದೇ ರೀತಿಯ, ಸ್ಪಷ್ಟ ಅಥವಾ ಸೂಚ್ಯ ಪ್ರಾತಿನಿಧ್ಯ ಅಥವಾ ಖಾತರಿಯನ್ನು ನೀಡುವುದಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ. PhonePe ಮಾಡಿದ ಯಾವುದೇ ಸಂವಹನದ ವಿಷಯದ ಬಳಕೆ ಅಥವಾ ಅದರ ಮೇಲೆ ಅವಲಂಬಿತವಾಗಿರುವುದರಿಂದ ಯಾವುದೇ ವ್ಯಕ್ತಿಗೆ ಉಂಟಾದ ಯಾವುದೇ ರೀತಿಯ ನಷ್ಟ ಅಥವಾ ಹಾನಿಗೆ PhonePe ಯಾವುದೇ ಸಂದರ್ಭದಲ್ಲೂ ಜವಾಬ್ದಾರವಾಗಿರುವುದಿಲ್ಲ ಅಥವಾ ಹೊಣೆಗಾರಿಕೆಯನ್ನು ಹೊಂದಿರುವುದಿಲ್ಲ.
- ನಮ್ಮ ಕಾನೂನು ಬಾಧ್ಯತೆಗಳನ್ನು ಅನುಸರಿಸಲು, ವಿವಾದಗಳನ್ನು ಪರಿಹರಿಸಲು ಮತ್ತು ಸೇವೆಗಳನ್ನು ಒದಗಿಸಲು ನಾವು ಮಾಡಿಕೊಂಡ ಒಪ್ಪಂದಗಳನ್ನು ಜಾರಿಗೊಳಿಸಲು PhonePe ನಿಮ್ಮ ಮಾಹಿತಿಯನ್ನು ಉಳಿಸಿಕೊಳ್ಳುತ್ತದೆ ಮತ್ತು ಬಳಸುತ್ತದೆ.
- ಕ್ರೆಡಿಟ್ ಕಾರ್ಡ್‌ಗಳು ಮತ್ತು ಎಲ್ಲ ಸಂಪರ್ಕಿತ ಸೇವೆಗಳನ್ನು ಹಣಕಾಸು ಸಂಸ್ಥೆಗಳು ಮಾತ್ರ ನೀಡುತ್ತವೆ. ಅರ್ಜಿಯ ಯಾವುದೇ ತಿರಸ್ಕಾರ, ಉತ್ಪನ್ನ/ಸೇವೆಗಳ ವಿತರಣೆಯಲ್ಲಿ ಹಣಕಾಸು ಸಂಸ್ಥೆಗಳಿಂದ ಆಗುವ ನಿರಾಕರಣೆ/ವಿಳಂಬ, ವಿತರಣೆಯ ನಂತರದ ಕಾರ್ಯಕ್ಷಮತೆ, ಕ್ರೆಡಿಟ್ ಕಾರ್ಡ್‌ಗಳು/ಕ್ರೆಡಿಟ್ ಸೌಲಭ್ಯಗಳ ಬಳಕೆ ಅಥವಾ ಸೇವೆಗೆ PhonePe ಜವಾಬ್ದಾರವಾಗಿರುವುದಿಲ್ಲ. ಹಣಕಾಸು ಸಂಸ್ಥೆಗಳೊಂದಿಗಿನ ನಿಮ್ಮ ಸಂಬಂಧವು ನಿಮ್ಮ ಮತ್ತು ಹಣಕಾಸು ಸಂಸ್ಥೆಗಳ ನಡುವೆ ಒಪ್ಪಿಕೊಂಡಿರುವ ನಿಯಮಗಳು ಮತ್ತು ಷರತ್ತುಗಳ ಪ್ರಕಾರ ಸ್ವತಂತ್ರವಾಗಿ ನಿರ್ವಹಿಸಲ್ಪಡುತ್ತದೆ, PhonePe ಯಾವುದೇ ವಿಧವಾಗಿ ಇದರಲ್ಲಿ ಒಳಗೊಳ್ಳುವುದಿಲ್ಲ.
- ಸೇವೆಗಳು, ಫಿಕ್ಸ್ಡ್‌ ಡೆಪಾಸಿಟ್‌ ಸೌಲಭ್ಯಗಳು ಅಥವಾ FD-ಬೆಂಬಲಿತ ಕ್ರೆಡಿಟ್ ಕಾರ್ಡ್‌ಗಳು/ಸೌಲಭ್ಯಗಳಿಗೆ ಸಂಬಂಧಿಸಿದಂತೆ ವಿತರಣೆ, ಕೊಡುಗೆ ಅನ್ವಯಿಸುವಿಕೆ ಅಥವಾ ವಿತರಣೆಯ ನಂತರದ ಕಾರ್ಯಕ್ಷಮತೆ ಸೇರಿದಂತೆ ಯಾವುದೇ ವಾರಂಟಿ ಅಥವಾ ಗ್ಯಾರಂಟಿಯನ್ನು PhonePe ಒದಗಿಸುವುದಿಲ್ಲ.
- PHONEPE ಪ್ಲಾಟ್‌ಫಾರ್ಮ್‌ಗೆ ಪರವಾನಗಿ ಮತ್ತು ಆ್ಯಕ್ಸೆಸ್‌
PhonePe ಪ್ಲಾಟ್ಫಾರ್ಮ್ ಮತ್ತು ಸೇವೆಗಳಲ್ಲಿ (ಆ ಹಕ್ಕುಗಳು ನೋಂದಾಯಿಸಲ್ಪಟ್ಟಿರಲಿ ಅಥವಾ ಇಲ್ಲದಿರಲಿ) ಇರುವ ಯಾವುದೇ ಬೌದ್ಧಿಕ ಆಸ್ತಿ ಹಕ್ಕುಗಳನ್ನು ಒಳಗೊಂಡಂತೆ, PhonePe ಪ್ಲಾಟ್ಫಾರ್ಮ್ ಮತ್ತು ಸೇವೆಗಳಲ್ಲಿ ಮತ್ತು ಅವುಗಳಿಗೆ ಸಂಬಂಧಿಸಿದ ಎಲ್ಲ ಕಾನೂನುಬದ್ಧ ಹಕ್ಕು, ಶೀರ್ಷಿಕೆ ಮತ್ತು ಆಸಕ್ತಿಯನ್ನು PhonePe ಹೊಂದಿದೆ ಎಂದು ನೀವು ಅಂಗೀಕರಿಸುತ್ತೀರಿ ಮತ್ತು ಒಪ್ಪುತ್ತೀರಿ. ಸೇವೆಗಳು ಕಂಪನಿಯು ಗೌಪ್ಯವೆಂದು ಗೊತ್ತುಪಡಿಸಿದ ಮಾಹಿತಿಯನ್ನು ಒಳಗೊಂಡಿರಬಹುದು ಮತ್ತು ಕಂಪನಿಯ ಪೂರ್ವ ಲಿಖಿತ ಅನುಮತಿಯಿಲ್ಲದೆ ನೀವು ಅಂತಹ ಮಾಹಿತಿಯನ್ನು ಬಹಿರಂಗಪಡಿಸಬಾರದು ಎಂಬುದನ್ನು ನೀವು ಒಪ್ಪುತ್ತೀರಿ. PhonePe ಪ್ಲಾಟ್‌ಫಾರ್ಮ್‌ನ ವಿಷಯಗಳು, ಅದರ “ಲುಕ್ ಮತ್ತು ಫೀಲ್”(ನೋಟ ಮತ್ತು ಅನುಭವ) (ಉದಾ. ಪಠ್ಯ, ಗ್ರಾಫಿಕ್ಸ್, ಚಿತ್ರಗಳು, ಲೋಗೋಗಳು ಮತ್ತು ಬಟನ್ ಐಕಾನ್‌ಗಳು), ಛಾಯಾಚಿತ್ರಗಳು, ಸಂಪಾದಕೀಯ ವಿಷಯ, ನೋಟಿಸ್‌ಗಳು, ಸಾಫ್ಟ್‌ವೇರ್ ಮತ್ತು ಇತರ ಸಾಮಾಗ್ರಿಗಳು ಕಂಪನಿ ಮತ್ತು/ಅಥವಾ ಅದರ ಥರ್ಡ್‌ ಪಾರ್ಟಿ ಸೇವಾ ಪೂರೈಕೆದಾರರು/ಅವರ ಪರವಾನಗಿದಾರರಿಂದ ಒಡೆತನದಲ್ಲಿದೆ/ಪರವಾನಗಿ ಪಡೆದಿವೆ ಹಾಗೂ ಅವುಗಳಿಂದ ಅನ್ವಯವಾಗುವ ಹಕ್ಕುಸ್ವಾಮ್ಯ, ಟ್ರೇಡ್‌ಮಾರ್ಕ್ ಮತ್ತು ಇತರ ಕಾನೂನುಗಳ ಅಡಿಯಲ್ಲಿ ಸೂಕ್ತವಾಗಿ ರಕ್ಷಿಸಲ್ಪಟ್ಟಿವೆ.
ಕಂಪನಿಯು ನಿಮಗೆ PhonePe ಪ್ಲಾಟ್ಫಾರ್ಮ್ ಮತ್ತು ಸೇವೆಗಳನ್ನು ಆ್ಯಕ್ಸೆಸ್‌ ಮಾಡಲು ಮತ್ತು ಬಳಸಲು ಸೀಮಿತ ಪರವಾನಗಿಯನ್ನು ನೀಡುತ್ತದೆ. ಈ ಪರವಾನಗಿಯು ಇನ್ನೊಬ್ಬ ವ್ಯಕ್ತಿ, ಮಾರಾಟಗಾರ ಅಥವಾ ಯಾವುದೇ ಇತರ ಥರ್ಡ್‌ ಪಾರ್ಟಿ ಪ್ರಯೋಜನಕ್ಕಾಗಿ ಯಾವುದೇ ರೀತಿಯ ಮಾಹಿತಿಯನ್ನು ಡೌನ್‌ಲೋಡ್ ಮಾಡುವುದು ಅಥವಾ ನಕಲು ಮಾಡುವುದು ಅಥವಾ ಉತ್ಪನ್ನ ಕೃತಿಯನ್ನು ರಚಿಸಲು, ಮಾರ್ಪಡಿಸಲು, ರಿವರ್ಸ್ ಎಂಜಿನಿಯರ್ ಮಾಡಲು, ರಿವರ್ಸ್ ಅಸೆಂಬಲ್ ಮಾಡಲು ಅಥವಾ ಯಾವುದೇ ಮೂಲ ಕೋಡ್ ಅನ್ನು ಕಂಡುಹಿಡಿಯಲು, ಮಾರಾಟ ಮಾಡಲು, ನಿಯೋಜಿಸಲು, ಉಪಪರವಾನಗಿ ನೀಡಲು, ಭದ್ರತಾ ಆಸಕ್ತಿಯನ್ನು ನೀಡಲು ಅಥವಾ ಸೇವೆಗಳಲ್ಲಿ ಯಾವುದೇ ಹಕ್ಕನ್ನು ವರ್ಗಾಯಿಸಲು ಪ್ರಯತ್ನಿಸುವುದನ್ನು ಒಳಗೊಂಡಿಲ್ಲ. ನೀವು ಯಾವುದನ್ನೇ ಆದರೂ ಅನಧಿಕೃತವಾಗಿ ಬಳಸಿದರೆ, ನಿಮಗೆ ನೀಡಲಾದ ಅನುಮತಿ ಅಥವಾ ಪರವಾನಗಿಯನ್ನು ರದ್ದುಗೊಳಿಸಲಾಗುತ್ತದೆ.
PhonePe ಪ್ಲಾಟ್ಫಾರ್ಮ್ ಅನ್ನು ಬಳಸುವ ಮೂಲಕ, ನೀವು ಇವುಗಳನ್ನು ಮಾಡುವುದಿಲ್ಲ ಎಂದು ಒಪ್ಪುತ್ತೀರಿ: (i) ಯಾವುದೇ ವಾಣಿಜ್ಯ ಉದ್ದೇಶಕ್ಕಾಗಿ PhonePe ಪ್ಲಾಟ್ಫಾರ್ಮ್ ಅಥವಾ ಅದರ ವಿಷಯಗಳನ್ನು ಬಳಸುವುದು; (ii) ಬೇಡಿಕೆಯ ನಿರೀಕ್ಷೆಯಲ್ಲಿ ಯಾವುದೇ ಊಹಾತ್ಮಕ, ಸುಳ್ಳು ಅಥವಾ ಮೋಸದ ವಹಿವಾಟು ಅಥವಾ ಯಾವುದೇ ವಹಿವಾಟು ನಡೆಸುವುದು; (iii) ನಮ್ಮ ಸ್ಪಷ್ಟ ಲಿಖಿತ ಅನುಮತಿಯಿಲ್ಲದೆ ಯಾವುದೇ ಉದ್ದೇಶಕ್ಕಾಗಿ ಯಾವುದೇ ರೋಬೋಟ್, ಸ್ಪೈಡರ್, ಸ್ಕ್ರಾಪರ್ ಅಥವಾ ಇತರ ಸ್ವಯಂಚಾಲಿತ ವಿಧಾನಗಳು ಅಥವಾ ಯಾವುದೇ ಮ್ಯಾನುಯಲ್‌ ಪ್ರಕ್ರಿಯೆಯನ್ನು ಬಳಸಿಕೊಂಡು PhonePe ಪ್ಲಾಟ್‌ಫಾರ್ಮ್‌ನ ಯಾವುದೇ ವಿಷಯ ಅಥವಾ ಮಾಹಿತಿಯನ್ನು ಆ್ಯಕ್ಸೆಸ್‌ ಮಾಡುವುದು, ಮೇಲ್ವಿಚಾರಣೆ ಮಾಡುವುದು ಅಥವಾ ನಕಲಿಸುವುದು; (iv) PhonePe ಪ್ಲಾಟ್‌ಫಾರ್ಮ್‌ನಲ್ಲಿರುವ ಯಾವುದೇ ಹೊರಗಿಡುವಿಕೆ ಹೆಡರ್‌ಗಳನ್ನು ಉಲ್ಲಂಘಿಸುವುದು ಅಥವಾ ಅದಕ್ಕೆ ಆ್ಯಕ್ಸೆಸ್‌ ಅನ್ನು ತಡೆಯಲು ಅಥವಾ ಮಿತಿಗೊಳಿಸಲು ಬಳಸುವ ಕ್ರಮಗಳನ್ನು ಬೈಪಾಸ್ ಮಾಡುವುದು, ನಿರ್ಬಂಧಿಸುವುದು ಅಥವಾ ತಪ್ಪಿಸಿಕೊಳ್ಳುವುದು; (v) ನಮ್ಮ ಮೂಲಸೌಕರ್ಯದ ಮೇಲೆ ಅಸಮಂಜಸ ಅಥವಾ ಅಸಮಾನವಾದ ರೀತಿಯಲ್ಲಿ ದೊಡ್ಡ ಹೊರೆಯನ್ನು ಹೇರುವ ಅಥವಾ ಹೇರಬಹುದಾದ ಯಾವುದೇ ಕ್ರಮವನ್ನು ತೆಗೆದುಕೊಳ್ಳುವುದು; (vi) ನಮ್ಮ ಲಿಖಿತ ಅನುಮತಿಯಿಲ್ಲದೆ ಯಾವುದೇ ಉದ್ದೇಶಕ್ಕಾಗಿ PhonePe ಪ್ಲಾಟ್‌ಫಾರ್ಮ್‌ನ ಯಾವುದೇ ಭಾಗಕ್ಕೆ (ಯಾವುದೇ ಸೇವೆಗಾಗಿ ಖರೀದಿ ಮಾರ್ಗವನ್ನು ಒಳಗೊಂಡಂತೆ, ಆದರೆ ಇದಕ್ಕೆ ಮಾತ್ರ ಸೀಮಿತವಾಗಿರದೇ) ಡೀಪ್‌ ಲಿಂಕ್ ಮಾಡುವುದು; ಅಥವಾ (vii) ನಮ್ಮ ಪೂರ್ವ ಲಿಖಿತ ಅನುಮತಿಯಿಲ್ಲದೆ PhonePe ಪ್ಲಾಟ್‌ಫಾರ್ಮ್‌ನ ಯಾವುದೇ ಭಾಗವನ್ನು “ಫ್ರೇಮ್”, “ಮಿರರ್” ಅಥವಾ ಬೇರೆ ಯಾವುದೇ ವೆಬ್‌ಸೈಟ್‌ಗೆ ಸೇರಿಸುವುದು ಅಥವಾ (viii) ಯಾವುದೇ ಮೋಸದ ಅಪ್ಲಿಕೇಶನ್‌ಗಳನ್ನು ಪ್ರಾರಂಭಿಸುವುದು ಅಥವಾ ಕಂಪನಿ/ಹಣಕಾಸು ಸಂಸ್ಥೆಗಳು ಅಥವಾ ಯಾವುದೇ ಮೂರನೇ ವ್ಯಕ್ತಿ(ಗಳಿಗೆ) ಗೆ ಯಾವುದೇ ವಂಚನೆ ಮಾಡಲು PhonePe ಪ್ಲಾಟ್ಫಾರ್ಮ್ ಅನ್ನು ಬಳಸುವುದು; ಮತ್ತು (ix) PhonePe ಮತ್ತು/ಅಥವಾ ಹಣಕಾಸು ಸಂಸ್ಥೆಗಳಿಗೆ ಯಾವುದೇ ತಪ್ಪಾದ, ಅಪೂರ್ಣ ಅಥವಾ ತಪ್ಪು ಮಾಹಿತಿ/ಡೇಟಾವನ್ನು ಒದಗಿಸುವುದು.
- ಗೌಪ್ಯತಾ ನೀತಿ
PhonePe ಪ್ಲಾಟ್ಫಾರ್ಮ್ ಬಳಸುವ ಮೂಲಕ, PhonePe ನ ಗೌಪ್ಯತಾ ನೀತಿಯಲ್ಲಿ ನಾವು ವಿವರಿಸಿರುವಂತೆ ನಿಮ್ಮ ಮಾಹಿತಿಯ ಬಳಕೆಗೆ ನೀವು ಇಲ್ಲಿ ಸಮ್ಮತಿಸುತ್ತೀರಿ. ನೀವು PhonePe ಪ್ಲಾಟ್ಫಾರ್ಮ್ ಅನ್ನು ಆ್ಯಕ್ಸೆಸ್‌ ಮಾಡಿದಾಗ ಕಂಪನಿಯು ನಿಮ್ಮ ವೈಯಕ್ತಿಕ ಮಾಹಿತಿಯನ್ನು ಹೇಗೆ ಪರಿಗಣಿಸುತ್ತದೆ ಎಂಬುದನ್ನು ಈ ಗೌಪ್ಯತಾ ನೀತಿ ವಿವರಿಸುತ್ತದೆ.
- ನಿಮ್ಮ ನೋಂದಣಿ/ಖಾತೆ
PhonePe ಪ್ಲಾಟ್ಫಾರ್ಮ್ ಬಳಸುವ ಮೂಲಕ, ನೀವು ಬದ್ಧವಾದ ಒಪ್ಪಂದವನ್ನು ಮಾಡಿಕೊಳ್ಳಲು ಸಮರ್ಥರಾಗಿದ್ದೀರಿ ಮತ್ತು ಭಾರತದ ಕಾನೂನುಗಳು ಅಥವಾ ಯಾವುದೇ ಇತರ ಸಂಬಂಧಿತ ನ್ಯಾಯವ್ಯಾಪ್ತಿಯಿಂದ ಸೇವೆಗಳನ್ನು ಆ್ಯಕ್ಸೆಸ್‌ ಮಾಡಲು / ಪಡೆಯಲು ನಿಷೇಧಿಸಲಾಗಿಲ್ಲ ಎಂದು ನೀವು ದೃಢೀಕರಿಸುತ್ತೀರಿ. ನೀವು PhonePe ಪ್ಲಾಟ್ಫಾರ್ಮ್ ಅನ್ನು ನಿಮ್ಮ ಸ್ವಂತ ನೈಜ ಬಳಕೆಗಾಗಿ ಮಾತ್ರ ಬಳಸಬಹುದು.
ನಿಮ್ಮ ಖಾತೆಯ ಯಾವುದೇ ಅನಧಿಕೃತ ಬಳಕೆ ಅಥವಾ ಯಾವುದೇ ಭದ್ರತಾ ಉಲ್ಲಂಘನೆಯ ಬಗ್ಗೆ ಕಂಪನಿಗೆ ತಕ್ಷಣ ತಿಳಿಸಲು ನೀವು ಒಪ್ಪುತ್ತೀರಿ. ಕಂಪನಿಗೆ ನೇರವಾಗಿ ಕಾರಣವಾಗುವ ವಿಷಯಗಳಿಂದ ಮಾತ್ರ ಅನಧಿಕೃತ ಆ್ಯಕ್ಸೆಸ್‌ ಸಂಭವಿಸಿದೆ ಎಂದು ಸಾಬೀತುಪಡಿಸದ ಹೊರತು, ಯಾವುದೇ ಅನಧಿಕೃತ ಬಳಕೆ ಅಥವಾ ಆ್ಯಕ್ಸೆಸ್‌ಗೆ ಕಂಪನಿಯು ಜವಾಬ್ದಾರನಾಗಿರುವುದಿಲ್ಲ ಎಂದು ನೀವು ಒಪ್ಪುತ್ತೀರಿ.
ನಿಮ್ಮ ಬಗ್ಗೆ ನಿಜವಾದ, ನಿಖರ, ಪ್ರಸ್ತುತ ಮತ್ತು ಸಂಪೂರ್ಣ ಮಾಹಿತಿಯನ್ನು ಒದಗಿಸಲು ನೀವು ಬದ್ಧರಾಗಿರುತ್ತೀರಿ ಮತ್ತು ನಿಮ್ಮ ಮಾಹಿತಿಯಲ್ಲಿನ ಯಾವುದೇ ಬದಲಾವಣೆಯನ್ನು (ಸಂಪರ್ಕ ವಿವರಗಳು ಸೇರಿದಂತೆ ಆದರೆ ಇವುಗಳಿಗೆ ಸೀಮಿತವಾಗಿರುವುದಿಲ್ಲ) ತಕ್ಷಣವೇ ತಿಳಿಸಲು/ಅಪ್‌ಡೇಟ್‌ ಮಾಡಲು ಮತ್ತು ಅದನ್ನು ಎಲ್ಲ ಸಮಯದಲ್ಲೂ ಅಪ್‌-ಟು-ಡೇಟ್‌ ಆಗಿರಿಸಲು ಮತ್ತು ನಿಖರವಾಗಿ ಇರಿಸಿಕೊಳ್ಳಲು ಕ್ರಮ ಕೈಗೊಳ್ಳುತ್ತೀರಿ. ಏಕೆಂದರೆ ಇದು ಕಂಪನಿಯಿಂದ ಅಥವಾ ಅದರ ಮೂಲಕ ಸೇವೆಗಳನ್ನು ಒದಗಿಸುವುದರ ಮೇಲೆ ನೇರ ಪರಿಣಾಮ ಬೀರುತ್ತದೆ. ನಿಮ್ಮ ಗುರುತನ್ನು ತಪ್ಪಾಗಿ ಪ್ರತಿನಿಧಿಸುವುದಿಲ್ಲ ಅಥವಾ PhonePe ಪ್ಲಾಟ್‌ಫಾರ್ಮ್‌ಗೆ ಕಾನೂನುಬಾಹಿರ ಆ್ಯಕ್ಸೆಸ್‌ ಅಥವಾ ಸೇವೆಗಳ ಬಳಕೆಯನ್ನು ಮಾಡಲು ಪ್ರಯತ್ನಿಸುವುದಿಲ್ಲ ಎಂದು ನೀವು ಒಪ್ಪುತ್ತೀರಿ. ನೀವು ಆಯ್ಕೆ ಮಾಡುವ ಸೇವೆಗಳ ಖರೀದಿ/ಲಭ್ಯತೆಗೆ ಹೆಚ್ಚುವರಿ ನಿಯಮಗಳು ಮತ್ತು ಷರತ್ತುಗಳು ಅನ್ವಯವಾಗುತ್ತವೆ. ಇದರಲ್ಲಿ ಹಣಕಾಸು ಸಂಸ್ಥೆ(ಗಳು)ಯ ನಿಯಮಗಳೂ ಸೇರಿವೆ. ದಯವಿಟ್ಟು ಈ ಹೆಚ್ಚುವರಿ ನಿಯಮಗಳು ಮತ್ತು ಷರತ್ತುಗಳನ್ನು ಎಚ್ಚರಿಕೆಯಿಂದ ಓದಿ.
- ಗ್ರಾಹಕರ ವಿವರಗಳಿಗಾಗಿ ಸರಿಯಾದ ಪರಿಶೀಲನೆ ಅಗತ್ಯತೆಗಳು
PhonePe ಪ್ಲಾಟ್ಫಾರ್ಮ್ ಮೂಲಕ ಯಾವುದೇ ಹಣಕಾಸು ವಹಿವಾಟು ನಡೆಸುವಾಗ, ನಮ್ಮ ಹಣಕಾಸು ಸಂಸ್ಥೆಗಳು ಕ್ಲೈಂಟ್/ಗ್ರಾಹಕರಿಂದ ಸರಿಯಾದ ಪರೀಕ್ಷೆಗಳನ್ನು ತೆಗೆದುಕೊಳ್ಳುತ್ತವೆ ಮತ್ತು KYC ಉದ್ದೇಶಕ್ಕಾಗಿ ಅಗತ್ಯವಿರುವ ಕಡ್ಡಾಯ ಮಾಹಿತಿಯನ್ನು ಪಡೆಯುತ್ತವೆ ಎಂಬುದನ್ನು ನೀವು ಒಪ್ಪುತ್ತೀರಿ ಮತ್ತು ಅಂಗೀಕರಿಸುತ್ತೀರಿ. ಒಬ್ಬ ಗ್ರಾಹಕರಾಗಿ, ನೀವು ಕ್ರೆಡಿಟ್ ಕಾರ್ಡ್ ಅಥವಾ ಇತರ ಹಣಕಾಸು ಉತ್ಪನ್ನ ಅವಶ್ಯಕತೆಗಳಿಗಾಗಿ ಹಣಕಾಸು ಸಂಸ್ಥೆಗಳು ವಿನಂತಿಯನ್ನು ಮಾಡಿದಾಗ ಅದರ ಸುಗಮ ಪ್ರಕ್ರಿಯೆಗಾಗಿ, ಅನ್ವಯವಾಗುವ ಪ್ರಿವೆನ್ಶನ್‌ ಆಫ್‌ ಮನಿ ಲಾಂಡರಿಂಗ್‌ ಆಕ್ಟ್‌, 2002 (“PMLA”) ಮತ್ತು ಅದರ ಅಡಿಯಲ್ಲಿ ಮಾಡಲಾದ ನಿಯಮಗಳು ಮತ್ತು ನಿಬಂಧನೆಗಳಿಗೆ ಅನುಸಾರವಾಗಿ ನೀಡಲು ಬದ್ಧರಾಗಿರುತ್ತೀರಿ. ಪ್ರತಿಯೊಬ್ಬ ಗ್ರಾಹಕ/ಬಳಕೆದಾರರನ್ನು ಗುರುತಿಸಲು ಮತ್ತು ನಿಮ್ಮ ಮತ್ತು ಅಂತಹ ಹಣಕಾಸು ಸಂಸ್ಥೆಯ ನಡುವಿನ ಸಂಬಂಧದ ಉದ್ದೇಶಿತ ಸ್ವರೂಪದ ಗುರಿಯನ್ನು ಖಚಿತಪಡಿಸಿಕೊಳ್ಳಲು ಹಣಕಾಸು ಸಂಸ್ಥೆ(ಗಳು) ಸಾಕಷ್ಟು ಮಾಹಿತಿಯನ್ನು ಪಡೆಯಬಹುದು. PMLA ಸೇರಿದಂತೆ ಅನ್ವಯವಾಗುವ ಕಾನೂನುಗಳ ಅಡಿಯಲ್ಲಿ ಅವಶ್ಯಕತೆಗಳು ಹಾಗೂ ಬಾಧ್ಯತೆಗಳಿಗೆ ಅನುಗುಣವಾಗಿ ಗ್ರಾಹಕರ ಸರಿಯಾದ ಪರಿಶೀಲನಾ ಅಗತ್ಯತೆಗಳಿಗೆ ಸಂಬಂಧಿಸಿದಂತೆ ಸ್ವತಃ ಪೂರೈಸಲು ವರ್ಧಿತ ಸೂಕ್ತ ಪರಿಶೀಲನಾ ಕ್ರಮಗಳು (ಯಾವುದೇ ದಸ್ತಾವೇಜನ್ನು ಒಳಗೊಂಡಂತೆ) ಸೇರಿದಂತೆ ಅಂತಹ ಪ್ರಕ್ರಿಯೆಯನ್ನು ಕಂಪನಿಯು ಸುಗಮಗೊಳಿಸುತ್ತದೆ ಎಂದು ನೀವು ಅಂಗೀಕರಿಸುತ್ತೀರಿ ಮತ್ತು ಒಪ್ಪುತ್ತೀರಿ, ಮತ್ತು ಕಂಪನಿಯು ನಿಮ್ಮ ಮಾಹಿತಿ/ಡೇಟಾ/ವಿವರಗಳನ್ನು ಹಣಕಾಸು ಸಂಸ್ಥೆಗಳೊಂದಿಗೆ ಹಂಚಿಕೊಳ್ಳುವುದನ್ನು ನೀವು ತಿಳಿದುಕೊಂಡಿದ್ದೀರಿ ಮತ್ತು ಸ್ಪಷ್ಟವಾಗಿ ಸಮ್ಮತಿಸುತ್ತೀರಿ. ಹಣಕಾಸು ಸಂಸ್ಥೆಗಳು ತೃಪ್ತಿಯಾಗುವ ಮಟ್ಟಿಗೆ ಮಾಹಿತಿ/ಡೇಟಾ/ವಿವರಗಳನ್ನು ಒದಗಿಸಲು ನೀವು ವಿಫಲವಾದರೆ, ಹಣಕಾಸು ಸಂಸ್ಥೆಗಳ ಉತ್ಪನ್ನಗಳು/ಸೇವೆಗಳು/ಕೊಡುಗೆಗಳನ್ನು ಪಡೆಯಲು ನಿಮಗೆ ಸಾಧ್ಯವಾಗದಿರಬಹುದು ಎಂಬುದನ್ನು ನೀವು ಅರ್ಥಮಾಡಿಕೊಂಡಿದ್ದೀರಿ ಮತ್ತು ಅಂಗೀಕರಿಸಿದ್ದೀರಿ. KYC ಮತ್ತು ಗ್ರಾಹಕರ ಸೂಕ್ತ ಪರಿಶೀಲನೆಯನ್ನು ಹಣಕಾಸು ಸಂಸ್ಥೆಗಳು ತನ್ನ ಸ್ವಂತ ವಿವೇಚನೆಯಿಂದ ನಡೆಸುತ್ತವೆ ಮತ್ತು ಕಂಪನಿಯು ಇದಕ್ಕೆ ಜವಾಬ್ದಾರವಾಗಿರುವುದಿಲ್ಲ ಮತ್ತು/ಅಥವಾ ಹೊಣೆಗಾರಿಕೆಯನ್ನು ಹೊಂದಿರುವುದಿಲ್ಲ.
- ಅರ್ಹತೆ
ನೀವು 18 (ಹದಿನೆಂಟು) ವರ್ಷಕ್ಕಿಂತ ಮೇಲ್ಪಟ್ಟ ಭಾರತದ ನಿವಾಸಿ ಎಂದು ಘೋಷಿಸುತ್ತೀರಿ ಮತ್ತು ದೃಢೀಕರಿಸುತ್ತೀರಿ ಮತ್ತು ಕಂಪನಿಯು ನೀಡುವ ಸೇವೆಗಳನ್ನು ಪಡೆಯುವಾಗ ಭಾರತೀಯ ಒಪ್ಪಂದ ಕಾಯ್ದೆ, 1872 ರ ಅಡಿಯಲ್ಲಿ ನಿರ್ದಿಷ್ಟಪಡಿಸಿದಂತೆ ಒಪ್ಪಂದ ಮಾಡಿಕೊಳ್ಳುವ ಸಾಮರ್ಥ್ಯವನ್ನು ಹೊಂದಿದ್ದೀರಿ.
- ಸಲ್ಲಿಸಲಾದ ವಿಷಯ
ನೀವು PhonePe ಪ್ಲಾಟ್‌ಫಾರ್ಮ್‌ನಲ್ಲಿ ಡೇಟಾ ಮತ್ತು ಮಾಹಿತಿ ಸೇರಿದಂತೆ ಯಾವುದೇ ವಿಷಯವನ್ನು ಹಂಚಿಕೊಂಡಾಗ ಅಥವಾ ಸಲ್ಲಿಸಿದಾಗ, ನೀವು PhonePe ಪ್ಲಾಟ್‌ಫಾರ್ಮ್‌ನಲ್ಲಿ ಪೋಸ್ಟ್ ಮಾಡುವ / ಒದಗಿಸುವ ಎಲ್ಲ ವಿಷಯಗಳಿಗೆ ನೀವು ಸಂಪೂರ್ಣ ಜವಾಬ್ದಾರರಾಗಿರುತ್ತೀರಿ ಎಂದು ನೀವು ಒಪ್ಪಿಕೊಳ್ಳುತ್ತೀರಿ. ನೀವು PhonePe ಪ್ಲಾಟ್‌ಫಾರ್ಮ್‌ನಲ್ಲಿ ಅಥವಾ ಅದರ ಮೂಲಕ ಲಭ್ಯವಾಗುವಂತೆ ಮಾಡುವ ಯಾವುದೇ ವಿಷಯಕ್ಕೆ ಕಂಪನಿಯು ಜವಾಬ್ದಾರವಾಗಿರುವುದಿಲ್ಲ. ಕಂಪನಿಯ ಸ್ವಂತ ವಿವೇಚನೆಯಿಂದ, ಅಂತಹ ವಿಷಯವನ್ನು ಸೇವೆಗಳಲ್ಲಿ ಸೇರಿಸಿಕೊಳ್ಳಬಹುದು (ಸಂಪೂರ್ಣವಾಗಿ ಅಥವಾ ಭಾಗಶಃ ಅಥವಾ ಮಾರ್ಪಡಿಸಿದ ರೂಪದಲ್ಲಿ). ನೀವು PhonePe ಪ್ಲಾಟ್‌ಫಾರ್ಮ್‌ನಲ್ಲಿ ಸಲ್ಲಿಸುವ ಅಥವಾ ಲಭ್ಯವಾಗುವಂತೆ ಮಾಡುವ ವಿಷಯಕ್ಕೆ ಸಂಬಂಧಿಸಿದಂತೆ, ನೀವು ಕಂಪನಿಗೆ ಅಂತಹ ಸಾಮಾಗ್ರಿಗಳನ್ನು ಅಥವಾ ಅಂತಹ ವಿಷಯದ ಯಾವುದೇ ಭಾಗವನ್ನು ಬಳಸಲು, ನಕಲು ಮಾಡಲು, ವಿತರಿಸಲು, ಸಾರ್ವಜನಿಕವಾಗಿ ಪ್ರದರ್ಶಿಸಲು, ಮಾರ್ಪಡಿಸಲು, ಉತ್ಪನ್ನ ಕೃತಿಗಳನ್ನು ರಚಿಸಲು ಮತ್ತು ಉಪಪರವಾನಗಿ ನೀಡಲು ಶಾಶ್ವತ, ಬದಲಾಯಿಸಲಾಗದ, ಅಂತ್ಯಗೊಳಿಸಲಾಗದ, ವಿಶ್ವಾದ್ಯಂತ, ರಾಯಧನ-ಮುಕ್ತ ಮತ್ತು ವಿಶೇಷವಲ್ಲದ ಪರವಾನಗಿಯನ್ನು ನೀಡುತ್ತೀರಿ. ನೀವು ಸಲ್ಲಿಸುವ ವಿಷಯಕ್ಕೆ ನೀವು ಸಂಪೂರ್ಣ ಜವಾಬ್ದಾರರಾಗಿರುತ್ತೀರಿ ಎಂದು ನೀವು ಒಪ್ಪುತ್ತೀರಿ. PhonePe ಪ್ಲಾಟ್‌ಫಾರ್ಮ್‌ನಲ್ಲಿ ಇವುಗಳನ್ನು ಪೋಸ್ಟ್ ಮಾಡಲು ಅಥವಾ ಕಳುಹಿಸಲು ನಿಮಗೆ ಅನುಮತಿ ಇರುವುದಿಲ್ಲ: (i) ಯಾವುದೇ ಕಾನೂನುಬಾಹಿರ, ಬೆದರಿಕೆ, ಮಾನಹಾನಿಕರ, ಮಾನನಷ್ಟಕರ, ಅಶ್ಲೀಲ, ಅಸಹ್ಯ ಅಥವಾ ಪ್ರಚಾರ ಮತ್ತು/ಅಥವಾ ಗೌಪ್ಯತೆಯ ಹಕ್ಕುಗಳನ್ನು ಉಲ್ಲಂಘಿಸುವ ಅಥವಾ ಯಾವುದೇ ಕಾನೂನನ್ನು ಉಲ್ಲಂಘಿಸುವ ಇತರ ವಸ್ತು ಅಥವಾ ವಿಷಯ; (ii) ಯಾವುದೇ ವಾಣಿಜ್ಯ ಸಾಮಾಗ್ರಿ ಅಥವಾ ವಿಷಯ (ಯಾವುದೇ ಸರಕು ಅಥವಾ ಸೇವೆಗಳ ಫಂಡ್‌ಗಳ ಕೋರಿಕೆ, ಜಾಹೀರಾತು ಅಥವಾ ಮಾರ್ಕೆಟಿಂಗ್ ಸೇರಿದಂತೆ, ಆದರೆ ಇದಕ್ಕೆ ಮಾತ್ರ ಸೀಮಿತವಾಗಿಲ್ಲ); ಮತ್ತು (iii) ಯಾವುದೇ ಥರ್ಡ್‌ ಪಾರ್ಟಿಯ ಯಾವುದೇ ಹಕ್ಕುಸ್ವಾಮ್ಯ, ಟ್ರೇಡ್‌ಮಾರ್ಕ್, ಪೇಟೆಂಟ್ ಹಕ್ಕು ಅಥವಾ ಇತರ ಸ್ವಾಮ್ಯದ ಹಕ್ಕನ್ನು ಉಲ್ಲಂಘಿಸುವ, ದುರುಪಯೋಗಪಡಿಸಿಕೊಳ್ಳುವ ಅಥವಾ ಉಲ್ಲಂಘನೆ ಮಾಡುವ ಯಾವುದೇ ವಸ್ತು ಅಥವಾ ವಿಷಯ. ಮೇಲಿನ ನಿರ್ಬಂಧಗಳ ಉಲ್ಲಂಘನೆಯಿಂದ ಉಂಟಾಗುವ ಯಾವುದೇ ಹಾನಿಗಳಿಗೆ ಅಥವಾ PhonePe ಪ್ಲಾಟ್‌ಫಾರ್ಮ್‌ಗೆ ನಿಮ್ಮ ವಿಷಯವನ್ನು ಪೋಸ್ಟ್ ಮಾಡುವುದರಿಂದ ಉಂಟಾಗುವ ಯಾವುದೇ ಹಾನಿಗೆ ನೀವೇ ಸಂಪೂರ್ಣ ಹೊಣೆಗಾರರಾಗಿರುತ್ತೀರಿ.
- ಥರ್ಡ್‌ ಪಾರ್ಟಿಯ ಲಿಂಕ್‌ಗಳು/ಆಫರ್‌ಗಳುFERS
PhonePe ಪ್ಲಾಟ್ಫಾರ್ಮ್ ಇತರ ವೆಬ್‌ಸೈಟ್‌ಗಳು ಅಥವಾ ಸಂಪನ್ಮೂಲಗಳಿಗೆ ಲಿಂಕ್‌ಗಳನ್ನು ಹೊಂದಿರಬಹುದು. ಈ ಬಾಹ್ಯ ಸೈಟ್‌ಗಳು ಅಥವಾ ಸಂಪನ್ಮೂಲಗಳ ಲಭ್ಯತೆಗೆ ಕಂಪನಿಯು ಜವಾಬ್ದಾರವಾಗಿರುವುದಿಲ್ಲ ಎಂದು ನೀವು ಅಂಗೀಕರಿಸುತ್ತೀರಿ ಮತ್ತು ಒಪ್ಪುತ್ತೀರಿ. ಈ ಸೈಟ್‌ಗಳು ಅಥವಾ ಸಂಪನ್ಮೂಲಗಳಲ್ಲಿ ಕಂಡುಬರುವ ಅಥವಾ ಲಭ್ಯವಾಗುವಂತೆ ಮಾಡುವ ಯಾವುದೇ ವಿಷಯ, ಜಾಹೀರಾತು, ಉತ್ಪನ್ನಗಳು ಅಥವಾ ಇತರ ವಸ್ತುಗಳನ್ನು ಕಂಪನಿಯು ಅನುಮೋದಿಸುವುದಿಲ್ಲ ಮತ್ತು ಅವುಗಳಿಗೆ ಜವಾಬ್ದಾರವಾಗಿರುವುದಿಲ್ಲ ಅಥವಾ ಹೊಣೆಗಾರಿಕೆಯನ್ನು ಹೊಂದಿರುವುದಿಲ್ಲ. ಅಂತಹ ಸೈಟ್‌ಗಳು ಅಥವಾ ಸಂಪನ್ಮೂಲಗಳ ಮೂಲಕ ಲಭ್ಯವಿರುವ ಯಾವುದೇ ವಿಷಯ, ಸರಕುಗಳು ಅಥವಾ ಸೇವೆಗಳ ಬಳಕೆ ಅಥವಾ ಅವಲಂಬನೆಯಿಂದ ಅಥವಾ ಅದಕ್ಕೆ ಸಂಬಂಧಿಸಿದಂತೆ ಉಂಟಾದ ಅಥವಾ ಉಂಟಾಗಿದೆ ಎಂದು ಹೇಳಲಾದ ಯಾವುದೇ ಹಾನಿ ಅಥವಾ ನಷ್ಟಕ್ಕೆ ಕಂಪನಿಯು ನೇರವಾಗಿ ಅಥವಾ ಪರೋಕ್ಷವಾಗಿ ಜವಾಬ್ದಾರವಾಗಿರುವುದಿಲ್ಲ ಅಥವಾ ಹೊಣೆಗಾರಿಕೆಯನ್ನು ಹೊಂದಿರುವುದಿಲ್ಲ ಎಂಬುದನ್ನು ನೀವು ಗುರುತಿಸುತ್ತೀರಿ ಮತ್ತು ಒಪ್ಪುತ್ತೀರಿ.
- ವಾರಂಟಿಯ ಹಕ್ಕು ನಿರಾಕರಣೆ
PhonePe ಪ್ಲಾಟ್‌ಫಾರ್ಮ್‌ನಲ್ಲಿ ಸೇರಿಸಲಾದ ಅಥವಾ ಆ್ಯಕ್ಸೆಸ್‌ ಮಾಡಬಹುದಾದ ಸೇವೆಗಳು ಮತ್ತು ಇತರ ವಿಷಯಗಳ (ಥರ್ಡ್‌ಪಾರ್ಟಿ ವಿಷಯ ಸೇರಿದಂತೆ) ನಿಮ್ಮ ಬಳಕೆಯು ನಿಮ್ಮ ಸ್ವಂತ ಜವಾಬ್ದಾರಿಯಾಗಿರುತ್ತದೆ ಎಂದು ನೀವು ಸ್ಪಷ್ಟವಾಗಿ ಅರ್ಥಮಾಡಿಕೊಂಡಿದ್ದೀರಿ ಮತ್ತು ಒಪ್ಪುತ್ತೀರಿ. ಸೇವೆಗಳನ್ನು “ಇರುವಂತೆಯೇ” ಮತ್ತು “ಲಭ್ಯವಿರುವಂತೆ” ಆಧಾರದ ಮೇಲೆ ಒದಗಿಸಲಾಗುತ್ತದೆ. ಕಂಪನಿಯು PhonePe ಪ್ಲಾಟ್‌ಫಾರ್ಮ್‌ನಲ್ಲಿ ಅಥವಾ ಸೇವೆಗಳ ವಿಷಯದ ನಿಖರತೆ, ವಿಶ್ವಾಸಾರ್ಹತೆ ಅಥವಾ ಸಂಪೂರ್ಣತೆಯ ಬಗ್ಗೆ (ಥರ್ಡ್‌-ಪಾರ್ಟಿಯ ಸೇವಾ ಪೂರೈಕೆದಾರರು ಪ್ರಾಯೋಜಿಸಿದ್ದರೂ, ಇಲ್ಲದಿದ್ದರೂ) ಯಾವುದೇ ಪ್ರಾತಿನಿಧ್ಯಗಳು, ವಾರಂಟಿಗಳು ಅಥವಾ ಗ್ಯಾರಂಟಿಗಳನ್ನು ನೀಡುವುದಿಲ್ಲ, ಮತ್ತು ನಿರ್ದಿಷ್ಟ ಉದ್ದೇಶಕ್ಕಾಗಿ ಉಲ್ಲಂಘನೆಯಾಗದ ಅಥವಾ ಫಿಟ್‌ನೆಸ್‌ನ ಯಾವುದೇ ಖಾತರಿಗಳನ್ನು ಸ್ಪಷ್ಟವಾಗಿ ನಿರಾಕರಿಸುತ್ತದೆ.
ಕಂಪನಿಯು ಸೇವೆಗಳಿಗೆ ಸಂಬಂಧಿಸಿದಂತೆ ಯಾವುದೇ ರೀತಿಯ ಎಲ್ಲ ಖಾತರಿಗಳನ್ನು ಸ್ಪಷ್ಟವಾಗಿ ನಿರಾಕರಿಸುತ್ತದೆ, ಇದರಲ್ಲಿ ವ್ಯಾಪಾರದ ಸಾಮರ್ಥ್ಯ, ಉಲ್ಲಂಘನೆಯಾಗದಿರುವಿಕೆ ಅಥವಾ ನಿರ್ದಿಷ್ಟ ಉದ್ದೇಶಕ್ಕಾಗಿ ಫಿಟ್‌ನೆಸ್‌ನ ಯಾವುದೇ ಖಾತರಿಗಳು, ಅವು ಸ್ಪಷ್ಟ ಅಥವಾ ಸೂಚಿತವಾಗಿರಲಿ, ಸೇವೆಗಳಲ್ಲಿ ಸೇರಿಸಲಾದ ಅಥವಾ ಆ್ಯಕ್ಸೆಸ್‌ ಮಾಡಬಹುದಾದ ಎಲ್ಲ ಮಾಹಿತಿ, ಉತ್ಪನ್ನಗಳು, ಸೇವೆಗಳು ಮತ್ತು ಇತರ ವಿಷಯಗಳಿಗೆ (ಥರ್ಡ್‌ಪಾರ್ಟಿ ವಿಷಯ ಸೇರಿದಂತೆ) ಸಂಬಂಧಿಸಿದಂತೆ ಮಿತಿಯಿಲ್ಲದೆ ನಿರಾಕರಿಸುತ್ತದೆ.
ಕಂಪನಿ ಮತ್ತು ಅದರ ಸೇವಾ ಪೂರೈಕೆದಾರರು, ಅಂಗಸಂಸ್ಥೆಗಳು, ಹಣಕಾಸು ಸಂಸ್ಥೆಗಳು ಈ ಮುಂದಿನವುಗಳಿಗೆ ಯಾವುದೇ ವಾರಂಟಿಯನ್ನು ನೀಡುವುದಿಲ್ಲ (i) ನೀವು ಸೇವೆಗಳಿಗೆ ಅರ್ಹರು, (ii) ಸೇವೆಗಳು ನಿಮ್ಮ ಅವಶ್ಯಕತೆಗಳನ್ನು ಪೂರೈಸುತ್ತವೆ., (iii) ಸೇವೆಗಳು ಅಡೆತಡೆಯಿಲ್ಲದೆ, ಸಕಾಲಿಕವಾಗಿ, ಸುರಕ್ಷಿತವಾಗಿ ಅಥವಾ ದೋಷ-ಮುಕ್ತವಾಗಿರುತ್ತವೆ, (iv) ಸೇವೆಗಳ ಬಳಕೆಯಿಂದ ಪಡೆಯಬಹುದಾದ ಫಲಿತಾಂಶಗಳು ನಿಖರ ಅಥವಾ ವಿಶ್ವಾಸಾರ್ಹವಾಗಿರುತ್ತವೆ, (v) ಸೇವೆಗಳ ಮೂಲಕ ನೀವು ಖರೀದಿಸಿದ ಅಥವಾ ಪಡೆದ ಯಾವುದೇ ಉತ್ಪನ್ನಗಳು, ಸೇವೆಗಳು, ಮಾಹಿತಿ ಅಥವಾ ಇತರ ವಸ್ತುಗಳ ಗುಣಮಟ್ಟವು ನಿಮ್ಮ ನಿರೀಕ್ಷೆಗಳನ್ನು ಪೂರೈಸುತ್ತದೆ, ಮತ್ತು (vi) ತಂತ್ರಜ್ಞಾನದಲ್ಲಿನ ಯಾವುದೇ ದೋಷಗಳನ್ನು ಸರಿಪಡಿಸಲಾಗುತ್ತದೆ.
ಕಂಪನಿಯು ಯಾವುದೇ ಸಮಯದಲ್ಲಿ ನೋಂದಣಿ/ಸದಸ್ಯತ್ವ ಅಥವಾ ಬ್ರೌಸಿಂಗ್ ಶುಲ್ಕಕ್ಕಾಗಿ ಯಾವುದೇ ಶುಲ್ಕವನ್ನು ವಿಧಿಸುವ ಸಂಪೂರ್ಣ ಹಕ್ಕನ್ನು ಕಾಯ್ದಿರಿಸಿದೆ. ಕಂಪನಿಯು ವಿಧಿಸಬಹುದಾದ ಎಲ್ಲ ಶುಲ್ಕಗಳನ್ನು ನಿಮಗೆ ತಿಳಿಸಲಾಗುತ್ತದೆ ಮತ್ತು ಅವು ಪ್ರಕಟವಾದ/ಪೋಸ್ಟ್ ಮಾಡಿದ ತಕ್ಷಣ ಸ್ವಯಂಚಾಲಿತವಾಗಿ ಜಾರಿಗೆ ಬರುತ್ತವೆ. ಕಂಪನಿಯು ವಿಧಿಸುವ ಎಲ್ಲ ಶುಲ್ಕಗಳು, ಯಾವುದಾದರೂ ಇದ್ದರೆ, ಅವು ಭಾರತೀಯ ರೂಪಾಯಿಗಳಲ್ಲಿರುತ್ತವೆ.
ಇಲ್ಲಿ ಉಲ್ಲೇಖಿಸಲಾದ ಸೇವೆಗಳ ಭಾಗವಾಗಿ ಹಣಕಾಸು ಸಂಸ್ಥೆಗಳಿಂದ ಪಡೆದ ಕ್ರೆಡಿಟ್ ಕಾರ್ಡ್ ಬಳಸಿ PhonePe ಪ್ಲಾಟ್‌ಫಾರ್ಮ್‌ನಲ್ಲಿ ಲಭ್ಯವಿರುವ ಯಾವುದೇ ಪಾವತಿ ವಿಧಾನ/ಗಳನ್ನು ಪಡೆದುಕೊಳ್ಳುವಾಗ, ಈ ಕೆಳಗಿನವುಗಳನ್ನು ಒಳಗೊಂಡಂತೆ ಆದರೆ ಇವುಗಳಿಗೆ ಸೀಮಿತವಾಗಿರದೆ, ನಿಮಗೆ ನೇರವಾಗಿ ಅಥವಾ ಪರೋಕ್ಷವಾಗಿ ಉಂಟಾದ ಯಾವುದೇ ನಷ್ಟ ಅಥವಾ ಹಾನಿಗೆ ಕಂಪನಿಯು ಜವಾಬ್ದಾರವಾಗಿರುವುದಿಲ್ಲ ಅಥವಾ ಹೊಣೆಗಾರಿಕೆಯನ್ನು ಹೊಂದಿರುವುದಿಲ್ಲ:
- ಯಾವುದೇ ವಹಿವಾಟುಗಳಿಗೆ ಅಧಿಕಾರದ ಕೊರತೆ, ಅಥವಾ
- ವಹಿವಾಟಿನಿಂದ ಉಂಟಾಗುವ ಯಾವುದೇ ಪಾವತಿ ಸಮಸ್ಯೆಗಳು, ಅಥವಾ
- ನೀವು ಬಳಸುತ್ತಿರುವ ಪಾವತಿ ವಿಧಾನಗಳ (ಕ್ರೆಡಿಟ್/ಡೆಬಿಟ್ ಕಾರ್ಡ್ ವಂಚನೆಗಳು ಇತ್ಯಾದಿ) ಕಾನೂನುಬಾಹಿರತೆ;
- ಬೇರೆ ಯಾವುದೇ ಕಾರಣಕ್ಕಾಗಿ ವಹಿವಾಟು ನಿರಾಕರಣೆ
ಇಲ್ಲಿ ಹೇಳಿರುವ ಯಾವುದೇ ವಿಷಯ ಏನೇ ಇರಲಿ, ನಿಮ್ಮ ವಹಿವಾಟಿನ ವಿಶ್ವಾಸಾರ್ಹತೆಯಿಂದ PhonePe ತೃಪ್ತವಾಗಿಲ್ಲದಿದ್ದರೆ, ಭದ್ರತೆ ಅಥವಾ ಇತರ ಕಾರಣಗಳಿಗಾಗಿ ಅದು ಹೆಚ್ಚುವರಿ ಪರಿಶೀಲನೆಯನ್ನು ಕೈಗೊಳ್ಳಬಹುದು.
ಕಂಪನಿಯು ತನ್ನ ಹಣಕಾಸು ಸಂಸ್ಥೆಗಳಿಂದ ಉತ್ಪನ್ನಗಳು ಅಥವಾ ಸೇವೆಗಳನ್ನು ತಲುಪಿಸುವಲ್ಲಿ ವಿಫಲವಾದರೆ ಅಥವಾ ವಿಳಂಬ ಮಾಡಿದರೆ, ಅಂತಹ ವಿಳಂಬದಿಂದಾಗಿ ನಿಮಗೆ ಉಂಟಾದ ಯಾವುದೇ ಹಾನಿ ಅಥವಾ ನಷ್ಟಕ್ಕೆ ಯಾವುದೇ ಹೊಣೆಗಾರಿಕೆಯನ್ನು ಹೊಂದಿರುವುದಿಲ್ಲ ಮತ್ತು ಅದಕ್ಕೆ ಕಂಪನಿಯು ಜವಾಬ್ದಾರವಾಗಿರುವುದಿಲ್ಲ. ಭಾರತದ ಪ್ರಾದೇಶಿಕ ಗಡಿಯ ಹೊರಗೆ ಉತ್ಪನ್ನಗಳು/ಸೇವೆಗಳ ಯಾವುದೇ ಡೆಲಿವರಿಗಳನ್ನು ಮಾಡುವಂತಿಲ್ಲ.
- ಹೊಣೆಗಾರಿಕೆಯ ಮಿತಿ
ಕಂಪನಿಯು ಇಡೀ ಪ್ರಕ್ರಿಯೆಯಲ್ಲಿ ಸೀಮಿತ ಪಾತ್ರವನ್ನು ಹೊಂದಿದೆ ಮತ್ತು ಅದು ನಿಮ್ಮ ಮತ್ತು ಹಣಕಾಸು ಸಂಸ್ಥೆಗಳ ನಡುವೆ ಎಲ್ಲವೂ ಸುಗಮವಾಗಿ ನಡೆಯುವಂತೆ ಮಾಡುವ ಪಾತ್ರವನ್ನು ಮಾತ್ರ ನಿರ್ವಹಿಸುತ್ತದೆ ಎಂದು ನೀವು ಒಪ್ಪುತ್ತೀರಿ ಮತ್ತು ಅರ್ಥಮಾಡಿಕೊಂಡಿದ್ದೀರಿ. ಹಣಕಾಸು ಸಂಸ್ಥೆಗಳ ಕ್ರೆಡಿಟ್ ಕಾರ್ಡ್/ಕ್ರೆಡಿಟ್ ಸೌಲಭ್ಯದಲ್ಲಿ ಯಾವುದೇ ಸಮಸ್ಯೆ ಉಂಟಾದರೆ, ನಿಮ್ಮ ಹಕ್ಕುಗಳು ಅನ್ವಯವಾಗುವ ಕಾನೂನುಗಳು ಮತ್ತು ಕ್ರೆಡಿಟ್ ಕಾರ್ಡ್ ಡಾಕ್ಯುಮೆಂಟ್‌ಗಳು ಅಥವಾ ನೀವು ಮತ್ತು ಹಣಕಾಸು ಸಂಸ್ಥೆಗಳು ಕಾರ್ಯಗತಗೊಳಿಸಿದ/ಸ್ವೀಕರಿಸಿದ ನಿಯಮಗಳು ಮತ್ತು ಷರತ್ತುಗಳ ಪ್ರಕಾರ ನಿಯಂತ್ರಿಸಲ್ಪಡುತ್ತವೆ ಎಂಬುದನ್ನು ನೀವು ಒಪ್ಪುತ್ತೀರಿ ಮತ್ತು ಅರ್ಥಮಾಡಿಕೊಂಡಿದ್ದೀರಿ. ಕಂಪನಿ ಮತ್ತು/ಅಥವಾ ಕಂಪನಿಯ ಸಮೂಹ ಘಟಕಗಳನ್ನು ಯಾವುದೇ ವಿವಾದಕ್ಕೆ ಪಕ್ಷವನ್ನಾಗಿ ಮಾಡುವುದಿಲ್ಲ ಮತ್ತು/ಅಥವಾ ಕಂಪನಿ ಮತ್ತು/ಅಥವಾ ಕಂಪನಿಯ ಸಮೂಹ ಘಟಕಗಳ ವಿರುದ್ಧ ಯಾವುದೇ ಹಕ್ಕು ಸಾಧಿಸುವುದಿಲ್ಲ ಎಂದು ನೀವು ಮತ್ತಷ್ಟು ಒಪ್ಪುತ್ತೀರಿ ಮತ್ತು ಬಾಧ್ಯತೆಯನ್ನು ಹೊಂದುತ್ತೀರಿ
ಮೇಲಿನ ಪ್ಯಾರಾಗ್ರಾಫ್‌ನ ಸಾಮಾನ್ಯತೆಗೆ ಯಾವುದೇ ಪೂರ್ವಾಗ್ರಹವಿಲ್ಲದೆ, ಯಾವುದೇ ಸಂದರ್ಭದಲ್ಲಿ ಕಂಪನಿ ಮತ್ತು/ಅಥವಾ ಕಂಪನಿಯ ಸಮೂಹ ಘಟಕಗಳು, ಅದರ ಅಂಗಸಂಸ್ಥೆಗಳು, ಉಪಸಂಸ್ಥೆಗಳು, ನಿರ್ದೇಶಕರು ಮತ್ತು ಅಧಿಕಾರಿಗಳು, ಉದ್ಯೋಗಿಗಳು, ಏಜೆಂಟರು, ಪಾಲುದಾರರು ಮತ್ತು ಪರವಾನಗಿದಾರರು ಯಾವುದೇ ನೇರ, ಪರೋಕ್ಷ, ಪರಿಣಾಮಕಾರಿ, ಪ್ರಾಸಂಗಿಕ, ವಿಶೇಷ ಅಥವಾ ದಂಡನಾತ್ಮಕ ಹಾನಿಗಳಿಗೆ ಹೊಣೆಗಾರರಾಗಿರುವುದಿಲ್ಲ, ಇದರಲ್ಲಿ ಲಾಭ ಅಥವಾ ಆದಾಯದ ನಷ್ಟ, ಸದ್ಭಾವನೆ, ವ್ಯವಹಾರ ಅಡಚಣೆ, ವ್ಯಾಪಾರ ಅವಕಾಶಗಳ ನಷ್ಟ, ಡೇಟಾ ನಷ್ಟ ಅಥವಾ ಇತರ ಆರ್ಥಿಕ ಹಿತಾಸಕ್ತಿಗಳ ನಷ್ಟ, ಒಪ್ಪಂದ, ನಿರ್ಲಕ್ಷ್ಯ, ದೌರ್ಜನ್ಯ ಅಥವಾ ಇನ್ನಾವುದೇ ರೀತಿಯಲ್ಲಿ, ಸೇವೆಗಳ ಬಳಕೆಯಿಂದ ಅಥವಾ ಪಡೆಯಲು ಅಸಮರ್ಥತೆಯಿಂದ ಉಂಟಾಗುವ ಹಾನಿಗಳು ಸೇರಿವೆ, ಆದರೆ ಇವುಗಳಿಗೆ ಮಾತ್ರ ಸೀಮಿತವಾಗಿಲ್ಲ.
- ನಷ್ಟ ಪರಿಹಾರ
ನೀವು ಕಂಪನಿ ಮತ್ತು ಅದರ ಅಧಿಕಾರಿಗಳು, ನಿರ್ದೇಶಕರು, ಏಜೆಂಟರು, ಅಂಗಸಂಸ್ಥೆಗಳು, ಉಪಸಂಸ್ಥೆಗಳು, ಜಂಟಿ ಉದ್ಯಮಗಳು ಮತ್ತು ಉದ್ಯೋಗಿಗಳನ್ನು ಯಾವುದೇ ರೀತಿಯ ಅಥವಾ ವಿಧದ ಯಾವುದೇ ಹಕ್ಕುಗಳು, ಕ್ರಮದ ಕಾರಣಗಳು, ಬೇಡಿಕೆಗಳು, ವಸೂಲಿಗಳು, ನಷ್ಟಗಳು, ಹಾನಿಗಳು, ದಂಡಗಳು, ಪೆನಾಲ್ಟಿಗಳು ಅಥವಾ ಇತರ ವೆಚ್ಚಗಳು ಅಥವಾ ವೆಚ್ಚಗಳಿಂದ ರಕ್ಷಿಸಬೇಕು. ಇದರಲ್ಲಿ ಸಮಂಜಸವಾದ ವಕೀಲರ ಶುಲ್ಕಗಳು, ಅಥವಾ ನಿಮ್ಮ TOU ಗಳ ಉಲ್ಲಂಘನೆಯಿಂದ ಉಂಟಾಗುವ ಅಥವಾ ಸಂಬಂಧಿಸಿದ, ಯಾವುದೇ ಕಾನೂನು ಅಥವಾ ಥರ್ಡ್‌ ಪಾರ್ಟಿಯ ಹಕ್ಕುಗಳ ಉಲ್ಲಂಘನೆ, ಅಥವಾ PhonePe ಪ್ಲಾಟ್ಫಾರ್ಮ್/ಸೇವೆಗಳು ಮತ್ತು ಹಣಕಾಸು ಸಂಸ್ಥೆಗಳು ನೀಡುವ ಕ್ರೆಡಿಟ್ ಕಾರ್ಡ್‌ಗಳು/ಕ್ರೆಡಿಟ್ ಸೌಲಭ್ಯ/ಉತ್ಪನ್ನಗಳ ನಿಮ್ಮ ಬಳಕೆಯೂ ಸೇರಿವೆ.
- ಹೆಚ್ಚುವರಿ ನಿಯಮಗಳು ಮತ್ತು ಷರತ್ತುಗಳು
ಕಂಪನಿಯು PhonePe ಪ್ಲಾಟ್ಫಾರ್ಮ್, ಈ TOU ಗಳು, ಒಪ್ಪಂದ ಮತ್ತು/ಅಥವಾ ಯಾವುದೇ ಸಂಬಂಧಿತ ನೀತಿಗಳು ಮತ್ತು ಒಪ್ಪಂದಗಳಿಗೆ ಯಾವುದೇ ಸಮಯದಲ್ಲಿ ಮತ್ತು ನಿಮಗೆ ಯಾವುದೇ ಸೂಚನೆ ನೀಡದೆ ಯಾವುದೇ ಬದಲಾವಣೆಗಳನ್ನು ಮಾಡುವ ಹಕ್ಕನ್ನು ಕಾಯ್ದಿರಿಸಿದೆ. ಈ TOU ಗಳು ಮತ್ತು/ಅಥವಾ ಒಪ್ಪಂದದ ಯಾವುದೇ ಅಪ್‌ಡೇಟ್‌ ಮಾಡಿದ ಆವೃತ್ತಿಯು ಪೋಸ್ಟ್ ಮಾಡಿದ ತಕ್ಷಣವೇ ಜಾರಿಗೆ ಬರುತ್ತದೆ. ಅಪ್‌ಡೇಟ್‌ಗಳು/ಬದಲಾವಣೆಗಳಿಗಾಗಿ ಈ TOU ಗಳು ಮತ್ತು/ಅಥವಾ ಒಪ್ಪಂದವನ್ನು ನಿಯಮಿತವಾಗಿ ಪರಿಶೀಲಿಸುವುದು ನಿಮ್ಮ ಜವಾಬ್ದಾರಿಯಾಗಿದೆ ಎಂದು ನೀವು ಅರ್ಥಮಾಡಿಕೊಂಡಿದ್ದೀರಿ ಮತ್ತು ಅಂಗೀಕರಿಸಿದ್ದೀರಿ. ಸೇವೆಗಳು/PhonePe ಪ್ಲಾಟ್‌ಫಾರ್ಮ್‌ನ ನಿಮ್ಮ ನಿರಂತರ ಬಳಕೆಯು ಬದಲಾವಣೆಗಳನ್ನು ಒಪ್ಪಿಕೊಳ್ಳಲು ಮತ್ತು ಕಾಲಕಾಲಕ್ಕೆ ತಿದ್ದುಪಡಿ ಮಾಡಲಾದ ನಿಯಮಗಳಿಗೆ ಬದ್ಧವಾಗಿರಲು ಒಪ್ಪಂದವನ್ನು ರೂಪಿಸುತ್ತದೆ. ಬದಲಾವಣೆಗಳಿಗೆ ನೀವು ಒಪ್ಪದಿದ್ದರೆ, ದಯವಿಟ್ಟು ಸೇವೆಗಳ ಬಳಕೆಯನ್ನು ನಿಲ್ಲಿಸಬಹುದು.
ಯಾವುದೇ ಸೂಚನೆ ಇಲ್ಲದೆ ಸೇವೆಗಳನ್ನು ತಾತ್ಕಾಲಿಕವಾಗಿ ಅಥವಾ ಶಾಶ್ವತವಾಗಿ ಸ್ಥಗಿತಗೊಳಿಸುವ ಅಥವಾ ಅಮಾನತುಗೊಳಿಸುವ ಹಕ್ಕನ್ನು ಕಂಪನಿಯು ಕಾಯ್ದಿರಿಸಿದೆ. ಸೇವೆಗಳ ಯಾವುದೇ ಮಾರ್ಪಾಡು ಅಥವಾ ಸ್ಥಗಿತಗೊಳಿಸುವಿಕೆಗೆ ಕಂಪನಿಯು ನಿಮಗೆ ಯಾವುದೇ ರೀತಿಯಲ್ಲಿ ಜವಾಬ್ದಾರವಾಗಿರುವುದಿಲ್ಲ ಎಂದು ನೀವು ಒಪ್ಪುತ್ತೀರಿ.
ನೀವು ಸೇವೆಗಳನ್ನು ಕಾನೂನುಬಾಹಿರ ಉದ್ದೇಶಗಳಿಗಾಗಿ ಅಥವಾ ಕಾನೂನುಬಾಹಿರ, ಕಿರುಕುಳ ನೀಡುವ, ಮಾನಹಾನಿಕರ (ಸುಳ್ಳು ಮತ್ತು ಇತರರಿಗೆ ಹಾನಿಕಾರಕ), ಇನ್ನೊಬ್ಬರ ಗೌಪ್ಯತೆಗೆ ಧಕ್ಕೆ ತರುವ, ನಿಂದನೀಯ, ಬೆದರಿಕೆ ಹಾಕುವ ಅಥವಾ ಅಶ್ಲೀಲ, ಇತರರ ಹಕ್ಕುಗಳನ್ನು ಉಲ್ಲಂಘಿಸುವ ಅಥವಾ ನಿಮಗೆ ಸೇರದ ವಿಷಯವನ್ನು ರವಾನಿಸಲು ಬಳಸುವುದಿಲ್ಲ ಎಂದು ಒಪ್ಪುತ್ತೀರಿ.
- ಸಾಮಾನ್ಯ ನಿಯಮಗಳು
ಈ ನಿಯಮಗಳಲ್ಲಿ ಯಾವುದಾದರೂ ಒಂದು ಕಾರಣದಿಂದ ಅಮಾನ್ಯ, ಅನೂರ್ಜಿತ ಅಥವಾ ಜಾರಿಗೊಳಿಸಲಾಗದು ಎಂದು ಕಂಡುಬಂದರೆ, ಈ ನಿಯಮಗಳಲ್ಲಿ ಪ್ರತಿಫಲಿಸಿದಂತೆ ಪಕ್ಷಗಳ ಉದ್ದೇಶಗಳನ್ನು ಜಾರಿಗೆ ತರಲು ನ್ಯಾಯಾಲಯವು ಪ್ರಯತ್ನಿಸುತ್ತದೆ ಮತ್ತು ಜಾರಿಗೊಳಿಸಲಾಗದ ನಿಬಂಧನೆಯನ್ನು ಉಳಿದವುಗಳಿಂದ ಬೇರ್ಪಡಿಸಲಾಗುತ್ತದೆ ಮತ್ತು ಇದು ಯಾವುದೇ ರೀತಿಯಲ್ಲಿ ಉಳಿದಿರುವ ನಿಬಂಧನೆಗಳ ಸಿಂಧುತ್ವ ಅಥವಾ ಜಾರಿಗೊಳಿಸುವಿಕೆಯ ಮೇಲೆ ಪರಿಣಾಮ ಬೀರುವುದಿಲ್ಲ ಎಂದು ಪಕ್ಷಗಳು ಒಪ್ಪಿಕೊಳ್ಳುತ್ತವೆ. ಶೀರ್ಷಿಕೆಗಳು ಉಲ್ಲೇಖಕ್ಕಾಗಿ ಮಾತ್ರ ಮತ್ತು ಆಯಾ ವಿಭಾಗಗಳ ವ್ಯಾಪ್ತಿ ಅಥವಾ ಕ್ಷೇತ್ರವನ್ನು ಮಿತಿಗೊಳಿಸುವುದಿಲ್ಲ. PhonePe ಪ್ಲಾಟ್ಫಾರ್ಮ್ ಅನ್ನು ನಿರ್ದಿಷ್ಟವಾಗಿ ಭಾರತದ ಪ್ರದೇಶದ ಬಳಕೆದಾರರಿಗಾಗಿ ಮಾತ್ರ ಉದ್ದೇಶಿಸಲಾಗಿದೆ. ಈ TOU ಗಳು, ಒಪ್ಪಂದ ಮತ್ತು ನಿಮ್ಮ ಮತ್ತು ಕಂಪನಿಯ ನಡುವಿನ ಸಂಬಂಧವು ಭಾರತದ ಕಾನೂನುಗಳಿಂದ ನಿಯಂತ್ರಿಸಲ್ಪಡುತ್ತದೆ. ಈ TOU ಗಳಿಂದ ಉದ್ಭವಿಸುವ ಯಾವುದೇ ಕ್ಲೈಮ್‌ ಅಥವಾ ವಿಷಯವನ್ನು ಇತ್ಯರ್ಥಪಡಿಸಲು ಬೆಂಗಳೂರಿನ ನ್ಯಾಯಾಲಯಗಳು ವಿಶೇಷ ನ್ಯಾಯವ್ಯಾಪ್ತಿಯನ್ನು ಹೊಂದಿರುತ್ತವೆ. ಕಂಪನಿಯು ನಿಮ್ಮಿಂದ ಅಥವಾ ಇತರರಿಂದ ಉಲ್ಲಂಘನೆಯ ಮೇಲೆ ಕ್ರಮ ಕೈಗೊಳ್ಳದಿದ್ದರೆ, ಕಂಪನಿಯು ಭವಿಷ್ಯದ ಅಥವಾ ಅಂತಹುದೇ ಉಲ್ಲಂಘನೆಗಳ ಮೇಲೆ ಕ್ರಮ ಕೈಗೊಳ್ಳುವ ಹಕ್ಕನ್ನು ತ್ಯಜಿಸುತ್ತದೆ ಎಂದರ್ಥವಲ್ಲ. ಒಪ್ಪಂದದೊಂದಿಗೆ ಓದಲಾದ ಈ TOUಗಳು ನಿಮ್ಮ ಮತ್ತು ಕಂಪನಿಯ ನಡುವಿನ ಸಂಪೂರ್ಣ ಒಪ್ಪಂದವನ್ನು ರೂಪಿಸುತ್ತವೆ ಮತ್ತು PhonePe ಪ್ಲಾಟ್ಫಾರ್ಮ್ ಮತ್ತು ಸೇವೆಗಳ ನಿಮ್ಮ ಬಳಕೆಯನ್ನು ನಿಯಂತ್ರಿಸುತ್ತವೆ.
- ಫಿಕ್ಸ್ಡ್‌ ಡೆಪಾಸಿಟ್‌ ಆಧಾರಿತ ಕ್ರೆಡಿಟ್ ಕಾರ್ಡ್‌ಗಳಿಗೆ ಅನ್ವಯವಾಗುವ ನಿಯಮಗಳು ಮತ್ತು ಷರತ್ತುಗಳು
- ಮೇಲೆ ತಿಳಿಸಲಾದ ನಿಯಮಗಳು ಮತ್ತು ಷರತ್ತುಗಳ ಜೊತೆಗೆ, ಫಿಕ್ಸ್ಡ್‌ ಡೆಪಾಸಿಟ್‌ (“FD”) ಬೆಂಬಲಿತ ಕ್ರೆಡಿಟ್ ಕಾರ್ಡ್‌ನ ನಿಮ್ಮ ಬಳಕೆ / ಅಪ್ಲಿಕೇಶನ್ ಅನ್ನು ಈ ಕೆಳಗಿನ ನಿಯಮಗಳು ಮತ್ತು ಷರತ್ತುಗಳಿಂದ ನಿಯಂತ್ರಿಸಲಾಗುತ್ತದೆ ಎಂದು ನೀವು ಅರ್ಥಮಾಡಿಕೊಂಡಿದ್ದೀರಿ.
- ಕಂಪನಿಯು Upswing ಫೈನಾನ್ಷಿಯಲ್ ಟೆಕ್ನಾಲಜೀಸ್ ಪ್ರೈವೇಟ್ ಲಿಮಿಟೆಡ್ (“Upswing”) ಸ್ವಾಮ್ಯದ ಟೆಕ್ನಾಲಜಿ ಪ್ಲಾಟ್ಫಾರ್ಮ್ (“Upswing ಪ್ಲಾಟ್ಫಾರ್ಮ್”) ಮೂಲಕ ಕೆಳಗೆ ಪಟ್ಟಿ ಮಾಡಲಾದ FD-ಬೆಂಬಲಿತ ಕ್ರೆಡಿಟ್ ಕಾರ್ಡ್(ಗಳು)ಗಳಿಗೆ ಆ್ಯಕ್ಸೆಸ್‌ ಅನ್ನು ಸುಗಮಗೊಳಿಸುತ್ತದೆ:
- ಉತ್ಕರ್ಷ್ ಸ್ಮಾಲ್ ಫೈನಾನ್ಸ್ ಬ್ಯಾಂಕ್ WISH ಕ್ರೆಡಿಟ್ ಕಾರ್ಡ್.
- ನಿಮಗೆ FD-ಬೆಂಬಲಿತ ಕ್ರೆಡಿಟ್ ಕಾರ್ಡ್(ಗಳನ್ನು) ನೀಡುವ ಉದ್ದೇಶಕ್ಕಾಗಿ, PhonePe ಪ್ಲಾಟ್ಫಾರ್ಮ್ Upswing ಪ್ಲಾಟ್‌ಫಾರ್ಮ್‌ಗೆ ಲಿಂಕ್‌ಗಳು ಅಥವಾ ಮರುನಿರ್ದೇಶನ ಕಾರ್ಯಗಳನ್ನು ಒಳಗೊಂಡಿದೆ.
- FD-ಬೆಂಬಲಿತ ಕ್ರೆಡಿಟ್ ಕಾರ್ಡ್(ಗಳನ್ನು) ಪಡೆಯಲು ಆಯ್ಕೆ ಮಾಡುವ ಮೂಲಕ, ನೀವು Upswing ಪ್ಲಾಟ್‌ಫಾರ್ಮ್‌ಗೆ ಮರುನಿರ್ದೇಶಿಸಲ್ಪಡುವುದಕ್ಕೆ ಸ್ಪಷ್ಟವಾಗಿ ಅಂಗೀಕರಿಸುತ್ತೀರಿ ಮತ್ತು ಸಮ್ಮತಿಸುತ್ತೀರಿ ಮತ್ತು PhonePe Upswing ಪ್ಲಾಟ್ಫಾರ್ಮ್ ಅನ್ನು ಹೊಂದಿಲ್ಲ / ನಿರ್ವಹಿಸುವುದಿಲ್ಲ ಮತ್ತು ಅದಕ್ಕೆ ಯಾವುದೇ ರೀತಿಯಲ್ಲಿ ಜವಾಬ್ದಾರವಾಗಿರುವುದಿಲ್ಲ ಎಂದು ಅರ್ಥಮಾಡಿಕೊಂಡಿದ್ದೀರಿ.
- Upswing ಮತ್ತು ಅಂತಹ ಹಣಕಾಸು ಸಂಸ್ಥೆ(ಗಳು) ನಡುವಿನ ವ್ಯವಸ್ಥೆಗಳ ಪ್ರಕಾರ, ಆಯಾ ಕಾರ್ಡ್ ನೀಡುವ ಹಣಕಾಸು ಸಂಸ್ಥೆ(ಗಳು) FD-ಬೆಂಬಲಿತ ಕ್ರೆಡಿಟ್ ಕಾರ್ಡ್(ಗಳು) ಅನ್ನು Upswing ಮೂಲಕ ನೀಡುತ್ತವೆ ಎಂಬುದನ್ನು ನೀವು ಮತ್ತಷ್ಟು ಅರ್ಥಮಾಡಿಕೊಂಡಿದ್ದೀರಿ, ಅಂಗೀಕರಿಸಿದ್ದೀರಿ ಮತ್ತು ಒಪ್ಪುತ್ತೀರಿ.
- Upswing ಪ್ಲಾಟ್‌ಫಾರ್ಮ್‌ನ ನಿಮ್ಮ ಆ್ಯಕ್ಸೆಸ್‌ ಮತ್ತು ಬಳಕೆಯು Upswing ನ ಹೆಚ್ಚುವರಿ ನಿಯಮಗಳು ಮತ್ತು ಷರತ್ತುಗಳಿಗೆ ಒಳಪಟ್ಟಿರುತ್ತದೆ ಎಂಬುದನ್ನು ನೀವು ಮತ್ತಷ್ಟು ಅರ್ಥಮಾಡಿಕೊಂಡಿದ್ದೀರಿ, ಅಂಗೀಕರಿಸಿದ್ದೀರಿ ಮತ್ತು ಒಪ್ಪುತ್ತೀರಿ ಮತ್ತು ಅಪ್‌ಡೇಟ್‌ಗಳು/ಬದಲಾವಣೆಗಳಿಗಾಗಿ ಅಂತಹ ಯಾವುದೇ ನಿಯಮಗಳು ಮತ್ತು ಷರತ್ತುಗಳನ್ನು ನಿಯಮಿತವಾಗಿ ಪರಿಶೀಲಿಸುವ ಸಂಪೂರ್ಣ ಜವಾಬ್ದಾರಿಯನ್ನು ನೀವು ಹೊಂದಿರುತ್ತೀರಿ.
- FD-ಬೆಂಬಲಿತ ಕ್ರೆಡಿಟ್ ಕಾರ್ಡ್(ಗಳ) ಅರ್ಜಿ ನಮೂನೆಯನ್ನು Upswing ಪ್ರತ್ಯೇಕವಾಗಿ ನಿರ್ವಹಿಸುತ್ತದೆ ಎಂದು ನೀವು ಅರ್ಥಮಾಡಿಕೊಂಡಿದ್ದೀರಿ, ಅಂಗೀಕರಿಸಿದ್ದೀರಿ ಮತ್ತು ಒಪ್ಪುತ್ತೀರಿ, ಮತ್ತು ಅದಕ್ಕೆ ಆಯಾ ಹಣಕಾಸು ಸಂಸ್ಥೆಯಿಂದ ಸೂಕ್ತವಾಗಿ ಅಧಿಕಾರ ನೀಡಲಾಗಿದೆ. PhonePe ಪ್ಲಾಟ್ಫಾರ್ಮ್ ಮೂಲಕ ಯಾವುದೇ FD-ಬೆಂಬಲಿತ ಕ್ರೆಡಿಟ್ ಕಾರ್ಡ್(ಗಳಿಗೆ)ಗೆ ಅರ್ಜಿ ಸಲ್ಲಿಸಲು ಆಯ್ಕೆ ಮಾಡಿಕೊಂಡ ನಂತರ, ನಿಮ್ಮನ್ನು Upswing ಪ್ಲಾಟ್‌ಫಾರ್ಮ್‌ಗೆ ಮರುನಿರ್ದೇಶಿಸಲಾಗುತ್ತದೆ.
- FD-ಬೆಂಬಲಿತ ಕ್ರೆಡಿಟ್ ಕಾರ್ಡ್(ಗಳಿಗೆ) ಸಂಬಂಧಿಸಿದಂತೆ ನೀವು ಒದಗಿಸಿದ ಯಾವುದೇ ಮಾಹಿತಿ/ಡಾಕ್ಯುಮೆಂಟ್‌/ವಿವರಗಳನ್ನು Upswing, ಸಂಬಂಧಿತ FD-ಬೆಂಬಲಿತ ಕ್ರೆಡಿಟ್ ಕಾರ್ಡ್(ಗಳನ್ನು) ನೀಡುವ ಹಣಕಾಸು ಸಂಸ್ಥೆಯ ಪರವಾಗಿ ಸಂಗ್ರಹಿಸುತ್ತಿದೆ.
- ನೀವು Upswing ಪ್ಲಾಟ್‌ಫಾರ್ಮ್‌ನಲ್ಲಿ ಅಥವಾ ಯಾವುದೇ ಹಣಕಾಸು ಸಂಸ್ಥೆಗೆ ಡೇಟಾ ಮತ್ತು ಮಾಹಿತಿಯನ್ನು ಒಳಗೊಂಡಂತೆ ಯಾವುದೇ ವಿಷಯವನ್ನು ಹಂಚಿಕೊಂಡಾಗ ಅಥವಾ ಸಲ್ಲಿಸಿದಾಗ, ನೀವು Upswing ಪ್ಲಾಟ್‌ಫಾರ್ಮ್‌ನಲ್ಲಿ ಅಥವಾ ಯಾವುದೇ ಹಣಕಾಸು ಸಂಸ್ಥೆಗೆ ಸಲ್ಲಿಸುವ ವಿಷಯದ ನಿಖರತೆ ಮತ್ತು ಸಂಪೂರ್ಣತೆಗೆ ನೀವು ಸಂಪೂರ್ಣ ಜವಾಬ್ದಾರರಾಗಿರುತ್ತೀರಿ ಎಂದು ನೀವು ಒಪ್ಪಿಕೊಳ್ಳುತ್ತೀರಿ. ನೀವು Upswing ಪ್ಲಾಟ್‌ಫಾರ್ಮ್‌ನಲ್ಲಿ ಅಥವಾ ಅದರ ಮೂಲಕ ಅಥವಾ ಯಾವುದೇ ಹಣಕಾಸು ಸಂಸ್ಥೆಗೆ ಲಭ್ಯವಾಗುವಂತೆ ಆಯ್ಕೆ ಮಾಡಿದ ಯಾವುದೇ ವಿಷಯಕ್ಕೆ ಕಂಪನಿಯು ಜವಾಬ್ದಾರವಾಗಿರುವುದಿಲ್ಲ.
- FD-ಬೆಂಬಲಿತ ಕ್ರೆಡಿಟ್ ಕಾರ್ಡ್ ನೀಡಿಕೆಗೆ ಸಂಬಂಧಿಸಿದಂತೆ ಭದ್ರತೆಯನ್ನು ರಚಿಸುವ ಉದ್ದೇಶಕ್ಕಾಗಿ ಸಂಬಂಧಿತ ಹಣಕಾಸು ಸಂಸ್ಥೆಯು ನಿಮಗಾಗಿ FD ಅನ್ನು ರಚಿಸಬೇಕಾಗಬಹುದು ಮತ್ತು ಅದು ಅಂತಹ ಹಣಕಾಸು ಸಂಸ್ಥೆಯ ನಿಯಮಗಳು ಮತ್ತು ಷರತ್ತುಗಳ ಪ್ರಕಾರ ನಿಮ್ಮನ್ನು ನಿಯಂತ್ರಿಸುತ್ತದೆ ಎಂಬುದನ್ನು ನೀವು ಅರ್ಥಮಾಡಿಕೊಂಡಿದ್ದೀರಿ, ಅಂಗೀಕರಿಸಿದ್ದೀರಿ ಮತ್ತು ಒಪ್ಪುತ್ತೀರಿ. ಕಂಪನಿಯು FD ರಚನೆ, FD ಮೇಲಿನ ಬಡ್ಡಿ ಪಾವತಿ, FD ಮೊತ್ತವನ್ನು ಅವಧಿಪೂರ್ವವಾಗಿ ವಿಥ್‌ಡ್ರಾ ಮಾಡುವುದು ಮತ್ತು FD ಗೆ ಸಂಬಂಧಿಸಿದ ಯಾವುದೇ ಇತರ ಕ್ರಿಯೆಗಳಲ್ಲಿ ಭಾಗಿಯಾಗಿರುವುದಿಲ್ಲ ಮತ್ತು/ಅಥವಾ ಜವಾಬ್ದಾರವಾಗಿರುವುದಿಲ್ಲ. ಹಣಕಾಸು ಸಂಸ್ಥೆಗಳು ಎಲ್ಲ FD ಸಂಬಂಧಿತ ಅಂಶಗಳಿಗೆ ಮಾತ್ರ ಜವಾಬ್ದಾರವಾಗಿರುತ್ತವೆ ಮತ್ತು ಯಾವುದೇ FD-ಬೆಂಬಲಿತ ಕ್ರೆಡಿಟ್ ಕಾರ್ಡ್(ಗಳಿಗೆ)ಗೆ ಸಂಬಂಧಿಸಿದಂತೆ ಯಾವುದೇ ಹಣಕಾಸು ಸಂಸ್ಥೆಯ FD ಸೌಲಭ್ಯದ ನಿಮ್ಮ ಬಳಕೆಯು ನಿಮ್ಮ ಮತ್ತು ಸಂಬಂಧಿತ ಹಣಕಾಸು ಸಂಸ್ಥೆ(ಗಳು) ನಡುವೆ ಒಪ್ಪಿಕೊಂಡ ನಿಯಮಗಳಿಂದ ನಿಯಂತ್ರಿಸಲ್ಪಡುತ್ತದೆ.
- ಕಂಪನಿಯು ಇಡೀ ಪ್ರಕ್ರಿಯೆಯಲ್ಲಿ ಸೀಮಿತ ಪಾತ್ರವನ್ನು ಹೊಂದಿದೆ ಮತ್ತು ಅದು ನಿಮ್ಮ ಮತ್ತು ಹಣಕಾಸು ಸಂಸ್ಥೆಗಳ ನಡುವೆ ಎಲ್ಲವೂ ಸುಗಮವಾಗಿ ನಡೆಯುವಂತೆ ಮಾಡುವ ಪಾತ್ರವನ್ನು ಮಾತ್ರ ನಿರ್ವಹಿಸುತ್ತದೆ ಎಂಬುದನ್ನು ನೀವು ಅರ್ಥಮಾಡಿಕೊಂಡಿದ್ದೀರಿ ಮತ್ತು ಒಪ್ಪುತ್ತೀರಿ. ಹಣಕಾಸು ಸಂಸ್ಥೆಗಳ FD ಅಥವಾ ಕ್ರೆಡಿಟ್ ಕಾರ್ಡ್ ಸೌಲಭ್ಯಗಳಲ್ಲಿ ಯಾವುದೇ ಸಮಸ್ಯೆ ಉಂಟಾದರೆ, ನಿಮ್ಮ ಹಕ್ಕುಗಳು ಅನ್ವಯವಾಗುವ ಕಾನೂನುಗಳು, FD ಮತ್ತು ಕ್ರೆಡಿಟ್ ಕಾರ್ಡ್ ದಾಖಲೆಗಳು ಮತ್ತು/ಅಥವಾ ನಿಮ್ಮ ಮತ್ತು ಹಣಕಾಸು ಸಂಸ್ಥೆಗಳ ನಡುವೆ ಅನ್ವಯವಾಗುವ ನಿಯಮಗಳು ಮತ್ತು ಷರತ್ತುಗಳ ಪ್ರಕಾರ ನಿಯಂತ್ರಿಸಲ್ಪಡುತ್ತವೆ ಎಂಬುದನ್ನು ನೀವು ಅರ್ಥಮಾಡಿಕೊಂಡಿದ್ದೀರಿ ಮತ್ತು ಒಪ್ಪುತ್ತೀರಿ.
- FD-ಬೆಂಬಲಿತ ಕ್ರೆಡಿಟ್ ಕಾರ್ಡ್(ಗಳ) ನಿಮ್ಮ ಬಳಕೆಗೆ ಸಂಬಂಧಿಸಿದ ಯಾವುದೇ ಪ್ರಶ್ನೆಗಳು ಮತ್ತು/ಅಥವಾ ಕುಂದುಕೊರತೆಗಳನ್ನು ಸಂಬಂಧಿತ ಹಣಕಾಸು ಸಂಸ್ಥೆಗೆ ತಿಳಿಸಬೇಕು ಮತ್ತು ಅಂತಹ ಹಣಕಾಸು ಸಂಸ್ಥೆಯ ಕುಂದುಕೊರತೆ ಪರಿಹಾರ ನೀತಿಗಳಿಂದ ನಿಯಂತ್ರಿಸಲ್ಪಡುತ್ತದೆ. PhonePe ನ ಪಾತ್ರವು, ಯಾವುದಾದರೂ ಇದ್ದರೆ, Upswing ಮತ್ತು/ಅಥವಾ ಹಣಕಾಸು ಸಂಸ್ಥೆಯಿಂದ ಸ್ವೀಕರಿಸಿದ ‘ಇರುವಂತೆಯೇ’ ಪ್ರತಿಕ್ರಿಯೆಗಳನ್ನು ನಿಮಗೆ ತಿಳಿಸುವುದಕ್ಕೆ ಸೀಮಿತವಾಗಿರುತ್ತದೆ.