ಕುಂದುಕೊರತೆ ನೀತಿ

ಆವೃತ್ತಿ ಸಂಖ್ಯೆ 9.2

ದಿನಾಂಕ: ಮಾರ್ಚ್‌ 16, 2026

1. ಹಿನ್ನೆಲೆ

PhonePe ಲಿಮಿಟೆಡ್ (“PhonePe”) (ಹಿಂದೆ ‘PhonePe ಪ್ರೈವೇಟ್ ಲಿಮಿಟೆಡ್’ ಎಂದು ಕರೆಯಲಾಗುತ್ತಿತ್ತು) ಭಾರತದಲ್ಲಿ ಪ್ರಿಪೇಯ್ಡ್ ಪಾವತಿ ಸಾಧನಗಳನ್ನು (“PPI”) ವಿತರಿಸಲು ಮತ್ತು ನಿರ್ವಹಿಸಲು ಭಾರತೀಯ ರಿಸರ್ವ್ ಬ್ಯಾಂಕ್ (“RBI”) ನಿಂದ ಅಧಿಕಾರ ಪಡೆದಿದೆ, ಪಾವತಿ ಮತ್ತು ಸೆಟಲ್‌ಮೆಂಟ್‌ ವ್ಯವಸ್ಥೆಗಳ ಕಾಯ್ದೆ, 2007 ರ ನಿಬಂಧನೆಗಳು ಮತ್ತು ಕಾಲಕಾಲಕ್ಕೆ ತಿದ್ದುಪಡಿ ಮಾಡಲಾದ ನಿರ್ದೇಶನಗಳು ಮತ್ತು ನಿಯಮಗಳಿಗೆ ಅನುಸಾರವಾಗಿದೆ. ಭಾರತ್ ಬಿಲ್ ಪೇಮೆಂಟ್‌ ಆಪರೇಟಿಂಗ್‌ ಯುನಿಟ್‌ (“BBPOU”) ಆಗಿ ಕಾರ್ಯನಿರ್ವಹಿಸಲು PhonePe ಗೆ RBI ಅಧಿಕಾರ ನೀಡಿದೆ ಮತ್ತು PhonePe ಗೆ ಪಾವತಿ ಸಂಗ್ರಾಹಕ (PA) ಆಗಿ ಕಾರ್ಯನಿರ್ವಹಿಸಲು RBI ಅಧಿಕಾರ ನೀಡಿದೆ.

ಅದರಂತೆ, PhonePe ತನ್ನ ಎಲ್ಲ ಗ್ರಾಹಕರು ಮತ್ತು ವ್ಯಾಪಾರಿಗಳಿಗೆ ಕುಂದುಕೊರತೆ ಪರಿಹಾರ ಪ್ರಕ್ರಿಯೆಯನ್ನು ಕುಂದುಕೊರತೆ ನೀತಿಯ ಮೂಲಕ ಪ್ರಮಾಣೀಕರಿಸಿದೆ.

2. ವ್ಯಾಪ್ತಿ

ಈ ಕೆಳಗಿನ ಅಂಶಗಳು ಈ ನೀತಿಯ ವ್ಯಾಪ್ತಿಯಲ್ಲಿದೆ:

i. ಈ ನೀತಿಯು ಗ್ರಾಹಕರಿಗೆ ರೀಚಾರ್ಜ್, ಬಿಲ್ ಪಾವತಿ, PhonePe ವ್ಯಾಲೆಟ್, PhonePe ಗಿಫ್ಟ್ ಕಾರ್ಡ್‌ಗಳು, UPI (ಯುನಿಫೈಡ್ ಪೇಮೆಂಟ್‌ ಇಂಟರ್ಫೇಸ್), ಕ್ರೆಡಿಟ್ ಕಾರ್ಡ್‌ಗಳು, ಪ್ರಯಾಣ ಮತ್ತು ಸಾರಿಗೆ, ಡಿಜಿಟಲ್ ಮೆಟಲ್ ಖರೀದಿಗಳು ಇತ್ಯಾದಿಗಳನ್ನು ಒಳಗೊಂಡಂತೆ PhonePe ಆ್ಯಪ್‌ನಲ್ಲಿ ನೀಡಲಾಗುವ ಉತ್ಪನ್ನ ಮತ್ತು ಸೇವೆಗೆ ಸಂಬಂಧಿಸಿದ ದೂರುಗಳನ್ನು ಒಳಗೊಳ್ಳುತ್ತದೆ. ಈ ನೀತಿಯು PhonePe Rupay ಆನ್-ದಿ-ಗೋ ಕಾರ್ಡ್ (NCMC) ಗೆ ಸಂಬಂಧಿಸಿದ ಗ್ರಾಹಕರ ದೂರುಗಳನ್ನು ಸಹ ಒಳಗೊಳ್ಳುತ್ತದೆ.

ii. ಈ ನೀತಿಯು ವ್ಯಾಪಾರಿ ಕುಂದುಕೊರತೆ ಪರಿಹಾರ ಮತ್ತು ಆಧಾರ್ eKYC-ಸಂಬಂಧಿತ ಸಮಸ್ಯೆಗಳನ್ನು ಸಹ ಒಳಗೊಳ್ಳುತ್ತದೆ.

3. ಉದ್ದೇಶ:

PhonePe ಲಿಮಿಟೆಡ್‌ನ ಕುಂದುಕೊರತೆ ಪರಿಹಾರ ಕಾರ್ಯವಿಧಾನವನ್ನು ರೂಪಿಸುವುದು ಈ ನೀತಿಯ ಉದ್ದೇಶವಾಗಿದೆ.

ದೂರನ್ನು ಸಂಬಂಧಪಟ್ಟ ತಂಡಕ್ಕೆ ಹೇಗೆ ತಿಳಿಸಲಾಗುತ್ತದೆ ಎಂಬ ಎಸ್ಕಲೇಷನ್‌ ಮ್ಯಾಟ್ರಿಕ್ಸ್ ಪ್ರಕ್ರಿಯೆಯನ್ನು ಈ ನೀತಿಯು ಕ್ರಮವಾಗಿ ಗ್ರಾಹಕರು ಮತ್ತು ವ್ಯಾಪಾರಿಗಳಿಗೆ ವಿವರಿಸುತ್ತದೆ.

4. ಉದ್ದೇಶಿತ ಪ್ರೇಕ್ಷಕರು

ಈ ನೀತಿಯು PhonePe ಉತ್ಪನ್ನಗಳು ಮತ್ತು ಸೇವೆಗಳನ್ನು ಬಳಸುವ ಎಲ್ಲ ಗ್ರಾಹಕರು ಮತ್ತು ವ್ಯಾಪಾರಿಗಳಿಗೆ ಅನ್ವಯಿಸುತ್ತದೆ.

5. ಗ್ರಾಹಕರಿಗೆ ಸೇವಾ ಹಂತಗಳು:

ಗ್ರಾಹಕರಿಗೆ ರೀಚಾರ್ಜ್, ಬಿಲ್ ಪಾವತಿ, PhonePe ವ್ಯಾಲೆಟ್, PhonePe ಗಿಫ್ಟ್ ಕಾರ್ಡ್‌ಗಳು, UPI (ಯುನಿಫೈಡ್ ಪೇಮೆಂಟ್‌ ಇಂಟರ್ಫೇಸ್), ಕ್ರೆಡಿಟ್ ಕಾರ್ಡ್‌ಗಳು, ಪ್ರಯಾಣ ಮತ್ತು ಸಾರಿಗೆ, ಡಿಜಿಟಲ್ ಮೆಟಲ್ ಖರೀದಿಗಳು, PhonePe Rupay ಆನ್-ದಿ-ಗೋ ಕಾರ್ಡ್ (NCMC) ಇತ್ಯಾದಿಗಳನ್ನು ಒಳಗೊಂಡಂತೆ PhonePe ಆ್ಯಪ್‌ನಲ್ಲಿ ನೀಡಲಾಗುವ ಉತ್ಪನ್ನಗಳು ಮತ್ತು ಸೇವೆಗಳಿಗೆ ಸಂಬಂಧಿಸಿದ ದೂರುಗಳಿಗಾಗಿ ಸೇವಾ ಹಂತಗಳು.

ಹಂತ 1: ನಾವು ದಿನದ 24 ಗಂಟೆ ಮತ್ತು ವಾರದ 7 ದಿನವೂ ಗ್ರಾಹಕ ಬೆಂಬಲ ಸೇವೆಯನ್ನು ಒದಗಿಸುತ್ತೇವೆ.

i. ಗ್ರಾಹಕರು “History”/”ಇತಿಹಾಸ” ವಿಭಾಗದಿಂದ ಆಯಾ ವಹಿವಾಟನ್ನು ಆಯ್ಕೆ ಮಾಡಿ “Contact PhonePe Support”/”PhonePe ಬೆಂಬಲವನ್ನು ಸಂಪರ್ಕಿಸಿ” ಎಂಬುದನ್ನು ಕ್ಲಿಕ್ ಮಾಡುವ ಮೂಲಕ PhonePe ಗ್ರಾಹಕ ಬೆಂಬಲದೊಂದಿಗೆ ತಮ್ಮ ದೂರನ್ನು ಸಲ್ಲಿಸಬಹುದು. 

ಗ್ರಾಹಕರು PhonePe ಆ್ಯಪ್‌ನ ಹೋಂಪೇಜ್‌ನಲ್ಲಿರುವ (?) ಐಕಾನ್ ಮೇಲೆ ಕ್ಲಿಕ್ ಮಾಡಬಹುದು, ಅವರು ಯಾವ ವಿಷಯದ ಬಗ್ಗೆ ಸಮಸ್ಯೆ ಎದುರಿಸುತ್ತಿದ್ದಾರೆ ಎಂಬುದನ್ನು ಆಯ್ಕೆ ಮಾಡಿ ಮತ್ತು ತಮ್ಮ ದೂರನ್ನು ಸಲ್ಲಿಸಬಹುದು. 

ii. ಬದಲಾಗಿ, ಗ್ರಾಹಕರು ನಮ್ಮ ಗ್ರಾಹಕ ಬೆಂಬಲ ಕೇಂದ್ರವನ್ನು 080-68727374 / 022-68727374 ಗೆ ಕರೆ ಮಾಡುವ ಮೂಲಕ ದೂರು ನೀಡಬಹುದು. 

iii. ಹೆಚ್ಚುವರಿಯಾಗಿ, ಗ್ರಾಹಕರು ಈ ಲಿಂಕ್ https://support.phonepe.com/ ಅನ್ನು ಕ್ಲಿಕ್ ಮಾಡುವ ಮೂಲಕ ಯಾವುದೇ ಲಾಗಿನ್-ಸಂಬಂಧಿತ ಸಮಸ್ಯೆಗಳನ್ನು ವರದಿ ಮಾಡಬಹುದು. 

ದೂರುಗಳ ಪರಿಹಾರ:

• ದೂರು ಸ್ವೀಕರಿಸಿದ 24 ಗಂಟೆಗಳ ಒಳಗಾಗಿ ಗ್ರಾಹಕರಿಗೆ ಮೊದಲ ಪ್ರತಿಕ್ರಿಯೆಯನ್ನು ಒದಗಿಸಲು ನಾವು ಬದ್ಧರಾಗಿದ್ದೇವೆ.

• ದೂರು ಸ್ವೀಕರಿಸಿದ 15 ದಿನಗಳ ಒಳಗಾಗಿ ಎಲ್ಲ ಗ್ರಾಹಕರ ದೂರುಗಳನ್ನು ಪರಿಹರಿಸುವುದು ನಮ್ಮ ಗುರಿಯಾಗಿದೆ. ಭಾರತ್ ಕನೆಕ್ಟ್ ಸಮಸ್ಯೆಗಳಿಗೆ ಸಂಬಂಧಿಸಿದಂತೆ ಮತ್ತು ಇತರ ಕೆಲವು ಸಂದರ್ಭಗಳಲ್ಲಿ, “ಟಿಪ್ಪಣಿಗಳು” ವಿಭಾಗದಲ್ಲಿ (5.1) ಉಲ್ಲೇಖಿಸಲಾದ ವಿನಾಯಿತಿಗಳೊಂದಿಗೆ ನಾವು ದೂರನ್ನು ಸ್ವೀಕರಿಸಿದ ದಿನದಿಂದ 30 ವ್ಯವಹಾರ ದಿನಗಳಲ್ಲಿ ಪರಿಹರಿಸುವ ಗುರಿಯನ್ನು ಹೊಂದಿದ್ದೇವೆ.

• ಅನಧಿಕೃತ ವಹಿವಾಟುಗಳಿಗೆ ಸಂಬಂಧಿಸಿದ ದೂರುಗಳನ್ನು ಈ ನೀತಿಯ ‘ಗ್ರಾಹಕ ಹೊಣೆಗಾರಿಕೆಯ ಮಿತಿ’ ವಿಭಾಗ 5.2 ರ ಪ್ರಕಾರ ನಿರ್ವಹಿಸಲಾಗುತ್ತದೆ.

ದಯವಿಟ್ಟು ವಿಭಾಗ 5.1 ರ ಅಡಿಯಲ್ಲಿ ಟಿಪ್ಪಣಿಗಳು ಎಂಬಲ್ಲಿ ನೀಡಿರುವ ವಿವರಗಳನ್ನು ನೋಡಿ.

ಹಂತ 2 – ಕುಂದುಕೊರತೆ ನೋಂದಣಿ:

i. ಹಂತ 1 ರಲ್ಲಿ ವ್ಯಾಖ್ಯಾನಿಸಲಾದ ಸಮಯದ ನಂತರ ದೂರು ಬಗೆಹರಿಯದೆ ಉಳಿದರೆ ಅಥವಾ ಹಿಂದಿನ ಹಂತದಲ್ಲಿ ಒದಗಿಸಲಾದ ಪರಿಹಾರದ ಬಗ್ಗೆ ಗ್ರಾಹಕರು ಅತೃಪ್ತರಾಗಿದ್ದರೆ, ಗ್ರಾಹಕರು ಇಲ್ಲಿ ಕ್ಲಿಕ್ ಮಾಡುವ ಮೂಲಕ ತಮ್ಮ ಸಮಸ್ಯೆಯನ್ನು ಕುಂದುಕೊರತೆ ತಂಡಕ್ಕೆ ತಿಳಿಸಬಹುದು. – https://grievance.phonepe.com/

ಹಂತ 2 ದೂರುಗಳ ಪರಿಹಾರ:

• ನಾವು 24 ಗಂಟೆಗಳ ಒಳಗಾಗಿ ಮೊದಲ ಪ್ರತಿಕ್ರಿಯೆಯನ್ನು ಒದಗಿಸಲು ಬದ್ಧರಾಗಿದ್ದೇವೆ. ಎಲ್ಲ ಹಂತ 2 ರ ದೂರುಗಳನ್ನು 7 ವ್ಯವಹಾರ ದಿನಗಳಲ್ಲಿ ಪರಿಹರಿಸುವ ಗುರಿಯನ್ನು ನಾವು ಹೊಂದಿದ್ದೇವೆ. ಭಾರತ್ ಕನೆಕ್ಟ್, ಡಿಜಿಟಲ್ ಮೆಟಲ್ಸ್, ಕೋ-ಬ್ರ್ಯಾಂಡೆಡ್‌ ಕ್ರೆಡಿಟ್ ಕಾರ್ಡ್‌ಗಳು ಮುಂತಾದ ಕೆಲವು ವಿಭಾಗಗಳಿಗೆ, ಥರ್ಡ್‌ ಪಾರ್ಟಿಯನ್ನು ಒಳಗೊಳ್ಳಬಹುದಾದ ದೂರುಗಳನ್ನು ಸ್ವೀಕರಿಸಿದ 30 ದಿನಗಳಲ್ಲಿ “ಟಿಪ್ಪಣಿ” ವಿಭಾಗದಲ್ಲಿ ಉಲ್ಲೇಖಿಸಲಾದ ವಿನಾಯಿತಿಗಳೊಂದಿಗೆ ಪರಿಹರಿಸುವ ಗುರಿಯನ್ನು ನಾವು ಹೊಂದಿದ್ದೇವೆ.

ದಯವಿಟ್ಟು ವಿಭಾಗ 5.1 ರ ಅಡಿಯಲ್ಲಿ ಟಿಪ್ಪಣಿಗಳು ಎಂಬಲ್ಲಿ ನೀಡಿರುವ ವಿವರಗಳನ್ನು ನೋಡಿ.

ಹಂತ 3- ನೋಡಲ್ ಅಧಿಕಾರಿ ಸಂಪರ್ಕಗಳು:

ಹಂತ 2 ರಲ್ಲಿ ವ್ಯಾಖ್ಯಾನಿಸಲಾದ ಸಮಯದ ನಂತರ ದೂರು ಬಗೆಹರಿಯದೆ ಉಳಿದರೆ, ಗ್ರಾಹಕರು ನೋಡಲ್ ಮತ್ತು ಪ್ರಧಾನ ನೋಡಲ್ ಅಧಿಕಾರಿಗಳನ್ನು ಸಂಪರ್ಕಿಸಲು ಆಯ್ಕೆ ಮಾಡಬಹುದು.

ನೋಡಲ್ ಅಧಿಕಾರಿ: ಶ್ರೀಮತಿ ದೀಪಾ ಶೆಟ್ಟಿ

ಪ್ರಧಾನ ನೋಡಲ್ ಅಧಿಕಾರಿ – ಶ್ರೀ ಅನಿಕೇತ್ ಬಹೇತಿ

ಸಂಪರ್ಕ ಸಂಖ್ಯೆ.:080-68727105

ಇಮೇಲ್‌ ಐಡಿ: [email protected]

ವೆಬ್‌ಫಾರ್ಮ್: nodalofficerdesk.phonepe.com

ವಿಳಾಸ: ಕಚೇರಿ-2, ಮಹಡಿ 4,5,6,7, ವಿಂಗ್ A, ಬ್ಲಾಕ್ A, ಸಲಾರ್‌ಪುರಿಯಾ ಸಾಫ್ಟ್‌ಜೋನ್, ಸರ್ವಿಸ್ ರಸ್ತೆ, ಗ್ರೀನ್ ಗ್ಲೆನ್ ಲೇಔಟ್, ಬೆಳ್ಳಂದೂರು, ಬೆಂಗಳೂರು, ಕರ್ನಾಟಕ-KA, ಪಿನ್- 560103.

ಕೆಲಸದ ಸಮಯ: ಸೋಮ-ಶುಕ್ರ ಬೆಳಿಗ್ಗೆ 10 ರಿಂದ ಸಂಜೆ 7 ರವರೆಗೆ.

ಅಂಗವಿಕಲ ವ್ಯಕ್ತಿಗಾಗಿ ನೋಡಲ್ ಅಧಿಕಾರಿ:

ಹಿಂದಿನ ಹಂತ 2 ರಲ್ಲಿ ವ್ಯಾಖ್ಯಾನಿಸಲಾದ ಸಮಯದ ನಂತರ ದೂರು ಸಮಸ್ಯೆ ಬಗೆಹರಿಯದೆ ಉಳಿದರೆ, ಗ್ರಾಹಕರು ನೋಡಲ್ ಮತ್ತು ಪ್ರಧಾನ ನೋಡಲ್ ಅಧಿಕಾರಿಗಳನ್ನು ಸಂಪರ್ಕಿಸಲು ಆಯ್ಕೆ ಮಾಡಬಹುದು.

ನೋಡಲ್ ಅಧಿಕಾರಿ: ಶ್ರೀಮತಿ ದೀಪಾ ಶೆಟ್ಟಿ

ಪ್ರಧಾನ ನೋಡಲ್ ಅಧಿಕಾರಿ – ಶ್ರೀ ಅನಿಕೇತ್ ಬಹೇತಿ

ಸಂಪರ್ಕ ಸಂಖ್ಯೆ.:080-68727105

ಇಮೇಲ್‌ ಐಡಿ: [email protected]

ವೆಬ್‌ಫಾರ್ಮ್: nodalofficerdesk.phonepe.com

ವಿಳಾಸ: ಕಚೇರಿ-2, ಮಹಡಿ 4,5,6,7, ವಿಂಗ್ A, ಬ್ಲಾಕ್ A, ಸಲಾರ್‌ಪುರಿಯಾ ಸಾಫ್ಟ್‌ಜೋನ್, ಸರ್ವಿಸ್ ರಸ್ತೆ, ಗ್ರೀನ್ ಗ್ಲೆನ್ ಲೇಔಟ್, ಬೆಳ್ಳಂದೂರು, ಬೆಂಗಳೂರು, ಕರ್ನಾಟಕ-KA, ಪಿನ್- 560103. 

ಕೆಲಸದ ಸಮಯ: ಸೋಮ-ಶುಕ್ರ ಬೆಳಿಗ್ಗೆ 10 ರಿಂದ ಸಂಜೆ 7 ರವರೆಗೆ.

ಹಂತ 3 ದೂರುಗಳ ಪರಿಹಾರ:

• 24 ವ್ಯವಹಾರ ಗಂಟೆಗಳ ಒಳಗಾಗಿ ಮೊದಲ ಪ್ರತಿಕ್ರಿಯೆಯನ್ನು ಒದಗಿಸಲು ನಾವು ಬದ್ಧರಾಗಿದ್ದೇವೆ. ನಾವು ಎಲ್ಲ 3ನೇ ಹಂತದ ದೂರುಗಳನ್ನು 7 ವ್ಯವಹಾರ ದಿನಗಳಲ್ಲಿ ಪರಿಹರಿಸುವ ಗುರಿಯನ್ನು ಹೊಂದಿದ್ದೇವೆ. ಭಾರತ್ ಕನೆಕ್ಟ್, ಡಿಜಿಟಲ್ ಮೆಟಲ್ಸ್, ಕೋ-ಬ್ರ್ಯಾಂಡೆಡ್‌ ಕ್ರೆಡಿಟ್ ಕಾರ್ಡ್‌ಗಳು ಮುಂತಾದ ಕೆಲವು ಕೆಟಗರಿಗಳಿಗೆ ಥರ್ಡ್‌ ಪಾರ್ಟಿಯನ್ನು ಒಳಗೊಳ್ಳಬಹುದಾದರೆ, ದೂರು ಸ್ವೀಕರಿಸಿದ 30 ದಿನಗಳಲ್ಲಿ “ಟಿಪ್ಪಣಿ” ವಿಭಾಗದಲ್ಲಿ ಉಲ್ಲೇಖಿಸಲಾದ ವಿನಾಯಿತಿಗಳೊಂದಿಗೆ ನಾವು ಪರಿಹರಿಸುವ ಗುರಿಯನ್ನು ಹೊಂದಿದ್ದೇವೆ.

ದಯವಿಟ್ಟು ವಿಭಾಗ 5.1 ರ ಅಡಿಯಲ್ಲಿ ಟಿಪ್ಪಣಿಗಳು ಎಂಬಲ್ಲಿ ನೀಡಿರುವ ವಿವರಗಳನ್ನು ನೋಡಿ.

ಹಂತ 4- RBI ಓಂಬುಡ್ಸ್‌ಮನ್:

ಹಿಂದಿನ ಹಂತಗಳಲ್ಲಿ 30 ದಿನಗಳ ಒಳಗಾಗಿ ದೂರುಗಳು ತೃಪ್ತಿಕರವಾಗಿ ಬಗೆಹರಿಯದಿದ್ದರೆ, ಗ್ರಾಹಕರು RBI ಒಂಬುಡ್ಸ್‌ಮನ್ ಅವರನ್ನು ಸಂಪರ್ಕಿಸಬಹುದು. 

ಒಂಬುಡ್ಸ್‌ಮನ್‌ನ ದೂರು ದಾಖಲಾತಿ ಪೋರ್ಟಲ್: https://cms.rbi.org.in/

ಟೋಲ್-ಫ್ರೀ ದೂ. ಸಂಖ್ಯೆ: 14448 

ಇಮೇಲ್ ಐಡಿ: [email protected]

ವಿಳಾಸ: ಸೆಂಟ್ರಲೈಸ್ಡ್‌ ರೆಸಿಪ್ಟ್‌ ಮತ್ತು ಪ್ರೊಸೆಸಿಂಗ್‌ ಸೆಂಟರ್‌, ಭಾರತೀಯ ರಿಸರ್ವ್ ಬ್ಯಾಂಕ್, 4 ನೇ ಮಹಡಿ, ಸೆಕ್ಟರ್ 17, ಚಂಡೀಗಢ – 160017 

ರಿಸರ್ವ್ ಬ್ಯಾಂಕ್ – ಇಂಟಿಗ್ರೇಟೆಡ್ ಓಂಬುಡ್ಸ್‌ಮನ್ ಸ್ಕೀಮ್, 2021 ಕುರಿತು ಹೆಚ್ಚಿನ ವಿವರಗಳಿಗಾಗಿ, ದಯವಿಟ್ಟು ಸ್ಕೀಮ್‌ನ ಪ್ರತಿ – RBI ಇಂಟಿಗ್ರೇಟೆಡ್ ಓಂಬುಡ್ಸ್‌ಮನ್ ಸ್ಕೀಮ್ ಮತ್ತು ಸ್ಕೀಮ್‌ನ ಪ್ರಮುಖ ಲಕ್ಷಣಗಳಿಗಾಗಿ ಲಿಂಕ್ ಅನ್ನು ನೋಡಿ.

5.1 ಗ್ರಾಹಕ ಸೇವಾ ಹಂತಗಳ ಕುರಿತು ಟಿಪ್ಪಣಿಗಳು (ಎಲ್ಲ ಹಂತಗಳಿಗೂ ಅನ್ವಯಿಸುತ್ತದೆ)

1. ನಿಮ್ಮಿಂದ ಮಾಹಿತಿಗಾಗಿ ನಾವು ಕಾಯುತ್ತಿದ್ದರೆ, ಸಮಸ್ಯೆಯನ್ನು ಪರಿಹರಿಸಲು ನಿಗದಿತ ಸಮಯಕ್ಕಿಂತ  ಹೆಚ್ಚು ಸಮಯ ತೆಗೆದುಕೊಳ್ಳಬಹುದು.
2. ಬಾಹ್ಯ ಅವಲಂಬನೆಗಳು ಅಥವಾ ಕಾರ್ಯಾಚರಣೆ/ತಾಂತ್ರಿಕ ಕಾರಣಗಳಿಂದಾಗಿ ಯಾವುದೇ ದೂರನ್ನು ಪರಿಹರಿಸಲು ಹೆಚ್ಚುವರಿ ಸಮಯದ ಅವಶ್ಯಕತೆ ಇದ್ದರೆ, ವಿಳಂಬ ಮತ್ತು ನಿರೀಕ್ಷಿತ ಪರಿಹಾರ ಸಮಯದ ಬಗ್ಗೆ ಗ್ರಾಹಕರಿಗೆ ತಿಳಿಸಲಾಗುತ್ತದೆ.
3. ಕೆಲವು ಸಂದರ್ಭಗಳಲ್ಲಿ, ತಕ್ಷಣವೇ ಪರಿಹಾರ ದೊರೆಯಬಹುದು, ಆದರೂ, ಅದು ಸಿಸ್ಟಂನಲ್ಲಿ ಕಾಣಿಸಿಕೊಳ್ಳಲು ಸಮಯ ತೆಗೆದುಕೊಳ್ಳಬಹುದು. ಉದಾಹರಣೆಗೆ, ರೀಫಂಡ್‌ ಆರಂಭವು ತಕ್ಷಣವೇ ಆಗಿರಬಹುದು, ಆದರೆ ಪಾವತಿ ಸಾಧನವನ್ನು ಅವಲಂಬಿಸಿ ಮೊತ್ತವು ಖಾತೆಯಲ್ಲಿ ಕಾಣಿಸಿಕೊಳ್ಳಲು 3-10 ದಿನಗಳನ್ನು ತೆಗೆದುಕೊಳ್ಳಬಹುದು. 
4. ಭಾರತೀಯ ರಿಸರ್ವ್ ಬ್ಯಾಂಕ್, ಭಾರತೀಯ ರಾಷ್ಟ್ರೀಯ ಪಾವತಿ ನಿಗಮ (NPCI), ಅಥವಾ ಕಾರ್ಡ್ ನೆಟ್‌ವರ್ಕ್ ಮಾರ್ಗಸೂಚಿಗಳು ದೂರುಗಳ ಪರಿಹಾರಕ್ಕಾಗಿ ನಿರ್ದಿಷ್ಟ ಸಮಯದ ಚೌಕಟ್ಟನ್ನು ನಿರ್ದಿಷ್ಟಪಡಿಸಿದ ಸಂದರ್ಭಗಳಲ್ಲಿ, ಆ ಗೊತ್ತುಪಡಿಸಿದ ‘ಪರಿಹಾರ ಸಮಯ’ ಅನ್ವಯಿಸುತ್ತದೆ.
5. ಡಿಜಿಟಲ್ ಮೆಟಲ್ ಖರೀದಿಗಳು (ಕೆಳಗೆ ಉಲ್ಲೇಖಿಸಲಾದ ಪಾಯಿಂಟ್ 7 ರಂತೆ ವಿನಾಯಿತಿಗಳೊಂದಿಗೆ), ಕೋ-ಬ್ರ್ಯಾಂಡೆಡ್‌ ಕ್ರೆಡಿಟ್ ಕಾರ್ಡ್‌ಗಳು ಇತ್ಯಾದಿಗಳಂತಹ ಕೆಲವು ವಿಭಾಗಗಳಿಗೆ, ಥರ್ಡ್‌ ಪಾರ್ಟಿಯನ್ನು ಒಳಗೊಳ್ಳಬಹುದಾದರೆ, ದೂರನ್ನು ಸ್ವೀಕರಿಸಿದ ದಿನಾಂಕದಿಂದ ಪರಿಹಾರವು 30 ದಿನಗಳವರೆಗೆ ತೆಗೆದುಕೊಳ್ಳಬಹುದು.
6. ಭಾರತ್ ಕನೆಕ್ಟ್‌ಗೆ ಸಂಬಂಧಿಸಿದ ಯಾವುದೇ ಸಮಸ್ಯೆಗಳಿಗೆ – ಬಾಹ್ಯ ಅಂಶಗಳ ಮೇಲೆ ಯಾವುದೇ ಅವಲಂಬನೆ ಇಲ್ಲದ ಸಂದರ್ಭಗಳಲ್ಲಿ – PhonePe ತಾನು ಬದ್ಧವಾಗಿರುವ ಸಮಯದೊಳಗೆ ದೂರುಗಳನ್ನು ಪರಿಹರಿಸುವ ಗುರಿಯನ್ನು ಹೊಂದಿದೆ. ಬಾಹ್ಯ ಅಂಶಗಳ ಮೇಲೆ ಅವಲಂಬನೆ ಅಗತ್ಯವಿರುವ ಸಂದರ್ಭಗಳಲ್ಲಿ, ನಿಜವಾದ ಪರಿಹಾರ ಸಮಯಗಳು NBBL ಮತ್ತು/ಅಥವಾ ಆಯಾ ಬಿಲ್ಲರ್‌ಗಳು/ಬಿಲ್ಲರ್ ಕಾರ್ಯಾಚರಣಾ ಘಟಕಗಳು ಸಮಸ್ಯೆಯನ್ನು ಮುಕ್ತಾಯಗೊಳಿಸಲು ತೆಗೆದುಕೊಳ್ಳುವ ಸಮಯವನ್ನು ಅವಲಂಬಿಸಿರುತ್ತದೆ. ಬಾಹ್ಯ ಅಂಶಗಳ ಮೇಲೆ ಅವಲಂಬನೆಯನ್ನು ಒಳಗೊಂಡಿರುವ ದೂರುಗಳು ಡೆಬಿಟ್ ಮಾಡಿದ ಮೊತ್ತಗಳಿಗೆ ಸಂಬಂಧಿಸಿದವುಗಳನ್ನು ಮಾತ್ರವಲ್ಲದೆ ಈ ಕೆಳಗಿನವುಗಳನ್ನು ಸಹ ಒಳಗೊಂಡಿರುತ್ತವೆ:
   1. ಸೇವೆಗಳು ಸಿಗಲಿಲ್ಲ
   2. ಸೇವೆ ಸಂಪರ್ಕ ಕಡಿತಗೊಂಡಿದೆ/ನಿಲ್ಲಿಸಲ್ಪಟ್ಟಿದೆ
   3. ಮುಂದಿನ ಬಿಲ್‌ನಲ್ಲಿ ತಡವಾಗಿ ಪಾವತಿಸುವ ಸರ್‌ಚಾರ್ಜ್ ಅನ್ನು ಸೇರಿಸಲಾಗಿದೆ.
   4. ತಪ್ಪು ಖಾತೆಗೆ ಪಾವತಿಸಲಾಗಿದೆ
   5. ಎರಡು ಬಾರಿ ಪಾವತಿ ಮಾಡಿರುವುದು
   6. ಬಿಲ್ಲರ್‌ನಿಂದ ಪಾವತಿ ಮಾಹಿತಿ ಬಂದಿಲ್ಲ ಅಥವಾ ಬಿಲ್ಲರ್‌ನಿಂದ ಪಾವತಿ ಮಾಹಿತಿ ಬರುವಲ್ಲಿ ವಿಳಂಬವಾಗಿದೆ.
   7. ಬಿಲ್ ಪಾವತಿಸಲಾಗಿದೆ ಆದರೆ ಮೊತ್ತವನ್ನು ಸರಿಹೊಂದಿಸಲಾಗಿಲ್ಲ ಅಥವಾ ಇನ್ನೂ ಬಾಕಿ ಮೊತ್ತವನ್ನು ತೋರಿಸಲಾಗುತ್ತಿದೆ.
7. ಡಿಜಿಟಲ್ ಮೆಟಲ್ ವಹಿವಾಟುಗಳಿಗೆ ಸಂಬಂಧಿಸಿದಂತೆ, ಈ ಕೆಳಗಿನ ರೀತಿಯ ದೂರುಗಳು ಈ ನೀತಿಯ ವ್ಯಾಪ್ತಿಯಲ್ಲಿ ಬರುವುದಿಲ್ಲ; ಅವುಗಳ ಪರಿಹಾರಕ್ಕಾಗಿ, ನೀವು ನೇರವಾಗಿ ಈ ಕೆಳಗೆ ತಿಳಿಸಿದಂತೆ ಸಂಬಂಧಿತ ಪೂರೈಕೆದಾರರನ್ನು ಸಂಪರ್ಕಿಸಬೇಕು: 
   1. ಆಭರಣ ಸ್ಕೀಮ್‌ನ ಸೇವಾ ಪೂರೈಕೆದಾರರು: 
      1. ಪ್ಲ್ಯಾನ್‌ ಅರ್ಹತೆ ಮತ್ತು ಪ್ರಯೋಜನಗಳು
      2. ಆಭರಣಗಳ ಲಭ್ಯತೆ, ಬೆಲೆ ನಿಗದಿ, ರಿಡೆಂಪ್ಶನ್‌, ಶುಲ್ಕಗಳು ಮತ್ತು ಡೆಲಿವರಿ.
   2. ಡಿಜಿಟಲ್ ಮೆಟಲ್ ಸೇವಾ ಪೂರೈಕೆದಾರರು
      1. ಭೌತಿಕ ಮೆಟಲ್‌ ರಿಡೆಂಪ್ಶನ್‌ಗೆ ಸಂಬಂಧಿಸಿದಂತೆ, ಕಾಯಿನ್‌/ಭೌತಿಕ ಮೆಟಲ್‌ನ SKU ಗಳ ಲಭ್ಯತೆ, ಬೆಲೆ ನಿಗದಿ, ರಿಡೆಂಪ್ಶನ್‌, ಮೇಕಿಂಗ್ ಶುಲ್ಕಗಳು ಮತ್ತು ಡೆಲಿವರಿ.
      2. ಖರೀದಿ ಮತ್ತು ಮಾರಾಟ ಎರಡಕ್ಕೂ ಬೆಲೆ ನಿಗದಿ ಮಾಡುವುದರಿಂದ ಯಾವುದೇ ರಿಯಾಯಿತಿ / ಶುಲ್ಕಗಳನ್ನು ಕಡಿತಗೊಳಿಸಲಾಗುತ್ತದೆ.

5.2 ಗ್ರಾಹಕರ ಹೊಣೆಗಾರಿಕೆಯ ಮಿತಿ

ಅನಧಿಕೃತ ಪಾವತಿ ವಹಿವಾಟಿನಿಂದ ಉಂಟಾಗುವ ಗ್ರಾಹಕರ ಹೊಣೆಗಾರಿಕೆಯು ಇವುಗಳಿಗೆ ಸೀಮಿತವಾಗಿರುತ್ತದೆ:

ಕ್ರ.ಸಂ	ವಿವರಗಳು	ಗ್ರಾಹಕರ ಗರಿಷ್ಠ ಹೊಣೆಗಾರಿಕೆ
1	PhonePe ಯಿಂದ ವಂಚನೆ/ನಿರ್ಲಕ್ಷ್ಯ/ಕೊರತೆ ಉಂಟಾಗಿರುವುದು, (ಗ್ರಾಹಕರು ವಹಿವಾಟನ್ನು ವರದಿ ಮಾಡಿದ್ದಾರೆಯೇ ಅಥವಾ ಇಲ್ಲವೇ ಎಂಬುದನ್ನು ಲೆಕ್ಕಿಸದೆ)	ಹೊಣೆಗಾರಿಕೆ ಇಲ್ಲ(ಶೂನ್ಯ)
2	ಥರ್ಡ್‌-ಪಾರ್ಟಿ ಉಲ್ಲಂಘನೆ, ಇದರಲ್ಲಿ ನ್ಯೂನತೆಯು PhonePe ನಲ್ಲಿ ಅಥವಾ ಗ್ರಾಹಕರಲ್ಲಿ ಆಗಿರುವುದಿಲ್ಲ, ಬದಲಾಗಿ ವ್ಯವಸ್ಥೆಯ ಬೇರೆಡೆ ಆಗಿರುತ್ತದೆ ಮತ್ತು ಗ್ರಾಹಕರು ಅನಧಿಕೃತ ಪಾವತಿ ವಹಿವಾಟಿನ ಬಗ್ಗೆ PhonePe ಗೆ ತಿಳಿಸುತ್ತಾರೆ. ಅಂತಹ ಸಂದರ್ಭಗಳಲ್ಲಿ ಪ್ರತಿ ವಹಿವಾಟಿನ ಗ್ರಾಹಕರ ಹೊಣೆಗಾರಿಕೆಯು ಗ್ರಾಹಕರು PhonePe ನಿಂದ ವಹಿವಾಟಿನ ಸಂವಹನವನ್ನು ಸ್ವೀಕರಿಸಿದ ಮತ್ತು ಗ್ರಾಹಕರು PhonePe ಗೆ ಅನಧಿಕೃತ ವಹಿವಾಟುಗಳನ್ನು ವರದಿ ಮಾಡುವ ನಡುವಿನ ದಿನಗಳ ಸಂಖ್ಯೆಯನ್ನು ಅವಲಂಬಿಸಿರುತ್ತದೆ –
	i. ಮೂರು ದಿನಗಳಲ್ಲಿ	ಹೊಣೆಗಾರಿಕೆ ಇಲ್ಲ(ಶೂನ್ಯ)
	ii. ನಾಲ್ಕರಿಂದ ಏಳು ದಿನಗಳಲ್ಲಿ	ವಹಿವಾಟಿನ ಮೌಲ್ಯ ಅಥವಾ ಪ್ರತಿ ವಹಿವಾಟಿಗೆ ₹10,000 – ಯಾವುದು ಕಡಿಮೆಯೋ ಅದು ಅನ್ವಯಿಸುತ್ತದೆ.
	iii. ಏಳು ದಿನಗಳನ್ನು ಮೀರಿ	ಪ್ರಕರಣದಿಂದ ಪ್ರಕರಣಕ್ಕೆ ಅನುಗುಣವಾಗಿ PhonePe ನಿರ್ಧರಿಸುತ್ತದೆ.
3	ಗ್ರಾಹಕರ ನಿರ್ಲಕ್ಷ್ಯದಿಂದಾಗಿ ನಷ್ಟ ಉಂಟಾದರೆ, ಉದಾಹರಣೆಗೆ ಅವರು ಪಾವತಿ ಕ್ರೆಡೆನ್ಶಿಯಲ್‌ಗಳನ್ನು ಹಂಚಿಕೊಂಡಿದ್ದರೆ, ಅನಧಿಕೃತ ವಹಿವಾಟನ್ನು PhonePe ಗೆ ವರದಿ ಮಾಡುವವರೆಗೆ ಗ್ರಾಹಕರು ಸಂಪೂರ್ಣ ನಷ್ಟವನ್ನು ಭರಿಸುತ್ತಾರೆ. ಅನಧಿಕೃತ ವಹಿವಾಟಿನ ವರದಿಯ ನಂತರ ಸಂಭವಿಸುವ ಯಾವುದೇ ನಷ್ಟವನ್ನು PhonePe ಭರಿಸುತ್ತದೆ.
4	ಅನಧಿಕೃತ ಎಲೆಕ್ಟ್ರಾನಿಕ್ ಪಾವತಿ ವಹಿವಾಟುಗಳ ಸಂದರ್ಭಗಳಲ್ಲಿ, ಗ್ರಾಹಕರ ನಿರ್ಲಕ್ಷ್ಯ ಇದ್ದರೂ ಸಹ, PhonePe ತನ್ನ ಸ್ವಂತ ವಿವೇಚನೆಯಿಂದ, ನಷ್ಟವನ್ನು ಭರಿಸುವ ಹೊಣೆಗಾರಿಕೆಯಿಂದ ಗ್ರಾಹಕರಿಗೆ ವಿನಾಯಿತಿ ನೀಡಲು ನಿರ್ಧರಿಸಬಹುದು.
5	ಅನಧಿಕೃತ ವಹಿವಾಟುಗಳಿಗೆ ಸಂಬಂಧಿಸಿದ ನಿಯಮಗಳು PPI-ಮಾಸ್ ಟ್ರಾನ್ಸಿಟ್ ಸಿಸ್ಟಮ್ಸ್ (MTS) – ನಿರ್ದಿಷ್ಟವಾಗಿ PhonePe RuPay ಆನ್-ದಿ-ಗೋ ಕಾರ್ಡ್ – ಅಥವಾ ನ್ಯಾಷನಲ್‌ ಕಾಮನ್‌ ಮೊಬಿಲಿಟಿ ಕಾರ್ಡ್ (NCMC) ಗೆ ಅನ್ವಯಿಸುವುದಿಲ್ಲ. ಈ ಸಂದರ್ಭಗಳಲ್ಲಿ, ಬ್ಯಾಂಕೇತರ PPI ನೀಡುವವರ ಕಡೆಯಿಂದ ವಂಚನೆ, ನಿರ್ಲಕ್ಷ್ಯ ಅಥವಾ ಸೇವಾ ಕೊರತೆಯಿಂದಾಗಿ ಅನಧಿಕೃತ ವಹಿವಾಟು ಸಂಭವಿಸಿದಲ್ಲಿ ಮಾತ್ರ ಹೊಣೆಗಾರಿಕೆಯಿಂದ ರಕ್ಷಣೆ ಅನ್ವಯಿಸುತ್ತದೆ.

ಸೀಮಿತ ಹೊಣೆಗಾರಿಕೆಯ ಮೇಲೆ ಗ್ರಾಹಕರ ಜವಾಬ್ದಾರಿ

• ಗ್ರಾಹಕರು ತಮ್ಮ ಖಾತೆಗಳನ್ನು ಸುರಕ್ಷಿತವಾಗಿಡಲು ಬಲವಾದ ಪಾಸ್‌ವರ್ಡ್‌ಗಳು ಮತ್ತು ಪಿನ್‌ಗಳನ್ನು ಬಳಸಬೇಕು, ಇವುಗಳನ್ನು ನಿಯಮಿತವಾಗಿ ಆಗಾಗ್ಗೆ ಬದಲಾಯಿಸಬೇಕಾಗುತ್ತದೆ. ಪಿನ್‌ಗಳು/ ಪಾಸ್‌ವರ್ಡ್‌ಗಳು ಮತ್ತು OTP ಗಳನ್ನು PhonePe ಉದ್ಯೋಗಿಗಳು ಸೇರಿದಂತೆ ಯಾರೊಂದಿಗೂ ಇಮೇಲ್/ದೂರವಾಣಿ ಮೂಲಕ ಹಂಚಿಕೊಳ್ಳಬಾರದು. PhonePe ಎಂದಿಗೂ ಅಂತಹ ಲಾಗಿನ್‌ ಮಾಹಿತಿಗಳನ್ನು ಕೇಳುವುದಿಲ್ಲ.
• ಮೊಬೈಲ್ ಸಂಖ್ಯೆ ಮತ್ತು ಇಮೇಲ್ ಐಡಿಯಲ್ಲಿ ಬದಲಾವಣೆಗಳಿದ್ದಲ್ಲಿ, ಗ್ರಾಹಕರು ನಮ್ಮ ಗ್ರಾಹಕ ಬೆಂಬಲ ತಂಡವನ್ನು ಸಂಪರ್ಕಿಸುವ ಮೂಲಕ ಲಿಖಿತವಾಗಿ PhonePe ಗೆ ತಕ್ಷಣವೇ ತಿಳಿಸಬೇಕು.
• ಎಲೆಕ್ಟ್ರಾನಿಕ್ ಪಾವತಿ ವಹಿವಾಟುಗಳಿಗಾಗಿ ಗ್ರಾಹಕರು ಕಡ್ಡಾಯವಾಗಿ SMS ಅಲರ್ಟ್‌ಗಳು ಮತ್ತು ಇ-ಮೇಲ್ ಅಲರ್ಟ್‌ಗಳಿಗೆ (ಅನ್ವಯವಾಗುವಲ್ಲೆಲ್ಲ) ನೋಂದಾಯಿಸಿಕೊಳ್ಳಬೇಕು.
• ಯಾವುದೇ ಅನಧಿಕೃತ ವಹಿವಾಟನ್ನು ಗುರುತಿಸಲು ಗ್ರಾಹಕರು SMS ಅಲರ್ಟ್‌ಗಳಿಂದ ಅಥವಾ ಮೊಬೈಲ್ ಆ್ಯಪ್‌ ಮೂಲಕ ನಿಯಮಿತವಾಗಿ ವಹಿವಾಟುಗಳನ್ನು ಮೇಲ್ವಿಚಾರಣೆ ಮಾಡಬೇಕಾಗುತ್ತದೆ.
• ಖಾತೆಯಲ್ಲಿನ ಯಾವುದೇ ಅನಧಿಕೃತ ವಹಿವಾಟನ್ನು PhonePe ಗೆ ತಕ್ಷಣ ವರದಿ ಮಾಡುವುದು ಗ್ರಾಹಕರ ಜವಾಬ್ದಾರಿಯಾಗಿದೆ, ವರದಿ ಮಾಡುವಲ್ಲಿ ಯಾವುದೇ ವಿಳಂಬವಾಗದಂತೆ ನೋಡಿಕೊಳ್ಳಬೇಕಾಗುತ್ತದೆ.
• ಮಾರ್ಗಸೂಚಿಗಳ ಪ್ರಕಾರ, ದೂರು ದಾಖಲಾದ 10 ದಿನಗಳಲ್ಲಿ ಜವಾಬ್ದಾರಿಯನ್ನು ನಿರ್ಧರಿಸುವ ವಿಚಾರಣೆಯನ್ನು ಪೂರ್ಣಗೊಳಿಸದಿದ್ದರೆ, PhonePe ಗ್ರಾಹಕರ ವ್ಯಾಲೆಟ್‌ಗೆ ನಾಮಮಾತ್ರದ ಕ್ರೆಡಿಟ್ ಅನ್ನು ಜಮಾ ಮಾಡುತ್ತದೆ. 10 ದಿನಗಳ ನಂತರ – ಮತ್ತು 90 ದಿನಗಳ ಅವಧಿಯೊಳಗೆ – ಗ್ರಾಹಕರು ಜವಾಬ್ದಾರರಾಗಿರುತ್ತಾರೆ ಎಂದು ನಿರ್ಧರಿಸಿದರೆ, ನಾಮಮಾತ್ರ ಕ್ರೆಡಿಟ್ ಮೊತ್ತವನ್ನು ಮರುಪಡೆಯಲಾಗುತ್ತದೆ. 90 ದಿನಗಳ ಒಳಗೆ ವಿವಾದ ಬಗೆಹರಿಯದಿದ್ದರೆ, ನಾಮಮಾತ್ರದ ಕ್ರೆಡಿಟ್ ಮೊತ್ತವನ್ನು ಹಿಂತಿರುಗಿಸಲಾಗುತ್ತದೆ ಮತ್ತು ಗ್ರಾಹಕರ ವ್ಯಾಲೆಟ್‌ಗೆ ನಿಜವಾದ ಕ್ರೆಡಿಟ್ ಆಗಿ ಜಮಾ ಮಾಡಲಾಗುತ್ತದೆ. ಆ್ಯಪ್‌ನಲ್ಲಿನ ನೋಟಿಫಿಕೇಶನ್‌ ಮೂಲಕ ಗ್ರಾಹಕರಿಗೆ ಇದರ ಬಗ್ಗೆ ತಿಳಿಸಲಾಗುತ್ತದೆ.

5.3 ಭಾರತ್ ಕನೆಕ್ಟ್ ವಿವಾದ ಸಲ್ಲಿಕೆ 

ಭಾರತ್ ಕನೆಕ್ಟ್‌ಗೆ ಸಂಬಂಧಿಸಿದ ಸಮಸ್ಯೆಗಳಿಗಾಗಿ, ಗ್ರಾಹಕರು ಇಲ್ಲಿ ಕ್ಲಿಕ್ ಮಾಡುವ ಮೂಲಕವೂ ಭಾರತ್ ಕನೆಕ್ಟ್‌ನಲ್ಲಿ ಬಿಲ್ ಪಾವತಿ ವಿವಾದವನ್ನು ಸಲ್ಲಿಸಬಹುದು. ಅಂತಹ ದೂರುಗಳ ಪರಿಹಾರಕ್ಕಾಗಿ ಅಗತ್ಯವಿರುವ ಕಡೆಗಳಲ್ಲಿ NBBL, PhonePe ಅನ್ನು ಸಂಪರ್ಕಿಸಬಹುದು. ಅಂತಹ ದೂರು ಬಗೆಹರಿದಾಗ ನಾವು ಗ್ರಾಹಕರಿಗೆ ಯಾವುದೇ ನೋಟಿಫಿಕೇಶನ್‌ ಅನ್ನು ಕಳುಹಿಸುವ ಅಗತ್ಯವಿಲ್ಲ.

5.4 ಆಧಾರ್ eKYC ಕುಂದುಕೊರತೆ ಪರಿಹಾರ

ಆಧಾರ್ eKYC ಮತ್ತು ಒಪ್ಪಿಗೆಯನ್ನು ಹಿಂತೆಗೆದುಕೊಳ್ಳುವುದಕ್ಕೆ ಸಂಬಂಧಿಸಿದ ವಿಷಯಗಳಲ್ಲಿ, ಗ್ರಾಹಕರು, ಗ್ರಾಹಕರಿಗೆ ಒದಗಿಸಲಾದ ಸೇವಾ ಹಂತಗಳ ಕುರಿತು ಪ್ಯಾರಾಗ್ರಾಫ್ 5 ರ ಪ್ರಕಾರ ಸಂಪರ್ಕಿಸಬಹುದು ಅಥವಾ ದೂರು ಸಲ್ಲಿಸಬಹುದು. 

6. ವ್ಯಾಪಾರಿಗಳಿಗೆ ಸೇವಾ ಹಂತಗಳು – ಆಫ್‌ಲೈನ್ ಮತ್ತು ಆನ್‌ಲೈನ್

ಸೇವಾ ಹಂತಗಳು	ಆಫ್‌ಲೈನ್ ವ್ಯಾಪಾರಿ ಕುಂದುಕೊರತೆ ಪರಿಹಾರ	ಆನ್‌ಲೈನ್ ವ್ಯಾಪಾರಿ ಕುಂದುಕೊರತೆ ಪರಿಹಾರ
ಹಂತ 1	ದೂರು ನೋಂದಣಿ:
	PhonePe Business ಆ್ಯಪ್‌ನ ಹೋಂಪೇಜ್‌ನಲ್ಲಿರುವ ಸಹಾಯ ಐಕಾನ್ (‘?’) ಮೇಲೆ ಕ್ಲಿಕ್ ಮಾಡುವ ಮೂಲಕ ಆಫ್‌ಲೈನ್ ವ್ಯಾಪಾರಿಗಳು PhonePe ವ್ಯಾಪಾರಿ ಬೆಂಬಲದಲ್ಲಿ ತಮ್ಮ ದೂರನ್ನು ನೋಂದಾಯಿಸಬಹುದು. ಸಹಾಯ ವಿಭಾಗದಲ್ಲಿ, ವ್ಯಾಪಾರಿಯು ತಾವು ಎದುರಿಸುತ್ತಿರುವ ಸಮಸ್ಯೆಗಳನ್ನು ಆಯ್ಕೆ ಮಾಡಿಕೊಳ್ಳಬಹುದು ಮತ್ತು ದೂರನ್ನು ಸಲ್ಲಿಸಲು “Chat with Us”/”ನಮ್ಮೊಂದಿಗೆ ಚಾಟ್ ಮಾಡಿ” ಎಂಬುದನ್ನು ಕ್ಲಿಕ್ ಮಾಡಬಹುದು. ಬದಲಾಗಿ, ವ್ಯಾಪಾರಿಯು PhonePe Business ಡ್ಯಾಶ್‌ಬೋರ್ಡ್‌ನ ಹೋಂಪೇಜ್‌ನಲ್ಲಿರುವ ಸಹಾಯ ಐಕಾನ್ (‘?’) ಮೇಲೆ ಕ್ಲಿಕ್ ಮಾಡುವ ಮೂಲಕ https://business.phonepe.com/faq ನಲ್ಲಿ ದೂರು ದಾಖಲಿಸಬಹುದು. ಬದಲಾಗಿ, ವ್ಯಾಪಾರಿಗಳು ನಮ್ಮ ವ್ಯಾಪಾರಿ ಬೆಂಬಲ ಕೇಂದ್ರಕ್ಕೆ 080-6872-7777 / 022-6872-7777 ಗೆ ಕರೆ ಮಾಡುವ ಮೂಲಕ ದೂರು ಸಲ್ಲಿಸಬಹುದು. ನಾವು ದಿನದ 24 ಗಂಟೆ ಮತ್ತು ವಾರದ 7 ದಿನವೂ ಗ್ರಾಹಕ ಬೆಂಬಲ ಸೇವೆಯನ್ನು ಒದಗಿಸುತ್ತೇವೆ.	ಆನ್‌ಲೈನ್ ವ್ಯಾಪಾರಿಗಳು ತಮ್ಮ PhonePe Business ಡ್ಯಾಶ್‌ಬೋರ್ಡ್‌ನಲ್ಲಿರುವ ಸಹಾಯ ವಿಭಾಗದಿಂದ PhonePe ಪೇಮೆಂಟ್‌ ಅಗ್ರಿಗೇಟರ್‌/ ಗೇಟ್‌ವೇ ಬೆಂಬಲದೊಂದಿಗೆ ತಮ್ಮ ದೂರುಗಳನ್ನು ಸಲ್ಲಿಸಬಹುದು. ಸಹಾಯ ವಿಭಾಗದಲ್ಲಿ, ವ್ಯಾಪಾರಿಯು ತಾವು ಎದುರಿಸುತ್ತಿರುವ ಸಮಸ್ಯೆಗಳನ್ನು ಆಯ್ಕೆ ಮಾಡಿಕೊಳ್ಳಬಹುದು ಮತ್ತು ದೂರನ್ನು ಸಲ್ಲಿಸಲು “Contact Us”/”ನಮ್ಮನ್ನು ಸಂಪರ್ಕಿಸಿ” ಎಂಬುದನ್ನು ಕ್ಲಿಕ್ ಮಾಡಬಹುದು. ಬದಲಾಗಿ, ಆನ್‌ಲೈನ್ ವ್ಯಾಪಾರಿಗಳು ನಮ್ಮ ಆನ್‌ಲೈನ್ ವ್ಯಾಪಾರಿ ಬೆಂಬಲ ಕೇಂದ್ರಕ್ಕೆ 080-6872-7778 ಗೆ ಕರೆ ಮಾಡುವ ಮೂಲಕ ದೂರುಗಳನ್ನು ಸಲ್ಲಿಸಬಹುದು. ವ್ಯಾಪಾರಿಗಳು ತಮ್ಮ Phonepe Business ಡ್ಯಾಶ್‌ಬೋರ್ಡ್‌ಗೆ ಲಾಗಿನ್ ಆಗಲು ಸಾಧ್ಯವಾಗದಿದ್ದರೆ, ಅವರು https://tickets.phonepe.com/en/support ಮೂಲಕ ದೂರು ನೀಡಬಹುದು. ನಾವು ದಿನದ 24 ಗಂಟೆಗಳು ಮತ್ತು ವಾರದ 7 ದಿನಗಳು ಬೆಂಬಲ ಸೇವೆಯನ್ನು ನೀಡುತ್ತೇವೆ.
	ದೂರುಗಳ ಪರಿಹಾರ:
	● ದೂರು ಸ್ವೀಕರಿಸಿದ 24 ಗಂಟೆಗಳ ಒಳಗಾಗಿ ವ್ಯಾಪಾರಿಗಳಿಗೆ ಮೊದಲ ಪ್ರತಿಕ್ರಿಯೆಯನ್ನು ಒದಗಿಸಲು ನಾವು ಬದ್ಧರಾಗಿದ್ದೇವೆ. ● ದೂರು ಸ್ವೀಕರಿಸಿದ 15 ವ್ಯವಹಾರ ದಿನಗಳಲ್ಲಿ ಎಲ್ಲ ದೂರುಗಳನ್ನು ಪರಿಹರಿಸುವುದು ನಮ್ಮ ಗುರಿಯಾಗಿದೆ. ಸಾಧನ ಸೇವೆಗೆ ಸಂಬಂಧಿಸಿದಂತೆ ಆಫ್‌ಲೈನ್ ವ್ಯಾಪಾರಿಗಳಿಗೆ ಮಾತ್ರ, ನಾವು ದೂರನ್ನು ಸ್ವೀಕರಿಸಿದ ದಿನದಿಂದ 30 ವ್ಯವಹಾರ ದಿನಗಳಲ್ಲಿ ಯಾವುದೇ ಸಮಸ್ಯೆಗಳನ್ನು ಪರಿಹರಿಸುವ ಗುರಿಯನ್ನು ಹೊಂದಿದ್ದೇವೆ. ವಿಭಾಗ 6.1 ರ ಟಿಪ್ಪಣಿಯಲ್ಲಿ ಉಲ್ಲೇಖಿಸಲಾದ ವಿವರಗಳನ್ನು ದಯವಿಟ್ಟು ನೋಡಿ.
ಹಂತ 2	ಕುಂದುಕೊರತೆ ನೋಂದಣಿ:
	ಹಂತ 1 ರಲ್ಲಿ ವ್ಯಾಖ್ಯಾನಿಸಲಾದ ಸಮಯದ ನಂತರ ದೂರು ಬಗೆಹರಿಯದೆ ಉಳಿದರೆ ಅಥವಾ ಒದಗಿಸಿದ ಪರಿಹಾರದ ಬಗ್ಗೆ ವ್ಯಾಪಾರಿಗಳು ಅತೃಪ್ತರಾಗಿದ್ದರೆ, ಅವರು ಇಲ್ಲಿ ಕ್ಲಿಕ್ ಮಾಡುವ ಮೂಲಕ ತಮ್ಮ ಸಮಸ್ಯೆಯನ್ನು ಕುಂದುಕೊರತೆ ತಂಡಕ್ಕೆ ತಿಳಿಸಬಹುದು – https://grievance.phonepe.com/
	ಹಂತ 2 ದೂರುಗಳ ಪರಿಹಾರ:
	● ಹಂತ 2 ರ ದೂರು ಸ್ವೀಕರಿಸಿದ 24 ಗಂಟೆಗಳ ಒಳಗಾಗಿ ಮೊದಲ ಪ್ರತಿಕ್ರಿಯೆಯನ್ನು ಒದಗಿಸಲು ನಾವು ಬದ್ಧರಾಗಿದ್ದೇವೆ. ● ದೂರು ಸ್ವೀಕರಿಸಿದ ದಿನಾಂಕದಿಂದ 7 ವ್ಯವಹಾರ ದಿನಗಳಲ್ಲಿ ಎಲ್ಲ ಹಂತ 2 ದೂರುಗಳನ್ನು ಪರಿಹರಿಸುವ ಗುರಿಯನ್ನು ನಾವು ಹೊಂದಿದ್ದೇವೆ. ವಿಭಾಗ 6.1 ರ ಟಿಪ್ಪಣಿಯಲ್ಲಿ ಉಲ್ಲೇಖಿಸಲಾದ ವಿವರಗಳನ್ನು ದಯವಿಟ್ಟು ನೋಡಿ.
ಹಂತ 3	ನೋಡಲ್ ಅಧಿಕಾರಿ ಸಂಪರ್ಕಗಳು:
	ಹಂತ 2 ರಲ್ಲಿ ವ್ಯಾಖ್ಯಾನಿಸಲಾದ ಸಮಯದ ನಂತರ ದೂರು ಬಗೆಹರಿಯದೆ ಉಳಿದರೆ, ವ್ಯಾಪಾರಿಗಳು ನೋಡಲ್ ಮತ್ತು ಪ್ರಧಾನ ನೋಡಲ್ ಅಧಿಕಾರಿಗಳನ್ನು ಸಂಪರ್ಕಿಸಲು ಆಯ್ಕೆ ಮಾಡಬಹುದು. ನೋಡಲ್ ಅಧಿಕಾರಿ: ಶ್ರೀಮತಿ ದೀಪಾ ಶೆಟ್ಟಿ ಪ್ರಧಾನ ನೋಡಲ್ ಅಧಿಕಾರಿ: ಶ್ರೀ ಅನಿಕೇತ್ ಬಹೇತಿ ಸಂಪರ್ಕ ಸಂಖ್ಯೆ.: 080-68727105 ಇಮೇಲ್ ಐಡಿ: [email protected] ವೆಬ್‌ಫಾರ್ಮ್: nodalofficerdesk.phonepe.com ವಿಳಾಸ: ಕಚೇರಿ-2, ಮಹಡಿ 4,5,6,7, ವಿಂಗ್ A, ಬ್ಲಾಕ್ A, ಸಲಾರ್‌ಪುರಿಯಾ ಸಾಫ್ಟ್‌ಜೋನ್, ಸರ್ವಿಸ್ ರಸ್ತೆ, ಗ್ರೀನ್ ಗ್ಲೆನ್ ಲೇಔಟ್, ಬೆಳ್ಳಂದೂರು, ಬೆಂಗಳೂರು, ಕರ್ನಾಟಕ-KA, ಪಿನ್- 560103. ಕೆಲಸದ ಸಮಯ: ಸೋಮ-ಶುಕ್ರ ಬೆಳಿಗ್ಗೆ 10 ರಿಂದ ಸಂಜೆ 7 ರವರೆಗೆ. ಅಂಗವಿಕಲ ವ್ಯಕ್ತಿಗಳಿಗಾಗಿ ನೋಡಲ್ ಅಧಿಕಾರಿ: ಹಂತ 2 ರಲ್ಲಿ ವ್ಯಾಖ್ಯಾನಿಸಲಾದ ಸಮಯದ ನಂತರ ದೂರು ಬಗೆಹರಿಯದೆ ಉಳಿದರೆ, ವ್ಯಾಪಾರಿಗಳು ನೋಡಲ್ ಮತ್ತು ಪ್ರಧಾನ ನೋಡಲ್ ಅಧಿಕಾರಿಗಳನ್ನು ಸಂಪರ್ಕಿಸಲು ಆಯ್ಕೆ ಮಾಡಬಹುದು. ನೋಡಲ್ ಅಧಿಕಾರಿ: ಶ್ರೀಮತಿ ದೀಪಾ ಶೆಟ್ಟಿ ಪ್ರಧಾನ ನೋಡಲ್ ಅಧಿಕಾರಿ: ಶ್ರೀ ಅನಿಕೇತ್ ಬಹೇತಿ ಸಂಪರ್ಕ ಸಂಖ್ಯೆ.: 080-68727105 ಇಮೇಲ್ ಐಡಿ: [email protected] ವೆಬ್‌ಫಾರ್ಮ್: nodalofficerdesk.phonepe.com ವಿಳಾಸ: ಕಚೇರಿ-2, ಮಹಡಿ 4,5,6,7, ವಿಂಗ್ A, ಬ್ಲಾಕ್ A, ಸಲಾರ್‌ಪುರಿಯಾ ಸಾಫ್ಟ್‌ಜೋನ್, ಸರ್ವಿಸ್ ರಸ್ತೆ, ಗ್ರೀನ್ ಗ್ಲೆನ್ ಲೇಔಟ್, ಬೆಳ್ಳಂದೂರು, ಬೆಂಗಳೂರು, ಕರ್ನಾಟಕ-KA, ಪಿನ್- 560103. ಕೆಲಸದ ಸಮಯ: ಸೋಮ-ಶುಕ್ರ ಬೆಳಿಗ್ಗೆ 10 ರಿಂದ ಸಂಜೆ 7 ರವರೆಗೆ.
	ಹಂತ 3 ದೂರುಗಳ ಪರಿಹಾರ:
	● ಹಂತ 3 ರ ದೂರು ಸ್ವೀಕರಿಸಿದ 24 ಗಂಟೆಗಳ ಒಳಗಾಗಿ ಮೊದಲ ಪ್ರತಿಕ್ರಿಯೆಯನ್ನು ಒದಗಿಸಲು ನಾವು ಬದ್ಧರಾಗಿದ್ದೇವೆ. ● ದೂರು ಸ್ವೀಕರಿಸಿದ ದಿನಾಂಕದಿಂದ 7 ವ್ಯವಹಾರ ದಿನಗಳಲ್ಲಿ ಹಂತ 3 ರ ಎಲ್ಲ ದೂರುಗಳನ್ನು ಪರಿಹರಿಸುವ ಗುರಿಯನ್ನು ನಾವು ಹೊಂದಿದ್ದೇವೆ. ವಿಭಾಗ 6.1 ರ ಟಿಪ್ಪಣಿಯಲ್ಲಿ ಉಲ್ಲೇಖಿಸಲಾದ ವಿವರಗಳನ್ನು ದಯವಿಟ್ಟು ನೋಡಿ.
ಹಂತ 4	RBI ಓಂಬುಡ್ಸ್‌ಮನ್
	ಹಿಂದಿನ ಹಂತಗಳಲ್ಲಿ 30 ದಿನಗಳ ಒಳಗಾಗಿ ದೂರುಗಳು ತೃಪ್ತಿಕರವಾಗಿ ಬಗೆಹರಿಯದಿದ್ದರೆ, ವ್ಯಾಪಾರಿಗಳು RBI ಒಂಬುಡ್ಸ್‌ಮನ್ ಅವರನ್ನು ಸಂಪರ್ಕಿಸಬಹುದು. ಒಂಬುಡ್ಸ್‌ಮನ್‌ ಅವರ ದೂರು ದಾಖಲಾತಿ ಪೋರ್ಟಲ್: https://cms.rbi.org.in/ ಟೋಲ್-ಫ್ರೀ ದೂ. ಸಂ: 14448 ಇಮೇಲ್‌ ಐಡಿ: [email protected] ವಿಳಾಸ: ಸೆಂಟ್ರಲೈಸ್ಡ್‌ ರೆಸಿಪ್ಟ್‌ ಮತ್ತು ಪ್ರೊಸೆಸಿಂಗ್‌ ಸೆಂಟರ್‌, ಭಾರತೀಯ ರಿಸರ್ವ್ ಬ್ಯಾಂಕ್, 4 ನೇ ಮಹಡಿ, ಸೆಕ್ಟರ್ 17, ಚಂಡೀಗಢ – 160017 ರಿಸರ್ವ್ ಬ್ಯಾಂಕ್ – ಇಂಟಿಗ್ರೇಟೆಡ್ ಒಂಬುಡ್ಸ್‌ಮನ್ ಸ್ಕೀಮ್, 2021 ಕುರಿತು ಹೆಚ್ಚಿನ ವಿವರಗಳಿಗಾಗಿ, ದಯವಿಟ್ಟು ಯೋಜನೆಯ ಪ್ರತಿ – RBI ಇಂಟಿಗ್ರೇಟೆಡ್ ಒಂಬುಡ್ಸ್‌ಮನ್ ಸ್ಕೀಮ್ ಮತ್ತು ಸ್ಕೀಮ್‌ನ ಪ್ರಮುಖ ಲಕ್ಷಣಗಳಿಗಾಗಿ ಲಿಂಕ್ ಅನ್ನು ನೋಡಿ.

6.1 ವ್ಯಾಪಾರಿ ಸೇವಾ ಹಂತಗಳ ಕುರಿತು ಟಿಪ್ಪಣಿಗಳು (ಎಲ್ಲ ಹಂತಗಳಿಗೂ ಅನ್ವಯಿಸುತ್ತದೆ)

1. ಸಮಸ್ಯೆಯನ್ನು ಪರಿಹರಿಸಲು ಅಗತ್ಯವಾದ ಮಾಹಿತಿ ಅಥವಾ ದಾಖಲೆಗಳನ್ನು ಒದಗಿಸಲು ವ್ಯಾಪಾರಿಗಳ ಮೇಲೆ ಅವಲಂಬಿತವಾಗಬೇಕಾದರೆ, ಪರಿಹಾರ ಸಮಯವು ನಿಗದಿತ ಸಮಯ ಮಿತಿಗಳನ್ನು ಮೀರಬಹುದು.
2. ಬಾಹ್ಯ ಅಂಶಗಳ ಮೇಲೆ ಅವಲಂಬಿತವಾಗಬೇಕಾದ ಸಂದರ್ಭಗಳಲ್ಲಿ, PhonePe ಭರವಸೆ ನೀಡಿದ ಸಮಯದೊಳಗೆ ದೂರುಗಳನ್ನು ಪರಿಹರಿಸುವ ಗುರಿಯನ್ನು ಹೊಂದಿದೆ. ನಿಜವಾದ ಪರಿಹಾರ ಸಮಯವು ಬ್ಯಾಂಕ್‌ಗಳಂತಹ ಸಂಬಂಧಿತ ಬಾಹ್ಯ ಪಕ್ಷಗಳು ಸಮಸ್ಯೆಯನ್ನು ಪರಿಹರಿಸಲು ತೆಗೆದುಕೊಳ್ಳುವ ಸಮಯವನ್ನು ಅವಲಂಬಿಸಿರುತ್ತದೆ.
3. ಬಾಹ್ಯ ಅಂಶಗಳ ಮೇಲಿನ ಅವಲಂಬನೆಯಿಂದಾಗಲಿ ಅಥವಾ ಕಾರ್ಯಾಚರಣೆ/ತಾಂತ್ರಿಕ ಕಾರಣಗಳಿಂದಾಗಲಿ ದೂರನ್ನು ಪರಿಹರಿಸಲು ಹೆಚ್ಚುವರಿ ಸಮಯ ಬೇಕಾದರೆ, ವ್ಯಾಪಾರಿಗಳಿಗೆ ವಿಳಂಬದ ಬಗ್ಗೆ ಮತ್ತು ಅಂದಾಜು ಪರಿಹಾರ ಸಮಯದ ಬಗ್ಗೆ ತಿಳಿಸಲಾಗುತ್ತದೆ.

6.2 ಆಧಾರ್ eKYC ಕುಂದುಕೊರತೆ ಪರಿಹಾರ

ಆಧಾರ್ eKYC ಮತ್ತು ಒಪ್ಪಿಗೆ ಹಿಂಪಡೆಯುವಿಕೆಗೆ ಸಂಬಂಧಿಸಿದ ಸಮಸ್ಯೆಗಳಿಗೆ, ವ್ಯಾಪಾರಿಗಳು 080-6872-7777 ಅಥವಾ 022-6872-7777 ಗೆ ಕರೆ ಮಾಡುವ ಮೂಲಕ ನಮ್ಮ ಆಂತರಿಕ ಬೆಂಬಲ ತಂಡವನ್ನು ಸಂಪರ್ಕಿಸಬಹುದು. ನಾವು ವಾರದ ಎಲ್ಲಾ 7 ದಿನಗಳಲ್ಲಿ ಬೆಳಗ್ಗೆ 7 ರಿಂದ ರಾತ್ರಿ 11 ರವರೆಗೆ ಬೆಂಬಲವನ್ನು ಒದಗಿಸುತ್ತೇವೆ. ಆನ್‌ಬೋರ್ಡಿಂಗ್ ಸಂಬಂಧಿತ ಸಮಸ್ಯೆಗಳ ಪರಿಹಾರ ಮತ್ತು ಒಪ್ಪಿಗೆ ಹಿಂಪಡೆಯುವಿಕೆಗೆ 30 ದಿನಗಳವರೆಗೆ ಸಮಯ ತೆಗೆದುಕೊಳ್ಳಬಹುದು.

7.  ವಿವಾದ ನಿರ್ವಹಣಾ ಪ್ರಕ್ರಿಯೆ

PhonePe QR ಮತ್ತು/ಅಥವಾ PhonePe POS ಸಾಧನ ಅಥವಾ PhonePe ಪೇಮೆಂಟ್‌ ಅಗ್ರಿಗೇಟರ್‌ ಸೇವೆಗಳನ್ನು ಬಳಸಿಕೊಂಡು ಯಾವುದೇ ವ್ಯಾಪಾರಿಯಿಂದ ಉತ್ಪನ್ನ/ಸೇವೆಯ ಖರೀದಿ/ಆರ್ಡರ್‌ನಿಂದ ಖರೀದಿದಾರರು ತೃಪ್ತರಾಗದಿದ್ದರೆ, ಅವರು ವಿವಾದವನ್ನು ಸಲ್ಲಿಸಬಹುದು.

ಖರೀದಿದಾರರು ವಿವಾದವನ್ನು ಸಲ್ಲಿಸಬಹುದಾದ ಸನ್ನಿವೇಶಗಳು:

• ಯಾವುದೇ ಉತ್ಪನ್ನ/ಸೇವೆಯನ್ನು ಸ್ವೀಕರಿಸದಿರುವುದು. 
• ವ್ಯಾಪಾರಿ ಒದಗಿಸಿದ ಗರಿಷ್ಠ ಅಂದಾಜು ಡೆಲಿವರಿ ದಿನಾಂಕಕ್ಕಿಂತ ನಂತರ ಉತ್ಪನ್ನ/ಸೇವೆಯನ್ನು ಸ್ವೀಕರಿಸಲಾಗಿರುವುದು. 
• ಉತ್ಪನ್ನವನ್ನು ಸ್ವೀಕರಿಸಲಾಗಿದೆ ಆದರೆ ಅದು ದೋಷಪೂರಿತವಾಗಿತ್ತು, ಹಾನಿಗೊಳಗಾಗಿತ್ತು, ಭಾಗಗಳು ಕಾಣೆಯಾಗಿದ್ದವು ಅಥವಾ ವ್ಯಾಪಾರಿ ಒದಗಿಸಿದ ವಿವರಣೆಗೆ ಹೊಂದಿಕೆಯಾಗಿರಲಿಲ್ಲ. 
• ವ್ಯಾಪಾರಿಯೊಂದಿಗಿನ ಒಪ್ಪಂದದ ಪ್ರಕಾರ ಉತ್ಪನ್ನವನ್ನು ಹಿಂತಿರುಗಿಸಲಾಗಿದೆ ಆದರೆ ಉತ್ಪನ್ನವನ್ನು ಸ್ವೀಕರಿಸಿದ ನಂತರ ವ್ಯಾಪಾರಿಯು ಒಪ್ಪಿಕೊಂಡ ಮರುಪಾವತಿಯನ್ನು ಒದಗಿಸಲಿಲ್ಲ. 
• ವ್ಯಾಪಾರಿಯು ವೆಬ್‌ಸೈಟ್/ಮೊಬೈಲ್ ಆ್ಯಪ್‌ನಲ್ಲಿ ಪ್ರದರ್ಶಿಸಲಾದ ರೀಫಂಡ್‌ ನೀತಿಯನ್ನು ಪಾಲಿಸಲು ವ್ಯಾಪಾರಿಯು ನಿರಾಕರಿಸುವುದು.
• ಖರೀದಿಗೆ ಅನುಮತಿಸಲಾದ ಮೊತ್ತಕ್ಕಿಂತ ಹೆಚ್ಚಿನ ಮೊತ್ತವನ್ನು ವಿಧಿಸಲಾಗಿದೆ.

ವಿವಾದ ಸಲ್ಲಿಸುವ ಪ್ರಕ್ರಿಯೆ:

1. ಖರೀದಿದಾರರು ತಮ್ಮ ಖರೀದಿ/ಆರ್ಡರ್‌ನ ಸಮಸ್ಯೆ(ಗಳು) ಪರಿಹಾರಕ್ಕಾಗಿ ಮೊದಲು ನೇರವಾಗಿ ವ್ಯಾಪಾರಿಗಳನ್ನು ಸಂಪರ್ಕಿಸಬೇಕೆಂದು PhonePe ಶಿಫಾರಸು ಮಾಡುತ್ತದೆ.
2. ವ್ಯಾಪಾರಿಯಿಂದ ಯಾವುದೇ ಪ್ರತಿಕ್ರಿಯೆ ಬರದಿದ್ದರೆ ಅಥವಾ ಸ್ವೀಕರಿಸಿದ ಪ್ರತಿಕ್ರಿಯೆಯು ಅತೃಪ್ತಿಕರವಾಗಿದ್ದರೆ, ಖರೀದಿದಾರರು ತಮ್ಮ ಬ್ಯಾಂಕ್ ಅಥವಾ NPCI (UPI ಗಾಗಿ) ಅನ್ನು ಸಂಪರ್ಕಿಸಿ ಆ ವಹಿವಾಟಿನ ಮೇಲೆ ಚಾರ್ಜ್‌ಬ್ಯಾಕ್ ಸಲ್ಲಿಸಬೇಕೆಂದು ಸೂಚಿಸಲಾಗುತ್ತದೆ.

ಗ್ರಾಹಕರು ತಮ್ಮ ಬ್ಯಾಂಕ್ ಅಥವಾ NPCI ಗೆ ಚಾರ್ಜ್‌ಬ್ಯಾಕ್ ವಿನಂತಿಯನ್ನು ಯಶಸ್ವಿಯಾಗಿ ಸಲ್ಲಿಸಿದ ನಂತರ, ಸಂಬಂಧಪಟ್ಟ ಸ್ವಾಧೀನಪಡಿಸಿಕೊಳ್ಳುವ ಬ್ಯಾಂಕ್ ಗ್ರಾಹಕರ ವಿವಾದವನ್ನು PhonePe ಗೆ ರವಾನಿಸುತ್ತದೆ; ತರುವಾಯ, PhonePe ಆ ಬ್ಯಾಂಕ್‌ಗೆ ವಿವಾದವನ್ನು ಸೌಹಾರ್ದಯುತವಾಗಿ ಪರಿಹರಿಸಲು ಸಹಾಯ ಮಾಡುತ್ತದೆ. PhonePe ವ್ಯಾಪಾರಿಯೊಂದಿಗೆ ವಿವರಗಳನ್ನು ಮೌಲ್ಯೀಕರಿಸುತ್ತದೆ ಮತ್ತು ಅದಕ್ಕೆ ಅನುಗುಣವಾಗಿ ಬ್ಯಾಂಕ್‌ಗೆ ಪ್ರತಿಕ್ರಿಯೆಯನ್ನು ಒದಗಿಸುತ್ತದೆ. ಖರೀದಿದಾರರ ಬ್ಯಾಂಕ್/NPCI ಅಂತಿಮ ನಿರ್ಣಯದ ಬಗ್ಗೆ ಖರೀದಿದಾರರಿಗೆ ತಿಳಿಸುತ್ತದೆ. ಇದು ವ್ಯಾಪಾರಿಯು ವಿವಾದವನ್ನು ಒಪ್ಪಿಕೊಂಡಿದ್ದಾರೆಯೇ ಅಥವಾ ತಿರಸ್ಕರಿಸಿದ್ದಾರೆಯೇ ಎಂಬುದನ್ನು ಸೂಚಿಸುತ್ತದೆ.