விதிமுறைகள் மற்றும் நிபந்தனைகள்-ஆட்டோபே

தகவல் தொழில்நுட்பச் சட்டம், 2000 (அவ்வப்போது திருத்தப்படக்கூடியவாறு), அதன் கீழ் பொருந்தக்கூடிய விதிகள் மற்றும் தகவல் தொழில்நுட்பச் சட்டம், 2000-மூலம் திருத்தப்பட்ட பல்வேறு சட்டங்களில் உள்ள மின்னணு பதிவுகள் தொடர்பான திருத்தப்பட்ட விதிகளின்படி இந்த ஆவணம் ஒரு மின்னணு பதிவாகும். இந்த ஆவணமானது, PhonePe-இன் பொதுவான விதிமுறைகள் மற்றும் நிபந்தனைகளுடன் (“விதிமுறைகள்”) இணைத்துப் படிக்கப்பட வேண்டும்; இதில் வரம்புகளின்றி PhonePe-இன் தனியுரிமைக் கொள்கை (“தனியுரிமைக் கொள்கை”), PhonePe UPI பயன்பாட்டு விதிமுறைகள் (“UPI ToU”) மற்றும் PhonePe தளங்களில் கிடைக்கப்பெறும் பிற கொள்கைகள்/விதிமுறைகள் மற்றும் நிபந்தனைகள் ஆகியவை அவ்வப்போது திருத்தப்படக்கூடியவாறு உள்ளடங்கும். இதில் பயன்படுத்தப்பட்ட, ஆனால் தனியாக வரையறுக்கப்படாத அனைத்து பெரியெழுத்து சொற்களும் (Capitalised terms) விதிமுறைகள் அல்லது UPI ToU-இல் அவற்றுக்கு வழங்கப்பட்டுள்ள அர்த்தங்களைக் கொண்டிருக்கும்.

PhonePe செயலியைப் பயன்படுத்தி இந்தச் செயல்பாட்டை அணுகுவதற்கு அல்லது பயன்படுத்துவதற்கு முன், இந்த விதிமுறைகள் மற்றும் நிபந்தனைகள் – ஆட்டோபே (“ஆட்டோபே விதிமுறைகள்”) என்பதை கவனமாகப் படிக்கவும். இந்த ஆட்டோபே விதிமுறைகள், இந்த ஆட்டோபே விதிமுறைகளின் கீழ் பட்டியலிடப்பட்டுள்ள அம்சங்களைப் பயன்படுத்தி செய்யப்படும் பரிவர்த்தனைகளை ஒழுங்குபடுத்துகின்றன. இந்த ஆட்டோபே விதிமுறைகள் உங்களுக்கும், இந்தியா, கர்நாடகா, பெங்களூரு, பெங்களூரு தெற்கு, வெளிவட்டச் சாலை, வர்த்தூர் ஹோப்ளி, பெல்லந்தூர் கிராமம், சலார்புரியா சாஃப்ட்ஜோன், பிளாக் A, விங் A, ஐந்தாவது தளம், அலுவலகம்-2 என்ற முகவரியில் பதிவு செய்யப்பட்ட அலுவலகத்தைக் கொண்டுள்ள PhonePe லிமிடெட் (முன்னர் ‘PhonePe பிரைவேட் லிமிடெட்’ என்று அழைக்கப்பட்டது) (“PhonePe/நாங்கள்/எங்களை/எங்களுடைய”) நிறுவனத்திற்கும் இடையேயான ஒரு பிணைப்புள்ள சட்டப்பூர்வ ஒப்பந்தமாகும். கீழே குறிப்பிடப்பட்டுள்ள ஆட்டோபே விதிமுறைகளை நீங்கள் படித்துப் புரிந்து கொண்டுள்ளீர்கள் என்பதை ஒப்புக்கொண்டு அங்கீகரிக்கிறீர்கள். இந்த ஆட்டோபே விதிமுறைகளை நீங்கள் ஒப்புக் கொள்ளவில்லை என்றாலோ அல்லது இந்த ஆட்டோபே விதிமுறைகளுக்குக் கட்டுப்பட விரும்பவில்லை என்றாலோ, இந்தச் செயல்பாட்டைப் பெறாமல்/பயன்படுத்தாமல் தவிர்க்கலாம். PhonePe-இன் இணையதளம்(கள்) மற்றும்/அல்லது PhonePe ஆப்(கள்)-இல் திருத்தப்பட்ட பதிப்பைப் வெளியிடுவதன் மூலம், இந்த ஆட்டோபே விதிமுறைகளை நாங்கள் எப்போது வேண்டுமானாலும் திருத்தலாம். இந்த ஆட்டோபே விதிமுறைகளின் திருத்தப்பட்ட பதிப்பு வெளியிடப்பட்ட உடனேயே நடைமுறைக்கு வரும். இந்த ஆட்டோபே விதிமுறைகளில் ஏற்படும் புதுப்பிப்புகள் / மாற்றங்களை அவ்வப்போது மறுஆய்வு செய்வது உங்களுடைய பொறுப்பாகும். “நீங்கள்”, “உங்களுடைய”, “உங்களை”, “இறுதிப் பயனர்”, “வாடிக்கையாளர்”, “பயனர்” என்பது PhonePe செயலி மூலம் பணத்தை அனுப்பவும் பெறவும் PhonePe UPI-ஐப் பயன்படுத்தும் தனிநபரைக் குறிக்கும்.

இந்த ஆட்டோபே விதிமுறைகளின்படி, PhonePe பயனரால் நிர்ணயிக்கப்பட்ட அல்லது தேர்ந்தெடுக்கப்பட்ட கால இடைவெளியில், PhonePe பயனரின் சார்பாகப் பணம் செலுத்துவதற்கு PhonePe-க்கு முன்கூட்டியே அங்கீகாரம் அளிப்பதன் மூலம், தகுதியுள்ள வணிகர்களுக்கு PhonePe செயலியில் தானியங்கி பேமண்ட்டுகளை (கீழே வரையறுக்கப்பட்டுள்ளவாறு) பயனர்கள் அமைப்பதற்கான ஒரு செயல்பாட்டை இந்த ஆட்டோபே விதிமுறைகள் ஒழுங்குபடுத்துகின்றன.

1. வரையறைகள்
   1. “செயல்பாடுகள்” என்பது, இந்த ஆட்டோபே விதிமுறைகளின் 4-வது பிரிவின் கீழ் வரையறுக்கப்பட்டுள்ள, ஒரு மேண்டேட் செல்லுபடியாகும் காலத்தின் போது அது தொடர்பாக ஒரு பயனரால் மேற்கொள்ளப்படக்கூடிய/கோரக்கூடிய செயல்பாடுகளைக் குறிக்கும்.
   2. “ஆட்டோ டாப்-அப் மேண்டேட்” என்பது, UPI Lite வசதி அல்லது PhonePe வாலட் உள்ளிட்ட ஆனால் அவற்றுக்கு மட்டும் வரம்புக்குட்படுத்தப்படாத, PhonePe செயலி மூலம் இயக்கப்படும் சில கருவிகள்/வசதிகளைத் தானியங்கி டாப்-அப் செய்வதற்கான ஒரு மேண்டேட் (கீழே வரையறுக்கப்பட்டுள்ளவாறு) ஆகும். அத்தகைய கருவிகள்/வசதிகளில் உள்ள இருப்புத்தொகை குறைந்தபட்ச இருப்பு வரம்பை அடையும்போது மட்டுமே, (RBI, NPCI மற்றும்/அல்லது இதர ஒழுங்குமுறை அதிகாரிகளால் நிர்ணயிக்கப்பட்ட) அதிகபட்ச அனுமதிக்கப்பட்ட டாப்-அப் வரம்பு வரை இந்தத் தானியங்கி டாப்-அப் தூண்டப்படும். 
   3. “ஆட்டோமேட்டட் பேமண்ட்கள்” அல்லது “ஆட்டோபே” என்பது, UPI சுற்றுச்சூழல் அமைப்பிற்குள் NPCI-ஆல் ஆதரிக்கப்பட்டு, PhonePe-ஆல் செயல்படுத்தப்படும் கட்டண(ங்கள்) ஆகும். இது ஒரு மேண்டேட்டின் கீழ் பயனர்கள் தங்களால் தேர்ந்தெடுக்கப்பட்ட ஒரு குறிப்பிட்ட கால இடைவெளியின் அடிப்படையில் கட்டணங்களை அமைக்க அனுமதிக்கிறது. மேண்டேட் பதிவின்போது பயனரால் அங்கீகரிக்கப்பட்ட கால இடைவெளியின்படி, இந்த பேமண்ட்டுகள் ஒருமுறை மேற்கொள்ளப்படும் பேமண்ட்டுகளாகவோ அல்லது தொடர்ச்சியான பேமெண்ட்டுகளாகவோ இருக்கலாம். 
   4. “தகுதியுள்ள வணிகர்கள்” என்பது, இந்த ஆட்டோபே விதிமுறைகளின்படி பயனர்களிடமிருந்து ஆட்டோபே பேமண்ட்டுகளை ஏற்றுக்கொள்வதற்காக PhonePe உடன் இணைக்கப்பட்டுள்ள தகுதியுள்ள வகையைச் சேர்ந்த வணிகர்கள், சேவை வழங்குநர்கள், பில் செலுத்துபவர்கள் ஆகியோரின் தகுதியான வகைகளைக் குறிக்கும். 
   5. “மேண்டேட்” என்பது, இந்த ஆட்டோபே விதிமுறைகளின்படி தகுதியுள்ள வணிகர்களுக்குத் ஆட்டோபே பேமண்ட்டுகளைச் செலுத்துவதற்காக, PhonePe செயலி மூலம் பயனரால் வழங்கப்படும் ஒரு நிலையான வழிமுறை / அங்கீகாரத்தைக் குறிக்கும். 
   6. “மேண்டேட் நிறைவேற்றம்” என்பது, ஒரு குறிப்பிட்ட ஆட்டோபே பேமெண்ட்டிற்காக, PhonePe-ஆல் செயல்படுத்தப்பட்டு உங்களால் தேர்ந்தெடுக்கப்பட்ட கட்டண முறையின்படி, உங்கள் வழங்குநரால் மேண்டேட் தொடர்பான அங்கீகரிக்கப்பட்ட தொகை வெற்றிகரமாகப் பிடித்தம் செய்யப்படுவதைக் குறிக்கும். 
   7. “மேண்டேட் வரம்பு(கள்)” என்பது, ஒரு மேண்டேட் தொடர்பான வரம்பைக் குறிக்கும். இது (i) ஒரு ஆட்டோபே பேமெண்ட்டின் முன்கூட்டியே நிர்ணயிக்கப்பட்ட மதிப்பாகவோ அல்லது (ii) RBI / NPCI-ஆல் (அவ்வப்போது புதுப்பிக்கப்படுவதற்கு உட்பட்டு) நிர்ணயிக்கப்பட்ட அதிகபட்ச / ஒட்டுமொத்த அனுமதிக்கப்பட்ட வரம்பிற்கு உட்பட்ட, ஒரு ஆட்டோபே பேமெண்ட்டின் மாறுபடக்கூடிய மதிப்பாகவோ இருக்கலாம். 
   8. “மேண்டேட் பதிவு” என்பது, ஒரு மேண்டேட் தொடர்பாகப் பயனரால் வழங்கப்பட வேண்டிய விவரங்கள் / உள்ளீடுகளைக் குறிக்கும். இதில் (i) மேண்டேட் தொடர்பான விவரங்கள், (ii) மேண்டேட் தொடங்கும் தேதி மற்றும் முடியும் தேதி, (iii) மேண்டேட் வரம்புகள், (iv) மேண்டேட்டின் கால இடைவெளி ஆகியவை உள்ளடங்கும்.
2. மேண்டேட் அமைத்தல்
   PhonePe ஆப் மூலம் உங்களால் வெற்றிகரமாகச் சரிபார்க்கப்பட்ட / அங்கீகரிக்கப்பட்ட பிறகு மட்டுமே ஒரு மேண்டேட் அமைக்கப்படும். ஒரு மேண்டேட்டை அமைப்பதற்கு, ஒரு குறிப்பிட்ட ஆட்டோபே பேமெண்ட் தொடர்பான மேண்டேட் பதிவு விவரங்களை நீங்கள் பகிர வேண்டும்.
   மேலும், மேண்டேட் அமைப்பைத் தொடர, இந்தச் செயல்பாட்டின் கீழ் PhonePe-ஆல் இயக்கப்படும் கட்டணக் கணக்கை நீங்கள் தேர்ந்தெடுக்கலாம். வெற்றிகரமான மேண்டேட் பதிவிற்குப் பிறகு, மேண்டேட் பதிவின் போது உங்களால் ஏற்றுக்கொள்ளப்பட்ட மேண்டேட்டின் கால இடைவெளியின் அடிப்படையில் மேண்டேட் நிறைவேற்றம் மேற்கொள்ளப்படும். மேலும் அத்தகைய அங்கீகரிக்கப்பட்ட தொகை உங்களுடைய இணைக்கப்பட்ட கட்டணக் கணக்கிலிருந்து பிடித்தம் செய்யப்பட்டு, அந்தத் ஆட்டோபே பேமண்ட் தொடர்பான தகுதியுள்ள வணிகருக்கு மாற்றப்படும். ஒரு மேண்டேட் வெற்றிகரமாகப் பதிவு செய்யப்பட்டவுடன், அந்தப் பணப் பரிவர்த்தனைக் கணக்கிற்கு எதிராகச் செயலில் உள்ள மேண்டேட்டுகள் பதிவு செய்யப்பட்டிருக்கும் வரை, அதனுடன் தொடர்புடைய VPA-விலிருந்து கட்டணக் கணக்கின் இணைப்பை நீக்கப் பயனருக்கு அனுமதி அளிக்கப்பட மாட்டாது.
   ஒரு மேண்டேட் அல்லது மேண்டேட் நிறைவேற்றத்தின் நிராகரிப்பு, தோல்வி அல்லது நிலுவையில் உள்ள நிலை தொடர்பாக எவ்விதப் பொறுப்பையும் PhonePe இதன் மூலம் மறுக்கிறது. மேலும் இது தொடர்பாக உங்கள் வழங்குநரால் மேற்கொள்ளப்படும் சரிபார்ப்பு(கள்) / அங்கீகாரங்கள் ஆகியவற்றில் PhonePe-க்கு எவ்விதப் பங்கும் பொறுப்பும் இல்லை.
3. மேண்டேட் நிறைவேற்றம்
   மேண்டேட் அமைக்கும் போது உங்களால் தேர்ந்தெடுக்கப்பட்ட உங்கள் கட்டணக் கணக்கில் போதுமான நிதி அல்லது வரம்பைப் பராமரித்தால் மட்டுமே உங்கள் மேண்டேட்(கள்) செயலாக்கப்படும். நீங்கள் அவ்வாறு செய்யத் தவறினால், உங்கள் மேண்டேட் நிறைவேற்றம் தோல்வியடையும்.
   பொருந்தக்கூடிய சட்டங்களின் கீழ் (அவ்வப்போது திருத்தப்படக்கூடியவாறு) ஒழுங்குமுறை அமைப்புகளால் நிர்ணயிக்கப்பட்ட முறையில், தகுதியுள்ள வணிகர் மற்றும் கணக்கு வழங்கும் வங்கியால், மேண்டேட் / மே ண்டேட் நிறைவேற்றம் தொடர்பான இதர விவரங்களுடன், உங்களுடைய தானியங்கிக் கட்டணம் தொடர்பாக இணைக்கப்பட்ட கட்டணக் கணக்கிலிருந்து உண்மையில் தொகை பிடித்தம் செய்யப்படுவதற்கு முன்னரும், வெற்றிகரமான மேண்டேட் நிறைவேற்றத்திற்குப் பின்னரும், உங்களுடைய பதிவு செய்யப்பட்ட மொபைல் எண்ணிற்கு அறிவிப்பு அனுப்பப்படும்.
4. மேண்டேட் தொடர்பான செயல்பாடு(கள்):
   ஒரு மேண்டேட் செல்லுபடியாகும் காலத்தின் போது, PhonePe செயலி மூலம் உங்கள் மேண்டேட்டை (ஆட்டோ டாப்-அப் மேண்டேட் உட்பட) நிர்வகிப்பது தொடர்பாகப் பின்வரும் செயல்பாடு(களை) நீங்கள் மேற்கொள்ளலாம். தகுதியுள்ள வணிகர்(களால்) அனுமதிக்கப்படும் இடங்களிலும், அவர்களின் குறிப்பிட்ட விதிமுறைகள் மற்றும் பொருந்தக்கூடிய சட்டங்களுக்கு உட்பட்டும் மட்டுமே இங்கு குறிப்பிடப்பட்டுள்ள செயல்பாடுகள் கிடைக்கும் என்பதை நினைவில் கொள்ளவும். (i) மேண்டேட் பதிவின் போது உங்களால் நிர்ணயிக்கப்பட்ட மேண்டேட் வரம்பை(களை) மாற்றுதல், ஆனால் மேண்டேட் வரம்பை மாற்றுவதற்கான அத்தகைய கோரிக்கை எப்போதும் தகுதியுள்ள வணிகரிடமிருந்தே வர வேண்டும்; (ii) மேண்டேட்டை இடைநிறுத்துதல் மற்றும்/அல்லது இடைநிறுத்தத்தை நீக்குதல், (iii) தானியங்கிக் கட்டணம் தொடர்பாக உங்கள் வழங்குநரால் ஒரு ரிடெம்ப்ஷன் தூண்டுதல் மேற்கொள்ளப்படுவதற்கு முன்பு மேண்டேட்டைத் திரும்பப் பெறுதல் / ரத்து செய்தல், (iv) பொருந்தக்கூடிய சட்டங்களின்படி மேண்டேட்டை மற்றொரு TPAP-க்கு இடமாற்றம் செய்தல். பொருந்தக்கூடிய சட்டங்களின்படி சில வகையான மேண்டேட்டுகளுக்கு மேலே குறிப்பிடப்பட்டுள்ள செயல்பாடுகள் பொருந்தாது என்பதை நினைவில் கொள்ளவும்.
   ஒரு மேண்டேட் தொடர்பான உங்களது செயல்பாடு(கள்), உங்கள் வழங்குநரின் கூடுதல் சரிபார்ப்பு அல்லது அங்கீகாரத்திற்கு உட்பட்டதாக இருக்கலாம் என்பதை நீங்கள் ஒப்புக்கொள்கிறீர்கள். மேலும் உங்களது செயல்பாடு(கள்) இந்த ஆட்டோபே விதிமுறைகளின்படியும், பொருந்தக்கூடிய சட்டம்(களுக்கு) இணக்கமாகவும் இருக்க வேண்டும் என்பதையும், RBI / NPCI அல்லது உங்கள் வழங்குநர் (சந்தர்ப்பத்திற்கேற்ப) ஆகியவற்றால் செயல்பாடுகள் தொடர்பாக ஏதேனும் கால வரம்பு(கள்) நிர்ணயிக்கப்பட்டிருந்தால், அதற்கு நீங்கள் கட்டுப்பட வேண்டும் என்பதையும் ஒப்புக்கொள்கிறீர்கள்.
5. ஒருமுறை மட்டுமே பயன்படுத்தப்படும் மேண்டேட்டுகள் மற்றும் தொடர் மேண்டேட்டுகள்:
   • ஒருமுறை மட்டுமே பயன்படுத்தப்படும் மேண்டேட்டுகள்:
     • இந்தச் செயல்பாட்டின் மூலம், இந்த ஆட்டோபே விதிமுறைகளின் பிரிவு 2-இன் படி ஒரு மேண்டேட்டை அமைப்பதன் மூலம், உங்கள் கட்டணக் கணக்கிலிருந்து எதிர்காலத்தில் மேற்கொள்ளப்படும் பற்றுவைப்பை நீங்கள் முன்கூட்டியே அங்கீகரிக்கலாம். ஒருமுறை-மட்டுமே பயன்படுத்தும் மேண்டேட்டுகள் முக்கியமாக IPO விண்ணப்பங்கள் உட்பட, ஆனால் அவற்றுக்கு மட்டும் வரம்புக்குட்படுத்தப்படாமல், பல்வேறு பரிவர்த்தனைகளுக்குப் பயன்படுத்தப்படுகின்றன என்பதை நினைவில் கொள்ளவும். உங்களுடைய ஒப்புதலுடன் தகுதியுள்ள வணிகரால் இந்த மேண்டேட் உருவாக்கப்படும், மேலும் இது ஒருமுறை மட்டுமே நிறைவேற்றப்படும். மேண்டேட் பதிவு செய்யப்பட்ட உடனேயே அதற்கு இணையான தொகை உங்களுடைய கட்டணக் கணக்கில் முடக்கப்படும்.
     • பொருந்தக்கூடிய சட்டங்களின் கீழ் வெளிப்படையாகத் தடைசெய்யப்பட்டிருந்தாலன்றி, காலாவதி தேதி மற்றும் மீட்புத் தேதிக்கு முன்பு எப்போது வேண்டுமானாலும் மேண்டேட்டின் தொகை மற்றும் காலாவதி தேதியை நீங்கள் மாற்றியமைக்கலாம்.
     • காலாவதி தேதிக்கு முன்பு எப்போது வேண்டுமானாலும் நீங்கள் இந்த மேண்டேட்டை ரத்து செய்யலாம். அவ்வாறு செய்யும்போது முடக்கப்பட்ட நிதி உடனடியாக விடுவிக்கப்படும், மேலும் அந்த மேண்டேட் ரத்து செய்யப்படும்.
     • பொருந்தக்கூடிய சட்டங்களின் கீழ் நிர்ணயிக்கப்பட்ட அதிகபட்சக் கால வரம்பிற்கு இந்த மேண்டேட்டுகள் செல்லுபடியாகும்.
   • தொடர் மேண்டேட்டுகள்:
     • தொடர் மேண்டேட்டில், தேர்ந்தெடுக்கப்பட்ட செல்லுபடியாகும் காலத்திற்கும் நிர்ணயிக்கப்பட்ட கால இடைவெளிக்கும், ஒருமுறை அளிக்கும் அங்கீகாரத்தின் மூலம் மேண்டேட்டைத் அமைக்கும் வசதியைப் பெறுவீர்கள். இது உங்கள் கட்டணக் கணக்கிலிருந்து தொடர்ச்சியான பற்றுவைப்புகளை அனுமதிக்கும். இந்த மேண்டேட் உங்களுடைய ஒப்புதலுடன் மட்டுமே பதிவு செய்யப்படும்.
     • மேண்டேட்டை மாற்றுவதற்கான கோரிக்கையை நீங்கள் அல்லது தகுதியுள்ள வணிகர் அனுப்பலாம். சில வகையான மேண்டேட்டுகளை மாற்றுவதற்கு, அதற்கான கோரிக்கை தகுதியுள்ள வணிகரிடமிருந்து வந்திருந்தால் மட்டுமே அவற்றை மாற்ற முடியும் என்பதை நினைவில் கொள்ளவும். இந்த மாற்றத்திற்கு ஒப்புதல் அளிப்பதற்கான இறுதி அதிகாரம் உங்களிடமே உள்ளது.
     • மேண்டேட் செயலற்றதாக இருக்கும் ஒரு குறிப்பிட்ட காலத்திற்கு அதை நீங்கள் இடைநிறுத்தி வைக்கலாம். இடைநிறுத்தப்பட்ட மேண்டேட்டில் தகுதியுள்ள வணிகரால் தொடங்கப்படும் எந்தவொரு பரிவர்த்தனையும் தானாகவே நிராகரிக்கப்படும். இதேபோல், மேண்டேட் செல்லுபடியாகும் காலத்திற்குள் நடைமுறைக்கு வரும் ஒரு தேதியிலிருந்து, இடைநிறுத்தப்பட்ட மேண்டேட்டை மீண்டும் செயல்படுத்துவதற்கான விருப்பமும் உங்களுக்கு உள்ளது. சில வகையான மேண்டேட்டுகளை இடைநிறுத்துவதற்கு, அதற்கான கோரிக்கை தகுதியுள்ள வணிகரிடமிருந்து வந்திருந்தால் மட்டுமே அவற்றை இடைநிறுத்த முடியும் என்பதை நினைவில் கொள்ளவும்.
     • இந்த மேண்டேட்டை உங்களாலும், அதே போல் தகுதியுள்ள வணிகராலும் ரத்து செய்ய, அதாவது விலக்கிக்கொள்ள முடியும். சில வகையான மேண்டேட்டுகளை ரத்து செய்வதற்கு, அதற்கான கோரிக்கை தகுதியுள்ள வணிகரிடமிருந்து வந்திருந்தால் மட்டுமே அவற்றை ரத்து செய்ய முடியும் என்பதை நினைவில் கொள்ளவும்.
     • மேண்டேட் பதிவுடன் உடனேயே மேண்டேட் நிறைவேற்றப்பட்டால், உடனடி நிறைவேற்றத்திற்குத் தனியான அங்கீகாரம் எதுவும் தேவைப்படாது. மேண்டேட்டின் முதல் நிறைவேற்றம் தோல்வியுற்றால் (மூன்று முறை மீண்டும் முயற்சிப்பது உட்பட), ஒட்டுமொத்த மேண்டேட்டும் ரத்து செய்யப்படும். மேண்டேட் பதிவாகி ஐந்து நிமிடங்களுக்குப் பிறகு மேண்டேட்டின் முதல் நிறைவேற்றம் மேற்கொள்ளப்பட்டால், பயனர் UPI PIN உள்ளிட்ட தேவையான தகவல்களுடன் அந்த நிறைவேற்றத்தை அங்கீகரிக்க வேண்டும்.
     • NPCI-இன் வழிமுறைகளின்படி, ஏதேனும் காரணத்தினால் மேண்டேட் நிறைவேற்றம் தோல்வியுற்றால் மூன்று முறை வரை மீண்டும் முயற்சிக்க அனுமதிக்கப்படும். மூன்றாவது முறையாக மீண்டும் முயற்சித்தும் தோல்வியடைந்தால், அந்த குறிப்பிட்ட தேதியில் பரிவர்த்தனையைச் செயலாக்குவதற்கான அந்தந்த மேண்டேட் நிறைவேற்றம் தோல்வியடையும்; இருப்பினும், எதிர்கால மேண்டேட் நிறைவேற்றங்களுக்கு அந்த மேண்டேட் செல்லுபடியாகும் மற்றும் செயலில் இருக்கும்.
     • மேண்டேட்டிற்கான அதிகபட்சத் தொகை வரம்பு வணிகரின் வகையைப் பொறுத்து NPCI/RBI-ஆல் குறிப்பிடப்பட்டுள்ளவாறு இருக்கும். இந்த வரம்புகள் மற்றும் வகைகளை NPCI/RBI அவ்வப்போது மாற்றியமைக்கலாம்.
6. UPI ரிசர்வ் பே
   UPI ரிசர்வ் பே என்ற அம்சம், பயனர் தனது கட்டணக் கணக்கின் எதிர்காலப் பற்றுவைப்பை முன்கூட்டியே அங்கீகரிக்க அனுமதிக்கிறது. மேண்டேட் பதிவு செய்யப்பட்ட உடனேயே அதற்கு இணையான தொகை உங்களுடைய கட்டணக் கணக்கில் முடக்கப்படும். உருவாக்கப்படும் மேண்டேட்டானது, மேண்டேட் பதிவின் போது முடக்கப்பட்ட தொகைக்கு இணையான பல தானியங்கிக் கட்டணங்களுக்குப் பயன்படுத்தப்படும்.
   மேலே குறிப்பிடப்பட்டுள்ள பிரிவு 2-இன் படி, நீங்கள் அல்லது உங்கள் சார்பாக தகுதியுள்ள வணிகர் உங்களுக்காக ஒரு மேண்டேட்டை உருவாக்கலாம். உங்கள் கட்டணக் கணக்கில் தேவையான நிதி / இருப்பு இல்லையெனில், மேண்டேட் உருவாக்கப்பட மாட்டாது.
   பொருந்தக்கூடிய சட்டங்களின்படி தகுதியுள்ள வணிகரால்(களால்) நிர்ணயிக்கப்பட்ட குறிப்பிட்ட விதிமுறைகளின் கீழ் அனுமதிக்கப்பட்டால், காலாவதி தேதிக்கு முன்பு எப்போது வேண்டுமானாலும் உங்களால் மேண்டேட்டை ரத்து செய்ய முடியும் என்பதை நீங்கள் புரிந்துகொள்கிறீர்கள். கட்டணக் கணக்காக கிரெடிட் லைன் அல்லது கிரெடிட் கார்டு போன்ற கடன் சார்ந்த கருவிகள் பயன்படுத்தப்படும் அனைத்து மேண்டேட்டுகளுக்கும், ஒருமுறை அங்கீகரிக்கப்பட்ட பின், மேண்டேட் நிலையானதாக இருக்க வேண்டும் என்றும், அதை பயனரால் நேரடியாக ரத்து செய்யவோ அல்லது நீக்கவோ முடியாது என்றும் பொருந்தக்கூடிய சட்டங்கள் கோருகின்றன என்பதை நினைவில் கொள்ளவும்.
   மேண்டேட்டுகள் அதிகபட்சமாக 90 நாட்களுக்கு அல்லது அவ்வப்போது நிர்ணயிக்கப்படும் பிற கால வரம்பிற்குச் செல்லுபடியாகும்.
   தகுதியுள்ள வணிகரால் காலாவதி தேதிக்கு முன்பு எப்போது வேண்டுமானாலும் மேண்டேட்டுகள் ரத்து செய்யப்படலாம் என்பதை நீங்கள் புரிந்துகொள்கிறீர்கள். முடக்கப்பட்ட நிதி உடனடியாக விடுவிக்கப்படும், மேலும் அந்த மேண்டேட் ரத்து செய்யப்படும். மேண்டேட் நிறைவேற்றம் தொடக்க தேதி முதல் முடிவு தேதி வரை மட்டுமே நடக்கும்.
   மேண்டேட்டிற்கான அதிகபட்சத் தொகை வரம்பு வணிகரின் வகையைப் பொறுத்து NPCI/RBI-ஆல் குறிப்பிடப்பட்டுள்ளவாறு இருக்கும். இந்த வரம்புகள் மற்றும் வகைகளை NPCI/RBI அவ்வப்போது மாற்றியமைக்கலாம்.
7. ஆட்டோ-டாப் அப் மேண்டேட்: 
   இந்த ஆட்டோபே விதிமுறைகளின்படி, PhonePe செயலி மூலம் இயக்கப்படும் UPI Lite வசதி அல்லது PhonePe வாலட்டை நீங்கள் தேர்ந்தெடுத்திருந்தால், UPI Lite வசதி அல்லது PhonePe வாலட்டிற்கான தானியங்கி டாப்-அப்பிற்குப் பொருந்தக்கூடிய மேண்டேட் வரம்பு(களின்) அடிப்படையில் ஆட்டோ-டாப்-அப் மேண்டேட்டை அமைப்பதற்கான விருப்பத்தைப் பெறுவீர்கள். எ.கா: ஒரு பயனர் தனது UPI Lite வசதியின் இருப்புத்தொகை ₹200-க்கும் கீழே குறையும் போது, தனது UPI Lite வசதியில் தானாகவே ₹300 சேர்க்கப்படும்படி ஆட்டோ-டாப்-அப் மேண்டேட்டை அமைக்கலாம். அதன்படி, ஒவ்வொரு முறையும் இருப்புத்தொகை ₹200-க்கும் கீழே குறையும் போது, அந்த PhonePe பயனரின் கட்டணக் கணக்கிலிருந்து ₹300 பற்று வைக்கப்படும். இதேபோல், ஒரு பயனர் தனது PhonePe வாலட்டின் இருப்புத்தொகை ₹200-க்கும் கீழே குறையும் போது, தனது PhonePe வாலட்டில் தானாகவே ₹300 சேர்க்கப்படும்படி ஆட்டோ-டாப்-அப் மேண்டேட்டை அமைக்கலாம். அதன்படி, ஒவ்வொரு முறையும் இருப்புத்தொகை ₹200-க்கும் கீழே குறையும் போது, அந்த PhonePe பயனரின் கட்டணக் கணக்கிலிருந்து ₹300 பற்று வைக்கப்படும்.
8. மேண்டேட் போர்ட்டிங்:
   மேண்டேட் போர்ட்டிங் என்பது, உங்களுடைய தற்போதைய செயலில் உள்ள மேண்டேட்டுகளை ரத்து செய்துவிட்டு மீண்டும் புதிதாக உருவாக்க வேண்டிய அவசியமின்றி, ஒரு TPAP (மூலச் செயலி)-இலிருந்து மற்றொரு TPAP (இலக்குச் செயலி)-க்கு மாற்றுவதற்கு உங்களை அனுமதிக்கிறது. இது சந்தாக்கள், பில்கள், கடன் மறுசெலுத்தல்கள் அல்லது முதலீடுகளுக்கான தொடர் கட்டணங்கள் தடையின்றித் தொடர்வதை உறுதி செய்கிறது.
   • மற்றொரு TPAP-இலிருந்து PhonePe செயலிக்கு மேண்டேட்டுகளை மாற்றுதல்:
     மற்றொரு TPAP-இலிருந்து PhonePe செயலிக்கு ஒரு மேண்டேட்டை மாற்றுவதற்குப் பின்வரும் வழிமுறைகளை நீங்கள் பின்பற்ற வேண்டும்: –
     • PhonePe செயலியின் தொடர்புடைய பிரிவின் கீழ், UPI சுற்றுச்சூழல் அமைப்பு முழுவதும் உங்கள் மொபைல் எண் மற்றும் கட்டணக் கணக்குடன் இணைக்கப்பட்டுள்ள உங்களது செயலில் உள்ள அனைத்து மேண்டேட்டுகளையும் பார்ப்பதற்கான விருப்பத்தைப் பெறுவீர்கள்.
     • NPCI மற்றும் வழங்குநரிடமிருந்து வெற்றிகரமான பதில் கிடைத்ததும், தனித்துவமான மேண்டேட் குறிப்பு எண் (UMRN), தகுதியுள்ள வணிகரின் பெயர், கால இடைவெளி (மாதாந்திர/காலாண்டு/சமர்ப்பிக்கப்படும் போது) மற்றும் அதிகபட்சத் தொகை ஆகியவற்றின் பட்டியலை நாங்கள் காண்பிப்போம். காண்பிக்கப்படும் பட்டியலிலிருந்து, மற்றொரு TPAP-இலிருந்து PhonePe செயலிக்கு நீங்கள் மாற்ற விரும்பும் குறிப்பிட்ட மேண்டேட்டை(களை) நீங்கள் தேர்ந்தெடுக்கலாம்.
     • மாற்றுவதற்காக மேண்டேட்டை(களை) நீங்கள் தேர்ந்தெடுத்ததும், மற்றொரு TPAP-இல் நீங்கள் இணைத்துள்ள கட்டணக் கணக்கு, மேண்டேட் தேவைகளுக்குப் ஏற்றதாக உள்ளதா என்பதை நாங்கள் சரிபார்ப்போம்.
     • NPCI பாதுகாப்பு வழிகாட்டுதல்களின்படி, PhonePe செயலியில் மேண்டேட் பதிவை அங்கீகரிப்பதற்காக உங்கள் UPI PIN-ஐ நீங்கள் உள்ளிட வேண்டும். வெற்றிகரமாக PIN உள்ளிட்டவுடன், UPI சுற்றுச்சூழல் அமைப்பில் UMRN புதுப்பிக்கப்படும், மேலும் வெற்றிகரமான மேண்டேட் பதிவுக்கான டிஜிட்டல் உறுதிப்படுத்தலை நாங்கள் வழங்குவோம். எதிர்கால மேண்டேட் நிறைவேற்றங்களுக்காக இந்த மாற்றம் குறித்து தகுதியுள்ள வணிகருக்கு அறிவிக்கப்படும்.
   • போர்ட்டிங்-அவுட்(PhonePe செயலியிலிருந்து மற்றொரு TPAP-க்கு மாறுதல்):
     PhonePe செயலியால் நிர்வகிக்கப்படும் ஒரு செயலில் உள்ள மேண்டேட்டை மற்றொரு TPAP (இலக்குச் செயலி)-க்கு மாற்ற நீங்கள் தேர்வுசெய்தால், போர்ட்டிங் கோரிக்கையானது இலக்குச் செயலியிலேயே தொடங்கப்பட வேண்டும். போர்ட்-அவுட் தொடர்பாக NPCI-இடமிருந்து ஒரு அறிவிப்பு/கோரிக்கையை நாங்கள் பெறுவோம். இலக்கு செயலியில் வெற்றிகரமான சரிபார்ப்பு மற்றும் உங்களது அங்கீகாரத்திற்குப் பிறகு, அந்த குறிப்பிட்ட UMRN-ஐ நிர்வகிக்கும் TPAP என்ற எங்கள் உரிமையை நாங்கள் விடுவிப்போம். போர்ட்-அவுட் செய்யப்பட்டவுடன், அந்த குறிப்பிட்ட மேண்டேட்டிற்கான அறிவிப்புகள், மாற்றங்கள் அல்லது நிறைவேற்ற சேவைகளை நாங்கள் இனி வழங்க மாட்டோம். போர்ட்-அவுட் செய்யப்பட்டவுடன், மேண்டேட் தொடர்பான ஏதேனும் கேள்விகளுக்கு நீங்கள் இலக்கு TPAP-யை தான் தொடர்பு கொள்ள வேண்டும்.
9. கட்டணம்(கள்)
   PhonePe தனது பயனர்களிடம் ஆட்டோபே வசதிக்காக எந்தவொரு கட்டணமும் வசூலிப்பதில்லை; இருப்பினும், பொருந்தக்கூடிய சட்டங்களுக்கு உட்பட்டு, அவ்வப்போது கட்டணக் கொள்கையை மாற்றுவதற்கான உரிமையை நாங்கள் கொண்டுள்ளோம். ஏதேனும் புதிய சேவைகளுக்கான கட்டணங்களை (பொருந்தக்கூடிய வரிகளுடன்) நாங்கள் அறிமுகப்படுத்தலாம் அல்லது தற்போதுள்ள சேவைகளுக்கான கட்டணங்களைத் திருத்தலாம் அல்லது புதிய கட்டணங்களை அறிமுகப்படுத்தலாம். கட்டண மாற்றங்கள் PhonePe செயலி/ இணையதளம்/ PhonePe தளம் மூலம் உங்களுக்குக் காண்பிக்கப்படும், மேலும் அத்தகைய மாற்றங்கள் பதிவிடப்பட்ட உடனேயே தானாகவே நடைமுறைக்கு வரும்.
10. பயனரின் பொறுப்புகள் மற்றும் கடமைகள்
    பின்வருவனவற்றிற்கு நீங்கள் உடன்பட்டு ஒப்புக்கொள்கிறீர்கள்:
    1. தானியங்கிக் கட்டணத்திற்காக உங்கள் வழங்குநரால் தூண்டப்படும் மேண்டேட்(களுக்கான) கட்டணப் பரிவர்த்தனைகளில், PhonePe கட்டணங்களை எளிதாக்கும் ஒரு வசதியாளர் மட்டுமே; அந்தக் கட்டணப் பரிவர்த்தனையின் தரப்பினர் அல்ல.
    2. அனைத்து மேண்டேட் நிறைவேற்றங்களும் உங்களால் சரிபார்க்கப்பட்ட மேண்டேட் மற்றும் PhonePe செயலி மூலம் மேண்டேட் பதிவிற்காக உங்களால் பகிரப்பட்ட விவரங்களின் அடிப்படையில், PhonePe செயலி வழியாகவே மேற்கொள்ளப்படும். உங்கள் கட்டணக் கணக்கிலிருந்து பிடித்தம் செய்யப்பட்ட தொகை(களை) சரிபார்ப்பதற்கோ மற்றும்/அல்லது ஒரு குறிப்பிட்ட தானியங்கிக் கட்டணத்திற்காக இரண்டு முறை பணம் செலுத்தப்படுவதற்கோ PhonePe பொறுப்பாகாது. இந்தச் செயல்பாட்டின் கீழ் PhonePe செயலி மூலம் ஒவ்வொரு மேண்டேட்டிற்கும் வழங்கப்பட்ட/அங்கீகரிக்கப்பட்ட விவரங்களைச் சரிபார்ப்பது உங்களுடைய பொறுப்பாகும்.
    3. உங்கள் மேண்டேட்டுடன் இணைக்கப்பட்ட மொபைல் எண்ணைப் பராமரிப்பதற்கும் புதுப்பிப்பதற்கும் நீங்கள் மட்டுமே முழுப் பொறுப்பு என்பதை ஒப்புக்கொண்டு அங்கீகரிக்கிறீர்கள். உங்கள் மொபைல் எண்ணை நீங்கள் மாற்றினாலோ, முடக்கினாலோ அல்லது கைவிட்டாலோ, தகுதியுள்ள வணிகர்களுடன் நீங்கள் அமைத்த முன்கூட்டியே அங்கீகரிக்கப்பட்ட எந்தவொரு மேண்டேட்டும் தொடர்ந்து செயலாக்கப்பட்டு, உங்கள் இணைக்கப்பட்ட நிதி கணக்குகளிலிருந்து தொகை பிடித்தம் செய்யப்படலாம். மொபைல் எண் சுழற்சிப் பட்டியலின் (MNRL) கீழ் தொலைத்தொடர்பு நிறுவனத்தால் உங்களது முந்தைய மொபைல் எண் மறுசுழற்சி செய்யப்பட்டு, PhonePe செயலியில் ஒரு புதிய பயனரால் பதிவு செய்யப்பட்டால், அந்தப் பயனருக்கு உங்களது வரலாற்றுத் தரவுகள், தனிப்பட்ட தகவல்கள் அல்லது செயலில் உள்ள மேண்டேட்டுகள் எதற்கும் அணுகல் இருக்காது. நீங்கள் இனி ஒரு மொபைல் எண்ணைப் பயன்படுத்தாமல், அதனுடன் தொடர்புடைய செயலில் உள்ள மேண்டேட்டுகளை நிறுத்த விரும்பினால், அந்த மேண்டேட்டுகளை ரத்து செய்ய அல்லது மாற்றியமைக்க அந்தந்த தகுதியுள்ள வணிகர்களை நேரடியாகத் தொடர்புகொள்வது உங்களுடைய முழுப் பொறுப்பாகும். உங்கள் மொபைல் எண்ணை நீங்கள் கைவிட்ட பிறகு, செயலில் உள்ள மேண்டேட்டுகளின் கீழ் செயலாக்கப்படும் எந்தவொரு பற்றுவைப்புகளுக்கும் PhonePe பொறுப்பேற்காது.
    4. தகுதியுள்ள வணிகரிடமிருந்து தானியங்கிக் கட்டணம் தொடர்பாக நீங்கள் பெறும் பொருட்கள் அல்லது சேவைகள் தொடர்பான ஏதேனும் சிக்கல்கள், கவலைகள் அல்லது தகராறுகளுக்கு PhonePe எந்தவொரு பொறுப்பையும் ஏற்காது. அத்தகைய பொருட்கள் அல்லது சேவைகள் தொடர்பாக ஏதேனும் சிக்கல்கள் ஏற்பட்டால், நீங்கள் நேரடியாக அந்தந்த தகுதியுள்ள வணிகரைத் தொடர்புகொள்ளலாம்.
    5. வெற்றிகரமான மேண்டேட் நிறைவேற்றத்திற்கு உங்கள் கட்டணக் கணக்கில் போதுமான இருப்பைப் பராமரிக்க நீங்கள் ஒப்புக்கொண்டு அங்கீகரிக்கிறீர்கள். உங்கள் கட்டணக் கணக்கில் போதிய நிதி இல்லாததால் மேண்டேட் நிறைவேற்றத்தில் ஏற்படும் தோல்வி அல்லது நிராகரிப்பு தொடர்பான எந்தவொரு பொறுப்புகளுக்கும் PhonePe பொறுப்பாகாது.
    6. இந்தச் செயல்பாட்டின் கீழ் PhonePe செயலி மூலம் இயக்கப்படும் உங்கள் செயல்பாடு(கள்), மேண்டேட்(கள்), மேண்டேட் நிறைவேற்றம்(கள்) ஆகியவற்றைத் தவறாமல் சரிபார்ப்பது உங்களுடைய பொறுப்பாகும். தானியங்கிக் கட்டணங்கள் தொடர்பாக உங்கள் வழங்குநர் / தகுதியுள்ள வணிகரால் விதிக்கப்படும் அங்கீகரிக்கப்படாத கட்டணங்கள், அபராதங்கள், தாமதக் கட்டணங்கள் ஆகியவற்றிற்கோ அல்லது தானியங்கிக் கட்டணம் தொடர்பாக உங்களால் நிர்ணயிக்கப்பட்ட மேண்டேட் பதிவு / மேண்டேட் வரம்பில் ஏற்படும் ஏதேனும் முரண்பாடுகளுக்கோ PhonePe பொறுப்பாகாது.
    7. இந்த அம்சத்தின் கீழ் இயக்கப்படும் தானியங்கிக் கட்டணங்களுக்குப் பொருந்தும், தொடர்புடைய வழிமுறைகள் / பொருந்தக்கூடிய சட்டம்(களின்) கீழ் RBI / NPCI-ஆல் நிர்ணயிக்கப்பட்ட மேண்டேட் வரம்பு(களை) நீங்கள் பின்பற்றுவதை உறுதிசெய்ய ஒப்புக்கொள்கிறீர்கள்.
11. இழப்பீடு மற்றும் பொறுப்பு
    1. இந்த ஆட்டோபே விதிமுறைகளின் கீழ் பட்டியலிடப்பட்டுள்ள அம்சங்களைப் பயன்படுத்துவதால் அல்லது பயன்படுத்த இயலாமையால் ஏற்படும் லாபங்கள் அல்லது வருவாய் இழப்பு, வணிகத் தடங்கல், வணிக வாய்ப்புகளின் இழப்பு, தரவு இழப்பு அல்லது பிற பொருளாதார நலன்களின் இழப்புக்கான சேதங்கள் உட்பட, ஆனால் வரம்புகளின்றி, ஒப்பந்தம், அலட்சியம், சிவில் தவறு அல்லது வேறு எதன் மூலமாக இருந்தாலும், எந்தவொரு மறைமுகமான, அதன் விளைவாக ஏற்படும், தற்செயலான, சிறப்பு அல்லது தண்டனைக்குரிய சேதங்கள் அல்லது பொறுப்புகளுக்கு (சட்டப்பூர்வ பொறுப்புகள் உட்பட) PhonePe எந்தவொரு நிகழ்விலும் பொறுப்பாகாது. ஒட்டுமொத்தப் பொறுப்பு ஏதேனும் இருக்கும் பட்சத்தில், அது எந்தவொரு நிகழ்விலும் வழக்கிற்குக் காரணமான செல்லுபடியாகும் பரிவர்த்தனைத் தொகை அல்லது ரூபாய் நூறு (₹100/-), இதில் எது குறைவோ அந்தத் தொகையைத் தாண்டக்கூடாது.
    2. இந்த ஆட்டோபே விதிமுறைகளின் கீழ் குறிப்பிடப்பட்டுள்ள அம்சங்களை நீங்கள் பயன்படுத்துவது, இந்த ஆட்டோபே விதிமுறைகள், UPI ToU, தனியுரிமைக் கொள்கை, பொதுவான விதிமுறைகள் மற்றும் பிற கொள்கைகள்/விதிமுறைகளை நீங்கள் மீறுவது மற்றும்/அல்லது பொருந்தக்கூடிய ஏதேனும் சட்டங்கள் அல்லது மூன்றாம் தரப்பினரின் உரிமைகளை (அறிவுசார் சொத்துரிமை மீறல்கள் உட்பட) நீங்கள் மீறுவதன் காரணமாக அல்லது அதிலிருந்து எழும் எந்தவொரு மூன்றாம் தரப்பினரின் உரிமைக்கோரல் அல்லது கோரிக்கை அல்லது நியாயமான வழக்கறிஞர் கட்டணங்கள் உள்ளிட்ட நடவடிக்கைகள் மற்றும்/அல்லது விதிக்கப்படும் அபராதங்களிலிருந்து PhonePe, PhonePe நிறுவனங்கள், அதன் உரிமையாளர்கள், உரிமம் பெற்றவர்கள் (பொருந்தக்கூடியவாறு) மற்றும் அவர்களின் அந்தந்த அதிகாரிகள், இயக்குநர்கள், முகவர்கள் மற்றும் ஊழியர்களுக்கு நீங்கள் இழப்பீடு வழங்க வேண்டும்; மேலும், அவர்களுக்கு எந்தவித பாதிப்பும் ஏற்படாதவாறு பாதுகாக்க வேண்டும்.
12. பொது விதிகள்
    1. இந்த ஆட்டோபே விதிமுறைகள், சட்டக் கோட்பாடுகளின் முரண்பாடுகளைக் கருதாமல், இந்தியச் சட்டங்களின்படி நிர்வகிக்கப்படும். இந்த ஆட்டோபே விதிமுறைகள் தொடர்பாக உங்களுக்கும் PhonePe-க்கும் இடையில் முழுமையாகவோ அல்லது பகுதியாகவோ எழும் எந்தவொரு உரிமைக்கோரல் அல்லது தகராறு, பெங்களூருவில் அமைந்துள்ள தகுதிவாய்ந்த அதிகார வரம்பைக் கொண்ட நீதிமன்றத்தால் மட்டுமே பிரத்தியேகமாகத் தீர்க்கப்படும்.
    2. இந்த ஆட்டோபே விதிமுறைகளின்படி கிடைக்கப்பெறும் இந்தச் செயல்பாட்டின் துல்லியம் மற்றும் நம்பகத்தன்மை குறித்து, வெளிப்படையான அல்லது மறைமுகமான அனைத்து உத்தரவாதங்களையும் PhonePe மறுக்கிறது. ஆட்டோபே அம்சம், ரிசர்வ் பே அம்சம், PhonePe UPI, PhonePe தளம் ஆகியவற்றின் தரம் மற்றும் கிடைக்கும் தன்மை குறித்து, வணிகத்திறன், ஒரு குறிப்பிட்ட நோக்கத்திற்கான பொருத்தம் அல்லது மூன்றாம் தரப்பு அறிவுசார் சொத்துரிமைகளை மீறாதிருத்தல் போன்ற எந்தவொரு உத்தரவாதமும் உட்பட, ஆனால் அவற்றுக்கு மட்டும் வரம்புக்குட்படுத்தப்படாமல், வெளிப்படையான அல்லது மறைமுகமான எந்தவொரு உத்தரவாதங்களையும் அல்லது உறுதிமொழிகளையும் PhonePe வழங்கவில்லை. இச்சேவைகள் “ உள்ளது உள்ளவாறே”, “கிடைப்பதைப் போலவே” மற்றும் அனைத்து குறைபாடுகளுடனும் வழங்கப்படுகின்றன. PhonePe என்பது பரிவர்த்தனைகளை எளிதாக்கும் ஒரு வசதியாளர் மட்டுமே, மேலும் பரிவர்த்தனையின் தரப்பினர் அல்ல. வரையறுக்கப்பட்ட செயல்முறையின்படி பரிவர்த்தனைகளை நிறைவேற்றவும் செயலாக்கவும் நாங்கள் முயற்சி செய்கிறோம், இருப்பினும், பரிவர்த்தனைகளின் தோல்வி, PhonePe UPI அல்லது PhonePe தளம் கிடைக்காமை, அமைப்புகளின் பதிலளிக்காத தன்மை, தாமதம், தோல்வி மற்றும்/அல்லது பரிவர்த்தனைகளின் சட்டப்பூர்வத்தன்மை ஆகியவற்றால் எழும் பொறுப்புகள் உட்பட, ஆனால் அவற்றுக்கு மட்டும் வரம்புக்குட்படுத்தப்படாமல், இந்த ஆட்டோபே விதிமுறைகள், PhonePe UPI தொடர்பாக எழும் அனைத்து பொறுப்புகளையும் PhonePe மறுக்கிறது; மேலும் PhonePe UPI, PhonePe தளம், PhonePe சேவைகள், பரிவர்த்தனைகள் போன்றவற்றின் எந்தவொரு அம்சத்திலும் ஏற்படும் பிழை, தோல்வி, சீர்குலைவு அல்லது அது கிடைக்காமை ஆகியவற்றுக்கும் PhonePe பொறுப்பாகாது. எந்தவொரு பரிவர்த்தனையிலிருந்தும் எழும் சிக்கல்களுக்கும் உங்கள் வழங்குநரை தொடர்பு கொள்ளவும். அனைத்து பரிவர்த்தனைகளும் முற்றிலும் பணம் பெறுபவருக்கும் செலுத்துபவருக்கும் இடையேயானதாகும், அவற்றில் PhonePe-க்கு எந்தவிதப் பொறுப்பும் இல்லை.
    3. எங்களிடம் பராமரிக்கப்படும் உங்களது பரிவர்த்தனைப் பதிவுகள் மற்றும் பிற பதிவுகள், பரிவர்த்தனைக்கான ஆதாரமாகவும், நீங்கள் ஆட்டோபே மற்றும் UPI/ PhonePe UPI-ஐப் பயன்படுத்தியதற்கான இறுதியான மற்றும் கட்டுப்படுத்தும் ஆதாரமாகவும் கருதப்படும்.
    4. PhonePe UPI-இன் பயன்பாட்டு விதிமுறைகள்; பொதுவான விதிமுறைகள் மற்றும் நிபந்தனைகள் மற்றும் PhonePe தனியுரிமைக் கொள்கை ஆகியவை இந்த ஆட்டோபே விதிமுறைகளுடன் குறிப்புதவி மூலம் இணைக்கப்பட்டுள்ளதாகக் கருதப்படும். இந்த ஆட்டோபே விதிமுறைகளுக்கும் மற்றும் PhonePe UPI-இன் பயன்பாட்டு விதிமுறைகள்; இந்த ஆட்டோபே விதிமுறைகளுக்கும் PhonePe UPI-இன் பயன்பாட்டு விதிமுறைகள், பொதுவான விதிமுறைகள் மற்றும் நிபந்தனைகள் மற்றும் PhonePe தனியுரிமைக் கொள்கை ஆகியவற்றிற்கும் இடையே ஏதேனும் முரண்பாடு ஏற்பட்டால், இந்த ஆட்டோபே விதிமுறைகளின் கீழ் இயக்கப்படும் இந்தச் செயல்பாட்டைப் பொறுத்தவரை, இந்த ஆட்டோபே விதிமுறைகளுக்கே முன்னுரிமை அளிக்கப்படும்.