अटी आणि शर्ती – ऑटोपे 

हा दस्तऐवज माहिती तंत्रज्ञान कायदा, 2000 (वेळोवेळी करण्यात आलेल्या दुरुस्त्यांसह), त्याअंतर्गत लागू असलेले नियम तसेच माहिती तंत्रज्ञान कायदा, 2000 द्वारे वेळोवेळी सुधारित करण्यात आलेल्या विविध कायद्यांमधील इलेक्ट्रॉनिक नोंदींशी संबंधित तरतुदींनुसार एक इलेक्ट्रॉनिक नोंद आहे. हा दस्तऐवज PhonePeच्या सामान्य अटी आणि शर्ती (“अटी“) यांच्यासह वाचले जाईल. यामध्ये PhonePeची गोपनीयता धोरण (“गोपनीयता धोरण”), PhonePe UPI वापर अटी (“UPI वापर अटी“) तसेच PhonePe प्लॅटफॉर्मवर उपलब्ध करून देण्यात आलेली इतर धोरणे/अटी आणि शर्ती यांचा समावेश आहे, ज्यामध्ये वेळोवेळी बदल केला जाऊ शकतो. या दस्तऐवजात वापरलेल्या आणि स्वतंत्रपणे परिभाषित न केलेल्या सर्व संज्ञांना, अटी किंवा UPI वापर अटी मध्ये त्यांना दिलेला अर्थच लागू असेल.

PhonePe ॲपद्वारे ही सुविधा वापरण्यापूर्वी किंवा वापरण्यास सुरुवात करण्यापूर्वी कृपया या ऑटोपे अटी (“ऑटोपे अटी“) काळजीपूर्वक वाचा. या ऑटोपे अटींमध्ये नमूद केलेल्या सुविधांद्वारे करण्यात येणाऱ्या व्यवहारांवर या ऑटोपे अटी लागू होतात. या ऑटोपे अटी तुम्ही आणि PhonePe लिमिटेड (पूर्वी “PhonePe प्रायव्हेट लिमिटेड” म्हणून ओळखली जाणारी) (“PhonePe/आम्ही/आमचे/आमच्या“) यांच्यामधील कायदेशीरदृष्ट्या बंधनकारक करार आहेत. PhonePeचे नोंदणीकृत कार्यालय ऑफिस-2, पाचवा मजला, विंग A, ब्लॉक A, सलारपुरिया सॉफ्टझोन, बेलंदूर व्हिलेज, वर्थुर होबळी, आउटर रिंग रोड, बेंगळुरू दक्षिण, बंगळुरू, कर्नाटक, भारत – 560103 येथे आहे. तुम्ही खाली नमूद केलेल्या ऑटोपे अटी वाचल्या आहेत, यास तुम्ही सहमती देता आणि मान्य करता. जर तुम्ही या ऑटोपे अटींशी सहमत नसाल किंवा या ऑटोपे अटींना बांधील राहण्याची तुमची इच्छा नसेल, तर तुम्ही ही सुविधा वापरणे टाळू शकता. PhonePe आपल्या वेबसाइट आणि/किंवा PhonePe ॲपवर अद्ययावत आवृत्ती प्रकाशित करून या ऑटोपे अटींमध्ये कोणत्याही वेळी बदल करू शकते. ऑटोपे अटींची अद्ययावत आवृत्ती प्रकाशित होताच ती तत्काळ लागू होईल. या ऑटोपे अटींमधील अपडेट्स किंवा बदल वेळोवेळी तपासण्याची जबाबदारी तुमची असेल. “तुम्ही”, “तुमचे”, “स्वतः”, “एंड युजर”, “ग्राहक” आणि “युजर” यांचा अर्थ PhonePe ॲपद्वारे PhonePe UPI वापरून पेमेंट पाठवणारी आणि प्राप्त करणारी व्यक्ती असा होतो.

या ऑटोपे अटी PhonePeद्वारे उपलब्ध करून दिलेल्या अशा सुविधेला लागू होतात, ज्या अंतर्गत PhonePe ॲपवर युजर पात्र व्यापाऱ्यांसाठी ऑटोमेटेड पेमेंट (खाली परिभाषित केल्याप्रमाणे) सेट करू शकतात. या साठी, या ऑटोपे अटींनुसार, PhonePe युजरने (युजरनी) निवडलेल्या किंवा निश्चित केलेल्या वारंवारतेनुसार, PhonePeला युजरच्या वतीने पेमेंट करण्यासाठी पूर्व-अधिकृतता दिलेली असते.

1. व्याख्या
   1. “ॲक्शन्स” म्हणजे या ऑटोपे अटींच्या कलम 4 मध्ये परिभाषित केल्याप्रमाणे, मँडेटच्या वैधतेदरम्यान आणि त्यासंदर्भात युजरकडून करता येणाऱ्या किंवा विनंती करता येणाऱ्या कृती.
   2. “ऑटो टॉप-अप मँडेट” म्हणजे PhonePe ॲपद्वारे उपलब्ध करून दिलेल्या विशिष्ट सुविधा/साधनांमध्ये टॉप-अप करण्यासाठीचा मँडेट (खाली परिभाषित केल्याप्रमाणे) असेल. या सुविधा/साधनांमध्ये UPI Lite सुविधा किंवा PhonePe वॉलेट यांचा समावेश आहे, परंतु तेवढ्यापुरता मर्यादित नाही. अशा सुविधा/साधनांचा ऑटोमॅटिक टॉप-अप करण्यासाठी, त्या सुविधा/साधनांमधील बॅलन्स किमान बॅलन्स मर्यादेपर्यंत पोहोचल्यावरच, RBI, NPCI आणि/किंवा इतर नियामक प्राधिकरणांनी निर्धारित केलेल्या कमाल अनुमत टॉप-अप मर्यादेपर्यंत ऑटोमॅटिक टॉप-अप सुरू करण्यात येईल.
   3. “ऑटोमेटेड पेमेंट्स” किंवा “ऑटोपे” म्हणजे PhonePeद्वारे उपलब्ध करून दिलेली आणि UPI इकोसिस्टीममध्ये NPCIद्वारे समर्थित अशी पेमेंट सुविधा, ज्याद्वारे युजर्सना मँडेटअंतर्गत स्वतः निवडलेल्या विशिष्ट वारंवारतेनुसार पेमेंट सेट करता येते. ही पेमेंट्स मँडेट रजिस्ट्रेशनच्या वेळी युजरने मंजूर केलेल्या वारंवारतेनुसार एकरकमी किंवा रिकरिंग असू शकतात.
   4. “पात्र व्यापारी” म्हणजे या ऑटोपे अटींनुसार युजरकडून ऑटोमेटेड पेमेंट्स स्वीकारण्यासाठी PhonePe द्वारे सक्षम करण्यात आलेल्या पात्र व्यापारी, सेवा प्रदाते किंवा बिलर्स.
   5. “मँडेट” म्हणजे या ऑटोपे अटींनुसार, पात्र व्यापाऱ्यांना ऑटोमेटेड पेमेंट करण्यासाठी PhonePe ॲपच्या माध्यमातून युजरने दिलेली स्थायी सूचना/अधिकृतता.
   6. “मँडेटची अंमलबजावणी” म्हणजे विशिष्ट ऑटोपे पेमेंटसाठी, PhonePeने उपलब्ध करून दिलेल्या तुम्ही निवडलेल्या पेमेंट पद्धतीनुसार, तुमच्या जारीकर्त्याकडून मँडेटसंदर्भातील अधिकृत रक्कम यशस्वीरित्या वजा केली जाणे.
   7. “मँडेटची मर्यादा” म्हणजे मँडेटशी संबंधित अशा मर्यादा, ज्या (i) ऑटोमेटेड पेमेंटचे पूर्वनिश्चित मूल्य किंवा (ii) RBI/NPCI ने निर्धारित केलेल्या कमाल/एकूण अनुमत मर्यादेच्या अधीन राहून (वेळोवेळी सुधारित केल्याप्रमाणे), वेळोवेळी बदलू शकणारे ऑटोमेटेड पेमेंटचे मूल्य असू शकतात.
   8. “मँडेटची नोंदणी” म्हणजे मँडेटच्या संदर्भात वापरकर्त्याने देणे आवश्यक असलेले तपशील / इनपुट्स ज्यामध्ये (i) मँडेटच्या संदर्भातील पॅरामीटर्स, (ii) मँडेटच्या संदर्भातील सुरू होण्याची तारीख आणि संपण्याची तारीख, (iii) मँडेटची मर्यादा, (iv) मँडेटची वारंवारता समाविष्ट असेल.
2. मँडेट सेट अप
   तुमच्याकडून PhonePe ॲपद्वारे यशस्वी पडताळणी/अधिप्रमाणन झाल्यानंतरच मँडेट सेट-अप करण्यात येईल. मँडेट सेट-अप करण्यासाठी, विशिष्ट ऑटोमेटेड पेमेंटसंदर्भात मँडेट रजिस्ट्रेशनशी संबंधित तपशील तुम्हाला प्रदान करावा लागेल.
   पुढे, मँडेट सेट-अप करण्यासाठी तुम्ही या सुविधेअंतर्गत PhonePeने सक्षम केलेले पेमेंट खाते निवडू शकता. मँडेट रजिस्ट्रेशन यशस्वीरीत्या पूर्ण झाल्यानंतर, मँडेट रजिस्ट्रेशनच्या वेळी तुम्ही स्वीकारलेल्या मँडेटच्या वारंवारतेनुसार मँडेटची अंमलबजावणी करण्यात येईल. त्यानुसार अधिकृत रक्कम तुमच्या लिंक केलेल्या पेमेंट खात्यातून वजा करून संबंधित ऑटोमेटेड पेमेंटसाठी पात्र व्यापाऱ्याकडे हस्तांतरित करण्यात येईल. मँडेटची यशस्वी नोंदणी झाल्यानंतर, त्या पेमेंट खात्यावर सक्रिय मँडेट्स रजिस्टर केलेले असतील तोपर्यंत, VPA शी संबंधित पेमेंट खाते अनलिंक करण्याची परवानगी युजरला देण्यात येणार नाही.
   मँडेट किंवा मँडेटच्या अंमलबजावणीच्या नकार, अयशस्वी होणे किंवा प्रलंबित स्थितीबाबत PhonePe कोणतेही दायित्व स्वीकारत नाही. तसेच, या संदर्भात तुमच्या जारीकर्त्याकडून करण्यात येणारी अशी विधिग्राह्यता/अधिप्रमाणनामध्ये PhonePeची कोणतीही भूमिका किंवा दायित्व असणार नाही.
3. मँडेटची अंमलबजावणी
   मँडेट सेट-अप करताना तुम्ही निवडलेल्या पेमेंट खात्यामध्ये पुरेशी रक्कम किंवा मर्यादा उपलब्ध असेल, तरच तुमच्या मँडेटवर प्रक्रिया करण्यात येईल. तुम्ही तसे करण्यात अयशस्वी ठरल्यास, तुमच्या मँडेटची अंमलबजावणी अयशस्वी होईल.
   तुमच्या ऑटोमेटेड पेमेंटसंदर्भात तुमच्या लिंक केलेल्या पेमेंट खात्यातून प्रत्यक्ष डेबिट होण्यापूर्वी तसेच मँडेटची यशस्वी अंमलबजावणी झाल्यानंतर, लागू कायद्यांनुसार (वेळोवेळी करण्यात आलेल्या दुरुस्त्यांसह) नियामक संस्थांनी विहित केलेल्या पद्धतीनुसार, तुमच्या रजिस्टर केलेल्या मोबाइल क्रमांकावर मँडेट/मँडेटच्या अंमलबजावणीशी संबंधित इतर तपशीलांसह पात्र व्यापारी आणि जारीकर्त्याकडून तुम्हाला सूचना देण्यात येईल.
4. मँडेटच्या संदर्भातील कृती
   मँडेट वैध असताना, PhonePe ॲपद्वारे तुमच्या मँडेटचे (ऑटो टॉप-अप मँडेटसह) व्यवस्थापन करण्यासाठी तुम्ही खालील कृती करू शकता. कृपया नोंद घ्या की येथे नमूद केलेल्या कृती केवळ पात्र व्यापाऱ्यांनी परवानगी दिल्यासच उपलब्ध असतील आणि त्या त्यांच्या विशिष्ट अटी तसेच लागू कायद्यांच्या अधीन असतील. (i) मँडेट रजिस्ट्रेशनच्या वेळी तुम्ही निश्चित केलेल्या मँडेट मर्यादेमध्ये बदल करणे, मात्र मँडेट मर्यादेमध्ये बदल करण्याची विनंती नेहमी पात्र व्यापाऱ्याकडूनच करण्यात आलेली असावी; (ii) मँडेट तात्पुरते थांबवणे आणि/किंवा पुन्हा सुरू करणे; (iii) ऑटोमेटेड पेमेंटसंदर्भात तुमच्या जारीकर्त्याकडून रिडेम्प्शन ट्रिगर करण्यात येण्यापूर्वी मँडेट मागे घेणे/रद्द करणे; (iv) लागू कायद्यांनुसार मँडेट दुसऱ्या TPAPकडे हस्तांतरीत करणे. कृपया नोंद घ्या की वर नमूद केलेल्या कृती लागू कायद्यांनुसार काही प्रकारच्या मँडेटसाठी लागू होणार नाहीत.
   तुम्ही यास सहमती देता की, मँडेटसंदर्भातील तुमच्या कृतींसाठी तुमच्या जारीकर्त्याकडून अतिरिक्त विधिग्राह्यता किंवा अधिकृत मंजुरी आवश्यक असू शकते. तसेच, तुम्ही यास सहमती देता की तुमच्या कृती या ऑटोपे अटींनुसार आणि लागू कायद्यांचे पालन करून करण्यात येतील. तसेच, RBI/NPCI किंवा तुमच्या जारीकर्त्याने (जसे लागू असेल) कृतींसाठी कोणतीही कालमर्यादा निर्धारित केली असल्यास, तुम्ही त्या कालमर्यादेचे पालन कराल. 
5. वन-टाइम मँडेट्स आणि रिकरिंग मँडेट्स:
   • वन-टाइम मँडेट्स:
     • या सुविधेद्वारे, या ऑटोपे अटींच्या कलम 2 नुसार मँडेट सेट-अप करून, तुम्ही तुमच्या पेमेंट खात्यातून भविष्यात डेबिट होण्यासाठी पूर्व-अधिकृतता देऊ शकता. कृपया नोंद घ्या की, वन-टाइम मँडेटचा वापर प्रामुख्याने IPO अर्जांसह विविध व्यवहारांसाठी करण्यात येतो, परंतु तेवढ्यापुरता मर्यादित नाही. पात्र व्यापाऱ्याकडून तुमच्या संमतीने मँडेट तयार करण्यात येईल आणि ते केवळ एकदाच अंमलात आणण्यासाठी असेल. तसेच, मँडेट रजिस्ट्रेशन होताच तुमच्या पेमेंट खात्यात समतुल्य रक्कम तात्काळ ब्लॉक करण्यात येईल.
     • लागू कायद्यांनुसार स्पष्टपणे प्रतिबंधित करण्यात आलेले नसल्यास, मँडेटची मुदत संपण्याच्या तारखेपूर्वी आणि रिडेम्प्शनच्या तारखेपूर्वी, तुम्ही मँडेटची रक्कम आणि मँडेट समाप्तीची तारीख कधीही बदलू शकता.
     • मँडेटची मुदत संपण्याच्या तारखेपूर्वी तुम्ही मँडेट कधीही रद्द करू शकता. ब्लॉक करण्यात आलेली रक्कम तात्काळ अनब्लॉक करण्यात येईल आणि संबंधित मँडेट रद्द करण्यात येईल.
     • लागू कायद्यांनुसार निर्धारित करण्यात आलेल्या कमाल कालावधीपर्यंतच मँडेट वैध राहू शकतात.
   •  रिकरिंग मँडेट्स:
     • रिकरिंग मँडेटमध्ये, तुम्हाला एकदाच अधिकृतता देऊन, निश्चित वैधता कालावधी आणि निश्चित वारंवारतेसाठी मँडेट शेड्यूल करण्याची सुविधा उपलब्ध असेल. यामुळे तुमच्या पेमेंट खात्यातून रिकरिंग डेबिट करण्यात येऊ शकेल. मँडेटचे रजिस्ट्रेशन केवळ तुमच्या संमतीनेच करण्यात येईल.
     • मँडेटमध्ये बदल करण्याची विनंती तुमच्याकडून किंवा पात्र व्यापाऱ्याकडून करण्यात येऊ शकते. कृपया नोंद घ्या की, काही प्रकारच्या मँडेटमध्ये बदल करण्यासाठीची विनंती केवळ पात्र व्यापाऱ्याकडूनच सुरू करण्यात आली असल्यासच त्यामध्ये बदल करता येईल. अशा बदलास मंजुरी देण्याचा अंतिम अधिकार तुमच्याकडे असेल.
     • तुम्ही मँडेट थोड्या कालावधीसाठी तात्पुरते थांबवू (पॉझ) करू शकता. या कालावधीत मँडेट निष्क्रिय राहील. पॉज केलेल्या मँडेटवर पात्र व्यापाऱ्याने सुरू केलेला कोणताही व्यवहार आपोआप नाकारण्यात येईल. त्याचप्रमाणे, मँडेटच्या वैधता कालावधीतील प्रभावी तारखेपासून पॉज केलेले मँडेट पुन्हा सुरू करण्याचा पर्यायदेखील तुम्हाला उपलब्ध असेल. कृपया नोंद घ्या की काही प्रकारचे मँडेट केवळ मँडेट पॉज करण्याची विनंती पात्र व्यापाऱ्याकडून सुरू करण्यात आली असल्यासच पॉज करता येतील.
     • तुम्ही किंवा पात्र व्यापारी, दोघांपैकी कोणीही मँडेट रद्द करू शकते. कृपया नोंद घ्या की काही प्रकारचे मँडेट हे केवळ मँडेट रद्द करण्याची विनंती पात्र व्यापाऱ्याकडून सुरू करण्यात आली असल्यासच रद्द करता येतील.
     • मँडेट रजिस्ट्रेशन होताच मँडेटची अंमलबजावणी करण्यात येत असल्यास, तत्काळ अंमलबजावणीसाठी स्वतंत्र अधिकृततेची आवश्यकता भासणार नाही. मँडेटची पहिली अंमलबजावणी (तीन पुनर्प्रयत्नांसह) अयशस्वी झाल्यास, संपूर्ण मँडेट रद्द करण्यात येईल. मँडेट रजिस्ट्रेशननंतर पाच मिनिटांनी मँडेटची पहिली अंमलबजावणी सुरू करण्यात येत असल्यास, युजरला UPI पिनसहित आवश्यक माहिती वापरून अंमलबजावणीस अधिकृतता द्यावी लागेल.
     • NPCI च्या निर्देशानुसार, कोणत्याही कारणामुळे मँडेटची अंमलबजावणी अयशस्वी झाल्यास, तीन पुनर्प्रयत्नांना परवानगी असेल. तिसरा पुनर्प्रयत्नही अयशस्वी झाल्यास, त्या विशिष्ट तारखेसाठी संबंधित व्यवहारावर प्रक्रिया करण्यासाठीची मँडेट अंमलबजावणी अयशस्वी ठरेल. तथापि, भविष्यातील मँडेट अंमलबजावणींसाठी मँडेट वैध आणि सक्रिय राहील.
     • मँडेटसाठीची कमाल रकमेची मर्यादा व्यापारी श्रेणीच्या आधारावर NPCI/RBI ने निर्दिष्ट केल्याप्रमाणे असेल. या मर्यादा आणि श्रेणींमध्ये NPCI/RBIकडून वेळोवेळी बदल करण्यात येऊ शकतात.
6.  UPI रिझर्व्ह पे
   UPI रिझर्व्ह पे हे एक असे फीचर आहे, ज्याद्वारे युजरला त्याच्या/तिच्या पेमेंट खात्यातून भविष्यात डेबिट होण्यासाठी पूर्व-अधिकृतता देता येते. मँडेट रजिस्ट्रेशन होताच तुमच्या पेमेंट खात्यात समतुल्य रक्कम तात्काळ ब्लॉक करण्यात येईल. तयार करण्यात आलेले मँडेट, मँडेट रजिस्ट्रेशनच्या वेळी ब्लॉक करण्यात आलेल्या रकमेच्या समतुल्य अनेक ऑटोमेटेड पेमेंट्ससाठी वापरण्यात येईल.
   वर नमूद केलेल्या कलम 2 नुसार, तुम्ही किंवा तुमच्या वतीने पात्र व्यापारी तुमच्यासाठी मँडेट तयार करू शकतो. तुमच्या पेमेंट खात्यात आवश्यक निधी/शिल्लक उपलब्ध नसल्यास, मँडेट तयार करण्यात येणार नाही.
   तुम्ही समजून घेतले आहे की, लागू कायद्यांनुसार पात्र व्यापाऱ्याने निर्धारित केलेल्या विशिष्ट अटींनुसार परवानगी असल्यास, मँडेटची मुदत संपण्याच्या तारखेपूर्वी तुम्ही मँडेट कधीही रद्द करू शकता. कृपया नोंद घ्या की, ज्या सर्व मँडेट्समध्ये वापरलेले पेमेंट खाते क्रेडिट लाइन किंवा क्रेडिट कार्डसारखे क्रेडिट साधन असेल, अशा प्रकरणांमध्ये लागू कायद्यांनुसार एकदा अधिकृतता दिल्यानंतर मँडेट निश्चित राहील आणि युजरला ते स्वतः रद्द किंवा डिलीट करता येणार नाही.
   मँडेटची वैधता कमाल 90 दिवसांची किंवा वेळोवेळी निर्धारित करण्यात येणाऱ्या इतर कालावधीची असू शकते.
   तुम्ही समजून घेतले आहे की, मँडेटची मुदत संपण्याच्या तारखेपूर्वी पात्र व्यापारी कोणत्याही वेळी मँडेट रद्द करू शकतो. ब्लॉक करण्यात आलेली रक्कम तात्काळ अनब्लॉक करण्यात येईल आणि संबंधित मँडेट रद्द करण्यात येईल. मँडेटची अंमलबजावणी केवळ प्रारंभ तारीख आणि समाप्ती तारीख यांच्या दरम्यानच करण्यात येईल.
   मँडेटसाठीची कमाल रकमेची मर्यादा व्यापारी श्रेणीनुसार NPCI/RBI ने निर्धारित केल्याप्रमाणे असेल. या मर्यादा आणि श्रेणींमध्ये NPCI/RBI कडून वेळोवेळी बदल करण्यात येऊ शकतात.
7. ऑटो टॉप-अप मँडेट:  
   तुम्ही PhonePe ॲपद्वारे उपलब्ध करून देण्यात आलेली UPI Lite सुविधा किंवा PhonePe वॉलेट निवडले असल्यास, या ऑटोपे अटींनुसार UPI Lite सुविधा किंवा PhonePe वॉलेटसाठी लागू असलेल्या ऑटो टॉप-अप मँडेट मर्यादांनुसार तुम्हाला ऑटो टॉप-अप मँडेट सेट-अप करण्याचा पर्याय उपलब्ध असेल. उदाहरणार्थ : UPI Lite सुविधेमधील बॅलन्स ₹200 पेक्षा कमी झाल्यास, युजर UPI Lite सुविधेमध्ये आपोआप ₹300 ॲड करण्यासाठी ऑटो टॉप-अप मँडेट सेट करू शकतो. त्यानुसार, प्रत्येक वेळी UPI Lite सुविधेची शिल्लक ₹200 पेक्षा कमी झाल्यावर, संबंधित PhonePe युजरच्या पेमेंट खात्यातून ₹300 डेबिट करण्यात येतील. त्याचप्रमाणे, PhonePe वॉलेटमधील बॅलन्स ₹200 पेक्षा कमी झाल्यास, युजर PhonePe वॉलेटमध्ये आपोआप ₹300 ॲड करण्यासाठी ऑटो टॉप-अप मँडेट सेट करू शकतो. त्यानुसार, प्रत्येक वेळी PhonePe वॉलेटमधील बॅलन्स ₹200 पेक्षा कमी झाल्यावर, संबंधित PhonePe युजरच्या पेमेंट खात्यातून ₹300 डेबिट करण्यात येतील.
8. मँडेट पोर्टिंग: 
   मँडेट पोर्टिंगद्वारे तुम्हाला तुमची विद्यमान सक्रिय मँडेट्स एका TPAPवरून (सोर्स ॲप) दुसऱ्या TPAPमध्ये (डेस्टिनेशन ॲप), मँडेट कॅन्सल करून पुन्हा तयार करण्याची आवश्यकता न पडता, हस्तांतरित करता येतात. यामुळे सबस्क्रिप्शन्स, बिले, कर्जाची परतफेड किंवा गुंतवणुकीसाठीच्या रिकरिंग पेमेंट्समध्ये सातत्य राखण्यात येते.
   • दुसऱ्या TPAPवरून PhonePe अ‍ॅपवर मँडेट्सचे हस्तांतरण (पोर्टिंग-इन): 
     दुसऱ्या TPAPवरून PhonePe ॲपमध्ये मँडेट हस्तांतरित करण्यासाठी तुम्ही खाली नमूद केलेल्या स्टेप्सचे पालन करावे :
     • PhonePe ॲपमधील संबंधित विभागात, UPI इकोसिस्टीममधील तुमच्या मोबाइल क्रमांकाशी आणि पेमेंट खात्याशी लिंक केलेले सर्व सक्रिय मँडेट्स पाहण्याचा पर्याय तुम्हाला उपलब्ध असेल.
     • NPCI आणि जारीकर्त्याकडून यशस्वी प्रतिसाद प्राप्त झाल्यानंतर, आम्ही युनिक मँडेट रेफरन्स नंबर (UMRN), पात्र व्यापाऱ्याचे नाव, वारंवारता (मासिक/त्रैमासिक/सादर केल्याप्रमाणे) आणि कमाल रक्कम यांची यादी डिस्प्ले करू. डिस्प्ले करण्यात आलेल्या यादीमधून, दुसऱ्या TPAP वरून PhonePe ॲपमध्ये हस्तांतरित करावयाचे विशिष्ट मँडेट तुम्ही निवडू शकता.
     • हस्तांतरणासाठी मँडेट निवडल्यानंतर, संबंधित मँडेटच्या आवश्यकतांशी दुसऱ्या TPAPवरील तुमचे लिंक केलेले पेमेंट खाते सुसंगत आहे की नाही, याची आम्ही पडताळणी करू.
     • NPCIच्या सुरक्षा मार्गदर्शक तत्त्वांनुसार, PhonePe ॲपवर मँडेट रजिस्ट्रेशनसाठी अधिकृतता देण्यासाठी तुम्हाला तुमचा UPI पिन एंटर करावा लागेल. पिन यशस्वीरीत्या एंटर केल्यानंतर, UPI इकोसिस्टीममध्ये UMRN अद्ययावत करण्यात येईल आणि मँडेटचे रजिस्ट्रेशन यशस्वीरीत्या पूर्ण झाल्याची डिजिटल पुष्टी आम्ही जारी करू. भविष्यातील मँडेट अंमलबजावणींसाठी झालेल्या या बदलाची माहिती पात्र व्यापाऱ्याला देण्यात येईल.
   • पोर्टिंग-आउट (PhonePe ॲपवरून दुसऱ्या TPAPमध्ये):
     तुम्ही PhonePe अ‍ॅपद्वारे व्यवस्थापित करत असलेले सक्रिय मँडेट दुसऱ्या TPAPवर (डेस्टिनेशन अ‍ॅप) पोर्ट करण्याची निवड केल्यास पोर्टिंगची विनंती डेस्टिनेशन अ‍ॅपवरून करावी लागेल. आम्हाला पोर्ट-आउटसंदर्भात NPCIकडून एक सूचना/विनंती प्राप्त होईल. डेस्टिनेशन अ‍ॅपवर विधिग्राह्यता आणि तुमचे अधिप्रमाणन झाल्यानंतर आम्ही त्या विशिष्ट UMRNसाठी व्यवस्थापकीय TPAP म्हणून आमचा हक्क सोडू. एकदा पोर्ट आउट झाल्यानंतर, आम्ही त्या विशिष्ट मँडेटसाठी सूचना, बदल किंवा अंमलबजावणीशी संबंधित सेवा प्रदान करणार नाही. एकदा पोर्ट आउट झाल्यानंतर मँडेटशी संबंधित कोणत्याही प्रश्नांसाठी  तुम्हाला डेस्टिनेशन TPAPशी संपर्क साधावा लागेल.
     
9. शुल्क
   PhonePe आपल्या युजरकडून ऑटोपे  सुविधेसाठी कोणतेही शुल्क आकारत नाही; तथापि, आम्ही लागू कायद्यांच्या अधीन राहून वेळोवेळी शुल्क धोरण बदलण्याचा अधिकार राखून ठेवतो. आम्ही कोणत्याही नवीन सेवांसाठी शुल्क (लागू करांसह) लागू करू शकतो किंवा विद्यमान सेवांसाठी शुल्क सुधारित/लागू करू शकतो. शुल्कातील बदल तुम्हाला PhonePe अ‍ॅप/वेबसाइट/PhonePe प्लॅटफॉर्मद्वारे त्यानुसार दाखवले जातील, आणि असे बदल प्रकाशित होताच तात्काळ लागू होतील.
   
10.  युजरच्या जबाबदाऱ्या आणि बंधने
    तुम्ही खालील बाबींना सहमती देता आणि मान्य करता : 
    1. ऑटोमेटेड पेमेंटसाठी तुमच्या जारीकर्त्याकडून सुरू करण्यात आलेल्या मँडेट्सच्या पेमेंटसाठी PhonePe केवळ सुविधा उपलब्ध करून देते आणि त्या पेमेंट व्यवहारासाठी पक्ष नाही.
    2. ii) PhonePe ॲपच्या माध्यमातून सर्व मँडेट अंमलबजावणी होईल. तुमच्याकडून प्रमाणित करण्यात आलेल्या मँडेट्सच्या आणि PhonePe ॲपच्या माध्यमातून मँडेट रजिस्ट्रेशनसाठी तुम्ही प्रदान केलेल्या तपशीलांच्या आधारे ही अंमलबजावणी करण्यात येईल. तुमच्या पेमेंट खात्यातून वजा करण्यात आलेल्या रकमेची पडताळणी करण्यासाठी आणि/किंवा एखाद्या विशिष्ट ऑटोमेटेड पेमेंटसाठी झालेल्या दुहेरी पेमेंटसाठी PhonePe जबाबदार असणार नाही. PhonePe ॲपद्वारे या सुविधेअंतर्गत प्रत्येक मँडेटसाठी प्रदान केलेल्या/अधिकृत केलेल्या तपशीलांची पडताळणी करणे ही तुमची जबाबदारी असेल.
    3.  तुम्ही यास सहमती देता आणि मान्यता देता की, तुमच्या मँडेटशी लिंक केलेला मोबाइल क्रमांक अद्ययावत ठेवण्याची आणि त्यामध्ये बदल झाल्यास तो अद्ययावत करण्याची संपूर्ण जबाबदारी तुमची असेल. तुम्ही तुमचा मोबाइल क्रमांक बदलल्यास, निष्क्रिय केल्यास किंवा वापरणे बंद केल्यास, पात्र व्यापाऱ्यांसोबत तुम्ही यापूर्वी तयार केलेल्या पूर्व-अधिकृत मँडेट्सनुसार तुमच्या लिंक केलेल्या आर्थिक खात्यांमधून डेबिट प्रक्रिया सुरू राहू शकते. तुमचा जुना मोबाइल क्रमांक दूरसंचार सेवा प्रदात्याकडून मोबाइल नंबर चर्न लिस्टअंतर्गत (MNRL) पुन्हा वाटप करण्यात आल्यास आणि PhonePe ॲपवर नवीन युजरकडून रजिस्टर करण्यात आल्यास त्या युजरला तुमचा कोणताही ऐतिहासिक डेटा, वैयक्तिक माहिती किंवा सक्रिय मँडेट्सचा ॲक्सेस मिळणार नाही. तुम्ही एखादा मोबाइल क्रमांक वापरणे बंद केले असेल आणि त्याच्याशी संबंधित सक्रिय मँडेट्स बंद करू इच्छित असाल, तर ते मँडेट्स रद्द करण्यासाठी किंवा त्यामध्ये बदल करण्यासाठी संबंधित पात्र व्यापाऱ्याशी थेट संपर्क साधण्याची संपूर्ण जबाबदारी तुमची असेल. तुम्ही मोबाइल क्रमांकाचा वापर सोडल्यानंतरही सक्रिय मँडेट्सअंतर्गत प्रक्रिया करण्यात आलेल्या कोणत्याही डेबिटसाठी PhonePe जबाबदार असणार नाही.
    4. पात्र व्यापाऱ्याकडून ऑटोमेटेड पेमेंटसंदर्भात तुम्ही घेतलेल्या वस्तू किंवा सेवांशी संबंधित कोणत्याही समस्या, चिंता किंवा वादांसाठी PhonePe कोणतीही जबाबदारी स्वीकारणार नाही. यासंदर्भात वस्तू किंवा सेवांमधून उद्भवलेल्या कोणत्याही समस्येसाठी तुम्ही संबंधित पात्र व्यापाऱ्याशी थेट संपर्क साधू शकता.
    5. मँडेटची यशस्वी अंमलबजावणी होण्यासाठी तुमच्या पेमेंट खात्यात पुरेसा बॅलन्स ठेवण्यास तुम्ही सहमती देता आणि मान्यता देता. तुमच्या पेमेंट खात्यात पुरेसा निधी उपलब्ध नसल्यामुळे मँडेटची अंमलबजावणी अयशस्वी होणे किंवा नाकारण्यात येणे यासंदर्भातील कोणत्याही दायित्वासाठी PhonePe जबाबदार असणार नाही.
    6. या सुविधेअंतर्गत PhonePe ॲपद्वारे उपलब्ध करून देण्यात आलेल्या तुमच्या कृती, मँडेट्स आणि मँडेट अंमलबजावणींचे नियमितपणे पुनरावलोकन करण्याची जबाबदारी तुमची असेल. ऑटोमेटेड पेमेंट्ससंदर्भात तुमच्या जारीकर्त्याकडून/पात्र व्यापाऱ्याकडून आकारण्यात आलेले कोणतेही अनधिकृत शुल्क, दंड, विलंब शुल्क किंवा ऑटोमेटेड पेमेंटसंदर्भात तुम्ही निश्चित केलेल्या मँडेट रजिस्ट्रेशन किंवा मँडेट मर्यादेशी संबंधित कोणत्याही विसंगतीसाठी PhonePe जबाबदार असणार नाही.
    7. या सुविधेअंतर्गत उपलब्ध करून देण्यात आलेल्या ऑटोमेटेड पेमेंट्ससाठी RBI/NPCIने संबंधित मार्गदर्शक तत्त्वे/लागू कायद्यांनुसार निर्धारित केलेल्या मँडेट मर्यादांचे पालन करण्यास तुम्ही सहमती देता.
       
11. क्षतिपूर्ती आणि दायित्व
    1. कोणत्याही परिस्थितीत, या ऑटोपे अटींमध्ये नमूद केलेल्या सुविधांचा वापर किंवा त्या वापरण्यास असमर्थता यामुळे उद्भवणाऱ्या कोणत्याही अप्रत्यक्ष, परिणामी, आनुषंगिक, विशेष किंवा दंडात्मक नुकसानभरपाईसाठी किंवा दायित्वांसाठी (वैधानिक दायित्वांसह), ज्यामध्ये नफा किंवा उत्पन्नाचे नुकसान, व्यवसायात व्यत्यय, व्यावसायिक संधींचे नुकसान, डेटाचे नुकसान किंवा इतर आर्थिक हितसंबंधांचे नुकसान यांचा समावेश आहे, परंतु तेवढ्यापुरते मर्यादित नाही, मग ते करार, निष्काळजीपणा, अपकृत्य किंवा इतर कोणत्याही कारणामुळे उद्भवलेले असो, PhonePe जबाबदार असणार नाही. कोणतेही एकूण दायित्व, जर असेल तर, ते कोणत्याही परिस्थितीत संबंधित वैध व्यवहाराच्या रकमेपेक्षा किंवा ₹100 (रुपये शंभर) यांपैकी जी रक्कम कमी असेल, त्यापेक्षा जास्त असणार नाही.
       
    2. या ऑटोपे अटींमध्ये नमूद केलेल्या सुविधांचा तुमच्याकडून करण्यात आलेला वापर, या ऑटोपे अटींचा, UPI वापर अटींचा, गोपनीयता धोरणाचा, अटींचा किंवा इतर धोरणे/अटींचा भंग आणि/किंवा लागू कायद्यांचे किंवा कोणत्याही तृतीय पक्षाच्या हक्कांचे (बौद्धिक संपदा हक्कांच्या उल्लंघनासह) उल्लंघन यांमुळे किंवा त्यातून उद्भवलेल्या कोणत्याही तृतीय पक्षाने केलेल्या दाव्यांपासून, मागण्यांपासून, कारवायांपासून (वाजवी वकिलांच्या शुल्कासह) आणि/किंवा लादण्यात आलेल्या दंडापासून तुम्ही PhonePe, PhonePe संस्था, त्यांचे मालक, परवानाधारक (जसे लागू असेल) तसेच त्यांचे संबंधित अधिकारी, संचालक, प्रतिनिधी आणि कर्मचाऱ्यांना क्षतिपूर्ती द्याल आणि त्यांना कोणत्याही दायित्वापासून मुक्त ठेवाल.
12. सामान्य
    1. या ऑटोपे अटी भारताच्या कायद्यांनुसार नियंत्रित केल्या जातील. यासाठी कायद्यांतील विसंगतीसंबंधी तत्त्वे लागू होणार नाहीत. तुमच्यात आणि PhonePe मध्ये उद्भवणारा या ऑटोपे अटींशी संपूर्णपणे किंवा अंशतः संबंधित असलेला कोणताही दावा किंवा वाद, केवळ बंगळुरू येथे अधिकारक्षेत्र असलेल्या सक्षम न्यायालयाकडूनच निकाली काढण्यात येईल.
    2. ii) या ऑटोपे अटींनुसार उपलब्ध करून देण्यात आलेल्या या सुविधेची अचूकता आणि विश्वासार्हता याबाबत PhonePe सर्व स्पष्ट किंवा गर्भित हमी नाकारते. ऑटोपे फीचर, रिझर्व्ह पे फीचर, PhonePe UPI आणि PhonePe प्लॅटफॉर्मची गुणवत्ता व उपलब्धता याबाबत, ज्यामध्ये विक्रीयोग्यता, विशिष्ट उद्देशासाठी उपयुक्तता किंवा तृतीय पक्षाच्या बौद्धिक संपदा हक्कांचे उल्लंघन न होणे या संबंधीच्या कोणत्याही हमींचा समावेश आहे, परंतु तेवढ्यापुरता मर्यादित नाही, PhonePe कोणतीही स्पष्ट किंवा गर्भित हमी अथवा प्रतिपादन करत नाही. या सेवा “जशा आहेत”, “जशा उपलब्ध आहेत” आणि सर्व त्रुटींसह उपलब्ध करून देण्यात येतात. PhonePe हे केवळ व्यवहार सुलभ करणारे माध्यम आहे आणि व्यवहाराशी संबंधित पक्ष नाही. आम्ही निर्धारित प्रक्रियेनुसार व्यवहारांची अंमलबजावणी आणि प्रक्रिया करण्याचा प्रयत्न करतो. तथापि, या ऑटोपे अटी, PhonePe UPI यांच्याशी संबंधित कोणत्याही दायित्वासाठी, ज्यामध्ये व्यवहार अयशस्वी होणे, PhonePe UPI किंवा PhonePe प्लॅटफॉर्म उपलब्ध नसणे, कोणताही प्रतिसाद न मिळणे, विलंब, प्रणालीतील बिघाड आणि/किंवा व्यवहारांची कायदेशीरता यांमुळे उद्भवणाऱ्या दायित्वांचा समावेश आहे, परंतु तेवढ्यापुरता मर्यादित नाही, PhonePe जबाबदार असणार नाही. तसेच, PhonePe UPI, PhonePe प्लॅटफॉर्म, PhonePe सेवा, व्यवहार इत्यादींच्या कोणत्याही फीचरमधील त्रुटी, अयशस्वीता, व्यत्यय किंवा अनुपलब्धतेसाठीही PhonePe जबाबदार असणार नाही. कोणत्याही व्यवहारातून उद्भवणाऱ्या समस्यांसाठी कृपया तुमच्या जारीकर्त्याशी संपर्क साधा. सर्व व्यवहार हे केवळ पैसे देणारा आणि पैसे स्वीकारणारा यांच्यामध्येच होतात आणि त्यामध्ये PhonePe ची कोणतीही जबाबदारी नसते.
    3. आमच्याकडे जतन करण्यात आलेल्या तुमच्या व्यवहारांच्या नोंदी आणि इतर लॉग्ज हे व्यवहाराचा तसेच ऑटोपे आणि UPI/PhonePe UPI च्या तुमच्या वापराचा पुरावा म्हणून अंतिम आणि बंधनकारक असतील.
    4.  PhonePe UPI च्या वापराच्या अटी, सामान्य अटी आणि शर्ती आणि PhonePe गोपनीयता धोरण यांचा या ऑटोपे अटींमध्ये संदर्भाद्वारे समावेश करण्यात आल्याचे मानले जाईल. या Autopay अटी आणि PhonePe UPI च्या वापराच्या अटी, सामान्य अटी आणि शर्ती तसेच PhonePe प्रायव्हसी पॉलिसी यांच्यामध्ये कोणताही विसंगती आढळल्यास, या ऑटोपे अटींद्वारे सक्षम करण्यात आलेल्या या सुविधेच्या संदर्भात या ऑटोपे अटी प्राधान्याने लागू होतील.